By 芳姐 ( 13 6 月, 2012 at 8:23 上午)
· Filed under 口腔病/便秘
休漁期没有大條海魚賣,細細條的海魚如白飯魚,紅衫仔,青筋,梭羅魚等,今天見有新鮮紅鱣魚,用來煲湯甚為鮮味,才24元1斤,買了一斤,將頭和肚切走,配大豆芽菜,豆腐煲老火湯,有滋陰降火功效,對心、胃火熱,口生痱滋,牙肉腫脹,唇瘡等人士甚有幫助.
用料是: 大豆芽菜半斤,豆腐1磚,生薑2片,紅鱣魚1斤.
做法: 大豆芽菜去脚;豆腐切大塊;紅鱣魚去肚及頭,洗淨後用少許油煎香;將全部材料放入煲內,用8碗水煮2小時成4碗左右即可供飲.
~ 小貼士: 大豆芽菜能治疣,故此湯除了清熱降火,尚能治疣,對更年期婦女煩躁不安,急躁易怒都有幫助.
Permalink
1歲半BB牙肉腫，飲咩湯水好？
Angel:
你可以煲節瓜豆腐魚片水供服,用量隨意,有助清熱降火.可以用温暖的淡鹽水,用藥棉沾鹽水幫BB擦牙肉患處,有助消炎.1日3次.
芳姐:
妳好! 請問可以改用鯪魚肉作滚湯嗎？
謝謝。
Thomas:
可以用鯪魚肉滾湯的.
CH:
可以用紅衫魚,大眼雞等細條海魚代替紅鱣魚.
芳姐你好!想請問冇紅鱣魚賣用紅衫魚或大眼雞等其他魚可以嘛？
好的，麻煩你，我試試。
YOMI:
你試用綠豆2兩,百合1兩,冰糖適量,5碗水煮成2碗服,連服3劑,看能否改善?少吃辛辣及煎炸食物,保持大便暢通.
芳姐，你好丫。
我最近有左bb 3個幾月，但係生到成個下巴同額頭都係暗瘡，我想問有無可以煲啲咩舒緩下？
芳姐妳好，
我老婆最近幾日牙痛得好犀利，今日最終去咗睇牙醫，醫生話距智慧牙發炎，已經幫距消炎，但翻到屋企牙肉仲係好痛。唔支係牙噶問題定係感冒，呢兩日喉嚨跟住好痛，頭都係一樣，有幾聲咳。因為我喂緊奶，bb5個月大。只牙我都盡量唔鏌住，怕麻醉藥，藥我都唔點甘食怕藥性係人奶到傳咗比距。我想問問方姐有咩好湯水對付我呢D痛楚。
RYAN:
已作私人回覆,可以用濃度達飽和的暖鹽水潄口,一日3次.另外用玄參,麥冬各3錢,無花果4粒,4碗水煮半小時服,有助利咽止咳.餵奶後才飲用.
MONNIE:
甲亢者可多用川貝,浙貝母,陳皮,麥冬,茯苓,百合一類有化痰,行氣,改善心跳加快的中藥材,建議最好看中醫作調理.例如用沙參,麥冬,川貝各3錢,紅蘿蔔1個,陳皮1塊煲瘦肉湯服.一星期2次.
芳姐，妳好!
我女兒患了甲狀腺亢奮，聽說吃川貝有幫助，請問除了川貝之外，還可以㷛些甚麼湯呢?
還有这湯水適合小兒飲？
AKI:
這個小兒可以飲.
你好，小兒2歲半，之前腸胃炎及感冒剛好，現在他吃東西時常說大牙及牙肉痛，怎麼辦？
AKI:
你仔仔可能有些虛火,可以煲些皮蛋鹹瘦肉粥供服,有助滋陰降火.可連服2天.
