減壓抗焦慮—紫蘇葉檸蜜茶
紫蘇葉有散寒解表、理氣和中、解魚蟹毒等作用，常用於外感風寒、頭痛鼻塞、咳嗽、嘔吐等，同時泡茶飲很頗適合懷孕婦女服用，因為紫蘇有很好的安胎作用，它所含有的紫蘇油物質能讓胎兒的腦神經細胞發育數量多、功能强及長得更好。同時可改善孕婦情緒低落。
用紫蘇葉配具有生津健胃、化痰止咳功效的鮮檸檬及蜂蜜泡茶服，有健腦減壓、抗焦慮、散寒止咳等功效。
用料是：紫蘇葉2錢，鮮檸檬片3片，蜂蜜適量。
做法：將紫蘇葉放入壼內，用開水沖洗一次，加入鮮檸片後再注入開水，焗5分鐘後調入蜂蜜即成。
~ 小貼士：此茶清香，老少可飲。對初起風寒感冒、鼻塞頭痛、咳嗽亦有效，可沖泡至淡。
芳姐，我個人易焦慮，請問有冇咩食療，可以令我放鬆點？
May:
你可用小麥米1兩,茯神5錢,丹參3錢,百合5錢,圓肉10粒,5碗水煮成2碗服,一星期2劑,有助舒緩情緒.
芳姐你好，本人懷孕35周多。最近得重感冒。食了藥但效果極微。鼻塞好嚴重，喉嚨痛兼有痰咳不出，困擾已手接受一星期，好擔心再食藥會影響到bb，請問還有什麼食療可以幫到我？
k:
懷孕感冒要多飲水,多休息.例如用白蘿蔔半個至1個,雪梨1個,去核,陳皮1個,5碗水煮成3碗, 一天分服,或用鮮檸片加蜜糖調服,喉痛時可用温鹽水潄口,有助舒緩.早上煲些腐竹馬蹄白粥食亦有幫助.用量隨意.
芳姐：請問煲八珍湯時可以放些什麼令到無咁胃氣脹，謝謝！係咪南棗和熟地會影響？謝謝你！
Karen:
八珍湯用量減半,一次不宜太多,情願少食多餐.可加些陳皮和南棗同煮.
芳姐你好.2023年尾問過有關咳嗽.當我覆診政府牛頭角DR.將病況告知.翻查記錄話我比2022年瘦咗10kg,直刻要我照肺.抽血驗大小之類,開藥還有抗生素.到有照肺報告.覆診話我食晒佢啲藥都冇用,幫唔到我,建議我入醫院,寫咗一封詳細有關資料DR.信,叫我拿去急症室,去咗瑪麗就即刻收我,住四日又要轉藹量洪,又要照肺之類,係肺炎,要打強力嘅抗生素,後來要我照電腦掃瞄才清楚病毒存在,但要自費外出,有報告返係有病毒肺有小小花右邊還有一個小孔,內裡有細菌,但入住瑪麗/藹量洪都冇咳藥比過我,咳時有好多白痰,見對面床有化痰素問才比,一共住咗四日瑪麗藹量洪四日又要出院,再入藹量洪六日要出院,一路都冇比藥食,要22-02-2024再入藹量洪,要照支氣管鏡檢查,抽啲組積睇清楚,我一個人住,日夜咳到氣喘自己都驚!我現在晚上都有出汗,有時一至兩三次不等,又唔係晚晚無定時.在醫院一樣有出汗.DR.都冇理會,芳姐肺炎是否不用食藥?又一定要睇組積先開到藥食,現在可㷛什麼食療幫到咳冇咁辛苦?🙏🙏🙏
amy poon:
肺炎必須看醫生吃藥才能治理好的.食療只能作輔助治療.如果你出汗多,不妨用五味子5錢,甘草2錢,4碗水煮半小時成2碗服,有助歛肺止咳及止汗出,要服用一段時間才成.韓國超巿有五味子汁賣,都可以配些甘草水或蜜糖加適量温水調服.
謝謝芳姐提點,🙏🙏🙏
你好芳姐，
前陣子試煲你介紹的節瓜黃豆金蠔排骨湯，我家人一致讚賞好飲🥰
請問今次介紹的紫蘇葉如果是乾貨，份量是否一樣？謝謝你
麥太:
紫蘇葉今次用乾貨,鮮品可用5錢.
謝謝，芳姐🙏