By 芳姐 ( 5 8 月, 2010 at 7:15 上午)
· Filed under 保護視力/耳、鼻、喉疾病
清理雪櫃時發現上次買的那盒珍珠肉尚有一些未用,於是買些淮山,杞子,石斛,雪耳等同煲湯,又是一味益睛明目的靚湯.
珍珠肉有滋養肝陰,益眼明目的功效. 它補而不燥,配合具有滋陰,明目功效的杞子,石斛等同煲湯,味道非常鮮美.全家合飲.
[淮杞石斛珍珠肉湯] 對工作過勞,用神過度的人士特別有幫助. 因為工作過勞者大都出現肝陰虛,胃陰虛等症狀,飲此湯便不怕 [虛不受補]了.
用料是: 淮山1兩,杞子4錢,石斛3錢,珍珠肉3個,雪耳2錢,無花果3枚,生薑2片,紅棗6枚,豬展1個.
做法: 豬展出水;雪耳及其它材料浸洗;雪耳去蒂;將全部材料放入煲內,用10碗水煮約3小時成5碗即成.飲湯吃湯料.
~ 小貼士: 石斛和珍珠肉售價頗貴,如嫌太貴,可以用川石斛,及鮮蚌肉代替.
Permalink
芳姐，您好！
我女女1歲半同老公都有鼻感敏，有咩湯水可能大小都飲得？感謝
dawn:
你可用辛夷花10朵,拍碎,生薑3片,紅棗6粒滾瘦肉湯服,滾20分鐘.
白太:
石斛以直條的石斛條較佳,因為不少石斛捲成卷狀,會有很多假冒,石斛條難假冒,都頗貴的,最好買了後才磨粉服,有養胃陰,明目等功效.
芳姐，您好，
我近日見此湯譜，也買了一些金絲石斛，亦見坊間都有好幾種不同石斛，其實是不是隻隻功效都不同，定還是越貴越好，因為通常中藥坊只有一兩款賣，只有出上環才見到很多款，花多眼亂，定其實作為保健，最平的石斛已有其功效，我不明白…先謝謝芳姐解答
LOK:
新年快樂!
方姐:新年快樂.謝謝你.
LOK:
你試用熟香蕉皮,用白色那面替仔仔按擦,香蕉皮素能對付真菌及癬菌,有助止癢.用生的薯仔切塊作外塗亦佳,塗擦至汁乾,再削走一些肉,再塗,至全部患處塗擦到就成,一日可2~3次.另外煲些綠豆薏米海帶糖水供服,有助清熱解毒.
芳姐:你好，我的兒子常常全身痕，有咩湯水可以幫到佢，謝謝!
芳姐，你好：
我老公患有慢性咽喉炎，早上训醒经常有喉咙好干唔舒服的感觉，请问可以食咩改善下情况，谢谢！
清水一杯:
慢性咽炎,可用羅漢果半個,胖大海5粒,蜜糖適量,碗半水煮5分鐘供服,可再沖泡多一次飲.
芳姐：你好！我呢两天喉咙痛，是吞口水都痛那种，另外我只右眼也有点痛，早上起床还有几多下眼屎，还有一点咳嗽，请问可以煲呢咩汤水饮下，谢谢！
芳姐：你好！我呢两天喉咙痛，是吞口水都痛那种，另外我只右眼也有点痛，早上起床还有几多下眼屎，请问可以煲呢咩汤水饮下，谢谢！
清水一杯:
你試用羅漢果半個,夏枯草1兩,菊花3錢,紅糖適量,5碗水煮成2碗服,有清肝明目,利咽消腫功效.
芳姐你好，我囡囡两岁两个月，早几天扁桃体炎引起发烧，现在退烧但没咩胃口吃嘢，请问可以煲呢咩汤俾区饮令区开胃呢？
曾煲過生地綠豆白鴿湯，但不太有效
芳姐你好，想請問有什麼湯水或中藥可治療青春豆
muimui:
你試用枇杷葉3錢,菊花3錢,生薏米1兩,綠豆1兩,蜜棗2粒,5碗水煮成2碗服,連服3劑,有助消暗瘡.另外用生白果肉,搗爛作外塗,15~20分鐘後清洗,有助消暗瘡.
謝謝你，芳姐！
再想問下，我最近常起風賴，有什么湯水合適？
芳姐，煲完湯的石斛食唔食得?
Flyflyfly:
如果你買的是貴價石斛,建議吃些石斛,不會造成浪費.亦可買石斛磨粉,拌入熱湯中飲最佳.
你好芳姐，珍珠肉是否叫日月魚？
Kassey:
珍珠肉是珍珠貝的肉,很名貴,要二千多元1斤.而日月魚日漸減少,故坊間大多數日月魚皆為雜魚壓製而成,魚目混珠的假貨而已.