鄭太:
你可以用生馬蹄,削去皮後用來擦拭患處,一日2次.另外可以用大豆芽菜半斤用少許油鹽灼熟食,連服3餐,有助消疣.除了馬蹄,生薏仁粉加些少蜜糖及水調勻,用來磨擦患處,堅持一段時間亦能消疣.如看西醫,用液化氮一下子就能將疣灼走.當然消了仍會長,所以最好又食療,又看西醫是最快捷方法.
芳姐您好，
我已懷孕3個多月，但手部出現了一粒粒微突的疣，似有擴散跡象。請問成因是什麼? 有什麼治療方法是適合孕婦的?謝謝!
芳姐你好, 這個大豆芽豆付湯煲兩小時後,豆付是不是會爛哂? 要不要入袋煲呢?
梁太:
你用煲湯硬豆腐,大火煮滾後改用慢火煮,豆腐不會太爛的.
謝謝芳姐
芳姐你好，我老公自十幾歲開始身長膿瘡，中醫叫他飲老鴿綠豆生地土伏苓湯，他每天都飲用大半年了，請問此湯適合每天飲用嗎？但是一停飲就會又長大膿瘡。此外他還有嚴重鼻敏感，吃得不多因為胃滯又多胃氣，可以煲什麼湯水給他呢？
Marry:
膿皰瘡試用石斛,麥冬,生地,沙參,玉竹,金銀花,丹皮,地骨皮各3錢,綠豆1兩,甘草1錢,5碗水煮成2碗,一天分服,可連服3劑,停3天再服,至症狀改善為止.亦可以用鮮土茯苓3兩,綠豆,薏米各1兩,赤小豆1兩煲老鴿服,對你丈夫有益.胃氣多可買[香砂養胃丸}服.
多謝芳姐我明白了.祝:旅途愉快.
多謝芳姐.另:我哥炒車傷左面及耳朵有連左線.由於出左太多血.今日第五日啦.可以煲哋咩湯水比佢補血和可以幫助傷口快哋康復呢.多謝.
mo:
北茋能加快傷口癒合.可用北茋5錢,黨參3錢,紅棗8粒燉花膠瘦肉湯服,花膠亦對傷口有益.亦可用北茋5錢,黑豆1兩,紅棗6粒,生薑2片煲黃鱔湯服,能補血助傷口快好.10天後可煲生魚湯,因為表面傷口已癒,飲生魚湯都不會長肉芽.
芳姐.忘了問你桑枝是不是桑葉的枝呀.
mo:
是桑樹的樹枝,最好是老桑枝.你去中藥店執藥時講明是老桑枝就成.
唔該晒芳姐.今晚個系統真的有問題.成日無法開啟.我仲以為我電腦有問題呢.
今日醫生都有叫我試哋手指有冇僵硬和問我早上是否會緊要些.但我就唔感.平時手指關節腫痛.我抺藥膏唔得就食幾次止痛藥就會好的.但今次左腳腳指就痛左有成幾個月啦(唔係好痛但就好唔舒服的輕微痛).呢幾日又輪到食指都係咁.肉眼看上去是有些腫.睇來我要快點去見醫生檢驗下才行.多謝芳姐答覆.晚安.
芳姐你回覆漏了我的.可以解答我知類風濕關節炎的湯水飲食及忌食嗎?我最近有感左手指及左腳其中一個指的關節有些腫痛.醫生懷疑我有可能是呢類病症.但要到九月左右先幫我約見骨科.但我對呢個病症都唔熟.希望芳姐你讓我可以了解多些.唔該晒你.
mo:
抱歉!今晚系統出了問題,回應問題是並不順利,按了[回覆]系統久久不動,之前明明見到你我廻響,後來又找不到,真奇怪!
如果是類風濕關節炎,是和自身免疫系統有關,初發病會由足趾小關節腫痛,僵硬開始,漸漸蔓延上全身,故必須及早治理.你試用薏米1兩,黃鱔1條,生薑3片,紅棗6粒煲粥服.有袪濕除痺等功效.黃鱔叫魚檔起肉,出水後放入粥中一齊煲就成.平時可多用赤小豆,薏米,桑枝各1兩煲湯服,有清利濕熱,通經絡.一星期可服2次.薏米黃鱔粥可服1~2次.
