潤肺止咳—龍脷葉桔餅蘋果湯
所謂「秋燥傷肺」，秋天天氣乾燥，也就容易出現喉嚨乾涸、咀唇皮膚乾裂、咳嗽不止、腸燥便秘等症狀。所以秋天宜多用一些有助潤膚養顏、止咳嗽、潤腸臟的食物，如蘋果、雪梨、杏仁、桔餅、無花果等的食物。
今天在花檔見有新鮮龍脷葉賣，龍脷葉是治療肺熱咳嗽的好材料，故買了一些，早前已買了些桔餅和蘋果，配合甜杏仁煲個甜湯，有潤膚養顏、健脾益肺、潤腸通便等功效。
湯料中桔餅具有潤肺生津、止咳化痰的作用；蘋果既能健脾胃，又能益肺潤腸，而且有抗過敏及增强免疫力的作用，配合能潤肺通便的甜杏仁同煮，自然是防秋燥的上佳食療。
用料是：鮮龍脷葉1兩，蘋果2個，桔餅2個，甜杏仁1兩。
做法：鮮龍脷葉洗淨；蘋果連皮洗擦乾淨後，切塊去核；桔餅沖洗後切塊；杏仁沖洗；全部材料用7碗水煮40分鐘成4碗即成。
~ 小貼士：此湯清潤可口，老少可飲。蘋果最好用鹽洗擦，去掉果皮的農藥及果臘，蘋果連皮用最有益。此湯除了潤肺止咳，對消除疲勞及對腸胃消化力弱人士亦很有益。
你好，芳姐
女兒6歲，早兩星期病咗，有鼻涕鼻塞(近年比較頻密)，近2天有咳、鼻涕呈淡黃色，晚上訓覺會間唔中咳兩聲，咳聲未聽到很大的痰聲，應該煲咩湯水適合呢？謝謝🙏🏻
Step:
晚上咳應該是鼻水倒流引致,故主要可用辛夷花8~10朵,葱白3棵,3碗水煮5~7分鐘服,連服3劑.
芳姐：
你好，小兒4歲 自上個月下旬中完甲型流感後，咳一直未斷尾，早上及晚上訓覺時較為咳多，日間就比較少，間唔中又會有點鼻塞。我之前煲過龍利葉、北杏、金羅果及蘋果湯水，有點療效，但始終未斷尾。請問可以煲什麼藥材湯水治療？十分感謝！
lam:
你試用蘇子,萊菔子各3錢入茶包袋,用來煲瘦肉粥供你仔仔食,連服3~4劑,有助袪痰止咳.
芳姐
你好。。。媽媽有三高，加上有脂肪肝
感冒咳好好返，一郁就好易出汗
請問點樣幫佢調理
謝謝
Iivia:
可以用浮小麥1兩,青仁黑豆1兩,南棗4粒,5碗水煮成2碗供服,連服3劑,有助止虛汗.
謝謝芳姐回覆
其實一般感冒完咳完煲啲健脾胃嘅湯水
好似中醫咁講培土生金
啱嗎？
有無咩健脾補氣嘅湯水推介呢？
感謝
Livia:
感冒好了如怕餘熱未清不宜進補,可以用益氣養陰清熱的湯水,如花旗參老黃瓜赤小豆薏米排骨湯,用量隨意,花旗參片後下,全家可飲.
謝謝芳姐回覆
芳姐，
小朋友6歲最近時常流鼻血，請問煲咩比佢飲好？
謝謝
nedia
nedia:
你可用鮮茅根1扎,鮮蓮藕節3個,雪梨1個,去核,冰糖少許,5碗水煮半小時成2碗,一天分服,有助止鼻血.
芳姐，
小朋友6歲最近時常流鼻血，請問煲咩比佢飲好？
謝謝
nedia
你好芳姐,
小兒之前咳同鼻水, 煲左法夏湯同蘇來子湯, 清得7788, 但佢間唔中就會有幾聲痰咳, 鼻頭總係會濕濕地, 夾雜D透明淺黃鼻水, 但鼻水唔多, 請問可以煲D咩幫佢清埋D尾尾? 謝謝
BOMA:
可以用葱白3棵滾辛夷花水供仔仔飲,滾5分鐘就成.有助解表收鼻水.煲些鮮龍脷葉蘋果羅漢果水供服亦有助袪痰.
夷花水要幾多粒? 3碗水?
另外龍脷葉水要煲幾耐?
謝謝芳姐
BOMA:
辛夷花茶用1碗半水煮就成.用6朵辛夷花.龍脷葉湯煲40分鐘就可以.
謝謝芳姐
芳姐
你好 囡囡3歲半 感冒斷斷續續已有10多天 現時還有些黃黃地鼻涕及幾聲幹咳，西藥剛食完 期間有食過抗生素 請問是否感冒還未斷尾 有冇啲湯水可以清一清 勞煩芳姐推薦 謝謝🙏
Joyce:
你可以用圖中這款湯,不過桔餅改金羅漢果半個,有助袪痰止咳,連服3劑.
謝謝芳姐回覆，囡囡還有些好結嘅鼻涕，請問飲呢款湯是否可以舒緩 還是需要再煲清鼻涕湯水 謝謝🙏
Joyce:
可以加6朵辛夷花同煮,辛夷花後下,大約煮5分鐘就可飲.
好的 謝謝😊
芳姐：
最近脹胃比較敏感及口乾，牙肉腫，可有食療舒緩，謝謝！
Ling:
你可能胃熱及有些虛火,可以用大豆芽菜4兩,雪耳3錢,煲湯豆腐1磚,煲瘦肉湯服,亦可以加些蠔豉或旺菜,以降虛火.此湯全家可飲.胃氣脹加兩個陳皮同煮.
芳姐，請問甜杏仁和杏仁是南杏還是北杏？謝謝
fanny:
甜杏仁即南杏,有潤肺養顏及潤腸功效.北杏又稱苦杏仁,能止咳定喘,但有小毒,不宜過用.