By 芳姐 ( 21 2 月, 2012 at 8:20 上午)
· Filed under 外感/頭痛/呼吸道病, 小兒常見病
小兒上學後容易感染上呼吸道疾病,病後往往身體孱弱,畏風惡寒,不停咳嗽,醫好不久,又再復發,令父母很心煩.亦有些老人吸煙過多,引起肺氣腫或咳喘不止,不妨買些鱷魚肉乾(急凍鱷魚肉亦可),配淮山,芡實,杏仁等煲湯供服,有健脾益氣,燥濕化痰,止咳定喘之效.
用料是: 淮山,芡實,南北杏各1兩,陳皮1塊,紅棗6粒,鱷魚肉乾1兩.
做法: 將全部材料浸洗,放入煲內,用6碗水煮約2小時成3碗左右即成,飲湯吃湯料.
~ 小貼士: 圖中的芡實是老樹果,原粒較深色,其補腎能力更佳.此湯味道鮮美可口,全家合飲,對偏寒體質咳喘人士甚為有益,可經常飲用.但外感未清者不宜.
Permalink
你好芳姐，BB一歲，久咳不癒，鱷魚肉湯適合嗎？感謝您
另外補充，BB通常半夜咳到醒，會氣喘，間中有痰。試過猴棗散 猴棗末都唔得😢
Tammy:
BB久咳可以用紅蘿蔔1個,細細個就成,紅棗6粒去核,陳皮半個煲粥仔供服,連服3~4劑,隨量食就成.大人也可以飲,對小兒久咳有益,而且好味冇副作用.鱷魚肉湯可以試吓,這款湯能健脾補腎,化痰止咳,可以飲一碗,連服2~3劑.
你好芳姐，你這個湯可加黨參北芪嗎？給5歲小朋友飲的，她鼻敏感，氣管敏感，成日咳
陳小姐:
可以放北茋,黨參,但量要少,最好3~4錢就夠.
芳姐﹕
請問小兒6歲，已斷斷續續咳了一個月，中醫西醫也看過，但都未能斷尾。而家一係唔咳，一咳就咳到想嘔。有時半夜都咳醒。感覺佢有D鼻水，咳有時有痰聲，有時又無。請問可以煲些什麼湯水呢?
謝謝!
伊花:
你可用紅蘿蔔1個,去皮切薄片,紅棗8~9粒,去核煲小米粥供仔仔服,連服4劑,對小兒久咳有益.如有痰可加個陳皮同煮.
芳姐你好！我仔6歲氣管敏感早晚半夜咳有咩方法，成3個月了。
Hui qiong:
你可用紅棗8粒,紅蘿蔔半個切薄片,小米2兩煲粥供服,隨量服就成,連服4~5天.對小兒久咳不癒有良效.
你好，芳姐，請問用鱷魚肉乾和急凍鱷魚肉，效果有分別嗎？
Lee:
鱷魚肉乾如果是正宗的鱷魚肉曬乾而成療效較鮮品佳,可惜坊間有些假冒的,所以急凍鱷魚肉就較安全可靠.
請問要加川貝嗎？謝謝
Leee:
可以加3錢川貝.
你好，芳姐，我本身有哮喘，但已懷孕15週，最近哮喘發作，痰多氣喘，已經睇醫生食左一個月化痰氣管藥都無改善，請問有咩湯水可以改善？謝謝
Yuko:
你可用白果15粒,去芯,芡實1兩,核桃肉1兩,陳皮1個,紅棗6粒煲鷓鴣或豬展湯,煲2小時,飲湯吃些湯料,此湯全家可飲.有補腎止喘功效,可連服3劑.如1人飲,一劑可分2天服.
做燉湯都可以嗎？另外想問懷孕中可否食猴棗化痰散？謝謝芳姐
Yuko:
可以做燉湯.猴棗化痰散我不知全部材料是什麼,一般化痰材料應該不影響懷孕的,但最好找中醫師診斷是否適合食用.如痰多可以試用法夏,茯苓,白朮各3錢,陳皮2錢,甘草1錢,5碗水煮成2碗服,連服3劑可清痰.
