潤肺止咳—北茋麥冬五味子茶
患上感冒或中了新冠康復後可能仍然出現不少後遺症，如不斷咳嗽、氣喘、疲倦、精神不振、汗多甚或有失眠等症狀，故病後不妨用一些食療作調理。
今天推介這款「北茋麥冬五味子茶」有清熱潤肺燥、止咳平喘、改善疲勞、助安眠的作用，對感冒及新冠病後不適很有幫助。
北茋即黃蓍，功能補氣養血、調理脾胃、調節免疫力、止虛汗。麥冬則生津解渇、潤肺止咳，並能抑制多種細菌，提升免疫功能。五味子能歛肺氣、止咳、改善盜汗、改善疲勞及失眠。
用料是：北茋切片1湯匙，麥冬1湯匙，五味子1湯匙。
做法：將全部材料沖洗後，用3碗水煮10分鐘成2碗即可飲用。
~ 小貼士：此茶也可以用開水沖洗後再注入開水焗15分服服，對神經衰弱及精神疲勞、免疫力差人士很有益。但孕婦不宜服。
芳姐，你好
幾個月前著涼感冒流鼻水，咳嗽時好猛烈喉嚨好似有野刺激，好多痰湧出，眼淚鼻水標出，而且咳上大 約十分鐘，一直在廁所吐痰，有時咳到想反胃，又試過刺激到頭痛，心口痛，喉嚨劇痛，咳到標汗心跳，好辛苦。西醫話聽個肺冇問題，鼻水倒流，要等佢自己好，食咗幾輪西藥變左咳唔出，睇中醫至今未好，兩個手臂怕冷氣，最近中醫話我冇感冒，係個胃差唔夠氣，咳起就好辛苦。唔咳就冇流鼻水，間中會打乞嗤
我平時喉嚨好似有啖野黏住，唔知會唔會胃酸倒流或是其他原因。至今已經幾個月，我飲過陳皮水，請問有冇食療幫助，我67歲，做左通波仔手術裝咗一個支架，因為食亞士匹靈會胃痛，所以要長期食抗血小板凝聚藥和膽固醇藥。
謝謝你。
MayC:
你的情況有些複雜,先袪痰及收鼻水,可用法夏,茯苓,白朮各3錢,陳皮2錢,甘草2錢,辛夷花3錢,生薑2片,5碗水煮成2碗,辛夷花後下,一天分服,連服3劑.
芳姐你好，醫生話我血壓低，做曬所有檢查都搵唔到原因，我而家成日頭暈作嘔，成日抖大氣，企耐少少都頂唔順要坐底，請問我可以煲d乜嘢湯水幫助到？ thx
Joby:
你可以去買些薑粉及肉桂粉,每天飲熱飲時加些少下去調勻服,有助升血壓,初期量少些,適應了才用多些少.另外用黨參5錢,黃精5錢,甘草2錢,5碗水煮成2碗服,一星期2~3次.對氣虛頭暈者有益,服半個月試試.
係咪黃精？
唔該芳姐
仲有呀，芳姐，我成日生飛滋，請問呢個湯可以飲嗎？
Joby:
經常生飛滋,黨參可改用花旗參.薑粉可用,肉桂粉大熱暫時不要用.
唔該晒，芳姐
早晨芳姐，兒子5歲，剛感冒痊愈，很奇怪的是全日都唔會咳，但夜晚訓左大約一個幾鐘之後，就會不停咳，持續10至15分鐘，之後又會停一停，隔幾個鐘之後，又會續住咁咳，請問有咩辦法？謝謝。
Bo ma:
你可用紫蘇葉3錢,生薑3片,紅糖少許,3碗水煮15分鐘供仔仔服,連服3劑,有助散寒止咳.
芳姐，兒子五歲的咳嗽還未好，已經看了中醫，中醫診斷是脾胃濕，啲痰卡住氣管出唔到嚟，而佢又唔識吐痰，每次咳都聽到有痰聲，請問有咩食療可以幫到手？感謝。
Bo ma:
你可以煲我今天介紹的三豆冬瓜湯供仔仔服,冬瓜要連皮及連籽一齊煲,陳皮可加多1個,有助消暑去濕袪痰.蜜棗可能惹痰,暫時可以不用.
芳姐你好，
小兒5歲因肺炎住了4日院，食量十分差，今日出院仍要繼續服抗生素，仍有少許乾咳。現階段有什麼湯水食療能為他補充營養和增強抵抗力？我們在澳洲現正入冬，天氣濕冷的。
Michelle:
你可以多用紅棗,紅蘿蔔煲小米粥供仔仔服,隔日1劑,隨量食就成,有助改善小兒久咳不好.材料簡單,如無小米,用糙米也可以,紅棗用多些,因為紅棗除了健脾補血,它含有一種抗過敏物質,可減少敏感性咳嗽.小米有[腦黃金]之稱,很健脾胃,黃色細細粒的.
芳姐，
你好，我還有少少痰，咳和鼻水。請問可以飲這款茶嗎？
謝謝指教。
你好芳姐，
請問還有少少痰，咳和鼻水可以飲嗎🙏
麥太:
冇發燒可以飲.
早安,芳姐我今年七十歲,因之前扭腳踝導致韌帶裂醫生話要二個月才康服因此借助拐扙行路又另到另一隻腳膝蓋痛落不到樓梯, 但奇怪是膝蓋痛是否另到外側肌肉酸痛呢？因此再去看醫生,照x光話膝蓋退化。所以我目前不知有什麼方法可補救? 睇跌到有冇用? 及可吃什麼食療多謝
李婆婆:
長者最怕跌親,因為唐復緩慢.你可以用杜仲,巴戟各5錢,川牛膝3錢,栗子3兩,南棗5粒煲雞胸肉湯服,煲2小時,全家可飲.有補肝腎,强筋骨,袪風濕功效.
芳姐，家母95歲，最近大便比较困难。大便並不太硬，好像不夠力氣。有什麼湯水茶飲可以給她食療，我想用北芪，薏米，南枣煲水给她飲，可以嗎？
Catherine:
老人家便秘多屬氣虛,可用肉蓯蓉3錢,無花果4粒切片煲排骨湯供服,一星期3劑.另外蘋果果膠丸有助腸蠕動,可以每日服2粒.上網可以找到.
芳姐，早晨，小朋友出6歲齒，牙齒痛咬不到東西，一隻眼睛還紅腫，請問有冇咩湯水飲？
訪客:
小朋友牙痛都要看牙醫,可能蛀牙也說不定.眼紅腫可以煲些夏桑葉供服,連服3劑.滴些不含類固醇的眼藥水都有幫助.着小朋友不要用手擦眼睛,因為手仔不乾淨很易引玫眼睛發炎.
芳姐.
我耳穀內有粒約6mm的疣.依你的方法每天3餐吃有機大豆芽(加薑2片).吃足3天.又每天用薏仁粉加水和蜂蜜塗患處1次.約2星期完全康復,真係好神奇呢!
在此多謝芳姐的幫助.
Simon:
民間食療偏方有時很有用的!