消暑抗病毒—鮮魚腥草蘋果花果湯
天氣炎熱，可是新冠確診人數並没有下跌，反而每日都有上升趨勢，專家說香港有可能已進入第六波疫情，所以大家必須提高警覺，要注意多做防疫措施。
魚腥草能消暑袪濕、清熱利尿、止咳化痰。尚有對抗炎症、抗菌、抗病毒功效，很適合疫症流行期間煲湯作保健食療。
現在巿面的生果種類又多又便宜，細細個的紐西蘭蘋果20元有10個，澳洲柑同樣20元10個，實在太便宜了，香港真是福地，想得到的生果都由世界各地運來。買了一大堆鮮果，一下子吃不完，所以用些來煲湯。
蘋果有調節免疫力、降低過敏及氣喘機會，尚有降血脂、降血壓功效。用蘋果配魚腥草、杏仁、無花果煲個甜湯，清香味美，老少合飲，是炎夏消暑抗病毒佳品。
用料是：鮮魚腥草4兩，紐西蘭蘋果3~4個(或其他大的蘋果2個)，南北杏1兩，無花果4粒，冰糖少許。
做法：鮮魚腥草洗淨，切段；蘋果用熱水浸泡數分鐘，將表皮的果蠟浸鬆，然後用少許鹽擦走果蠟及農藥，沖洗乾淨後去核切塊；南北杏浸洗；無花果剖開對半；全部材料用6~7碗水煮20分鐘，加入冰糖煮溶即可供服。
~ 小貼士：此湯材料簡單易煮，是合家歡湯品，也可以去冰糖加瘦肉同煮，除了能消暑抗疫，更有潤肺養顏功效。
芳姐你好,我本身腸胃弱易肚痛,但身體發炎想飲此湯,如果多加兩片薑來避免太寒涼,會否影響消炎功效?
訪客:
可加2個陳皮,更為有益.
您好芳姐，請問這配方是否適合剛剛確診新冠患者？
訪客:
剛患上新冠可以飲此湯.
芳姐，我媽咪中左新冠，今日第6日，仍然陽性。佢話個人好攰，日夜都不停出虛汗成身濕曬，換完衫又濕。行路都無力。咁既情況應該煲咩比佢飲啊？感謝🙏
訪客:
由於病仍屬陽性,不宜進補,可用蘋果,雪梨,無花果各適量,配鮮龍脷葉1兩煲瘦肉湯供服,有助清熱潤肺又富營養.
芳姐小朋友中左新冠，第一日，又咳又多痰，喉嚨又痛，食什麼生果好？謝謝妳
訪客:
小朋友可以食些梨子,蘋果,無花果,青提子,奇異果這類生果,荔枝,龍眼,柑橙等暫時不宜服.
芳姐，咳不是不可以食青提子的嗎？成曰聽老人家說咳不可食提子，橙
另外木瓜可以食嗎？對咳好嗎？
謝謝
訪客:
青提子少量可以吃,但痰多就不宜.橙只有蒸鹽橙可以,鮮橙會增加咳的症狀,木瓜適量吃没問題,如果配雪耳,杏仁煲湯服更有助治咳.
芳姐，吾好意思，想再多問北芪份量多少。可以長期飲嗎？
訪客:
北茋切片1湯匙,可以飲一個月.
芳姐，妳好呀。 我爸爸已經82歲了，他最近因為中了新冠引致四肢無力，血糖突然降低致 2.2 度。入醫院住了幾天。 出院後可能仍然要食抗生素，所以見他都時時很疲倦，四肢仍然無力，成日喘氣。 爸爸本身有遺傳性糖尿病，16年前也通過波仔，一日食十幾款西藥，主要都是一些阿士匹靈，膽固醇藥等。請問芳姐有冇一些簡單的補氣茶可以推薦給爸爸呢？ 因為媽媽也年紀大，也不懂煲太複雜的東西。 所以如果能推介一些較簡單的補氣補血茶給爸爸飲就更好了。
Bon:
你可以買些泡茶飲的北茋切片,細細片的,配杞子半湯匙,椰棗4~5粒一齊泡,有助補氣血.椰棗味甜但不易升血糖.
