肺氣腫調理—無花果鮮百合魚腥草湯
長期吸煙人士到了一定年紀，很多都會出現肺部毛病，痰多咳嗽是必然的，嚴重可以出現入睡覺得呼吸困難，主要是煙中的尼古丁傷害了呼吸道，導致肺部腫大了。
除了吸煙者本身，身旁的伴侶也可能因長期吸入二手煙而出現類似症狀，所以為自己為家人都應該積極戒煙。
今天推介這款「無花果鮮百合魚腥草湯」簡單易煮，有清肺止咳、理氣通腑的功效。對肺熱咳嗽、咽乾喉痛、大便秘結者的肺氣腫人士很有幫助。
用料是：無花果5枚，鮮百合1兩，鮮魚腥草2兩，冰糖少許。
做法：無花果沖洗後剖開對半；鮮百合洗淨；鮮魚腥草切段後洗淨；全部材料用4碗半水煮20分鐘，加入冰糖煮溶成2碗即可供飲。
~ 小貼士：魚腥草含揮發油不宜久煮。此湯清香，對任何肺熱咳喘或肺結核出現氣促者都適合飲用。
芳姐，你好。
小兒4歲，佢新年病到依家，開頭冇咳得咁勁，斷斷續續咳，我哋前後都睇左幾次兒科專科醫生，初時係普通傷風，之後話鼻水倒流咳，之後我哋都有睇3次中醫，後來愈咳愈勁，睇兒科醫生話氣管敏感，後來照肺係支氣管炎，食抗生素7日好左但第9日又差返，小朋友咳到唔停，瞓唔到覺，後來復活節10/4 開始發高燒，我哋入院醫生再照肺發現佢肺炎，中左4隻菌😭 要種豆打抗生素+出院食7日抗生素先好返。
剛剛20/5開始流鼻水，鼻塞較勁，晚上瞓覺鼻水倒流有點咳，體溫偏高，醫生聽肺有痰聲，氣管有點敏感，要留意住。請問有甚麼湯水/食療幫助小朋友強健氣管及身體。是否要病好先可以飲用？ 謝謝🙏
Kaman:
你可用虎乳靈芝3錢,川貝3錢,南北杏1兩,無花果3粒燉瘦肉湯供服,連服3劑,如有改善,停2天再服1療程,至康復為止.食療要有耐性,此湯補氣氣,健脾胃.化痰止咳.如鼻水多,另外用8朵辛夷花泡茶供服,可加蜜糖.每日1杯.
你好芳姐，小女4歲，自感冒吃完西藥後一到夜晚就咳，特別是睡覺時候咳到影響睡眠，聽到咳聲似有啖但無啖吐出，睡覺還會鼻塞，請問煲甚麼？謝謝
訪客:
你試蒸洋葱水供服,洋葱1個,去衣,切片放碗中,隔水蒸半小時,用湯匙壓洋葱汁,大約3湯匙供服,有助化痰止咳.一日可蒸2個洋葱水.
小兒五歲，近日晚上入睡不久便咳，聽起來是乾咳聲。早上起牀後便飲奶，不久又有咳聲和少許痰聲。請問怎好？謝謝
Miffy:
你試用桔餅1個切碎,北杏3錢,陳皮1個切碎,4碗水煮成2碗,一天分服,飲2劑,看能否改善?
芳姐、想問呢個湯喉嚨痕可以飲嗎？
Yannis:
喉嚨痕不宜太甜湯水,無花果可以用3粒,可以加3片生薑以袪風.
芳姐，43歲女，已有兩個小朋友分別2同7歲，生完都無什麼腰痛，但近排每排瞓醍後，腰總是腰酸酸痛痛咁，越瞓得耐就越痛，有食療可以幫忙下？謝謝
芳姐,你能回覆一下？謝謝
林小姐:
腰痛要留意是否患骨質疏鬆!先用巴戟,杜仲各5錢,川牛膝3錢,紅棗5粒煲豬展湯,8碗水煮個半小時成4碗,可分2天服,連服2劑,飲4天,有助止腰痛.