By 芳姐 ( 14 12 月, 2012 at 8:19 上午)
· Filed under 老人病/骨傷/關節病
痛風患者都知道要限制高嘌呤食物,如動物內臟,菇類,豆類食物,海鮮如沙丁魚,鳯尾魚,小蝦,貝殼類及啤酒等食物.過往曾主張無嘌呤食物防治痛風,但在限制嘌呤時,同時限制了蛋白質的吸收,故建議每日對嘌呤的攝取量在75毫克以內,並維持理想的體重,是防治痛風的較好方法.
[山楂陳皮粥]有理氣健脾,降低尿酸功效,對痛風症病人有益,可常服.
用料是: 山楂1兩,陳皮2錢,白米2兩,冰糖適量.
做法: 將山楂,陳皮,白米洗淨,用6碗水煮約1小時,加入冰糖煮溶即可供食.
~ 小貼士: 此粥對高血壓,冠心病者都有益,但胃酸過多人士宜慎服.
Permalink
芳姐：
我奶奶曾中風, 有三高。最近常見不精神，氣弱易疲勞，有時會暈，嚴重時會吃安宮丸才好些。有什麼湯水可以有助保健？
Sally
sally:
你奶奶可以用淮山,蓮子,茯苓,芡實各1兩,雪耳2錢,紅棗機粒煲瘦肉湯服,8碗水煮成4碗,全家可飲,有助健脾益氣,減少疲勞.可連服3劑.
請問孕婦是否可以飲陳皮水….
Winnie:
孕婦可以飲陳皮水.但如果要哺乳,產後就不要飲,因有回奶作用.
芳姐：您好，多謝您教我腳痛用“牛大力1兩,桑枝5錢,牛膝3錢,紅棗6粒煲豬骨湯服”，但請問我這幾天正是月經期間。還有，這2天感覺有少許要感冒的症狀，有口苦口幹的感覺，還未真正感冒。現在能否適合飲此湯，還是要等月經乾淨後以，不感冒的時候才開始服用？謝謝
白蘭花:
你待月經乾淨後才服.感冒服都得.
謝謝芳姐
芳姐.想請教下我大嫂結婚有7年了.近日才懷有bb約個半月.家中大家都好緊張.請問要點樣保胎呢.佢近日有些熱痰.我見芳姐教話用桑寄生煲雞蛋.但要點煲呢.是不是連水都飲埋還是只吃蛋呢.還有没有其它湯水可以保胎和長胎呢.謝謝.
MO:
桑寄生1兩,蓮子1兩,紅棗6粒,雞蛋1~2隻.雞蛋先烚熟;其它材料用5碗水煮1小時,加入冰糖,雞蛋,煮片刻即可供服,飲湯吃雞蛋,蓮子,紅棗.一天分2次服.有些熱痰可以煲些雪梨羅漢果水飲.雪梨1個,去核;羅漢果半個,3碗水煮成2碗服用.
芳姐：
多謝回覆。今日食左幾次藥後都出冷汗驚人，我會試用這個方法燉比阿仔食，另外想問維他命C餅係咩黎？係藥丸定真係餅黎呢？那裡可以買？同埋係咪一早空肚食呢？謝謝解答
阿仔媽咪:
你去西藥房問問就可以買到小兒服的維他命C丸,有果汁味,像吃粒糖,但一天只可以一粒,不宜多服.幾時吃都可以.
芳姐，請問一週要服用多少次？ 可否飯後當湯水飲用？ 我可否一同飲用？ 因我也有腳痛情況。
謝謝！
Winnie
Winnie:
這款湯一星期服3次,至症狀改善為止.此藥主要是治坐骨神經痛.你脚痛是什麼原因引起,要看醫生了解.
唔該晒芳姐
芳姐:
妳好, 有兩個問題想請教芳姐. 血壓低可以飲d咩涼茶清熱? 另外懷孕五個月有傷風咳同有鼻水,可以飲d咩? 有勞…….謝謝
Tai:
血壓低盡量少飲太寒涼的東西,懷孕有傷風同咳,可以沖些鮮檸檬蜜糖茶飲,或滾些生薑芫荽葱魚片水服用,都有助加快康復.
芳姐，你好！
我先生近年有坐骨神經痛引致腳痛，每況愈下，現正接受針灸治療，做了4次，未見成效，會繼續接受治療，希望有幫助。 請問有沒有治療或補益湯水可以幫助？ 謝謝！
Winnie
Winnie:
坐骨神經痛,要繼續接受針灸治療.食療方面,可用桑寄生1兩,狗脊5錢,白芍4錢,牛膝3錢,丹參4錢,5碗水煮成2碗,趁温熱加入田七粉2茶匙飲用,有助舒緩痛楚,加快康復.可去裕華買雲南出的{生田七片],是中成藥,與熱湯一起服,每次3片.就不用拌入田七粉了.
芳姐：
我已經帶個仔睇第三次醫生，醫生都比一d比較强嘅藥，宜家我發覺阿仔係臨訓咳、夜晚咳、跟住早上起身咳，平日少左，希望食埋呢次藥可以睇中醫調理，柿餅我曾經煲過，覺得煲後有澀味，唔知係咪煲得太耐，所以唔敢再煲，想問係咪應該咁嘅味還是我買的有問題呢？謝謝
阿仔媽咪:
杮餅煲後是會有澀味的,如果是韓國那種雞心形的杮餅煲後少澀味,不過最近生果檔很少有售.可用川貝末2錢,陳皮1塊,蘋果1個,去皮切粒,2碗水燉45分鐘,調入蜜糖食用,連服幾天,有助止咳.平時早上返學前可給仔仔吃一粒兒童吃的維他命C餅,另外常服一些純正蜂蜜都有助減少患上呼吸道疾病.
