By 芳姐 ( 11 4 月, 2014 at 11:07 下午)
· Filed under 養顏潤膚／消脂瘦身
花膠和海參一樣,都屬陰陽雙補之品,又能補腎氣,含豐富骨膠原,屬低脂肪食物,常吃可以令皮膚光滑細緻白嫩,男女皆宜,日常不妨多用花膠入饌作菜或用來煲湯.
[花膠杞子田雞湯] 有滋陰養血,養顏去皺紋的功效.此湯味美,合全家老少飲用.
用料是: 浸發花膠4兩, 杞子5錢, 田雞3~4隻, 生薑3片.
做法: 田雞劏洗乾淨,出水; 花膠出水; 杞子浸洗; 將全部材料放入燉盅內,注入4碗開水,燉約3小時即成.
~ 小貼士: 花膠對肺腎虛弱,貧血虧損的人最為適合.但花膠含膠質多,若胃腸有問題的人不能一次吃太多,以免滯胃.倘痰多氣弱者,最好用陳年花膠,因這種經長年貯藏的花膠黏性已大減.
Permalink
KK:
懷孕可吃薑,不會令子宮收縮.但過食會上火,只能適量用.
芳姐您好，
請問懷孕飲花膠鮮奶可否落薑？
我很喜歡食薑，㷛魚湯都落很多，辣辣的，但有人說薑會令子宮收縮，請問孕婦是否適合吃薑？
謝謝
芳姐好,
感謝芳姐回覆阿仔下月十字韌帶手術後㷛雞血膝冰糖水，請問現在可否開始飲？如㷛雞血膝冰糖水，是否田七粉沖水就不用飲?
另外我自己早上睡覺醒來時，一個月內會有幾次左或右手麻痺，是什麼原因？要㷛些什麼可解決？
祝生活愉快!
GREENLY:
你仔仔可以飲雞血滕糖水,田七分沖服就成,因為都要服用一段時間才可康復.你手麻痺可能血循環不太好,最好量量血壓及驗膽固醇,血脂,看心臟有没有問題.可以去裕華買天津出的丹參丸服食,有助改善微循環及麻痺等功效.
芳姐你好,
請問我買左d花膠筒 (唔係好大好厚果d), 煲湯之前應該點樣處理?
我平時就咁用薑蔥出一出水, 大約5-10分鐘到
跟住用凍水沖沖就放落湯度煲大約兩小時…
咁樣ok嗎?
MAGGIE:
如果花膠筒較薄身,用你的方法烹煮已足夠,没問題.
MARUKO:
懷孕只要有胃口可以燉花膠食,没問題.雞泡膠適合,一星期2次就夠.
你好, 芳姐, 有啲人話懷孕後期應多食花膠, 對子宮復原有幫助, 但亦有人話唔應該食。芳姐你有何意見？本人懷孕８個月，我的體重過輕（但ＢＢ屬正常ＳＩＺＥ），食雞泡膠適合嗎？ 一星期食２－３次， 會否太多？謝謝
芳姐，你好
請問男士可食雞泡膠嗎？
因懶得分開煮給自己及先生，如可以，就不用煮開，另外小孩3歲食可以嗎？
Nat:
雞泡膠男女可食;小孩子脾胃功能如較弱不宜多食,因易滯胃,吃少少没問題.
vincent:
你可以用紅蘿蔔1個,杞子3錢,桑椹子3錢,鮮蚌肉或蜆肉半斤(或蚌肉乾2兩),瘦肉4兩,生薑2片煲湯飲.有滋陰明目作用.或用金蟬花3錢,杞子4錢,內仁肉3錢,紅蘿蔔1個,瘦肉4兩煲湯服,對任何視力衰退都有幫助.金蟬花近年被研究出其基因圖譜和冬蟲草差不多,屬優質補品,對眼尤其是好.可常服.5碗水煮成2碗服,一星期2次.
芳姐,
請教眼乾,眼倦煲,什麽湯最好,請赐配方及煲法？謝謝！
謝謝芳姐
謝謝方姐
芳姐，請問—下，有人説煲花膠湯不可配紅蘿蔔，是真的嗎？我愛用此再配節瓜，豬蹍，陳皮來煲，對有哮喘的小朋友(7歲)是否合適呢？
有勞了芳姐
吳太:
花膠有補氣功效,但凡有補氣作用的食材,不宜配白蘿蔔/青蘿蔔及飲太濃的茶,以免破壞或抑制了補氣的作用而已.紅蘿蔔不破氣,故可以同用.花膠可配紅蘿蔔,陳皮,豬展,如加10粒去芯白果更佳,有止咳定喘作用.節瓜正氣,可以一齊用.
SHARON:
此湯懷孕可以飲.
請問懷孕4個半月可飲?
Mabel:
這款健脾湯加些紅棗6粒及圓肉8粒,就有改善面色作用.
