By 芳姐 ( 20 11 月, 2012 at 8:25 上午)
· Filed under 口腔病/便秘
認識不少朋友,工作忙碌,需要經常捱夜,有時就算工作完成,因積習已成,硬是無法早睡,非要到三更半夜才能成眠.長期捱夜的結果是容易出現陰虛火旺症狀,如口乾舌燥,口舌糜爛,暗瘡叢生,心情煩躁等.
[黃豆芽雪耳豆腐湯] 能滋陰降火,生津利咽,調理腸胃. 對心,胃火旺引致的口生飛滋,喉痛聲嘶,心浮氣燥人士很有幫助.
用料是: 大豆芽菜半斤, 老豆腐1-2塊, 雪耳1兩, 無花果4粒, 瘦肉6兩.
做法: 雪耳用清水浸透,去蒂; 大豆芽菜,豆腐,無花果洗淨; 瘦肉切片; 將全部材料加水煮約個半小時,即可連湯料同食.
~ 小貼士: 此湯清潤,如夜睡後發生口燥咽乾,乾咳聲嘶,大便秘結等症,可加多幾粒無花果.
Permalink
芳姐好：此湯的瘦肉洗唔洗醃？謝謝
Siuming:
瘦肉不用醃,但要出水.
芳姐
你好 我四十幾歲是位媽媽， 上星期初 牙肉腫脹 ，生了粒 (摸上去 可能一至兩粒 )很大的可能係飛滋或者瘡， 喺右邊下面最入那顆牙齒週邊的牙肉，摸上去十分腫脹。 之前嗰排 都幾熱氣， 這兩星期 都用漱口水、 用鹽敷、漱鹽水等處理， 不過不是太見效。 請問有什麼涼茶或食療可以幫助？十分謝謝你
Helen
Helen:
你可能是生牙瘡,應該看牙醫治理.含濃度高的温鹽水潄口能消炎殺菌,但濃度要達飽和才有效,即鹽差不多溶解不了的濃度.每日3次.
你好！芳姐
想請教一下，小朋友三歲半，去完旅行之後，
生飛滋，胃口普通，晚上睡覺不太好，
黑眼圈很大，面色暗沉
請問可以飲和煲什麼湯水呢？
謝謝你！
王王:
你可以煲些鹹瘦肉皮蛋粥供食,有助滋陰降火消痱滋.或用大豆芽菜半斤,雪耳3錢,無花果3粒,蠔豉適量煲瘦肉湯亦佳,全家可飲,能滋陰降火.蠔豉補腎,有助改善腎虛,要吃湯料.
你好..芳姐,..
想請教一下，小朋友2歲
喉嚨有幾粒飛茲.依排夜訓.
胃口一般..
請問可以飲和煲什麼湯水呢？
謝謝你！
winwin:
你可以煲些皮蛋鹹瘦肉粥,或煲這款黃豆芽菜雪耳豆腐湯供小朋友服,有助滋陰降火.
感謝!!請問依個湯水要煲幾耐??飲幾多次呢??謝謝!!
winwin:
此湯煲1小時,飲3劑,看能否改善?
好…感謝..^^
芳姐，我女早幾日輕微腸胃炎發燒同屙左三日，今日已經退燒同冇屙，但仲有口氣同生左飛滋，請問呢款湯水岩唔岩佢飲？因為岩岩腸胃炎怕唔岩佢
Carrie:
腸胃炎口生痱滋可以飲這款湯,連服2劑.
芳姐，阿女腸胃炎之後，手腳有d涼。可以食咩食療？後咪好返飛滋之後先可以進行調理？
Carrie:
痱滋好後可用淮山,芡實,茯苓,蓮子各1兩,生薑3片,紅棗6粒煲排骨湯服,能健脾補腎,改善體質,一星期2劑,全家可飲.
小朋友嘴痛可以煲咩飲
caman:
咀痛如果是口腔黏膜有損,可以煲這個黃豆芽雪耳豆腐湯供服,皮蛋鹹瘦肉粥亦有助滋陰降火.
芳姐:
喉嚨生飛滋,有甚麼食療可以幫助?
訪客:
你可以用金羅漢果半個,麥冬3錢,玄參3錢,4碗水煮成2碗服,連服3劑,有助清熱降火消痱滋.
謝謝
Fong Tse,
舌下生飛滋可以嗎? 有五日, 有用漱口水. 但是….
謝謝.
Chau:
舌下生痱滋可以飲此湯.如經常生要每天吃一粒維生素B什才見效.
芳姐你好，本人33歲，月經量少，手腳冰冷，時有失眠，經常口生飛滋及口乾，請問芳姐，以我體質，有什麼食療能改善口乾情況！謝謝！
芳姐:
明白,我會去牙醫到檢查,謝謝。
汶浩:
你可能牙肉發炎,應該看牙醫作檢查.可以用很濃的温鹽水潄口,濃度最好達飽和,即鹽差不多不能溶解,這種鹽水最消炎殺菌,有點刺激條脷,但不緊要,潄完再用温水潄口1次就成.每口最好含30秒,連喉嚨都潄到效果最佳.
