清熱袪濕—粉葛三豆薏米排骨湯
天氣時晴時雨，濕氣重，加上患流感的人士增多，大家除了要注意個人衛生外，去乘搭交通工具及去人多地方最好戴個口罩以防受到感染，平時多煲些有助清熱袪濕的湯水對預防疾病亦有一定幫助。
粉葛素有「南方人蔘」之稱，它能通暢血脈，保護心血管，滋養肝臟，並有降血糖、降血脂等功效，對感冒初期肩頸肌肉緊張及發燒不適有緩解作用。
用粉葛配合綠豆、赤小豆、扁豆、薏米煲湯服，能清熱氣，袪除體內濕氣，並有助提升抗病能力。
用料是：粉葛1斤，綠豆1兩，赤小豆1兩，生薏米1兩，蜜棗2粒，陳皮1個，排骨半斤。
做法：粉葛撕去外皮，洗淨切塊；三豆及薏米、陳皮浸洗；排骨出水；全部材料用9碗水煮2小時成5碗即成。
~ 小貼士：此湯清甜好味，老少可飲。對三高症及飲酒過多人士亦十分有益，但脾胃虛寒人士不宜。
你好，芳姐，剛買齊材料才發現胃寒人士不宜此湯，有甚麼可加進去補救嗎？
吳老太:
可以加多個陳皮,放些紅棗,生薑同煮就可減少寒涼之性.
芳姐：
我小朋友10歲 佢3月份左右上呼吸道感染發燒咳 ，睇醫生食藥後好轉過 但之後又再係甘，到醫院照過肺沒有問題，但咳唔斷尾，早上都有咳 但晚上睡教時咳更利害，有痰但唔識咳出來……我煲過龍脷葉 ，桔餅，雪梨乾，都試過 都沒有什麼效用。請問下有冇其他湯水可以幫佢舒緩下 小朋友食藥都食到怕了。
謝謝妳
vian:
你可用虎乳靈芝3錢,川貝3錢,雪耳2錢,南北杏1兩,百合1兩,生薑2片煲鷓鴣湯,有助健肺氣,袪痰止咳.煲2小時,全家可飲,小朋友連服2~3劑.
謝謝芳姐
芳姐：
你好芳姐，我小朋友1歲半個月大，4日前中左RSV , 常打乞嚏，有清鼻涕， 鼻塞， 咳嗽有痰，但唔識咳出來， 頭2日試過燒過38度，之後體温 keep住36.9-37.9上落， 食咗三日西藥 ，冇進展， 冇胃口， 食得好少嘢同唔肯飲水，個人好攰，請問下有冇其他湯水可以幫佢舒緩下，謝謝妳
另外我有泵人奶， 比bb傳染咗， 今日有少許清鼻水，咳， 喉嚨好痕， 唔想食西藥， 近期因工作減左一次泵奶，之後病左加黎經， 奶量急跌， 想問下可以煲啲咩嘢飲下， 可舒緩下病情又可升返少少奶量， 謝謝
CY:
你可先用薏米1兩,蘆根5錢,淡竹葉3錢入湯袋煲瘦肉小米粥供幼兒服,有助健脾胃及退燒,連服3劑,隨量服食就成.你可用青木瓜1個,百合1兩,雪耳2錢,無花果4粒煲豬展湯服,有助催奶,及潤肺化痰.連服3劑,最好吃些湯料,全家可飲.
感謝芳姐
芳姐，你好。
近日咀角有痱疵。及陰部/屁股有一些，像暗瘡。煩請介詔食療湯水。
Catherine:
你可以用赤小豆,綠豆,薏米,蜜棗煲粉葛瘦肉湯服,有助清熱氣,袪體內濕氣.
芳姐你好，
粉葛好硬要點樣切呢？
訪客:
粉葛打直破開較打橫切容易,因為實在太硬,先打豎破開幾塊,然後才打橫切就容易切開了.
芳姐祝： 祝母親節快樂！ 想請教一下我爸爸92歲，有前列腺肥大用緊尿袋排尿，身體也很虛好瘦，冇乜胃口，想煲點湯水給他，請問我可以煲什麼湯調理？
Amy:
如果前列腺炎初起去萬寧買[前列腺丸]服一瓶即可見效,但如果已患病一段時間可能要服多兩瓶.食療可以每天服食煮過的番茄,因為番茄紅素對防前列腺炎有幫助.但番茄紅素必須煮熟才釋出.多吃些海藻亦有益,例如用番茄,紅蘿蔔,海藻滾瘦肉湯供服亦佳,要吃些湯料.
芳姐，您好！我的下巴經常出現片狀紅，沒有疹子及其他的，很是苦惱，請教芳姐該喝什麼湯水呢？
訪客:
皮膚病多種多樣,可能跟吃食有關,如對某些食物敏感都會出紅疹或紅斑.我自己一吃靈芝菇,秀珍菇一類少吃的菌類便出紅疹,百試百靈,所以不敢再吃.可以煲些綠豆薏米糖水清熱解毒.
芳姐：
我今天開始為期三天吃有機大豆芽.希望可以去除耳朵上的疣,但只吃大豆芽後覺肚餓,可以吃其他食物嗎？謝謝你!
Simon:
可以吃些梳打餅不肥膩的食物.三天療程後可能要一個星期左右才消疣.期間如用薏仁粉開水,蜜糖調成糊狀塗擦患處效果更顯.薏仁粉有助殺疣病毒.
謝謝芳姐提示.
芳姐:
我耳殼內生了一粒疣(約6mm),依足你的方法.每天三餐只吃大豆芽(加薑2片).吃足三天(餓時吃梳打餅).再用薏仁粉加開水和蜂蜜每天塗患處一次.那疣在兩星期已完全消失
Simon:
謝謝分享!這食療對生疣的網友很有用的.
芳姐：
感冒好了，但咳嗽未好帶痰(白色)，口一乾咳飲多水胃脹，睇中醫話舌好濕帶有虛火困住，但飲藥未好，加上谷經期，個人好累，可以怎樣舒緩咳嗽，謝謝.
Kelly:
你可用鮮龍脷葉2兩,南北杏1兩,蘋果2個,去核,無花果4粒煲瘦肉湯,煲個半鐘,全家可飲,有助清熱化痰止咳.