By 芳姐 ( 21 5 月, 2014 at 2:48 下午)
· Filed under 保護視力/耳、鼻、喉疾病, 家常食療
鮑魚是名貴海產之一,肉質細嫩,鮮而不膩,營養豐富,故售價越來越貴.
鮑魚的肉和殼都有食療價值,鮑魚殼又稱[石決明],是治療目疾的要藥; 鮑魚肉味甘,鹹性平,能滋陰清熱,養肝明目. 適用於肝腎陰虛,骨蒸勞熱,及肝血虛,視物昏暗等症.
[淮杞鮑魚雞湯] 對肝腎陰虛所致的頭暈目眩,眼部乾燥,耳內鳴響,掌心作熱,夜間口乾,腰酸腿軟等症均有療效.
用料是:急凍鮮鮑1隻, 有機走地雞胸肉6兩, 淮山1兩, 杞子4錢, 紅棗(去核)8枚, 生薑2片.
做法: 急凍鮮鮑解凍後去腸頭,洗淨出水; 雞肉出水; 淮山,杞子,紅棗浸洗; 將全部材料放入煲內,加水煮約3小時即可連湯料同食.
~ 小貼士:鮮鮑必須整隻投入湯中煲煮,煲完湯後整隻撈出切片食用,仍然很鮮味.如切片後煲湯,肉質會非常韌.
Permalink
芳姐，請教乾品鮑魚怎麼發啊？
Apple:
浸發鮑魚需時,最重要一天換水兩次,放雪櫃,用清水浸2天,拿出煮片刻,毸火焗水2小時,再用清水浸1天至夠腍,剪去腸頭,就可分包存放冰格.
請問16人材料要幾多?
Pekkle:
16人?現在限聚令呀!一切防禦措施要做足才是.一般此湯材料加多3~4倍左右即成.
我煲完入暖壺拎俾屋企人,唔該晒芳姐
請問清燉鮑魚湯會燥熱嗎？
Elsa:
鮑魚滋陰補腎,明目,不燥火的.
芳姐,
你好, 想問青边鮑, 要出水嗎?煲雞湯
謝謝
brenda:
青边鮑最好出水才用.要整個一齊煲,湯煲好才撈出切片食,肉質才不老.
我想問問青邊鮑可以順產產婦食嗎？如可以，除了煲湯外，還有其他材料煮嗎？謝謝。
KT:
青邊鮑只要產婦有胃口可以煲湯食,由於青邊鮑必須整個煲2~3小時才會腍,一旦切片煲,無論怎樣煮都無法煮腍身的,所以最好方法是煲好湯後整個青邊鮑撈出,切片,然後將煮好的花菇或其它配料埋個蠔油芡時才將鮑魚片加入兜炒1分鐘，即可上碟食.
每次食過熱氣或温熱食物後就會臉紅，是否要常吃龜苓膏降火？
Jenny:
如果你吃龜苓膏舒服些,無胃寒感覺就没問題.少吃熱氣東西較佳,可以沖泡些夏桑菊飲都有清熱作用.
芳姐你好，
請問用新鮮鮑魚仔煲此湯水，那鲍魚殼是否请洗後便可一同放湯煲？谢謝!
LL:
鮑魚殼清洗後可以煲湯.
芳姐您好，這個湯水可否加花膠和轉蜜棗?謝謝!
Apple:
可加花膠,用蜜棗亦可.
芳姐，請問用智利急凍鮑魚的療效是否跟青邊鮑一樣？
Ivy:
鮑魚的療效相若,但青邊鮑鮮甜美味很多!
謝謝芳姐！
芳姐, 我煲湯很常用乾螺頭/鮑螺片, 很美味, 但想問如果有膽固醇高問題, 是否要避免用鮑魚/ 鮑片/ 螺頭/ 元貝/ 章魚…. 等 海味湯水? 如果真係不適宜, 只飲湯水不吃湯料可以嗎? 請指教~
亞叉:
只飲湯不吃螺頭等食材應該没問題的.
芳姐，
你好，請問可以用平價急凍的鮑魚仔代替青邊鮑嗎？謝謝
Peggy:
可以用急凍鮑魚仔,或鮮鮑魚仔代替青邊鮑,但食味相差很遠.
芳姐你好，
本人已懷孕28周 ，請問可以飲這湯水嗎?紅棗又怕上火，可以用什麼代替?
本人好燥熱 ，又唔飲得涼茶，可以飲什麼飲品?
See:
你可以飲這款湯,紅棗可用3粒無花果代替.無花果最補鈣,又不燥火.
請問用有機雞胸肉，可否介紹下什麼牌子有機雞胸肉？謝謝
楊太:
我有時去灣仔道一間活雞檔買斬件的嘉美雞,會有整個雞胸賣,有時去Foodwise急凍肉食店買,大間百佳間中都有售.主要是無激素飼養的雞胸肉就成.
你好芳姐！可否用罐頭鮑魚？
文廸:
罐頭鮑經製作,有些營養素及療效可能已損失,最好用鮮鮑魚.