家人有氣管敏感問題，往年轉天氣佢必定咳，咳到訓唔到覺，跟著芳姐此食譜，每星期煲一次比佢飲，已有好幾個月無聽到佢咳了！謝謝你，芳姐！
LEE:
祝你和家人身體健康!
芳姐你好，小朋友20個月大，近兩星期，起床後半小時，開始打乞嗤，流鼻水(透明），中午時間就無好轉，每日如事，想問煲此款湯適合小朋友飲嗎？想用急凍鱷魚肉，份量多少？謝謝
Ching:
20個月大可以適量飲鱷魚肉湯,用半磅急凍的差不多了,全家可飲.要注意小朋友衣着,好天多帶去公園逛逛,增强體質.
請問芳姐小朋友咳嗽流鼻水適合飲呢個湯嗎？可以加川貝，沙參，無花果嗎？還是有邊個湯更加適合？
訪客:
小朋友有些傷風,如没有發燒,可以飲.可加沙參,川貝,無花果
芳姐，我想問問我想煲鱷魚肉虎乳靈芝淮山百合湯作保健，如果冇咳作保健需唔需要落埋川貝？ 因氣管比教弱，這天氣也適合飲嗎？謝謝你🙏🏻🙏🏻
Ms ko:
如無咳無痰不用放川貝.這天氣適合飲用.
Thanks 芳姐🙏🏻🙏🏻洗唔洗加埋茨實、南北杏？效用會唔會好些？
Ms ko:
可以加芡實和南北杏,效果好些.
謝謝你，芳姐🙏🏻🙏🏻
芳姐，你好👋🏻 請問可唔可以加埋無花果乾一齊煲？謝謝你
Lee:
可以加無花果乾同煮.
謝謝你！
可否以燉湯方法處理?
May:
可以燉湯的.
芳姐，您好，請問肺癌病人，適合飮此湯水嗎？
Han:
此湯肺癌病人可以服,加些雪耳,姬松茸各3錢抗癌效果更佳.
多謝芳姐回覆，想問多一樣，是否服食標靶藥物其間，也可以飲此湯水呢？
Han:
服標靶藥都可以飲此湯的.
多謝芳姐，用寶貴時間回覆，真心感謝您！
您好芳姐，
最近這幾個月，區區滿佈催淚煙，家中有小朋友，請問可以介紹幾款湯水或涼茶減少身體內毒性呢?
因為我家住旺角，高危地區，請幫忙幫忙，無限感激 !!!
Elaine:
青蘿蔔一向指能解煤氣毒,我估計用來煲湯對催淚煙毒都會有幫助,配青欖,雪耳,無花果都有排毒及抗輻射等功效,一齊加起來煲肯定有益,又不太貴.青欖10~15粒拍扁,無花果剖開,雪耳浸軟,青蘿蔔洗淨切塊,可加瘦肉同煮好味些.煲個半小時,飲湯吃些湯料.
早晨！
如果發燒感冒后，已食左一星期西藥，仍然有咳同埋痰……
可唔可以飲哩個湯？
爺子媽:
你可用桔餅1個,陳皮2個,4碗水煮成2碗服,有助化痰止咳.
芳姐你好，請問係用以上材料再加桔餅陳皮？定只係用鱷魚肉加桔餅陳皮就煲呢？如果加埋急凍螺頭可以嗎？謝謝回覆
Kathy:
桔餅陳皮水兩樣煲水就可以.因為和鱷魚肉,或螺頭的味不太夾的.
小朋友係G6PD,蠶豆症，有氣管問題，想煲鱷魚肉湯，比較簡單有效，請指教，謝謝！！
KK:
你可用虎乳靈芝3錢,核桃肉5~6顆,南北杏1兩,無花果3粒煲鱷魚肉湯服,煲個半鐘,有助强肺氣,補脾腎,減少氣管敏感.