大便秘結可以吃幾粒西梅乾,每次吃4~6粒,然後飲大大杯温水,很快通便.
芳姐:
你好,係右下邊大牙嘅面豬突然好痛,size有3隻牙咁長位置,看內裡有小小紅,痛感覺好似生喉火核,昨晚我飲咗花旗參加鹽,但只好少少,但飲完花旗參加鹽有少少見暈,今朝早起身見到條脷有3份2都係白色,。
芳姐,想問方法可以幫到止痛?我現在感覺喉嚨幾乾,大便係一粒粒,要用力痾。
唔該你。
多谢芳姐
LI:
你可以用茯苓,薏米各5錢,粟米1支,馬蹄4~5粒煲水供服,5碗水煮成2碗,連服3劑,有助清熱袪濕,改善口氣.全家飲份量加倍.可加肉類同煮.
芳姐、你好！小女有蠶豆症、最近可能熱氣
個嘴唇紅而且口气有D臭、請問可以飲什么？
謝謝芳姐：）
小芳:
生痱滋可飲此湯,桑寄生茶你放南棗代替紅棗,有助安胎,又不太燥火.
芳姐，妳好：
我現在懷孕17週，口生了數粒痱滋，請問可否煲此湯水飲用？
另如有痱滋，可否煲桑寄生茶飲嗎？因會落去核紅棗，怕過躁，又想安胎。請指教。
謝謝！
飲左兩日，飛滋好左d，唔該芳姐。
咩:
你可以煲這款豆腐湯,以清熱降虛火.如喉嚨痕咳,可以用烏梅2粒,甘草4,5片,菊花1小撮泡茶服,連服3劑,有助袪風止咳.
芳姐，你好。
上星期喉嚨痛感冒，而家差不多好返，但係有清痰同埋訓低喉嚨痕就咳，喉嚨同口舌係朝早起身時特別乾。呢兩日開始又有飛滋、唇乾，又好易自己咬到自己。我係咪應該要煲左呢個豆腐豆芽湯清熱先至去煲其他野止咳？ 請問有無湯適合同時清熱同止咳？謝謝。
naomi:
可以不加肉,加些少海藻好味些.
這個湯可以不加肉嗎？
SALLY:
你試用合掌瓜2個,豆腐2磚,陳皮1塊,鯇魚尾1條煲湯供囡囡服,有助滋陰降火,全家可飲,煲1小時,可連服2劑.
hello,芳姐
我女21個月,之前感冒發高燒,而家退左,但仲有鼻水同咳,而脷上生左粒瘡,唔知係咪食左D藥水引起,唔肯食野,只可飲奶,請問可以煲D咩佢食?
芳姐，女兒因為乾咳，你教我服兩天麥冬羅白馬蹄水，昨天服了一劑，但發現原來口生痱滋，睡覺頭兩个中咳到睡不到，之後無咳但整晚在哭鬧，到早上五點才熟睡，所以我想等她放學回來飲完馬蹄羅白麥冬水，夜晚煲雪耳大豆芽豆付無花果鮮魚湯，吾知是否適合?
MANDY:
肉和雪耳,無花果凍水落,水滾後放豆腐,大豆芽菜,8碗水煮成4碗,全家可服.一般肉類和中藥材都宜凍水落,以免其中蛋白質遇熱凝固,鮮味質不易釋出;蔬菜,瓜果有時會有澀味,草青味,滾水落馬上鎖住這類苦澀味,湯就更好味了.
請問要下幾碗水?? 同埋是否冷水連材料一起大火滾??
謝謝芳姐
YAN:
老豆腐即煲湯的硬豆腐.
芳姐，老豆腐姐係點？
謝謝，請問要吃多久?
LC:
你可以連吃3天,如没改善,去西藥房買些維生素B什(B Complex),每天吃一粒,很快口瘡可癒.
謝謝，要吃多久?
謝謝芳姐，你好又是我LC
近來上火很厲害，現在口內長了三粒口瘡，我想是我夜訓，身體積熱所引致(中醫說我是虛火)，剛巧現在正值經期，太涼或太溫性的食物也不能碰，請問有甚麼簡單食療可以幫助我的口瘡康復？（家中附近街市裝修，如要買多種湯料可能有困難，所以希望有簡單一點的食料可以幫助）謝謝，不勝感激！
LC:
你可以用雪耳,無花果適量煲熟木瓜或雪梨湯服,有助滋陰降火,加冰糖好味些.
LC:
如你有上火情況,體質偏寒都要飲.間中飲一次没問題的.
我身體體質偏寒，請問啱飲嗎？
請問生地，黑木耳和蓮藕這款湯是否來經期間也可飲用，經血來了兩天已經很小是否也照常服用！我這樣情況是否應經前經後也服用八珍湯？
olam:
你可能胃火盛,可用大豆芽菜湯,不要再吃熱氣食物,及夜睡,要多飲水,多吃新鮮蔬果.冰凍寒涼食物及凍飲不要用.