糖尿高血壓病調理—甜菊決明子茶
有些植物很神奇，少少幾克葉片甜度竟是砂糖的2、3百倍，之前買了一小包甜葉葉，泡花草茶時只要放4、5片左右已經很甜，但我覺得甜味有些怪，不及金羅漢果的味道好味。但其實甜菊葉是糖尿病者首選的天然甜味劑，能有效降低血糖，降低血壓，軟化血管、幫助消化、消除疲勞、及有減肥功效。
今天推介這款「甜葉決明子茶」對高血壓、糖尿病屬陰虛陽亢，症見頭暈頭痛、目脹眼花、口渴、便秘者十分有益。
用料是：甜菊葉1湯匙，炒香決明子1湯匙。
做法：將甜菊葉和炒香決明子放入壼內，先用開水沖洗，再注入攝氏80度左右的開水，焗10分鐘可飲。可沖泡至淡。
~小貼士：由於甜葉葉屬半發酵茶，為免營養流失，宜用80度左右的水温沖泡。但甜菊葉性寒涼，胃寒及體質虛寒者不宜過服，孕婦忌服。
芳姐，
水泡已結痂，但仍感到大範圍痛楚，請問可㷛甚麽湯水可以有幫助？
謝謝。
訪客:
可以用綠豆,生薏米各1兩,陳皮1個煲糖水服,如有新鮮馬齒莧,放2兩同煮對生蛇人士十分有益.
謝謝芳姐🙏🏻
芳姐，
水泡已結痂，但仍感到大範圍痛楚，請問可㷛甚麽湯水？花茶？
謝謝。
忘記講之前生蛇，現在已結痂。
🙏🏻′
芳姐：
你好，經期第5日未完全完，還有少許經血，能否飲四物湯？因經期中段開始眼皮好重，疲倦，有點頭暈和肩頸酸痛！可以怎舒緩？謝謝！
婷婷:
頭暈肩酸痛,可用粉葛1斤,赤小豆,扁豆各1兩,紅棗6粒煲排骨湯,全家可飲,有助舒緩不適.四物湯經期後才煲來飲.
芳姐,你好
BB14個月大,手關節位和面發濕疹,初生時皮膚已好差,浸芫茜金銀花外服,內服蘋果雪梨水、竹蔗粟米蘿蔔水都無用,請問可以煲咩湯水/茶飲幫助佢皮膚問題? 感謝!
小朋友食慾不差,身高體重都係平均以上,亦不見佢成日發脾氣R 痕,
細個時睇過幾個兒科,都係開類固醇藥膏,亦斷唔到症是否濕疹,只說大個D 皮膚油脂線發展好就會好D
皮膚問題時好時壞,似乎唔太影響BB 自己,但媽媽同老人家見到都好肉赤 哈哈
感謝芳姐既意見!
芳姐,你好
BB14個月大,手關節位和面發濕疹,初生時皮膚已好差,浸芫茜金銀花外服,內服蘋果雪梨水、竹蔗粟米蘿蔔水都無用,請問可以煲咩湯水/茶飲幫助佢皮膚問題? 感謝!
小朋友食慾不差,身高體重都係平均以上,亦不見佢成日發脾氣R 痕,
細個時睇過幾個兒科,都係開類固醇藥膏,亦斷唔到症是否濕疹,只說大個D 皮膚油脂線發展好就會好D
皮膚問題時好時壞,似乎唔太影響BB 自己,但媽媽同老人家見到都好肉赤 哈哈
感謝芳姐既意見!
抱歉,以為無送出按錯了,送出左兩次
chan:
你試用較熟香蕉,將皮清洗乾淨,用香蕉皮內裡白色那層在BB皮膚患處塗擦,15~20分鐘用濕手巾抺淨就成,一日2次,塗3天看能否見效?反正外塗不是吃下肚,没副作用的.
芳姐好，
請問生蛇可以㷛咩湯水，花茶？
謝謝🙏🏻
Christine:
生蛇可以煲些綠豆薏米陳皮糖水服.或用鮮茅根1扎,紅蘿蔔1個,馬蹄6粒,生薏米1兩,竹蔗1段,5碗水煮成2~3碗,一天分服,連服3劑.
謝謝芳🙏🏻