謝謝你
芳姐，祝您劳动节快乐，想问您一下，鳄鱼肉干煮前需要浸泡到软吗？需要汆烫吗？谢谢您:)
scy:
鱷魚肉乾我會稍浸後出水再煮.
好的，
謝謝芳姐。
芳姐你姐 我咳了差不多1個月 痰多是白色 感覺氣管內經常有痰 有時很難咳出來 呼吸時也不太舒服 請問耍煲什麼來喝才能快些好 謝謝解答
kitty
kitty:
你可用法夏,茯苓,白朮各3錢,陳皮1個,生薑2片,甘草1錢,5碗水煮成2碗服,連服3劑.
芳姐你好，
小兒2歲，出世做過心漏手術，今次偏桃線發炎，斷斷續續燒左一星期，發炎引致多痰，鼻水多常打噴嚏，常咳有痰，晚上有痰和鼻水喉嚨纏繞咳醒，醫生說哮喘復發，口有痱滋，吃得不好暴瘦，請問如何改善?
chinny:
建議你和仔仔看中醫調理.試用金羅漢果1/4個,麥冬3錢,陳皮1塊,辛夷花5朵,4碗水煮成2碗供一天服,連服3劑,有助清熱化痰,利咽收鼻水.
芳姐您好，
小兒呢幾日有少少鼻水（透明），夜晚訓得唔林（每晚叫幾次）可以煲咩湯水比佢飲？謝謝你。
Cindy:
你試用辛夷花6朵拍碎,泡茶供仔仔飲,可加蜜糖.晚上鼻塞可以飲他不舒服,飲2劑,看能否改善?
芳姐您好，
27個月幼兒 鼻水多+喉嚨發炎有咳是否可飲辛夷花和鱷魚肉湯？謝謝🙏🏻
Cindy:
兩歲多幼兒可以用6朵辛夷花,金羅漢果1/6個,4碗煲15分鐘成2碗供一天服,有助利咽消炎,收鼻水.鱷魚肉性温,病好才用.
妳好芳姐，我仔4歲，2週開始有流鼻水，已食西藥一個星期，約一週前開始有咳，多數於早上及晚上咳得比較多，有時咳有少少氣喘情況。請問還有鼻水(黃色及“潔潔地)同咳情況下可以飲嗎？ 謝謝。
Josephine:
你試用辛夷花6朵,桔餅1個,陳皮1個,4碗水煮成2碗供服,連服3劑.
你好 芳姐，
請教一下此款鱷魚肉湯可改用燉的方式嗎？
如可以，功效上可有分別？需時一樣嗎？
謝謝
Wincy:
鱷魚肉湯可以燉,清香些.要燉3小時才夠味.
謝謝芳姐指導
芳姐你好，我囡3歲, 傷風, 流鼻水(透明色), 有痰(透明色), 有咳, 已斷斷續續1個月. 請問可煲什麼飲?
Olivia:
你試用葱白3~4棵,生薑3片,鮮薄荷葉1包(超巿有售),3碗水滾10分鐘供囡囡服,連服3劑.
芳姐，
請教一下，小兒4歲，有氣管敏感，有少許鼻水，乾咳，没痰，晚上睡覺有時會幾聲咳，看了幾次醫生都是說氣管敏感，想請教下有什么好湯水改善一下體質，增強扺坑力。
Justin:
你可用沙參,玉竹各3錢,雪耳2錢,南北杏1兩,陳皮1塊,紅棗6粒煲鷓鴣或鵪鶉湯供仔仔服,8碗水煮成4碗,可分2天飲,有助滋陰潤肺燥,止咳,强體質.一星期1~2劑.