芳姐:如煲湯可加豬骨或其他,一星期可煲幾多次.謝謝
wa:
加豬骨煲,一星期可服2~3次.
芳姐:可以話我知類風濕關節炎的湯水飲食及忌食嗎?我最近有感左手指及左腳其中一個指的關節有些腫痛.醫生懷疑我有可能是呢類病症.但要到九月左右先幫我約見骨科.但我對呢個病症都唔熟.希望芳姐你讓我可以了解多些.唔該晒你.
芳姐您好:
我好多時都會屙水便,是否屬脾胃虛弱?請問有咩湯水可改善?謝謝!
Angel:
你可能脾胃虛弱,可以用淮山,芡實,炒扁豆各1兩,紅棗6粒煲豬展湯服,6碗水煮成3碗,飲湯隨量吃湯料.
芳姐:
你好！想請教您.我姊夫今年年頭開始一邊眼球凸起好大,已經睇左醫生,檢查過有腫瘤,昨日做手術在眼球腫瘤抽組織細胞,我想
請問 現可煲什麼湯水食療. ( 佢係熱燥底 ).有什麼要介口.謝謝.
wa:
剛做完手術,可用北茋5錢,太子參3錢,杞子4錢,燉花膠或響螺乾湯供服,3碗水燉2小時.有助益氣養陰,明目等功效.不要吃辛辣刺激食物,發物如筍,蝦蟹,鵝,無鱗魚等忌服.
芳姐,
請問剛做完痔瘡手術, 有什麼食療, 謝謝!
楊媽:
剛做完痔瘡手術,可用黑木耳2朵,紅棗6粒,無花果4粒煲瘦肉湯服.另外用北茋5錢煲瑤柱瘦肉粥,能加快傷口癒合.
芳姐,
想請教, 點解蕃薯要放薑, 是否蕃薯屬寒涼性食物; 本人喜食蕃薯當早餐,
因聽說其針對乳癌, 因我有乳腺增生的問題; 但身體底子又寒, 未知喘咳多時,
會否因為吃食蕃薯所致, 而影響痕喘咳好不了. 想聽聽你寶貴意見. 有勞!
林:
番薯的確有防癌,抗癌功效,但由於入胃腸後易產生氣體,故最好放些生薑.喘咳不關番薯事.可用白果15粒,去芯,核桃肉1兩,南北杏1兩煲粥常服,有補益肺脾腎,止咳定喘之效.
謝謝芳姐解答 ^^
芳姐
謝謝你的提供。
芳姐，
好多謝您咁夜仲覆我！請多多保重！
我明白了！謝謝提點，我會煲咗羅漢果先！
芳姐，
你好！想請教您，我仔6歲，近來常鼻敏發作，我煲了玉屏風茶給他，他飲後有些少喉痛，我再煲羅漢菓，他喉痛好了，我又煲了三天辛夷花，蒼耳子，白芷，他說飲後鼻通了，但仍會打噴涕而且有鼻血，晚上睡覺都會打噴涕及喉痕發出’格格’聲，今天他說喉又有少少痛了，可能鼻水倒流引致吧，我應該煲甚麽好呢？
謝謝您！
sharon:
你先治好仔仔的喉痛.可用羅漢果水供服,連服2天.之後煲辛夷花湯飲,對改善鼻敏感有幫助.
謝謝芳姐啊，我也想多問一個問題，就是有關白莲鬚糖水，為何網上有流傳懷孕6，7個月便可飲用，说這時間飲才清到胎毒，是真的嗎?還有，葡萄乾水是否都可以清胎毒呢？
Bibi:
白蓮鬚水7個月開始可服,有助清胎毒.葡萄乾水有補血功效,孕婦可常飲用,好像與清胎毒無關.黑芝麻糊能清胎熱,又美顏潤膚,可經常吃.
