By 芳姐 ( 13 1 月, 2011 at 7:55 上午)
· Filed under 口腔病/便秘
經常生果檔,見有兩種杮餅,一種是常見圓圓扁扁的國產杮餅,另一種來自韓國,杮餅像我國的京杮,雞心狀的,
兩種都買來試,發覺韓國杮餅較甜及軟糯,小朋友一定喜歡吃.
杮餅有益正氣,有健脾潤肺功效.對小兒或老年性喘咳,肺熱咳嗽,慢性腸炎,痔瘡出血等都有療效.今天便推介一味對痔瘡出血有幫助的食療.
用料是: 杮餅2個,黑木耳2錢,紅糖適量.
做法: 杮餅去蒂,切塊;黑木耳浸軟,去蒂;用4碗水煮約半小時成2碗,加入紅糖煮溶即可供服.飲湯吃湯料.
~ 小貼士: 黑木耳能活血補血,且有攝血作用,加入杮餅同煮,對便秘,內痔,外痔均有益處.
Permalink
芳姐，
請問可用雲耳取代和白背木耳？
都有相同功效嗎？
我正現食西醫的止血藥，消瘇藥，可以同日飲以上湯水嗎？
善:
黑木耳可以用雲耳代替,雲耳同様有止血功能,較白背黑木耳稍差些少而已,最好吃些湯料才見效.服止血消腫西藥都可以隔2小時服此湯.
芳姐您好
我現在懷孕31週，前兩天生了一粒大外痔，而且劇痛無比。
請問有湯水或外用藥材可治療嗎？
睇了西醫，但西藥膏完全無效力，沒有消腫消炎效果。
感謝您的幫忙
Hilda:
痔瘡其實不是瘡,是肛門靜脈曲張,可用槐花3錢入茶包袋,鮮蓮藕節3個,淡菜(俗稱旺菜)2兩,無花果4粒,陳皮1個煲湯服,煲個半鐘,連服3劑.另外用西藥膏作外塗,要有耐性塗才見效.不要吃温燥,煎炸及辛辣食物,飲食宜清淡,飲些西梅汁有助排便,便秘症狀會加重.
芳姐你好
成日聽雪耳不能過夜飲用
咁請問木耳可以嗎？
我煲了杮餅木耳，但一晚未飲晒
諗緊可否待第二日飲，謝謝
Nat:
但凡菌類食材,浸泡後最好當天吃完,否則煲湯後最好吃掉,只要撈走全部雪耳,木耳等菌類食材,湯可以放第二天加熱飲用.
芳姐你好
現在懷孕六個多月，早排忍唔住食咗啲薯條，現在痔瘡復發，出血現象已持續三天，西醫開咗啲塞藥俾我但未有改善，請問有何食療可以改善呢？謝謝
kiki:
你可以多吃些藍莓,矮瓜,紫色番薯,有助受損細胞加快康復,同時不要吃煎炸辛辣食物,飲食清淡些,可用淡菜2兩,黑豆1兩煲瘦肉湯服,能減少痔瘡發病.
芳姐你好呀,
孕婦懷孕期間有外痔也適合此湯水嗎？或者你仲有咩好推介？另外有便秘情況添：（
Didieggs:
鮮杮含鞣質較多,易和胃酸結合成為胃杮石,故鮮杮必須飯後服,而且較寒涼.而杮餅較有益正氣.如没有杮餅,用鮮果就要飯後才服.
請問這湯用普通新鮮柿 （生果）而不用柿餅有同樣療効嗎？我在美國比較難買
謝謝你芳姐
芳姐，
6碗水要煲幾耐呀？
淡菜系咪類似蠔士？
謝謝
芳姐，
黑木耳1~2朵,無花果4~6粒,槐花2錢,淡菜2兩煲瘦肉湯服.6碗水煮成2~3碗,飲湯吃湯料
呢款要煲幾耐？
一星期飲幾多次呀？
謝謝
Mavisss:
此湯一星期飲3次,一星期2~3次.如疼痛要看醫生.
芳姐，
我呢兩都有煲柿餅黑木耳俾佢飲，呢款食療有幫助嗎？
另外介紹個款湯一星期要飲幾多次呀？
Mavisss:
你試用黑木耳1~2朵,無花果4~6粒,槐花2錢,淡菜2兩煲瘦肉湯服.6碗水煮成2~3碗,飲湯吃湯料.可以多吃含花青素多食物,如藍莓,黑杞子,矮瓜等,有助修復受損細胞,減少疼痛.
芳姐，
我先生有痔瘡問題，一直都有睇開中醫，最近痔瘡附近都感到痛醫師說是神經痛，而且影響到背部都感到痛，吃止痛藥幫助不大，請問有什麼食療或湯水可以舒緩痛楚？
謝謝
謝謝芳姐專業的提醒.謝謝!