防治暗瘡—蘋果菊花茶
秋天氣候乾燥,適宜煲多些有滋潤皮膚作用的湯水,例如木瓜雪耳杏仁湯,玉竹百合瘦肉湯,淮杞花膠湯等.今天介紹這味湯品簡單易煮,任何體質人士均可飲用.
[蘋果菊花湯]有清熱解毒,明目,潤膚之效.對經常長暗瘡的年輕人特別適合.
用料是:蘋果3個, 貢菊(或杭菊)4錢, 蜜棗5枚,無花果4粒.
做法:蘋果洗淨,去核,切粗粒; 貢菊等浸洗; 先將蘋果粒,蜜棗,無花果用6碗水煮40分鐘,再加入菊花,滾約5分鐘即可飲用.
~ 小貼士:此湯清甜好味,鹹,甜皆宜.如作為家常湯水,可加瘦肉同煮.
芳姐你好,
現懷孕接近38週, 可否飲用”無花果蘋果菊花茶”清胎毒
因有人同我說過, 孕晚期吃些無花果乾有助提前造乳/ 通乳
我又唔知自己適唔適合清胎毒, 不過小便都偏黃
無花果蘋果菊花茶 會否比較溫呢?
小寶:
黑芝麻糊能清胎毒,最好買純黑芝麻粉自己煮,糖可以放少些,一星期3次,對媽媽及寶寶皮膚都好.無花果蘋果菊花茶可以飲,但其它花草茶可能會令子喀收縮,所以不宜飲其它花茶.
你好芳姐：
我個女15個月發緊高燒可唔可以飲蘋果加菊花呢個湯水？
或者可以飲些什麼湯水？
Cooshun:
發燒一定要看醫生,因為現在的細菌病毒很厲害.可以用薏米1兩,蘆根5錢,淡竹葉2錢煲水45分鐘成2碗,用湯汁煲粥仔或作開奶茶都得,連服3劑,有助清熱退燒.
芳姐，你好，請問我女兒經前經後都會肚痾，是什麼原因，可以煲D乜嘢調理呢？謝謝🙏🏻
Kit:
你囡囡可能是精神緊張引起都未定,可以用淮山1兩,炒扁豆1兩,芡實1兩,紅棗6粒,陳皮1個煲瘦肉湯供服,煲夠個半小時,飲湯吃些淮山,芡實.有助健脾止瀉.
MAN:
通常用無花果乾就成.很細粒的用6粒.
芳姐,
請問用新鮮無花果定係用無花果乾都可以? 我家有無好細粒的無花果乾, 如可用, 用幾多粒呢?
謝謝.
Mui:
只要湯渣撈走,可存放第二天飲.
我係煲左無花果菊花蘋茶，請問可唔可以第二日再飲？
桃:
你買的無花果可能有問題.一般美國和中東出產的味較甜.
但我已經係買富士蘋果架啦@@ 還有其他可能性嗎?
請問點解會酸ge? T_T
方法同時間一樣, 只用了兩個蘋果
是那裡出錯嗎?
謝謝
桃:
你最好買較熟的富士蘋果,我上次買地厘蛇蘋果,削皮後D肉很青,亦很酸,照計蘋果肉最多不甜,但不會酸的,不知為何上次買的美國地厘蛇蘋果隻隻都酸的!所以我猜測你都是買了太生的蘋果.
芬:
可以用任何一種紅蘋果.
芳姐~蘋果應該用紅蘋果? 富士蘋果得唔得? 或其他蘋果?
芳姐，妳好，女女18個月大
有蠶豆症，已經發燒左4日，擒晚服用左抗生素，今朝體温稍微回覆正常，醫生話喉嚨發炎，但佢唔係好肯飲水，同食野，請問女女可飲用(1) 竹庶紅蘿蔔水(2) 紅蘿蔔粟米鬚煲瘦肉湯(3) 其他？
唔該晒
sicilia:
你可以用茅根1扎,馬蹄6粒,紅蘿蔔半個,竹蔗2條煲水給囡囡飲,有助清熱利咽.幾好味的.要待涼才服.
唔該晒，芳姐
sicilia:
這款湯對蠶豆症患兒没影響.
芳姐，我飲用呢個湯水，對飲緊人奶而有蠶豆症既女女有影響嘛？
想問妳建議個幾隻湯有食譜嘛？
另外，我想問。我由16歲開始，有皮脂線瘤，有咩湯水啱我飲呀？因為我又餵緊人奶，而女女又有蠶豆症。唔該
sicilia:
皮脂腺瘤可用山楂,決明子,夜交藤,荷葉各3錢,5碗水煮成2碗服,一星期2~3次,有助改善.