芳姐，囡3歲，囝1歲，咳，多痰，鼻水杰，睇醫生2次，食西藥差不多7日，都未好返，請問食乜食療？
我感冒後1個月都仲咳，請問應食什麼？因試過川貝整碎燉陳皮，每日一次，試左3日，情況依舊
謝謝解答🙇♀️
Chole:
你試用金羅漢果半個,生薑3片,辛夷花8朵,甘草1錢,5碗水煮半小時成3碗,囡囡一天分服2碗,仔仔飲一碗.連服3劑,能清肺火,化痰,收鼻水.
芳姐你好
請問我都係咳，我咳得嗎？
芳姐您好
我女有乾咳，感覺像氣管咳，沒有芡實（人不在HK），煲呢個湯唔落芡實比兩歲女可以嗎?
係未要等停左西藥先可以飲？唔該曬!
Janet:
你可以煲這款湯給囡囡飲.没芡實放百合都得.
芳姐你好呀，我想問下呢款湯，我爸爸常常咳，經常飲可以嗎？
Mag:
這款湯令尊如果肺脾腎虛咳不停可以一星期服3次左右.
如果用冰鮮鱷魚肉份量多少？
Hannah:
急凍鱷魚肉可以用半磅.
謝謝芳姐, 如果懷孕2個月可飲嗎?
你好芳姐，我囡囡肺寒，最近有咳，少少痰。可以飲嗎？需要加川貝嗎？
Novel:
肺寒不宜用川貝.可用紫蘇葉3錢,蘇子3錢,生薑3片,甘草1錢,4碗水煮成2碗服,有助散寒化痰止咳.
你好芳姐，我仔4嵗，有咳，流鼻水，出汗，手仔冷，冇淡，有打噴嚏，可以飲嗎？
June:
你試用紫蘇葉3錢,生薑3片,辛夷花6朵,紅糖少許,3碗水煮成2碗供一天服,有助散寒止咳收鼻水.
多謝芳姐，我仔飲症一次就好左好多啦🙇♀️
芳姐，我仔仲係有咳，而且有痰，晚上睡前鼻塞，少少鼻水，可以繼續飲嗎？
June0708:
如仔仔咳及鼻水尚未清,可以飲多2~3劑,很平和的.
芳姐，我咳了一個月也未清，有稀白痰，夜晚咳多，可以飲此湯嗎？
紫蘇葉3錢,生薑3片,辛夷花6朵,紅糖少許,3碗水煮成2碗供一天服。
屋企有鱷魚肉，可以用嚟煲湯止咳嗎？
謝謝！
唔好意思，喉嚨痕，咳未清，有痰。應該係寒咳可以飲以下湯嗎？
紫蘇葉3錢,蘇子3錢,生薑3片,甘草1錢,4碗水煮成2碗服
屋企有鱷魚肉可以煲湯止咳嗎？
謝謝！
Janey:
喉癢咳可用紫蘇,蘇子,生薑甘草茶,連服3劑.鱷魚肉要外感清了才煮,可配些白果肉,南北杏,核桃肉,無花果煲瘦肉湯,有助强壯肺脾腎,減少咳喘.
燥熱，氣管敏感咳可飲此湯嗎？
Sylvia K:
燥熱不宜飲此湯,可以用川貝3錢,雪梨1個,去核,陳皮1塊加冰糖蒸服.連服3劑.
請問可以加條有泥紅蘿蔔嗎？
Carrie:
可以加紅蘿蔔.
芳姐你好！呢個湯可以加沙參玉竹嗎？脾虛應該食咩好？
謝謝你！
Cat:
此湯可加沙參,玉竹各3錢.脾虛加茯苓,蓮子各5錢同煮.
小兒4歲，氣管有點緊，無鼻水，幹咳，日日幾聲咳，可以飲嗎
enna:
你仔仔乾咳,可以飲此湯,紅棗改為無花果4粒.
不加紅棗可以嗎？
請問這款湯孕婦初期飲得嗎？可加紅棗可以嗎？
Yen:
此湯孕婦可服,不加紅棗没問題,可放無花果亦佳.
titanicgirl:
氣管敏感有喘聲可以飲此湯.但有發燒外感就不宜飲補益湯,以免病邪坐大.
