By 芳姐 ( 18 2 月, 2011 at 7:50 上午)
· Filed under 小兒常見病
中醫有云:[小兒肝常有餘,脾常不足.]即是說小兒經常會出現肝火盛,容易扭計發忟憎;而脾胃功能往往不足,消化吸收力差,令體質虛弱,容易倦怠乏力,面黃肌瘦,自汗,盜汗等情況.所以要保護好小兒的脾是很重要的.
[鮮淮山沙參玉竹鵪鶉湯]有健脾益氣,養陰清肺,袪痰等功效.對小兒體質虛弱,容易傷風,感冒,咳嗽很有裨益.
用料是: 鮮淮山4兩,杞子4錢,沙參,玉竹各5錢,生薑3片,紅棗6粒,急凍鵪鶉2隻.
做法: 急凍鵪鶉劏洗淨,出水;鮮淮山皮,切塊,沙參,玉竹,杞子浸洗;將全部材料放入煲內,用8碗水煮約2小時成4碗即成.飲湯吃湯料.
~ 小貼士: 鵪鶉能補益五臟,不寒不燥,最合體弱小兒食用.急凍鵪鶉在大間超巿有售.此湯對糖尿病人及病後,手術後體虛,口渴煩躁人士都很適合.
Permalink
芳姐,請教我仔一歲半,鼻屎有時帶啡色,是否熱氣?面色有時帶小黄,有時又好似正常
睡覺喜歡趴喺度
我可以煲咩鵪鶉湯俾佢比較適合🙏
Chloe:
小朋友鼻膜薄,很易因碰撞而流鼻血,所以要留意你仔仔是否鼻腔有血,可以用蓮藕連(中間那個節),雪梨2個,蜜棗2粒煲鵪鶉湯供服.有助補血涼血,又能增强體質.一星期2劑,全家可飲,煲2小時就成.
多謝芳姨🙏是否要有有泥嗰種蓮藕,一舊便可以?
Chloe:
有泥的較佳,用中間一節就成.
芳姐你好:
請問這款湯可以燉嗎?
thanks
Yan:
這款湯可以燉的.燉2小時就可飲.
kathy:
你可以飲此湯,乾淮山用1兩.加5錢北茋同煮可加快傷口癒合.
芳姐,你好!我在4天前剛做微創子宮切除手術,保留卵巢,此燉湯是否合適?另改用乾淮山可以嗎?
芳姐
想問如果吃素,可以用什麼代替鵪鶉
芳姐,
好多谢你答覆!
芳姐,
请问此汤中的鹌鹑可否用其它食材替代?鸡肉、猪瘦肉可以吗?
Kitty:
如没有鵪鶉,可以用瘦肉或豬肉代替.
Rita:
你可以用淮山4,5片,太子參3錢,隔晚浸軟,第二天配合雞內金3錢,紅棗6粒煲瘦肉湯飲,大約煮45分鐘,有助健脾益氣,開胃,消積滯.一星期2~3次,症狀改善即停.
芳姐:
小女八歲,每晚晚飯總是吃很少,沒有胃囗,上左小學一年級後成日病(發燒,感冒)請問芳姐有哪些湯水可介紹給我。感謝!
SHIRLEY:
仔仔如果没發燒,可以飲此湯.另外用6朵辛夷花拍扁,甘草3片泡茶供服,有助治鼻敏感.
芳姐,
小兒4歲,呢排鼻塞鼻敏感,可以飲此湯嗎?
wing:
你可以幫仔仔在兩餐之間拍背,整個背部拍, 拍到有咳表示該處積痰,要多拍幾吓,然後飲些水,有助將痰排走.此湯可以服.