唔該芳姐
sicilla:
菊花茶蠶豆症兒童可以飲用.粉葛湯,霸王花湯,西洋菜鴨腎湯,菜乾湯,豆腐鮮魚湯等都有清熱作用,可參考網頁中這些湯水煮法.
我女女而家16個月，有蠶豆症，可飲用菊花嗎？
如想清熱，可以煲咩呀，唔該
Sharon:
黑眼圈可用南瓜,番茄,紅蘿蔔各適量,田雞2隻,生薑3片煲湯常服,有助去除黑眼圈.另外可用蘋果花,玫瑰花,茉莉花各1小撮泡茶飲,都有幫助.
芳姐:
首先多謝你的指導, 謝謝妳!
請問可否介紹一些飲療, 可以幫助我減淡黑眼圈? 我本身是經常要對電腦工作, 已經多左休息雙眼, 但仍難減淡眼圈。
Thanks!
Sharon
:芳姐：
你好！
我今天買了龍脷葉及批琶葉,請問可以加什麼東西煲湯。請覆！
謝謝。
亞May:
龍脷葉,枇杷葉可同用,不過可能不算太好味.可加南北杏,蜜棗,蘋果或雪梨同煮湯,加肉亦可.
芳姐,請問生倒刺代表咩?可以煲D咩呢?謝謝
elaine:
生倒刺可能皮膚乾燥,可以用熟木瓜,雪耳,南北杏,無花果,冰糖各適量煲糖水服,全家可飲.
謝謝
請問大肚食得黃耳嗎？點煲？有咩好？
大少奶:
黃耳含豐富膠原質,懷孕可食.有滋陰潤肺,清心補腦等功效.可以配蓮子,百合,杏仁,冰糖燉,能滋潤養顏.或配淮山,杞子,紅棗煲瘦肉或雞湯都有益.
芳姐，你好！
请问月经期间，能否喝这个糖水？谢谢！
bergyice:
這茶來經期間可以飲.
你好， 我想問這個糖水是否可加杞子，圓肉？
P.s. 本人時常手腳冰冷，時常遲睡，被中醫師說有d內火同陰虛
kelvin:
圓肉很補血,又有安神作用,但陰虛內熱者不宜.可加杞子,南棗,就不燥火了. 經常夜睡多數會出現陰虛火旺症狀,必須改善作息時間,單靠食療不管用.平時可用沙參,玉竹,麥冬各3錢,雪耳2錢,無花果4粒,生薑3片燉雞湯服,有助滋陰潤燥.
今天煮了這個，很好味
我仔2歲半，近日流鼻涕（ 黃綠色）未見發燒咳嗽，可煲甚麼湯水
楊太:
建議你帶仔仔看醫生,鼻涕黃綠色表示有炎症,要吃消炎藥.食療可以用辛夷花6朵,葱白3條,蜜棗2粒,3碗水煮15分鐘供飲,怱白後下,有助止鼻涕.
芳姐好：
想請問 22 個月大人仔於下星期四打水豆針，有什麼湯水可煲給她飲呢？謝謝你！
思思:
你可以用薏米1兩,蘆根5錢,雪梨1個去核,5碗水煮成2碗供仔仔飲,有助清臟腑熱,減少打針後不適.
芳姐,
我會到翠屏邨明愛查詢參加課程資料, 謝謝.
火星人:
歡迎參加培訓!
芳姐 : 你好，我媽有糖尿病，最近覺得口好鹹，是否腎虛，可有湯水改善這情況，謝謝 。
粉紅木偶:
令堂感到口有鹹味,有没有其它尿頻或脚腫等不適?如果有要看醫生.可試煲些赤小豆,薏米冬瓜湯飲,有助改善.赤小豆,薏米各1兩,冬瓜半斤,可加瘦肉同煮.
多謝你, 我想問食西葯中都可以飲白芨3錢,杞子3錢燉燕窩, 是嗎?
may:
可以服西藥後2小時食白芨燉燕窩,没問題.
芳姐,
感激妳快速的回覆, 今晚會先煲花旗參水喝. Thanks a lot.
另外, 想知道妳是否在 “再培訓局”教授中醫葯或食療課程 ? 請問妳在那一間學校教呢 ? 很想參與妳的課程.
火星人:
我在明愛位於翠屏邨,石硤尾及沙田圍,沙田文禮路幾個中心教課,主要是家務助理班及陪月班,當然會教學員一些養生保健常識.參加這類課程有津貼拿取,而且考到[技能試],取得証書,對日後有需要找工作時大有幫助的.
