By 芳姐 ( 10 10 月, 2011 at 7:29 上午)
· Filed under 外感/頭痛/呼吸道病, 高血壓／冠心病/中風
高血壓容易出現肝陽上亢頭痛症狀,症見頭痛而眩,心煩易怒,夜眠不安,脇痛等.可用一些具降血壓,清肝火的食療,推介這款簡單一點的[杜仲茶]給大家.
用料是: 杜仲1兩,夏枯草1兩,菊花3錢(杭菊,貢菊或胎菊均可.)
做法: 將材料洗淨;先將杜仲,夏枯草用5碗水煮約1小時,加入菊花,滾5分鐘即可飲用.一日2次,
~ 小貼士: 此茶對肝火盛,或腎虛容易頭痛人士都適合.
Permalink
芳姐，請問杜仲茶 2人份量幾多？水幾多？ 謝謝
fanny:
這是2人份量來啦!如果不想味道咁濃咁苦,水可以用7碗煮成4碗,一人每天分服2碗.
請問長期飲的話，是否一星期兩次便可以？
訪客:
一星期2~3次没問題.
謝謝芳姐
芳姐，陰虛火旺飮吾飮得杜仲茶？
BI:
杜仲茶陰虛火旺者不宜多飲.
MAGGIE:
輕微中風,你可以用鮮牛蒡3兩,(幼身那種),冬菇4~6朵,白蘿蔔(連頂部嫩葉),紅蘿蔔各1個,8碗水煮成4~5碗,可分2天服,一星期3劑(即飲6天),有助防治中風.
腦微小血管瘀塞,可以用川紅花1錢,雞塊適量,薑葱及調味適量煮餸食.做法是先將紅花用一碗水煮15分鐘,去渣留汁,用來炆雞塊,利用雞塊中膽固醇[載體],載[藥汁]上腦,去通瘀塞的小血管.因為紅花對微小的血點都有袪除作用,可是人腦有天然血腦屏障,藥汁不易去到,不過膽固醇載體則能上達腦血管中.但由於紅花有薄血作用,故最好服西藥後2小時才食,用量不要超過1錢,不吃雞都成,只需用餸汁撈飯食就得.
川紅花很便宜,幾元1兩,你買一兩可用10次,因花味有些少臭,故調味可以用蠔油或雞汁,以蓋過藥味.試煮一下,不用雞塊,用肥排骨都可以.
你好芳姐，家父近排兩次進出醫院，醫生話先後說有心臟病，和輕微中風，腦微小血管有瘀塞。四月以來開始吃薄血藥。 他出院後在家休養，但是每天早上醒來都頭痛劇烈難耐，要吃止痛藥。請問有什麼可以打通瘀塞的腦血管和治療頭痛呢？ 現在他血壓都去到160幾了。好擔心。請芳姐看看可以有什麼食療或者治療可以幫到家父。謝謝。
芳姐
唔該晒！！
芳姐
唔該晒!!
如果我想去肝火, 有d咩湯水係平和d, 唔會太寒涼, 啱我飲, 麻煩晒!!
belle:
清肝火可以用夏枯草1兩,紅棗6粒,片糖適量煲水服,就不寒涼.
芳姐
花旗參要買邊隻先唔寒涼的?? 通常係邊度可以買到架??
我血壓有時會少少偏低, 可唔可以都飲得呢個杜仲茶 (我都係一個脾虛腎虛, 濕重的人)
麻煩晒!!
belle:
花旗參可以去一些專門店,或老字號海味中藥店購買.正宗花旗參不寒涼的.杜仲能降血壓,故血壓偏低者不宜.
芳姐
唔該晒!!
杜仲,夏枯草用5碗水煮約1小時,加入菊花,滾5分鐘即可飲用 – 我想問下煮完約1小時後大約剩幾碗水架??
唔好意思, 我無經驗呀, 麻煩晒！！
Joyce:
杜仲葉,夏枯草用5碗水煮成2碗左右,加入菊花滾5分鐘就成.