你好芳姐, 小兒氣管常常敏感，半夜睡覺會咳醒，有氣喘聲及痰聲，請問這湯合適嗎？謝！
外感係點的，我囡有鼻水帶黃色有咳咁可以飲嗎？？？thanks ~~
訪客:
可以加螺頭.
加螺頭乾得吾得
Linda:
建議你最好看醫生,了解氣喘原因,因為BB太細,病向淺中醫,知道原因才推介食療.
芳姐，你好
我BB 11個月， 現在發現佢透氣時間中有hur hur 聲, 但佢又冇乜咳架woh。 但hur hur 聲係米即係痰痴住氣管出唔到黎? 我試過食余仁生猴棗末7天, 點知食完7日依然有hur hur 聲。
芳姐, 煲乜湯水可斷尾, 唔再Hur hur 聲?
felialala:
已在私人回應中答了你.
芳姐:
我BB 十月十日開始病, 感冒鼻水同咳, 仲有少少微燒, 食左幾日西藥好番好多, 但未斷尾, 之後一星期打一歲針, 高燒左40度又燒左3天, 之後發現佢透氣時間中有hur hur 聲, 但佢又冇乜咳架woh。 但hur hur 聲係米即係痰痴住氣管出唔到黎? 我試過食余仁生猴棗末7天, 頭2, 3日柯黑屎以為化到痰啦….點知食完7日依然有hur hur 聲。 睇西醫又話佢氣管炎…..又開D醫哮喘藥俾佢, 但我唔敢食, 怕太多副作用。
芳姐, 煲乜湯水可斷尾, 唔再Hur hur 聲?
COCO:
可以用無花果,配豬展.
請問芳姐，紅棗改無花果， 加豬展可以嗎？
Nicky:
你可以用北茋3錢,防風3錢,白朮3錢,辛夷花3錢,甘草1錢,5碗水煮成2碗供仔仔服,有助强壯體質,減少鼻敏感.一星期2~3次,至症狀改善為止.
請問有蠶豆症可飲用此款湯水嗎
剛剛扁桃線發炎+氣管炎，食晒西藥……
餘下咳、少少痰、少少鼻水，不過晚上睡覺有鼻塞及少少氣喘
爺子媽:
如無發燒可以飲此湯.蠶豆症人士可飲.
你好芳姐，我仔5歲，以家有鼻水同鼻塞，夜晚瞓覺鼻塞到打曬鼻鼾，半夜仲有D氣喘，見佢好似好辛苦咁，又瞓得唔好，冇咳，可唔可以飲這個湯，仲有冇其他可以介紹平時吃鼻敏感同埋氣喘？佢應該都有鼻敏感氣管敏感，一感冒就會鼻塞好嚴重同有氣喘．唔該你！
您好芳姐，小朋友4歲，凍親感冒流左兩日鼻水，而家開始咳，喉嚨有痰但係距唔識咳出黎，日夜都有咳，因為唔清楚距係咪寒咳，如果煲呢個湯，用椰棗代替紅棗，請問適合飲嗎？
crystal:
你可以將一個橙連皮洗擦乾淨,切開頂部,放少許鹽,用叉插幾下,放碗中,隔水蒸半小時,用湯匙壓榨橙皮及果肉供服汁液,連服3劑,有助袪痰止咳.
芳姐你好，祝你新年快樂，身體健康，我想問鱷魚肉乾，煲湯飲用對於氣管弱，有少許氣喘，用邊種材料煲湯，有少許肝硬化同食緊薄血丸可以飲用嗎?.我唔想用紅棗可以用邊種棗類代替，多謝芳謝你為我解答。
娟:
鱷魚肉乾對氣管毛病,咳喘者有益.有少許肝硬化及服薄血丸都可以飲,紅棗可用南棗4~5粒代替.