你好芳姐, 唔好意思我想問呢, 我個囡食咗幾星期西葯,現在佢胃口都比較差,同埋仲有 d 痰,我想問會唔會有 d 湯水可以開胃 d , 另可以清一清 d 痰 謝謝
Elaine:
你囡囡胃口比較差,可以用紅棗10粒,生薑3片,雞內金1錢煲瘦肉湯服.另外可以用茯苓5錢,陳皮1塊,芡實1兩煲粥服,能健脾化痰.
芳姐:
多謝提點,萬分感激!!!!!
水銀媽:
歡迎瀏覽!
芳姐:
因近因較忙所以今天才可到中藥房買你所教的湯方,北茋5錢,防風4錢,白麻4錢,紅棗6粒.但藥房職員說是否白朮不是白麻叫我問清楚才買,因他說北茋,防風,白朮是玉屏風散的方是增強抵抗力的.又想問之前看過芳姐介紹過的辛夷花,蒼耳子煲雞蛋,七歲小童可服用嗎?又或改用炒蒼耳子呢?如可請問分量應用多少?多謝指點!!!!
水銀媽:
唔好意思,快手打錯字,是[白朮]才對!辛夷花,蒼耳子雞蛋湯七歲小朋友可以服.蒼耳子其實有小毒,故小朋友只宜用2錢左右,不宜多用.辛夷花用3錢.
芳姐:
想請教,小兒常因鼻敏感而引致睛眼敏感痕癢,又常用手摔致睛眼紅腫,小兒七歲請問可用甚麽治療及保健呢?
水銀媽:
首先最好能找出引起你囝囝敏感的致敏物.例如家中的毛公仔,衣服,被褥等的蟎蟲,貓狗等的毛髮,或致敏食物等.要注重家居清潔,多做運動强壯體質,都有助減少敏感.可以用北茋5錢,防風4錢,白麻4錢,紅棗6粒,用5碗水煮成2碗供服,連服一段時間可改善症狀.
QQ:
北茋可以煲瑤柱瘦肉粥服;或加些黨參,淮山,紅棗煲瘦肉湯,能補氣血,加快傷口愈合.藍莓,矮瓜,西梅,木瓜等都可以多吃些,有助損傷組織修服.辛辣刺激食物及煎炸食物要戒吃,也要戒飲酒.
芳姐,
想請問你我老公做完切除痔瘡手術, 手術成功, 但偒口有少少痛. 我現時只煲北茋水比佢飲, 是否足夠? 和我唔知是否要誡口和有d咩唔食得. 如要煲北茋湯水,請問可以煲d咩湯???
Rita Yuen:
歡迎瀏覽!
芳姐.,
多謝回覆、（＾ｖ＾）
Rita Yuen:
不用石斛,就加多些少杞子及紅蘿蔔吧!杞子,紅蘿蔔對視神經很有益的.
芳姐.,
淮杞石斛珍珠肉湯、這款湯應好好味、如果不用石斛可以嗎?、都係入手困難吧!!但珍珠肉就好靚同低食十好新鮮呀、可惜!!!
芳姐:甘草,菊花,金銀花,元肉可好呀?
mak :
銀花菊花茶較寒涼,夏天天氣熱,可作清涼茶飲.
妳好芳姐,如甘草,紫貝天葵,薄荷葉,是否大人小孩都可以飲用呢?
mak:
紫貝天葵茶大人,小孩都可以飲的.
芳姐,
如用响螺代替可以吗?
ISP:
可以用响螺乾代替.鮑魚仔都可以,鮑魚素有[明目魚]之稱.
芳姐,
我老公今個星期六會做一個切除痔瘡手術, 因為佢好多時去便便都會出血, 所以醫生叫佢做手術. 咁請問做完這個手術可以煲咩湯比佢飲?和有咩方法唔會返發呀!!!!請多多指教…
QQ:
痔瘡其實不是瘡,而是腸靜脈曲張引致.站立太久,坐得太久,少運動,便秘都會引起痔瘡番發,故要避免所提的各種因素,盡量作出改善.保持大便暢通是很好的預防方法.手術後可多吃些藍莓,因為藍莓所含的花青素等物質能加快修復受損細胞,矮瓜含有的維生素P同樣有修復受損組織的功效,可煮些矮瓜餸菜.用北茋煲粥或煲湯都能加快傷口愈合.
芳姐，你好。囡囡鼻敏感睡著時有咳，陳皮杏仁燉雪梨合適嗎？可改為煲嗎？謝謝！
Dinomine:
陳皮杏仁燉雪梨可以煲都得,如果加2錢川貝用用,能加强化痰止咳效果.川貝有舒緩氣管痙攣作用.
你好, 請問什麼是珍珠肉? 是肉類還是藥材? 如是肉類, 在街市便有售? 謝
Joanne
Ms Tsang:
珍珠肉是珍珠蚌的肉,(即是要來培植珍珠的蚌),有滋陰補腎,明目的功效.
芳姐你好!! 珍珠肉在那里有得買呢?
angel:
在大間的海味店有售.