利咽消腫—青欖馬蹄青蘿蔔湯
街巿有檔賣粟米、番薯、薑蒜的菜檔長年有青欖賣，青欖有清肺利咽、生津解毒等的功效。能治咽喉痛，咳嗽痰多，並能解魚鱉毒，還能解酒及消食，被稱為「肺胃家果」。
馬蹄能清熱化痰、消積、清心降火。也是治療咽喉腫痛的食物。上火時、嗓子乾燥用青欖加馬蹄煲水飲很快可舒緩。如再配些青蘿蔔、無花果同煮湯，對秋燥咳嗽，小兒百咳，以及咽喉不適人士十分有益。
用料是：青欖15粒，馬蹄8粒，青蘿蔔1個，無花果4枚，瘦肉半斤。
做法：青欖用刀背拍鬆；馬蹄去皮洗淨；青蘿蔔去皮後切塊；無花果沖洗；瘦肉切塊後出水；全部材料用8碗水煮2小時成4碗即成。
~小貼士：此湯清潤美味，老少可飲。對經常飲酒，及常用煤氣煮食人士亦很有益。
芳姐你好，請問孕婦6個月感冒咽喉痛可以飲用此湯嗎？謝謝
Linda:
懷孕感冒喉痛可飲此湯.要多休息多飲暖水.
請問昵款湯我改用蜜棗的話，落2粒會否太甜呢？
吳老太:
放2粒蜜棗可以的,没問題.
芳姐 你好
請問 小女紅斑狼瘡近日 ， 身體肅瘦不少， 常常有 瘀青 ， 抽血發現血色素低引致疲倦平時想煲湯畀佢有咩可以湯水可以幫到佢呢！ 希望能給予介紹🙏🙏
Anne:
紅斑狼瘡不宜隨便進補,但血色素低可用四紅湯,每日1劑,至症狀好為止.即紅豆1兩,紅衣花生1兩,杞子3錢,紅棗6粒去核,8碗水煮成4碗,可分2天食用,要吃埋湯料.
芳姐, 想請教一下, 老公同仔仔(4歲)上星期腸胃炎, 二人都有肚屙既病徵, 仔仔就有微發燒, 老公就頭痛, 二人屙左2日後情況穩定, 請問可煲D咩比佢地飲? 謝謝
BOMA:
如肚瀉已康復,可用淮山,炒扁豆,芡實各1兩,紅棗5粒,陳皮1個煲瘦肉湯服,有助健脾胃止肚瀉.如肚瀉未好,可用蒜頭6~8粒滾馬齒莧瘦肉湯服,有助殺菌止瀉.如無馬齒莧就用多幾粒蒜子.
多謝芳姐回覆, 上述兩種湯需煲幾耐同埋幾多碗水?
仔仔已沒有肚瀉, 但時不時還會叫肚子痛及要放屁
老公情況差不多, 但仍有稀爛便
這樣的話, 同煲第二款湯給他們一同飲用可以嗎? 謝謝
BOMA:
淮山炒扁豆湯8碗水煮個半鐘成4碗;蒜子湯5碗水滾半小時成3碗.
芳姐妳好：請問開刀生B 第五天可以煲什麼湯水可以上奶？
代茶除咗米水，還有什麼介紹唔該。
訪客:
你可以用青木瓜1個,雪耳2錢,杏仁5錢,無花果5粒煲鮮魚湯,非常催奶,可隔日1劑.
芳姐，請教一下，小朋友3歲，前2天有鼻水早夜咳嗽，今天沒鼻水，白夜都有咳嗽，鼻塞聲沙，可以煲咩湯水對咳嗽好？
訪客:
你可用金羅漢果1/4個,辛夷花8朵泡茶供服,可沖泡至淡.例如一天飲2~3次.
芳姐,盜汗/陰虛火旺,發覺兩樣都存在,請問可以煲什麼湯水?謝謝.🙏
Amy:
你可用青仁黑豆1兩,浮小麥5錢,天冬3錢,南棗5粒,5碗水煮成2碗服,連服3劑,有助止盜汗及滋陰降火.
芳姐,謝謝答覆🙏🙏🙏