芳姐,我仔仔1歲4個月大,一向算健壯少病,上星期感冒發燒2日,睇左西醫退左燒,但仍有鼻水(清,量不多),夜晚訓覺(平躺)時會咳,聽落有痰kick住,但不算嚴重,已煲過生薑葱白水、果皮水同川貝燉蘋果,沒惡化也未好得晒…呢幾日成日都好攰,飲呢款湯好嗎? (佢冇病時本身腸胃都不好,所以我都注重健脾),謝謝
芳姐,
請問我小朋友剛感冒完但咳嗽還未清,可飲此湯嗎?他身體比較虛,容易感冒,也有鼻敏感。謝謝
Mika:
感冒未清如果體虛可以煲這款湯供小朋友服.發燒就一定不能服,以免病邪坐大.
謝謝芳姐
芳姐你好,想請教
囡囡兩歲多本身有鼻敏感同易喘,近日返咗學經常發燒加感冒不停地食西藥。
想請問一下有咩湯水食療可以幫到佢增強扺抗力同調理好佢身體?
謝謝!
Jobee:
你可用北茋,防風,白朮,辛夷花各3錢,生薑2片,紅棗6粒,5碗水煮成2碗供服,一星期2次,服半個月試試,可增强體質,預防鼻敏感.
芳姐:
我小兒10個月大,可以飲用這款湯水嗎?另外,我小兒食量不算少,可是總是不胖不長肉,可以食些什麼讓他胖一點?謝謝!
Percy:
小兒只要飲食正常,有胃口,重量正常就成,未必需要白白胖胖的.你可以煲這款湯給仔仔飲.或用雞內金2錢,淮山4片,紅棗6粒煲瘦肉湯,5碗水煮成2碗供服,一星期2次,有助健脾胃,消積滯,助吸收.
芳姐,
早晨!小兒體虛—鮮淮山沙參玉竹鵪鶉湯,鵪鶉喺咪一定要兩隻嘎!一隻可以嗎?
如果冇鵪鶉是否可以用鷓鴣代替?
joanna:
可以用1隻鵪鶉,加些瘦肉會鮮味些.用鷓鴣也可以.
芳姐,
咁需要放肉類一起煲嗎?咩肉類好d呀!要煲幾耐嘎!我仔一日只訓早上一次過後中午就冇在訓覺啦!如果要佢到九點先訓咁佢就會好攰,因為佢喺度中午班。。
joanna:
不用加肉的,可加些少冰糖,好味些.4碗水煲1小時成1碗服.你仔仔讀中午班較難睡午覺,如果放學回來,吃些少點心後讓他睡半小時~1小時,晚飯後2小時飲這款蓮子百合燈芯草糖水,晚些睡應可改善半夜醒及睡不好的習慣.
芳姐,
又要請教你呀!我仔29個月可以講由細到依家夜晚訓得都唔系咁好,好鍾意訓到半夜就喊過後就好早起身,佢本身喺八點夜晚就訓覺(由細開始都喺咁早訓)次次訓到十二點幾就喺度喊,安撫咗佢之後下半夜就可以聽到佢磨牙,我都唔知道點解佢咁細都會磨牙。
所以想請教下芳姐有咩秘方喺可以幫助到呢方面嘅問題?
joanna:
小朋友磨牙是精神緊張,或肚生蟲,現時環境衛生好,小朋友很少生蟲的,我想可能你仔仔屬性格敏感的小朋友,容易精神緊張,要多跟他談話,多讚賞鼓勵他.可以用燈芯草3錢,蓮子,百合各1兩,5碗水煮成2碗供服,可吃些蓮子,百合.有清心安神作用.應該引導他晚上9時才睡,八時睡似乎早了點.
唔該嗮你芳姐…..
芳姐,
茯苓4錢,薏米1兩,白朮3錢,扁豆衣2錢,紅棗6粒,5碗水煮成2碗服在放瘦肉或者鮮魚或者雞胸肉,喺咪?咁要煲幾耐到?
joanna:
茯苓薏米白朮扁豆衣紅棗可配任何肉類同煮.一般煲個半小時就成.