請問芳姐此茶可以天天飲嗎？ 另外，是否早上飲較好？ 興西藥需要相隔幾小時嗎？ 可否加黨參一起泡呢？ 麻煩你呢。
訪客:
不用天天服,一星期3~4次就成.服西藥隔2小時服就可以.黨參沖泡不宜出味,除非切到很薄.
謝謝芳姐無私的回覆及幫忙 🙏🏻🙏🏻🙏🏻
芳姐你好，請問孕婦可以喝此湯嗎？現在7個月，中了新冠，不斷咳，喉嚨很痛，沒有痰
訪客:
你可以飲此湯,喉痛不用冰糖,改放半個金羅漢果,有利咽功效.
請問服藥期間可以喝此湯嗎？
訪客:
此湯服藥期間都可以飲,隔2小時較佳.
芳姐：您好！
請教無花果用中國出品的干無花果可以嗎？有幾個國家的無花果．功效－样吗？謝謝！
meimei:
無花果美國出的最貴,但少化學物質薰過,你買任何地方出產的無花果,最緊要米黃色,無酸味或異味,乾身就成.太雪白有酸味的不要買.
芳姐你好!
冇鮮魚腥草, 用乾品代替需要多少?
Sin Yee:
乾品魚腥草用5錢就夠,也不宜久煮.
請問在那裹有鮮魚腥草買？
阿慧:
在很多大的菜檔都有鮮魚腥草賣,山草藥檔亦有,應該每個街巿都會見到,你試去找找.
芳姐，您好！
17個月大bb女，上星期一就中左COVID-19, 發燒&耐唔耐幾聲咳，上星期五轉陰，之後都耐唔耐咳下，食左幾次保嬰丹，都冇效
呢2日咳勁左(聽到有痰), 訓醒咳得最勁，尋日開始有鼻水(透明黏黏地)&塞塞地, 請問可以煲呢個魚腥草湯嗎？
謝謝！
Sally:
可以煲魚腥草湯,服2劑,如見效再服1劑.睡前用棉紙巾剪成條狀,捲緊沾温鹽水替囡囡通鼻,有助安睡.不要用棉花捧,會傷BB鼻黏膜的.
想再請教芳姐 呀仔三歲 經常訓覺都成身汗 濕曬 請問是否虛汗？會否影響健康？應該點樣調理番？
呀兒:
盜汗多屬陰虛,可手青仁黑豆1兩,浮小麥5錢,南棗5粒,5碗水煮成2碗供服,連服3~4劑可止汗.
你好，芳姐
bb 8個月大，昨日確診了，有無湯水有助舒緩病情
有咳，鼻水
晚上睡得不好
maggie:
你可以用川貝末2茶匙燉雪梨1個,有助化痰.幼兒可服.睡不好可加3錢百合同燉.燉40分鐘即成.
芳姐 另外 呀仔連續兩次感冒病了成個幾月仲未好番 依家仲有清鼻涕 咳有痰聲 訓覺同朝早起身特格咳 但已經食左好耐西藥 都好似斷唔到 請問有咩可以改善 已經煲過一次虎乳靈芝鱷魚肉湯 謝謝
呀兒:
可用虎乳靈芝3錢,川貝母2錢,北杏3錢,陳皮1個煲蘋果或雪梨湯供服,有助清熱熱止咳化痰.連服3劑.
芳姐你好 呀仔三歲 之前發燒感冒 剛好無意中發現頸側邊有一粒野 類肉淋巴結 按會郁動 去睇兒科 醫生話無需擔心 請問芳姐 呢個情況有什麼需要注意嗎 飲食方面有冇咩注意
呀兒:
你可用夏枯草5錢,浙貝母3錢,金羅漢果半個,5碗水煮成2碗供服,連服3劑,停2天再服3劑,有助消腫散結.
請問夏枯草同金羅漢果會否好涼？
呀兒:
淋巴核屬炎症,也是熱症,故要用涼湯涼水調理.怕寒涼加個陳皮吧!陳皮性温.