可用新鮮淮山嗎
訪客:
可用鮮淮山3~4兩代替.
Hi,芳姐，紅棗轉南棗可以嗎?因為怕紅棗太燥熱
kathy:
其實南棗更有益,只是我覺得紅棗好味些而已.你可用南棗代替紅棗.
芳姐：
小囡3歲近期掌心熱，手腳亦比平時熱，但冇發燒，應該煲咩湯水？
Fannie:
你試用沙參,玉竹各3錢,雪耳2錢,紅蘿蔔1個煲瘦肉湯供服,此湯全家可飲,連服3劑,看能否改善?
小兒5㱑，手心腳掌常常感到很濕熱,現在發現他的你中間有條痕。怕凍又容易出汗。食完野好容易作毆。請問有冇啲食療湯水可以幫到佢！
阿文:
你仔仔可能氣陰兩虛,試用沙參,玉竹,北茋各3錢,浮小麥5錢,生薑3片,紅棗6粒煲瘦肉湯供服,5碗水煮成2碗,連服3劑,如有改善,一星期2劑.
嘉嘉:
你試用新鮮魚腥草2兩,生薏米1兩,蜜棗2粒,先將生薏米蜜棗用5碗水煮半小時,加入魚腥草再煲20分鐘可飲,連服4~5劑,看能否改善?如有改善,可一星期3劑,至症狀好為止.山草藥檔或有機菜檔有鮮魚腥草賣.我見旺角奶路臣街一檔山草藥檔長年有鮮魚腥草賣,不貴的.怕寒涼加個陳皮同煮.
芳姐 你好
我病了大半年 上年一次來經後就小便頻急下體灼熱腰痛，病情發展至今我每日不停留水狀物或無色無味白帶都有，以至外陰損痛紅腫及肚陰陰痛腰痠，我睇過2個中醫吃了3個月中藥，但我虛不受補，病情控制到但燥到個人心煩連夜失眠，停中藥即回復症狀，西醫方面，做過所有檢查沒事，只說念珠菌但根本驗唔到菌，西藥對我來說起不到作用，我這個怪人吃什麼都覺燥但又怕寒涼，這個湯適合我嗎？這個狀況已經嚴重影響我正常生活，我想自救，希望幫幫忙，萬分感激，謝謝
Stella:
內熱薏米水可以飲,夜尿多陽虛者少飲.你可以在左手邊[肝,胆,腎,腸胃病]一欄按一下,即可找到有關腸胃的開胃湯水.[家常湯餸]一欄都以找到.
謝謝謝你!但有人話內熱乾既人不宜飲薏米水，會去水仲乾，是嗎？
另外有那些開胃湯水和餸菜介紹?
Stella:
鮑魚不會開胃,反而對脾胃弱者加重負担.蔬果湯反而佳,只要配搭適宜一樣能健脾開胃.例如用合掌瓜,紅蘿蔔,無花果,生薑或陳皮煲鮮魚或瘦肉湯就非常健脾胃,富營養.紅菜頭番茄薯仔牛肉湯亦補氣益血.不一定用貴價食品才好.
訪客:
發燒應該不關鮑魚湯事.小朋友可能本身作感冒,脾胃功能差了,所以飲滋膩湯水不太適合,暫時不要飲.可以用蘆根5錢,生薏米1兩,淡竹葉3錢,雪梨1個,去核,5碗水煮成2碗服,有助清熱退燒,可連服3劑.皮膚乾,燒退後可以用青木瓜煲雪耳無花果糖水或瘦肉湯服.
因為有人教鮑魚會開胃，小兒胃口一向麻麻，不太喜歡食野。
但喜歡食蔬果蔬菜同飲湯
小朋友5歲，飲了婆婆燉的鮑魚湯一星期二次後有點痰聲，之後發好高燒，湯內有2粒藍棗，10粒龍眼，乾搖柱，肉，淮山等，是否有關，因剛剛星期全是40多濕度很乾，小朋友本身個人好乾會甩皮
Ctmanchi:
口腔常潰瘍,可能是免疫力低,身體維生素B不足.可以去西藥房買維他命B什(B Complex),每日1粒,不過最好看西醫了解情況.食療可以用玄參3錢,羅漢果1/4個,麥冬3錢,4碗水煮成2碗服,一星期2次,有助減少口腔潰瘍.
芳姐，請問口腔潰瘍2年幾都未好， 有咩湯水可以改善？ 謝謝！
芳姐，如不能吃雞湯的人，用肉會否不夠鮮甜
Catsin:
用瘦肉加兩三粒瑤柱就非常鮮甜.
芳姐：
請問乾鮑與青邊鮑有什麼分別？
Monki:
乾鮑,青邊鮑療效差不多,當然青邊鮑不用浸發,味道鮮美很多.
JUNE:
辛夷花温性的,是玉蘭花的花蕾.6朵可焗1杯,早上飲,中午飲都可以.