Mabel:
中醫理論,[健脾就能袪痰],故小兒痰多大多數因為脾虛.可用淮山,蓮子,芡實,茯苓各1兩,紅棗6粒,陳皮1塊煲瘦肉湯或粥供兩個仔仔服,一星期2次,服用一段時間後可改善痰多問題.最好將淮山,芡實,蓮子,茯苓磨成粉,煲粥時放入2湯匙,全部吃下最有效益。
芳姐，謝謝回覆。
正確是大女細仔。
另外，大女經常面青嘴唇白，又食咩好呢？
Mabel:
中醫理論,[健脾就能袪痰],故小兒痰多大多數因為脾虛.可用淮山,蓮子,芡實,茯苓各1兩,紅棗6粒,陳皮1塊煲瘦肉湯或粥供兩個仔仔服,一星期2次,服用一段時間後可改善痰多問題.最好將淮山,芡實,蓮子,茯苓磨成粉,煲粥時放入2湯匙,全部吃下最有效益.
芳姐,
我有2個小朋友,一個7歳,另一個就快3歳(這個有G6PD),佢地經常都有好多痰,又咳唔出,有咩可以幫到佢地呢?
謝謝!
芳姐你好！請問8個月身孕可否飲此湯？
訪客:
懷孕8月可飲這款湯.
miss mak:
川貝4錢,陳皮2塊,豬展1隻,雪梨2個(去核),百合1兩,6碗水煮成4碗,老人,小孩都可服,對肺炎,痰多,氣管炎者都有益.
訪客:
你買優質的寧夏杞子,可每天沖泡服用.早,晚服皆可.
芳姐:
川貝果皮燉豬可以止咳嘛？如二人
份量多少？老人家可以飲嗎？如果有肺炎、氣管炎？
芳姐,想問杞子茶每日/晚飲可以嗎?Thanks!
t43k59g:
謝謝有用資訊!我也找到一間急凍肉食店有法國鵪鶉賣,55元兩隻一盒,我也覺得很便宜,幾大隻的!在威靈頓街巿附近那條街,結志街尾段.
Connie:
你可以用羅漢果半個,桔梗2錢,辛夷花3錢,甘草1錢,3碗水煮15分鐘供仔仔服,連服3劑,有助袪痰收鼻水,止咳.田雞冬瓜薏米湯更適合仔仔飲,有清熱利水袪濕作用.
芳姐, 如想買法國鵪鶉了,你可到AEON, 那里是 $58/2只, $29/一只. 我也找不到比此價再低…另大棧也有 “法國竹絲雞” 好似是 $98. 但我自己未買過. 所以都不知品質如何. 如其他網友知在那里買,也想留言…..
芳姐，你好！！
小兒(五歲) 近曰有咳，流鼻水和多痰，持續差不多一星期了，
請問有咩湯水適合他？？
另，可否用田雞和紅棗煲湯給他飲嗎？？
PS: 體質更燥底和濕熱
有勞解答，謝謝！！
你好!
我好鐘意煲湯燉湯, 但而家d 雞, 烏雞都係冰鮮, 煮好都冇咩味, 會唔會冇咩療效?
請問一下你平時用咩雞煲湯多?
泰安雞, 嘉美雞會否好味d? 療效好d?
謝謝!
Maggie:
我平時多數用嘉美雞或康保雞煲湯,有時雞太貴,就將雞肶和雞翼作醉雞或沙薑雞食,其餘雞胸,雞背等用來煲湯.泰安雞較肥,燘和蒸較佳,都是不用激素飼養的雞,好好味.竹絲雞我用外國進口的有機竹絲雞,65元一隻,可惜近來這間店因租太貴結了業,暫時都不知去哪處買急凍有機雞及鵪鶉了!
芳姐， 你好
昨夜給20個月小兒飲開奶茶， 但第二日就流鼻血，已是第二次發生， 雖然不是連續這樣， 但都是早排發生， 請問與開奶茶有關嗎， 另外應給什麼湯水。 謝謝！
Win:
開奶茶不會令幼兒流鼻血的.你試用茅根1扎,鮮蓮藕節3個,5碗水煮成2碗供服,連服2劑,有助涼血止鼻血.平時可以用棉紙巾剪成條狀,捲實沾温水通鼻管,有助防鼻管乾燥,碰觸時損傷了鼻腔黏膜而流血.
芳姐:
請問體內呼出的氣味, 別人聞到有點”騷”的味道, 患者是不吃羊肉, 這是代表身體寒或熱呢? 有什麼食療改善呢? 謝謝!
BLLI:
除了吃羊,多吃牛肉,豬肉同樣會令人感到有’騷’味,建議改善飲食習慣,多菜少肉,多飲些用蔬菜煮的湯及多飲水,有助改善.
芳姐 : 請問如果不用田雞, 可用什麼代替呢 ?
t43k59g:
田雞能補虛,利水消腫.如不用田雞,改用豬展吧!