芳姐, 你好
本人面上有很多扁平疣, 請問大豆芽能消除面上的疣嗎?還請賜教有什麼食療湯水。
謝謝
connie :
有條民問偏方去扁平疣的,就是連續3天不吃飯,不吃其它食物,只吃用水煮熟的大豆芽菜,幾本食療書都這樣說.記得我有一年面上無端有兩粒扁平疣,於是照書吃法,吃了兩天捱不下去,奇怪的是一星期後疣自動消失無踪!另外薏仁粉加水揩擦患處,或用生馬蹄揩擦患處都有效.你不妨試試,反正都是價廉的東西.
謝謝芳姐解釋 , 另外我也想問 , 孕期內是否可以飲庶汁呢 ? 因為我其實很喜歡喝中環那檔老鋪很出名的竹庶汁 , 有幾次行過我都不敢喝 , 所以想問問芳姐 ~ 謝謝 ~
Babi:
孕婦可以飲蔗汁的,但最好不要冰凍冷飲,否則易傷脾胃,降低消化能力.室温左右的温度飲就不錯.
更正(有什麼花茶可用)
芳姐:
請問血壓高, 有什錦花茶可用呀?謝謝您!
卿:
你試用鈎藤,菊花,山楂各3錢沖水焗茶飲,有降血壓作用.
芳姐, 我去台灣4日, 應該係食咗d炸物, 第三日開始已經咳到甩肺, 喉嚨痕癢到不得了, 咳時有痰聲, 回到香港都未見好轉, 可以介紹煲些什麼可以止咳呢? 我日夜都咳, 咳到喉嚨有d痛, 夜晚亦咳醒數次, 影響睡眠質素, 請幫幫忙…..
yoco:
你試用甘草1錢,五味子3錢,紫蘇葉3錢,炙麻黃3錢,防風3錢,5碗水煮成2碗服,連服3劑,主要是袪風止咳.喉嚨痕多數是風重.
芳姐 :
多謝你的幫忙和賜教, 可以加埋百合嗎?
Donna:
可以加百合同煮.
Donna:
你試用太子參3錢,茯苓4錢,薏米1兩,紅棗6粒,陳皮1塊,生薑3片煲竹絲雞湯服,有益氣養陰,健脾袪濕功效.8碗水煮2小時成4碗,可分2天飲用.
芳姐,
近日呢類天氣, 熱有 27-30, 但濕度又有 90度, 想飲竹絲雞湯可以配些甚麼較適合對應目前呢
類天氣, 陣陣痕癢咳, 每天十數次都已經成年了, 看極中西藥都不好, 尤其是中環個間出名出自
港大中醫的, 費用單是診金要 $300, 藥費都未包, 認真肉赤又窮了. 又不知會否同個人太疲累有關,
一個每天只睡得 6個小時的人, 想怎也不會好吧! 難度不工作嗎? 生活真不容易. 麻煩你指教, 謝!
芳姐 , 紅鱣魚是什麼魚來 ? 岩孕婦飲嗎 ?
我又想問 , 孕婦應多喝豬潤水嗎 ? 因有些人又話可以食 , 有些人又話不可以食因會導致 k 胎 … ? 同埋孕婦可吃黑木耳 , 雲耳等食物嗎 ? 謝謝 ~~
Babi:
紅鱣魚是淺水層的魚,有補血健脾功效,多數是[蛋家]水上人家網的,合孕婦用.豬膶由於近年養豬業喜用快大素及哮喘藥飼養,肝會吸收很多這類毒素,故不建議多食,孕婦尤其是不要吃太多,因為除了怕有這類不良物質,豬膶還有回奶作用,如打算餵人奶就不要吃了.黑木耳功能活血袪瘀,故孕婦應少吃,.雲耳其實屬黑木耳類,故孕婦亦不宜吃太多,少量則無妨.產後反而應多吃黑木耳,雲耳,以助惡露清除,及有補血作用.
謝謝芳姐.