滋陰養胃—鮮石斛花旗參杞子鵪鶉湯
友人自加拿大來港，送我一盒花旗參，趁假期有空，決定用花旗參煲些補益湯水調理一下身體。港人一向工作忙碌，甚至會經常捱夜，容易出現口乾舌燥、眼睛乾澀、體虛乏力等不適，太過温燥的補益湯水可能不適合，反而用一些有滋陰清熱、養胃生津、清熱降火的湯水才更為有益。
鮮石斛有滋陰清熱養胃生津作用；花旗參補氣、生津解渴、清熱降火；杞子補肝明目、强壯體質，加上紅蘿蔔清熱利尿、降血糖；鵪鶉滋補五臟，合而為湯，滋補得來又不燥火，無論老少都適合飲用。
用料是：鮮石斛1兩，花旗參3錢，杞子3錢，紅蘿蔔1個，生薑2片，急凍鵪鶉2隻。
做法：鮮石斛沖洗後切段；花旗參切薄片；杞子浸洗；紅蘿蔔去皮切塊；鵪鶉劏洗淨後出水；全部材料除花旗參片外用8~9碗水煮個半鐘，放入花旗參片，熄火焗10分鐘可飲。
~ 小貼士：花旗參含揮發油，如果不是用燉的方法，最好切薄片，待湯煮好後才放入。此湯清香味美，對病後、手術後及產後體虛人士特別有益。但外感發熱者不宜。
~ 各位網友，今晚在「健康嗎」健康資訊平台會有這輯防治失眠的食療播放。大家可以按左手邊最下面「我的連結」一欄，在健康嗎HealthCodeHK上按一下，登入醫師cooking 即可看到有關食療。
芳姐你好，
請問花旗參，太子參同埋黨參可唔可以一齊煲湯？
我奶奶將佢地同石斛麥冬一齊煲湯，話好好，可以補返條氣。係咪真係可以咁煲？謝謝！
多多:
人多飲每樣放3錢可以的,不要太多,以免燥火.
芳姐，多謝回覆
也請教一下，如果黨參要3錢，大約落幾多條？
多多:
黨參有粗有幼,你要用迷仔量器,約11~12克就成.
芳姐你好？
我先生做了開胸切除胸線腫瘤手術10天，有那些湯水而家可以飲？ 石崇魚湯什麼時候可以飲？
謝謝！
Lmy:
手術已10天表面傷口可能埋口,但深層傷口要飲多3~4劑石崇魚湯才成.可以配北茋,黨參,紅棗,生薑同煮.或配薯仔,紅蘿蔔,粟米都可以.
謝謝芳姐。
即是而家可以飲石崇魚湯？
Lmy:
現在可以煲石崇魚湯供服了.
我有嚴重肝衰竭， 有咩湯水可以幫助一下唔好成日發炎。
個肝一發炎個胃成個波禁大。
食咩吐咩！
謝謝
阿寶:
你平時可以多用泥鰍魚煲湯飲,例如配靈芝3錢,淮山1兩,紅棗4粒煲湯,對肝炎患者很有益.也可以用冬瓜皮1兩,赤小豆1兩,粟米鬚1兩煲水代茶服,有助利水消炎.五味子能降肝酵素,可以用3錢,配桔餅2個同煮茶飲.
芳經 想請教 呀女兩歲半 感冒左好耐 之前有發燒 但已退燒 但鼻水仲未清曬 最主要咳 特別夜晚訓左之後 會幾次咳醒 請問俾咩佢飲好呢？謝謝
呀兒:
你試用紫蘇葉3錢,南北杏5錢,辛夷花6朵,3碗水煮15分鐘成碗半,一天分服,連服3劑,有助袪寒止咳,收鼻水.