補心益氣健脾胃—淮杞玉竹麥冬鷓鴣湯
今天是年三十，大家都會煮頓豐富的晚飯闔家同慶祝。在此恭祝各位網友龍年龍馬精神﹗大吉大利﹗心想事成﹗
俗語說「無雞不成宴」，過年前活雞檔的鮮雞售價自然急升，急凍肉食店的家禽則似乎没有起價，所以煲湯料我就買了隻急凍鶶鴣，配點淮山、玉竹、麥冬等材料，補而不燥。買了鷓鴣，見生果檔的蘋果紅艷艷色澤美麗，20元竟然有7個，實在便宜，所以決定用兩個煲湯代替紅蘿蔔，湯味不但清甜可口，更有補心益氣、潤肺生津、健脾止瀉等功效。
用料是：淮山1兩，杞子3錢，玉竹5錢，麥冬5錢，南杏5錢，蘋果2個，生薑3片，鷓鴣1隻。
做法：淮山等材料浸洗；蘋果連皮洗擦乾淨，切塊，去核；鷓鴣劏洗淨，出水；全部材料用9碗水煮2小時成4~5碗即成。
~ 小貼士：此湯清潤，老少可飲，不但能强肺氣，同時更能養顏潤膚，對預防上呼吸道疾病亦有幫助。
~ 圖中我和維特健靈公司的女主持人Brittany，合作拍攝團年美味滋補雞湯的短片。肴望大家可以登入“健康專家 Health Expert – Facebook ”瀏覽。謝謝大家﹗
芳姐你好,
我氣虛 同埋容易呼氣不順 個人另外熱底 可以飲咩湯？謝謝
Michelle:
你氣虛又熱底,可用太子參5錢,淮山1兩,虎乳靈芝3錢,無花果4粒,生薑3片煲鷓鴣或竹絲雞湯服,有助益氣養陰,强壯肺氣.
謝謝芳姐
另有茶推介嗎？
Michelle:
可以沖服一些花旗參石斛粉,或用花旗參1小撮,鮮石斛5,6條切段泡茶服,能益氣養陰.
十分感謝
請問呢個小朋友可以飲嗎？謝謝
Yanlee:
圖中這款湯小朋友可以飲的.
請問芳姐，女女11歲，啱啱燒咗幾日，退完燒可以煲尼個湯水補下身嗎？謝謝🙏🏻
Sherry:
只要囡囡没有發燒就可以飲此湯.
你好芳姐，新年快樂！
現懷孕23週，皮膚有d 乾痕，手有出粒粒，似係濕疹。想請問有咩湯水/茶療可以舒緩？謝謝🙏
mama:
懷孕皮膚乾及痕癢,可用青仁黑豆1兩,黑芝麻5錢,黑棗或南棗6粒,5碗水煮成2碗服,一星期3劑,有助清熱解毒止痕癢.平時不要吃發物如筍,鵝肉,蝦蟹,芒果,無鱗魚等發物,辛辣煎炸食物少吃為宜.
新春愉快,如意吉祥！
MoMo:
祝龍年身體健康!萬事如意!