By 芳姐 ( 26 11 月, 2019 at 10:57 上午)
· Filed under 外感/頭痛/呼吸道病, 小兒常見病
天氣轉變，長者、幼兒及體質虛弱人士較易感染上呼吸道疾病，傷風、感冒初起時如果有足夠休息和多飲水，症狀一般不會變得嚴重，如果能用上一些有發散解表功效的食療，有助加快康復。
大家認識的薄荷葉香氣怡人，配些檸檬及蜂蜜泡茶服，能促進血液循環，增强抗病能力，尤其可以消除初起傷風、感冒時鼻塞、打噴嚔、咳嗽、消化不良等症狀。
今天推介用薄荷葉配芫荽、生薑及紅糖煲水代茶服，對上呼吸道感染有明顯的止咳、消炎、消除疲勞、治療頭痛等功效。
用料是：鮮薄荷葉3~4棵，芫菜3棵，生薑4~5片，紅糖適量。
做法：薄荷葉洗淨，切段；芫荽連根洗淨，切段；燒熱3碗水，將全部材料放入滾10分鐘即可供服。
~ 小貼士：此茶清香，有助消除傷風感冒不適，同時可改善消化、緩解嘔吐、噁心及胃灼熱、消化不良。芫荽的根藥性較高，具促進血液循環等作用，能排汗退燒，對小朋友感冒發燒很有幫助，所以最好連根同用。但陰虛內熱、體虛、汗出較多人士不宜服。
Permalink
芳姐、請問莞菜蔥魚片湯，蔥是不是洋蔥或者青蔥？唔該。
鐘太:
是青葱,最好用葱白部份.洋葱去衣切片放碗中蒸半小時,將洋葱汁壓給小朋友服食有止咳作用.
多謝芳姐指教！
坐月期間初起感冒，可以飲用此茶嗎？
karman:
坐月期感冒可飲此茶.要小心衣着,避免被風吹,坐月期感冒治療較平時要多點時間的.
明白。謝謝芳姐！
芳姐妳好，小朋友昨日翻興趣班冷親今日就不停流鼻水，可以煲咩俾佢飲快D好翻？謝謝🙏
訪客:
你可以滾些芫荽葱生薑魚片水供小朋友飲,用量隨意,滾15分鐘,要趁温熱飲,飲完上床休息,微微出些汗很快解表.如有喉痛加皮蛋1隻同煮.
你好，甘尼個湯同生薑魚皮湯，有咩分別？都係感冒初起飲？
打錯，是魚片湯
Kelly:
用魚片是好味些,增加些營養.素食者就不要用魚了.
芳姐你好
兩姐弟一齊作病，家姐3歲多，起錯不停打乞嗤同捽眼，後來開始咳，咳咗約咗三日，未有啖聲，咳聲短開始頻密，仲生咗眼瘡；細佬1歲10個月，鼻塞不停流鼻水，有捽眼，暫未有咳。
應該煲咩比佢哋好，謝謝你！
me lee:
你試滾些芫荽葱生薑魚片水供仔女飲,用量可以稍多些,滾15分鐘,趁温熱飲,有助發汗解表.另外用洋葱1大個,去衣,切片,隔水蒸半小時,用湯匙壓榨洋葱汁供囡囡服,有助止咳.
芳姐你好，前日有d冷親有d頭痛感冒，尋日飲左2次中藥茶包，飲了無乜頭痛了，之後晚上連續兩晚失晚，到日間個人好攰都係瞓得好差，十幾分鐘就醒了，當想瞓果刻好容易個心跳醒，同埋名左好多小便，我諗係d感覺茶吾岩我，會否寒涼所至？這應該煲返d咩湯水飲料至好呢？
還有冷親之前幾日有d便秘好硬，所以包感冒茶我無加薑煲一煲再焗黎飲，所以吾知係咪過於寒涼瞓吾着，本身我身體麻麻虛弱d既
訪客:
便秘加5錢南杏同煮.飲些西梅汁有助通便.
Lee:
你試用紫蘇葉3錢,生薑2片,紅糖適量滾湯服,有助散寒解表.
煲多久呢？
我這裡有時凍加大風，我一吾小心就吹親冷親頭就吾舒服，請問這個紫蘇叶茶也可以飲嗎？還可以介紹多1兩款For我吹凍親即時預防初起？謝謝🙏
Lee:
粉葛對感受外感,頭痛,肩頸不舒服最有效,可以用粉葛煲陳皮蜜棗瘦肉湯飲.紫蘇葉對外感風寒頭痛有益.
