促進消化潤肺止咳—青木瓜雪耳杏仁瘦肉湯
菜檔經常有青色木瓜賣，有些很大亦有細細個的，適合煲湯食用。我平時都介紹了不少用青木瓜製作的食療，如椰子水燉青木瓜綠茶飲，對減輕關節炎者的疼痛感和尿酸高人士很有益。主要是青木瓜含有的蛋白酶有抗炎作用，它含有的維生素A、C及胡蘿蔔素等有助促進消化，保護胃壁黏膜，更有美白護膚、豐胸等功效。
當然木瓜汁液會令子宮收縮，所以懷孕婦女不宜吃木瓜，橙黃色肉的熟木瓜亦不宜食用。天氣乾燥的日子，不妨用青木瓜配些杏仁，雪耳煲湯，有潤肺養顏及止咳等功效，對促進消化亦大有裨益。
用料是：青木瓜1小個，雪耳2兩，南北杏1兩，紅棗5粒，瘦肉半斤。
做法：青木瓜去皮、去籽，切塊；雪耳浸軟後去蒂；杏仁浸洗；紅棗去核；瘦肉切塊後出水；全部材料用8碗水煮個半小時成4碗即成。
~ 小貼士：此湯清甜好味，老少可飲。孕婦則不宜飲用木瓜湯，但哺乳媽媽飲用則有催乳作用。
芳姐，你好！
小朋友10歲，上星期佢喉嚨痛，今個星期就冇痛變左喉嚨痕，睇左1次西醫，話佢氣管敏感，啲藥已經食晒，但仲有啲喉嚨痕，有咳，咳有痰聲，痰係有黃同白色，可以煲咩可以止到喉嚨痕同咳？謝謝！
多多:
可用烏梅3粒,菊花1湯匙,甘草4,5片焗茶供服,對風咳敏感咳有幫助,可飲3天.
芳姐，歲半小朋友自rsv 後一直氣管唔好，容易被口水濁到或其他原因斷斷續續引發咳嗽，已經三個月了，通常無痰聲，每次約持續咳半日至一日，飲燉蘋果洋蔥水、三棗茶或鷓鴣湯後會有好轉，可能隔一日又會突然再咳，請問仲可以煲咩呢？另外虎乳靈芝可以唔落肉加材料煲茶服肉嗎？
芳姐,
呢2年不段病(咳, 喉嚨發炎, 感冒)近排仲出汗皰疹, 食藥食到驚, 請問有咩療湯水可以改善身體?
謝謝
Sammy:
你可用金羅漢果1/4個,陳皮1個,剪碎泡茶服,可沖泡至淡,一星期3次,有助防咽喉炎.
芳姐：
您好！媽媽不適身體檢查，醫生話淋巴集中係腹腔腫大，懷疑淋巴癌，依家需再做檢查。佢精神疲倦，胃口麻麻，請問有冇乜湯水可以俾佢，及有冇飲食建議
Michelle:
不要太擔心,因為現在醫學進步,很多癌症都可治好,最重要是盡量少糖,因為癌細胞最喜歡糖,高脂肪食物也盡量戒吃,盡量多菜少肉,可用瘦肉,去皮雞胸肉或魚肉煲湯,配合掌瓜,或南瓜,節瓜,冬瓜都得,但配紅菜頭,番茄,紅蘿蔔,西洋菜抗癌,可以多煲湯或煮餸.黑木耳,雪耳,猴頭菇,姬松茸等亦適合煲湯服用,有助抗癌.家人的安慰最重要,她會因為家人的關心及經濟支持而少了焦慮.煲些小麥米,蓮子,百合,圓肉湯會有安神作用,可用1/6個金羅漢果代替糖.
多謝芬姐
多謝芳姐回覆，唔好意思
打錯字
芳姐：想問下，我媽這個情況：貧血，血壓低，持續發燒出汗，前日抽咗骨髓，聽日做食道鏡檢查血管睇可否攞到淋巴組織。係飲食上按你建議煲湯飲食，仲有無咩特別注意
？
Michelle:
貧血血壓低可用黨參3錢,紅衣花生1兩,紅棗5粒,5碗水煮成2碗供服,連服3劑,有助升血壓.其實癌症患者最重要是家人的支持和安慰,讓她安心做任何療程,當中會有些痛苦,但只要家人的陪伴任何痛苦和困難當可捱過的.煲些麥米紅棗百合茯神茶有助安神和止汗.小麥米1兩,茯神5錢,紅棗5粒,百合1兩,5碗水煮成2碗供服.
芳姐，早晨，想請教一下，小朋友腸胃炎剛好3天，嘴紅，舌尖紅中間舌苔白，腳冷，晚上睡覺頭頸背出汗，拉粒粒便，本身有鼻炎，請問可以點調理呢？
訪客:
你可用青仁黑豆1兩,浮小麥5錢,南棗4粒,無花果4粒切片,5碗水煮成2碗供服,有助止盜汗,改善大便症狀.鼻炎可用辛夷花8朵泡茶供服可加蜜糖.