利咽生津—青欖蘋果桔餅水
最近教課工作較忙，連續講課喉嚨有點乾涸不適，今天没有課上，去街巿打算買些龍脷葉、蘋果等湯料，以防秋燥咳嗽及咽喉腫痛，可惜在菜檔及花檔買不到新鮮龍脷葉，見青欖大大粒又便宜，於是買了半斤。
青欖有清熱利咽、生津解毒等功效，對喉嚨不適最為有益。秋天是生果的豐收期，蘋果、雪梨、杮子、火龍果、甜橙、沙糖桔等琳琅滿目非常吸引，大大個的富士蘋果20元有5個，真是價廉物美﹗紅蘿蔔、馬蹄也相對便宜，想起家中尚有半包未用完的桔餅，用來配合煲湯，清甜美味又潤喉，更有助預防秋燥咳嗽。
用料是：青欖15粒，蘋果2個，紅蘿蔔1個，馬蹄6粒，桔餅2個。
做法：青欖沖洗後用刀背拍鬆；蘋果用鹽擦洗去農藥，切塊去核；紅蘿蔔去皮切塊；馬蹄去皮洗淨；桔餅略為沖洗；全部材料用8碗水煮1小時成4~5碗即成。
~小貼士：此湯清潤，老少可飲。對小兒久咳、扁桃體容易發炎者亦很有益。
如果小朋友咳有痰可以飲呢個湯嗎？
訪客:
小朋友有痰咳可飲此茶.但桔餅1個就夠.
謝謝你，咁我明白可以煲比阿女飲啦
你好芳姐，
我係陰虛內熱的女子。
近日我條脷腫痛，脷苔比較厚同白，邊有齒印，另外，仲爆埋瘡，喉嚨又少少白痰，無乜精神。請問可以煲乜嘢？唔該！
Claris:
你先用雲苓,白朮,扁豆衣,澤瀉各3錢,陳皮1個,甘草2錢煲水半小時代茶服,連服3~4劑,先健脾袪濕才能煲些補益湯服.