芳姐
請教囡囡十個月 感冒 打咳嗽 流鼻水 有啲咳 可以煲些什麼有改善？
Yuki:
你可用洋葱1個,去衣切片,蒜頭3~4粒拍碎,3碗水煮成1碗供服,連服3劑.
芳姐你好，
我層辦公室keep住裝修，沙塵滾滾又多更拿水味
個人聞到好唔舒適，
身邊同事都成日咳同埋皮膚痕，
請問有冇咩湯水/茶 可推介，
感謝萬分
molly:
建議你買些專吸甲醛,有毒氣體的植物如短脚虎尾蘭,黃金葛等放枱面,等植物幫你吸毒氣.可以煲些青欖,青蘿蔔,杏仁,無花果湯服,用量隨意.
我聞到生左好多荷爾蒙瘡，好唔開心
Molly:
唉,真的頗困擾人!希望社會快些回復平靜就好!你試用金銀花5錢煲水作外洗劑,有助清熱解毒.如果買到土銀花療效更佳,土銀花是野生的金銀花,在西營盤149~172號一帶多間中藥店有售,很平的,買定5,6兩備用都好,任何皮膚瘡腫都可以用.
芳姐,你好
BB 21個月大 剛睇完醫生 有發燒 bb好容易有喉嚨發炎 痰多 鼻塞 有咩湯水啱飲.
芳姐 :
做完卵巢切除手術後, 肚子常有脹脹谷住, 晚飯後特別辛苦, 感覺肚子就快要脹爆開,
且又不停有胃氣脹, 工作關係常會忍大小便, 忍到無哂急意, 西醫照胃鏡無食道無題,
無幽門菌, 但發現個胃空肚8小時後仍然脹了大半. 西醫說胃脹是好難攪的.
曾睇過妳介紹的代代花亦不是太見效, 真的好煩苦!
YY:
可去裕華或華潤堂買[香砂養胃丸/片],服用1瓶,會有改善.
芳姐，除咗薑可以止嘔/反胃外，仲有咩可以？
Sally:
紫蘇葉,香砂仁,陳皮等都有助止嘔.
芳姐你好
本人近期看眼科
右眼晴因為視覺膜拉到好簿
是沒有得醫
請问芳姐可否吃甚麼可保謢眼再差下去
擔心人:
你試用金蟬花3錢,蕤(音內)仁肉3錢,杞子3錢,紅蘿蔔1個,豬肝6兩,8碗水煮個半鐘成4碗,分2天服.對任何眼疾都有幫助.一星期2劑.平時可以多吃些紅、黃、橙色肉的蔬果,以及藍莓,桑椹子,黑杞子一類含花青素食物以護眼.
芳姐, 你好
想請問一下
我先生前2天做了割包皮手術, 西醫說不能吃海鮮(魚也不行, 要一個後才能吃海鮮), 太補太涼也不能……..
本來想煮鱸魚湯, 以為可以幫助傷口快點痊癒~
所以請問一下我可以煮什麼湯給他喝呢??
如果杞子蓮子雞湯可以嗎? 會補嗎??
杞子蓮子OK??
請問能建議什麼食物能吃?什麼湯??
他最近都是吃菜, 豬肉, 排骨, 蛋, 雞胸肉, 雞腿肉.
還有…我們都有鼻子不通的情況，請可以煲什麼湯水?
Water:
可以滾這款薄荷芫荽糖薑茶,或用辛夷花3錢滾瘦肉湯服,亦有助通鼻收鼻水.
Water:
可以用北茋5錢煲雞絲(或肉碎)陳皮粥供食,北茋能加快傷口癒合.淮山,杞子,蓮子,百合,紅棗,雞等都可以食,没問題的.只要不吃鵝肉,蝦蟹,無鱗魚,筍,芒果,菠蘿,豬頸肉等發物就成.
芳姐你好，
我小朋友2歲9個月，一返學就好易病，
呢兩年睇醫生已經食左幾次抗生素，好傷身，
今次咳同發高燒醫生又開了抗生素，唉，已完藥，請問有咩湯水可以補好身體？謝謝。
Hailey:
小朋友一上學必定易感染上呼吸道疾病,要等小朋友身體[儲夠]一定的抗體才可減少感染.可以用蟲草花5錢,虎乳靈芝3錢,雪耳3錢,南北杏1兩,無花果4粒煲鷓鴣或鵪鶉湯供服以强壯肺氣.一星期2劑,此湯全家可飲.