芳姐,
您好, 有以下兩個問題煩幫忙指教.
1.) 昨天煲了雲吞雞吃后, 今早起床感到肩頸上火, 甚至太阳穴位有微痛(頭痛)現象, 眼角有堅硬而淺黃色的眼屎, 舌怠偏黃厚. 請幫忙介紹一些食療及茶飲, 可以快速袪熱退火而不傷肝腎陰.
2.) 我體質是屬於陰虛火旺, 血氣不足, 心肺功能比較差的人, 喝雞湯或補品會即上火, 而喝寒涼的湯水及糖水會脾胃不和, 腹脘脹满及有時更會肚子冰冷泄瀉, 請問我可以用什麼食療及茶飲來進補呢 ?
祝君健康.
火星人上.
火星人:
你可以用花旗參3錢,杞子3錢,菊花3錢,2碗半水煮10分鐘供1天服,有助益氣生津,清肝熱.陰虛火旺者不宜吃温燥食物,你可以用水鴨或竹絲雞的,瘦肉亦成.配沙參,玉竹,麥冬各3錢,雪耳2錢同煮湯服,有滋陰潤燥,補益身體功效.
我老公得了肺結核病要食6個月西葯, 想問可以煲咩湯水補下肺同肝
may:
白芨是療肺聖藥,可用白芨3錢,杞子3錢燉燕窩食,如嫌燕窩太貴,可改用雪耳及黃耳,每次用2錢就夠,2碗半水燉1小時食.一星期3次.
芳姐:
我外公剛做完肺葉割除大手術 慢慢胃口已恢復 唯咳嗽仍很密 痰亦很多 都是白色的？ 會否跟天氣乾燥有關？ 有什麼食療可根治呢？謝謝！
catcat:
你試用法夏,白朮,茯苓各3錢,甘草1錢,陳皮2錢,生薑3片,北杏3錢,5碗水煮成2碗供服,連服3劑,如見效,停3天再服1療程,有良好袪痰作用.
今日試左呢個茶，好好味！謝謝芳姐分享！
芳姐～还想请问我怀孕7个月～训觉时抽筋抽得好密～有咩食療可以舒缓！谢谢你
Small:
治抽筋的方很多時材料不合孕婦用.你試買些薑粉,用2茶匙調勻在温熱水中,臨睡前用來浸脚,另外穿對襪套上床睡,可避免小腿抽筋.如買不到薑粉,可用生薑切片6~8片,5碗水煮15分鐘,加入涼水就可浸脚.
芳姐您好,
請新鮮無花果是否有補肺上咳的功效? 如有痰可以吃嗎? 對胃好嗎?
謝謝~
Nata:
鮮無花果有健脾胃,潤肺養顏功效.但痰多就不宜吃太多,因為糖分高.
多谢芳姐：
请问，沙参玉竹麦冬雪耳竹丝鸡汤水除了清燥热，是否对夜晚睡的唔好有帮助？多谢
Grace:
沙參玉竹湯主要滋陰潤燥.如睡眠欠佳,可加百合1兩,蓮子1兩同煮.
芳姐，因為我有位朋友懷孕沒飲蓮鬚水，沒介口吃很多朱古力、薯片，結果bb出世不久塊面生好多一達達紅色嘢。如果在懷孕第七個月時錯過清胎毒，現在已經9個月了，仲有無其他方法可以清到？
Monica:
懷孕後期可以每天一碗黑芝麻糊,但最好少糖的,有助清胎熱.
芳姐，Can I use frozen 蜆肉 to make this 杞子紅蘿蔔蜆肉湯. Thanks!
SOS:
可以用急凍蜆肉,但味道不及鮮品好味.療效差不多的.
芳姐，你好：
我怀孕18周，觉得成身燥热，好像成日低烧，好难受（但中医又话我脾胃虚寒湿），可否介绍一两款汤水舒缓不适？多谢。
訪客:
你試用沙參,玉竹,麥冬各3錢,雪耳2錢,百合1兩,生薑2片煲竹絲雞1/4隻.6碗水煮個半小時,飲湯吃些湯料,一星期2次,有助改善陰虛燥熱不適.
芳姐～你好～我还相请问你怀孕期糖尿高还可以飲竹蔗馬蹄紅萝卜水啊？食牛肉可以嗎？
Small:
糖尿高竹蔗馬蹄紅蘿蔔水可以飲,不要加糖就成.牛肉可適量食,因含有葉酸等營養.