止咳化痰定喘—白果杏汁豬肺湯
這陣子很多小朋友患上呼吸道疾病，就算吃藥後燒退了喉嚨仍然有痰，咳喘不休，用川貝末燉雪梨陳皮水會有一定幫助，如果一家人飲，用白果杏仁煲豬肺湯就非常適合這季天時飲用。
豬肺雖然處理花時，但煲湯後非常美味，可以着豬肉檔代為灌水清洗，自己回家洗可將喉管放水龍頭處灌水，待漲大後用針刺穿表面等血水流出，如事者兩三次豬肺發白就成。豬肺切大塊後出水，清洗淨後如果考究一點，爆香薑片將豬肺投入炒乾更佳，用不完的可放冰格儲存。
白果有止咳定喘作用，而且有化痰之功，對婦女白帶，尿頻，男性遺精、滑精等均有裨益。
用料是：白果15~20粒，南北杏5錢，杏仁粉2湯匙，陳皮1個，豬肺半個，排骨半斤。
做法：白果去殼、去芯；杏仁粉用少許水調開；陳皮浸洗，豬肺處理乾淨；排骨出水；全部材料(除杏仁粉)用9碗水煮2小時成4碗，調入杏仁粉煮片刻即成。
~ 小貼士：白果芯有小毒，一定要去芯才煮。此湯清甜美味，除了能止咳喘，同時有養顏護膚的功效，也適合夜尿多人士飲用。
芳姐，你好！
女女5岁，有轻微中耳炎之前发低烧发咗2日，咳嗽鼻涕一个星期，今日突然发烧40度，饮咗芦根薏米鱼腥草3日，但今日突然高烧，有咩食疗帮到距？鼻涕黄，痰既颜色时白时黄。耳仔情况医生检查话唔算太严重，里面有d红但无肿同积液。
Vicky:
燒不退表示病邪未趕走,必須吃消炎藥才成。食療只能作輔助治療，可繼續煲些蘆根薏米水及鮮魚腥草瘦肉湯供服,有助清熱消炎退燒.
芳姐，你好。
多谢回复，因为我个女对消炎药有d过敏反应，医生见距耳仔唔系太严重，所以话先观察，所以无开消炎药，鱼腥草芦根薏米都饮咗几日，自己系屋企给退烧药距食，今日就系低烧，但系鼻涕好黄，仲有几声咳。精神好翻好多，耳仔情况都有好转，但就系唔知点解唔完全退。我担心鱼腥草饮超过三日会唔会有问题？
Vicky:
由於一般藥材較難去到耳部,所以要靠西藥滴耳及消炎藥慢慢消炎,不用太担心!燒完全退了表示炎症已開始康復,鮮魚腥草雖然寒涼,但農材差不多當野菜食用,故可以多用2~3劑.鼻水多可用8朵辛夷花泡茶供服,可加蜜糖.
芳姐你好，
我同老公中了腺病毒之後，一直也咳嗽唔好，
夜晚尤其嚴重，想問可否每天也飲這湯調理。
謝謝。
小丁:
此湯能止咳定喘,你先生可以隔日飲,最好吃些湯料,尤其是白果,但以15粒為限,白果一定要去芯.
你好!小兒6歲，自十月中有支氣管炎，看過西醫好返一些後又出現痰咳，直到現在還有痰咳，中西醫都看過了，還是解決不到痰咳這個問題，在最近兩個星期，他的痰常卡在喉嚨，他又不懂吐出來。尤其是到晚上，次數較日間多。怎好？
另外，他適合飲合掌瓜红蘿蔔粟米海底椰嗎，thanks 芳姐
芳姐
小朋友4歲，佢好容易就被人傳染成日病，最近佢又病了上呼吸道感染，係咁咳間中有鼻水仲未好返，咳為主，可以煲咩湯水俾佢飲？
醫生話佢有氣管敏感好易病，佢好返之後我可以煲咩湯水俾佢調理冇咁易病？
YY:
小朋友一下學校即容易受感染,要身體儲夠[抗體]才可減少發病.[玉屏風散]是預防傷風感冒配方,能增强小朋友體質,可去裕華,華潤堂,或農本方購買.西營盤一帶的中藥店亦有沖劑賣.另外病好後可以多用虎乳靈芝3錢,雪耳3錢,紅蘿蔔1個,紅棗6~8粒煲瘦肉湯,有助强壯肺氣,減少過敏咳嗽.
佢而加未病好可以俾咩佢飲
YY:
紅棗含有一種能抑制人體內過敏細胞,令這類細胞不會太過活躍,故對小兒久咳或敏感咳,可用10粒紅棗,去核,切片,紅蘿蔔半個~1個切薄片(最好頭大身細有泥那種)5碗水煮成2碗供服,連服3劑.
你好；芳姐
我個仔就嚟三歲；最近呢幾日都係咳；日頭少咳；半夜瞓覺嚴重啲；聽到咳聲係有痰；唔知係寒性定係熱？呢種情況係咪都可以用雪梨燉川貝？定係有其他食療幫助？麻煩晒。
mandy:
雪梨燉川貝對熱咳好些,你可用蘇子,萊菔子各3錢入茶包袋,煲瘦肉粥供食,連服3劑,每天隨量食用,對夜咳,痰咳有幫助.
JSM:
肚痛有可能腸胃的菌尚未完全趕走,或消化不良,簡單的食療可以用蒜子5~6粒,生薑3片,紅糖少許,4碗水煮成2碗供一天分服,有助殺菌暖胃.如果屬消化不良,用淮山1兩,雞內金3錢,炒麥芽5錢,紅蘿蔔1個煲鷓鴣湯,煲2小時成3~4碗,全家可飲.
芳姐：
請問2歲小朋友腸胃炎已經好返2星期多，但有時都會話肚痛，食嘢正常，仲食得多過以前，便便都係偏硬（平時都係），會係咩原因肚痛?係咪濕熱?可以煲咩湯水?我想煲鷓鴣，但應配搭咩材料？