芳姐
我同老公每次唔夠 “訓＂就好易上火，然后好易喉嚨痛，這是否因為肝火或虛火？
下次唔夠訓時，可否飲這個杜仲茶呀？（我係脾虛腎虛的人。 不能热補，因為容易上火，好易喉嚨痛，唔敢飲太寒涼野，因為醫師話我宮寒）
麻煩晒！！
Joyce:
杜仲茶不寒涼,你和丈夫可以飲.你丈夫易喉嚨痛,可用花旗參,牛蒡乾,無花果(切片)各1小撮泡茶飲,對陰虛火旺者適合.
17歲男孩子，面對考試功課壓力，夜訓。入秋就會於手折位出現，唔知係濕疹或是干疹，跟著有時在腳折背也有少少疹出現，請問應點處理。
．
Canny:
濕疹很多時和精神緊張,壓力大有關.生草藥馬齒莧搗汁作外敷,或煎水作外洗,對消除濕疹有良效.但因為近年很少鮮品買,故我較少提及用馬齒莧.間中在售賣新界菜的菜檔,或天星碼頭星期日的有機菜嘉年華中見到有售.你可用鮮土茯苓3兩,赤小豆,薏米各1兩,蜜棗3粒煲豬骨湯服,6碗水煮成2~3碗供服,連服3天,有助消除濕疹.濕疹部位要經常保持滋潤,皮膚一乾病就變得厲害.可用香蕉一截,連皮洗淨,搗爛作外敷,7~8分鐘後清洗,有助止癢,消疹.
芳姐，
血壓早排下壓95, 現回落至88, 但時有頭痛，未知是否與血壓高有關！請問可否介紹一些湯水治療！
謝謝！
Pat:
血壓波動,要留意飲食要清淡,忌過鹹食物,否則血壓很易上升.高血壓頭痛可以用天麻,白芷,鈎藤,菊花各3錢,5碗水煮成2碗供服,連服數天,能降血壓,止頭痛.菊花後下.平時可以用山楂,決明子,荷葉各3錢,煲水代茶飲,對預防高血壓頭痛有良效.
芳姐:
蜂膠批杷膏可以常飲嗎?中醫開了6周份,話改善鼻敏感.謝謝回復.
angie:
蜂膠枇杷膏如果純正,對鼻敏感有療效.
芳姐:
想問海螵蛸和橘皮竹茹湯有何功效?謝謝!
芳姐﹕
想問脇痛是在那個部位呢？謝謝你！
同同:
腋下兩邊肋骨處.
芳姐你好：
我老公飲左羅漢果水有一段時間，但係飲左之後，面上，心口，背脊都出左好多粒粒，好似暗瘡甘，仲愈出愈多，請問係咪5岩佢飲呢？煲番D咩湯水可以幫佢清左該D粒粒佢呀？謝謝~~
Candy:
照理飲羅漢果湯不會出暗瘡的,你試用綠豆,生薏米各1兩,甘草1錢,冰糖適量煲糖水服,有助消暗瘡.
芳姐,
你好!我在街市見到很多不同種類的海魚,有的是小魚,請問是否任何一種魚都可以煲湯的,沙丁魚可以嗎?多謝幫忙!
蚊蚊媽媽:
任何小海魚都可以煲湯.沙丁魚都得,不過要煎香些,會有點腥.
芳姐你好：
請問芳姐，B 女今年 4 歲，每逢天氣轉變，她都會有咳，有淡！請問芳姐我可煲什麼湯水給 B 女飲呢？
Sun:
你試用鮮龍脷葉1兩,羅漢果半個,蘋果或雪梨1個,南北杏5錢煲水代茶飲,5碗水煮成2碗供服,能化痰止咳.或用紅蘿蔔1個,紅棗6粒切片,煲水代茶飲,能止咳.兩款茶都有甜味,小朋友不會抗拒.
芳姐你好，
我個女5歲，都係有咳有痰，身在英國，無龍脷葉，請問可以什麼代替呢？
namnam:
你可用陳皮2個,蘋果1個,去核,杏仁5錢煲水代茶服,煲半小時就成.
芳姐：
你個網頁好似有問題呢！不會顯示詢問問題！
Patricio & May:
網頁有時會有故障,要打多一兩次才成.不好意思!