謝謝芳姐
芳姐
我呢排冬天好易餓
一日食4餐
好易食濟
有咩簡單既方法去改善呢個情況?
唔該
TOBY:
如果每餐都吃七成飽,一日食4餐都没問題的.其中一餐可以用生果或沙律代替,就不會吃滯.可泡些桂花綠茶或菊花普洱茶飲.
芳姐你好,想問仲有傷風同咳是否不宜飲用花膠,謝謝
甜心屋:
花膠滋補,但傷風,咳時脾胃功能欠佳,故暫時不宜吃花膠,以免滯胃.
芳姐，本人30歲，我右腳腳板底腳彎處的關節骨覺得痛（即腳指公後面較厚肉處內骨痛），其實我不知應叫什麼關節位，只能這樣形容，不知能否明白。沒有碰傷，是前幾天突然開始痛的，塗搽活絡油幾天都不好，現在走路也不能太快。請教芳姐有什麼方法，多謝。
白蘭花:
如果没有碰傷過,該處關節痛會否與穿着的鞋不合脚有關呢?要穿厚底的舒適鞋或運動鞋,看能否改善?建議如果疼痛持續要看醫生.可試用牛大力1兩,桑枝5錢,牛膝3錢,紅棗6粒煲豬骨湯服,有助强筋活絡.8碗水煮成4碗,分2天服,連服2劑.
芳姐:
妳好,請問孕婦可以飲西洋菜湯嗎?
阿娣:
西洋菜湯只要煲夠2小時以上,孕婦飲都適合,不會太寒涼.
謝謝你的回覆，肺炎好翻之後可以煲什麼湯水給她補身呢？她 5 歲，很瘦，常常唔肯吃飯，唔肯飲水。原來發燒唔可以吃魚腥，真的非常多謝芳姐指教！
咳又可唔可以吃魚腥呢？
謝謝！
SUN:
肺炎好了,可以用虎乳靈芝3錢,雪耳2錢,南北杏1兩,無花果4粒煲鷓鴣湯服,有助强壯肺氣,改善體質.一定要引導她多飲水,否則痰涎積聚在肺部,很易引發肺炎的.多飲水,多替她拍背,都有助將痰排走.脾胃欠佳可以用雞內金3錢,麥芽3錢,紅棗6粒煲瘦肉湯飲,一星期2~3次.咳嗽不發燒可以吃魚的.
芳姐
您好，我仔仔11歲，今日說他右邊胸骨最下面骨位有些痛，想問問題大不大，請錫教。謝謝！有沒有什麼湯水適合他飲用。
Vivian
Vivian:
你仔仔有没有撞親過胸骨位置呢?如果疼痛持續,建議要看醫生作檢查.因為該處應該近肝臟區,疼痛只是一個警號,有時胃腸氣脹或肝氣不舒都會影響,泡些玫瑰佛手柑茶飲都可以改善,但為安全計看醫生了解一下較好.
芳姐：
仔仔5歲，今次佢咳得好厲害，同樓上叫Sun的個案差唔多，開始時已經好咳、有黃綠鼻涕，已經去睇左醫生，醫生話器官發炎，有炎症。於是打左支針、食藥就冇係咁咳，食完藥兩日都仲未好就再睇多次醫生食多兩日藥，但未見好轉，已經冇黃綠鼻涕，但仍然好咳而且多痰，日夜都咳，我都唔知應唔應該再帶佢睇多次醫生食藥，定係開始食中藥調理好？請問芳姐有沒有更好的調理方法或意見，謝謝~~
阿仔媽咪:
小兒咳嗽不止,建議去看多一之醫生,可以叫家庭醫生換咳藥,因為要對症的咳藥才見效.食療只能作輔助治療,痰多你試用川貝末2錢,杮餅二個,切開,將川貝末放入,每個放1錢,放飯面蒸熟(隔水蒸都可以.)一日分2次吃杮餅,有止咳化痰功效.或用鮮龍脷葉1兩,羅漢果半個,蘋果1個,北杏3錢煲瘦肉湯服,都有助化痰止咳.
多謝芳姐指教！
您說鼻涕痰黃黃綠綠表示有炎症，我即時帶姨甥女去看醫生，果然右邊肺發炎，要吃抗生素，您又教我用辛夷花，金銀花各 3 錢，桑葉子 3 錢，北杏 3 錢，甘草 1 錢，4 碗水煮成 2 碗有疏風清熱消炎止咳等功效，但現在鼻涕痰沒有黃綠色了，可唔可以再繼續煲給她飲吃？細 B 剛 1 歲，晚上多啲咳，有痰聲，白天很少咳，有鼻涕白清稀色，沒有發燒，可唔可以同時煲這湯呢？
發燒是不是唔可以吃飯呢？
有咳是不是唔可以吃魚呢？
4 碗水煮成為 2 碗是不是 30 分鐘呢？
麻煩您多多，十分多謝！
Sun:
辛夷花湯可以繼續飲,服西藥後2小時服.細B晚上咳多,可能屬風寒咳,宜用紫蘇葉3錢,北杏3錢,生薑3片,紅糖少許,2碗半水煮10分鐘飲用.發燒可以吃飯,但不宜吃魚腥之物.4碗水煮半小時成2碗.
芳姐﹕
請問平時食得熱氣食物和冷飲多，沙參玉竹無花果蘋果湯，有沒有幫助調理？謝謝！
ib:
沙參玉竹湯主要是滋陰潤燥,但要戒冷飲了,否則會影響脾胃功能,可煲些糖薑茶來飲.