預防痔瘡發作—槐花淡菜黑豆花果湯
友人生產後因便秘而引發痔瘡出血，來電問簡單的茶飲，用槐花泡茶服能有效止便血及痔瘡出血。
槐花是涼血止血的良藥，同時能清肝瀉火。對便血、痔瘡出血、血痢、吐血及崩漏等出血症狀都有幫助，同時對肝熱目赤、頭痛眩暈亦具療效。
痔瘡其實並不是瘡，是肛門靜脈曲張引起的症狀，要防止便血和痔瘡發炎及出血，日常需要注意定時排便，少長期久站久坐、少吃辛辣熱氣食物，多做點運動、多飲水及多攝取膳食纖維。
今天推介這款「槐花淡菜黑豆花果湯」可有效預防痔瘡發炎及出血。
用料是：槐花1湯匙，淡菜2兩，青仁黑豆1兩，無花果4枚。
做法：槐花入茶包袋中；青仁黑豆浸洗；淡菜浸洗後出水；無花果剖開對半；全部材料用7碗水煮1小時成3~4碗即成。
~ 小貼士：此湯清香，老少可飲。淡菜俗稱「旺菜」，含豐富蛋白質和礦物質，可預防缺鐵性貧血。能補肝腎、益精血、消癭瘤。健康人士亦可飲用此湯，有補血安神及清肝熱等功效。
芳姐：
我在網上睇到簡單啲焗水的槐花甘草茶，都是對痔瘡有幫助，請問此茶哺乳媽媽適合飲用嗎？
kk:
此茶哺乳媽媽患痔瘡可以飲.
謝謝芳姐！
芳姐你好，做完內痔手術大約1個半月，呢幾日大便後，抹時發現有血，大約有1蚊咁多，同埋傷口有少少痛，我每日都有大便同軟身，請問可以食乜幫助復原同止血？謝謝
小玲:
矮瓜或藍莓所含物質,有助修復受損細胞,現在藍莓當造,可以多吃.葛花茶有助止便血,可去中藥店買些來泡茶服.
謝謝芳姐
芳姐，我每日都有大便，但呢幾日痔瘡脹痛，冇出血，肛門口刺痛，可否飲此茶？另外月經期間飲用，會否太涼？謝謝
小玲:
你可以飲此茶,有助改善痔瘡發作疼痛.來經期間都可以飲,不算太寒涼的.
芳姐，食咗2個星期西藥都冇好轉，所以下星期會做手術，請問手術前、手術後有乜食療可以幫助？謝謝
小玲:
手術前多用些補血的湯水,如蓮藕紅腰豆紅棗排骨湯這類補血湯水;手術後可以飲水就飲蘿蔔陳皮水,以加快排走麻醉藥,小口小口飲,第二天也可以飲多一劑,大口大口飲,有助腸蠕動.用北茋5錢煲瑤柱陳皮粥食亦可加快傷口癒合.
請問蘿蔔陳皮水要煲幾耐？另外我係陰虛內熱型，北茋會唔會太燥？謝謝
小玲:
蘿蔔陳皮水煮半小時即成,隨量飲用,有小便就停.
北茋能加快傷口癒合,配瑤柱滋陰補腎,不怕燥火.
芳姐，我每日都有大便，但呢幾日痔瘡脹痛，冇出血，肛門口刺痛，可否飲此茶？另外月經期間飲用，會否太涼？謝謝
你好芳姐，我現在懷孕四個半月，最近覺得好熱氣，經常生痱滋食嘢咬到條脷，亦都有便秘嘅現象，胃口又唔多好，但又唔敢飲涼茶，請問我可以煲乜嘢改善呢個現象呢？
meiling:
你可能有點陰虛內熱,可以飲些涼湯涼水的.例如竹蔗紅蘿蔔馬蹄水.雪耳杏仁蓮子糖水,空腹早晚吃個蘋果,吃些新鮮西梅,多吃些菠菜等都有助通便.
祝祝：
唔該晒芳姐！
我想問女兒餵母乳的可以飲此湯嗎？
祝祝:
哺乳媽媽可以飲此湯.無花果催奶的,可加多幾粒.
祝祝：
芳姐您好！請問產後1星期可以飲這個湯嗎？
因為我女兒的痔瘡爆裂出血。生之前痔瘡都好嚴重。唔該晒。
訪客:
你女兒痔瘡發作可煲此湯,淡菜最好買大粒些少的,加些瘦肉好味些.可連服3劑.
芳姐你好，
我產後已經有一年多，產後身體容易標汗，
睡覺時更會突別容易標汗 而醒，醒後以為自己太熱，但再翻睡時又會因而發冷。
有時在外小小熱又會好大汗，同產前岀汗情況分別太大。
請問有什麼湯水或可改善？！Thank you!
Ying:
你可用北茋3錢,青仁黑豆1兩,浮小麥5錢,南棗6粒,5碗水煮成2碗服,連服3~4劑,看能否改善?
芳姐你好，早前檢查得知有子宮肌瘤及卵巢早衰問題，想問下有冇咩食療可以改善下同埋想問下黑豆水是否可以飲，有冇話冇咩需要避記既？d醫生講到答左等於無答咁
魚:
卵巢早衰也關乎年齡,如果接近更年期子宮肌瘤會自動萎縮,只要少吃用激素飼養的快大家禽及塘魚,燕窩,雪蛤膏這類含激素高的食物也少食.但可以吃些青口,蠔豉,乳鴿這類令卵巢好的食物.黑豆水可配些黑桑椹子或黑葡萄乾煲水代茶服.
好，因為有系度備孕🫣🫣睇過兩三個中醫，頭一個中醫有開藥調理食左7個月粒肌瘤大左，成日講我血氣不足，跟著轉睇第兩個就有細左少少，搞到咩都避記冇食，想問豆製品，例如豆腐、含有豆類既奶粉是否可食？豆漿有d又話可飲又d又話唔可飲🫣🫣
魚:
黃豆含植物激素,但不是大量食用没問題的.豆漿,豆奶可適量飲用.只要少吃激素飼養的食物就成.
好的，謝謝
Emma:
你可以用北茋,黨參各3錢,杞子2錢,紅棗5粒,生薑2片煲石崇魚或海鱸魚湯供服,有助加快深層傷口痊癒及補氣血,改善疲勞.
芳姐你好，屋企有老人家因膽囊炎需做膽囊切除手術，出院後仍感疲累，需要經常睡覺，請問有什麼湯水適合調理身體呢？謝謝