By 芳姐 ( 8 2 月, 2015 at 6:26 下午)
· Filed under 外感/頭痛/呼吸道病
流感令到人心惶惶,春天更是流感高峰期,所以我去教課前先服用一粒(超級)維他命C餅,回校第一件事就是先洗手,亦會引導學員注意健康,有咳就要戴口罩.有空時會煲些北茋水,或服用一、兩茶匙玉屏風散沖劑以作防備.
[玉屏風散]是中醫著名湯方,材料主要是黃茋(即北茋),防風,白朮,其中以白朮為主藥,一家4口白朮可用至2兩,北茋2兩,防風1兩.8碗水煮成4碗,有益氣固表,健脾實衛,止汗等功效.一星期可服3劑,以提高身體免疫功能,防傷風,感冒及流感.
玉屏風散有顆粒及粉末沖劑,有些中藥店會代客磨粉,連鎖店屈臣氐或萬寧等亦會有顆粒沖劑賣,方便服用不用煲煮.
此方對容易傷風,感冒,面色差,神疲乏力者很有幫助.對於小朋友,可加蜜糖調服,好味些易入口.或可用紅棗8~12粒,加水煮半小時後沖服亦佳.
Permalink
芳姐，請問吃玉屏風散吃到上火，可以煲什麼湯水降火？
芳姐，請問紅斑狼瘡關節炎食緊類固醇及風濕藥可以飲嗎？謝謝🙏
Tracy:
可以用白花蛇舌草1~2兩,蜜棗2粒煲瘦肉湯服,一星期2劑.患者不宜用補益中藥,以免症狀加重.
芳姐您好，
請問將北芪磨成粉前，需要洗嗎？
如果要洗，洗完隔幾耐或者如何處理才可以磨成粉？
謝謝！
采妮:
如果有可能,藥材清洗後吹乾才磨粉最理想.晴天吹半天就成,如陰天可以吹半天在白鑊烘乾較佳,否則易生黴菌.
芳姐你好！
我想買一些藥材煲湯料，想問一下上環那些舖頭專買無流璜的藥材和較老實，我一點都不認識。煩請指導一下謝謝🙏
NANA:
皇后大道西一些專做批發零售的店較老實,你可以四處格價,一般無硫磺薰過的大多會寫明,價錢較普通藥材大約貴2成左右,我有時會去149號那間老店買材料,可以問清楚哪些無硫磺薰過的,例如淮山有些是先行做脫水工序然後烘乾,就無需硫磺薰也不易變壞,亦因此售價會貴些少了.
芳姐：上次你曾推介玉屏風散，我問 農本方只有大樽200克。因我係長者，請問分量如何沖？每星期飲多少次？什麼時間飲最好。謝謝！
Rosita:
玉屏風散每次可用10克,大約2茶匙
謝謝! 請問剛感冒完, 可沖飲?每星期3次, 什麼時間飲最好? THANKS
Risita:
感冒未清不宜服,感冒清了才沖飲,一星期3次,兩餐之間服用.
玉屏風散小朋友5.5歲每天可以冲2g? Thx
Mandy:
玉屏風散5歲小朋友可以沖5克服用,一星期2~3劑.
如感冒期間係咪唔好飲住？
Rr:
感冒期間稍為停一停服.
請問玉屏風散加辛夷花， 是否寒底熱底都可以服用？ 有沒有什麼體質是不可以服用的？
Rr:
玉屏風散+辛夷花性質平和,各種體質有鼻敏感毛病都可以服.
謝謝你
芳姐你好，仔仔2歲半多0的，有G6PD，有濕疹（乾性無黃水），睇中醫話佢敏感令到濕疹，佢又對蛋敏感，咁佢真係成日因為鼻敏感打乞痴，搞到鼻水倒流，搞到喉嚨發炎。醫師話要增強佢抵抗力，濕疹同敏感先會好，想請教我仔仔咁既情況，可以煲呢個湯水佢飲嗎？定還是有其他建議？因為我吾係好識煲湯，吾知煲咩同食咩先好！十分感謝。
Ula:
玉屏風散你仔仔可以沖服,加6朵辛夷花一齊泡,一星期3劑,有助增强體質,減少鼻敏感.玉屏風散沖劑在裕華或農本方有售.
多謝芳姐，請問玉屏風散同辛夷花都適合G6PD是嗎？是不是每星期都要食3劑，請問需要食蛋長時間？小朋友食會吾會好涼架？THANKS
Ula:
玉屏風散主要是北茋,防風,白朮三味中藥,+辛夷花G6PD患兒可服.一星期服3劑,服至症狀改善就停.不寒涼的.
吾該哂芳姐，另外想請問芳姐可以介紹一下有咩食療加強小朋友抵抗力？謝謝。
Ula:
虎乳靈芝,雪耳,杏仁各3錢,百合1兩,紅棗6粒,生薑3片煲鵪鶉或鷓鴣湯,有助補肺氣,減少上呼吸道疾病,增强體質.一星期2劑.
吾好意思芳姐，仲有個問題想問，玉屏風散同辛夷花呢個湯有無話不適合咩體質人飲架？因為我同老公都有鼻敏感，想睇下是否都可以一齊飲。另外你話一齊泡，是否一樣用紅棗8~12粒,加水煮半小時後沖服來飲？
Ula:
玉屏風散+辛夷花沖茶服一般人士可飲,如果想好味些可用紅棗煲水沖服,紅棗有助抗過敏.
芳姐，您好。七月初没启程前因吃多了荔枝上火犯感冒，旅行期間看了中醫。服了5天藥症状有舒缓。但是還有濃濃的鼻涕+濃痰，睡醒整個喉嚨囤積了好多濃痰，需要費力的咳痰出來 😤 請您教我如何調理身體。謝謝。
玉屏風是痊癒後才開始喝的嗎？
蘇太:
你試用法夏3錢,茯苓4錢,白朮3錢,陳皮2錢,甘草1錢,5碗水煮成2碗服,連服3劑,有助消痰.病好才服玉屏風散.
謝謝您賜教。
謝謝
Yo:
玉屏風散沖劑有助增强體質,減少傷風,感冒,可一星期沖泡2~3次供服,至症狀改善就停.
謝謝回覆！芳姐另外想問剛買左玉屏風可以沖俾囡囡飲嗎？一星期飲幾次？
訪客:
你試用辛夷花6朵,葱白3~4棵滾瘦肉湯供囡囡飲,滾10分鐘可飲,連服3劑,有助通鼻.
芳姐你好！請問囡囡兩歲半、呢兩三晚瞓覺好似個鼻唔通、要用口呼吸、有d鼻寒聲咁、請問係咩問題？睇左兩次中醫都係咁
唔該芳姐。
Anita:
你可以用新鮮馬齿莧2兩,蒜子7~8粒滾瘦肉湯服,能殺滅金黃葡萄球菌.可連服3劑.鮮馬齒莧在山草藥檔間中有售,可預訂.
芳姐: 請問我老爸有痛風,現在還染上金黃葡萄糖菌,玉屏風散他可服嗎?因他已看醫生,但未原全康復.
芳姐,小女很容易就会咳嗽,通常都是睡觉时会咳,昨天给她喝了紫蘇葉,生薑,北杏,红糖水好了些,可是不知是否有熱气,嘴唇很干燥,睡觉就会咳差不多天亮5,6点咳最厉害,该给她喝咩改善,小女4岁,谢谢
May:
清晨4,5點是肺排毒時間,故很多咳嗽小朋友這段時間最易咳不停.可以用羅漢果1/4個,麥冬3錢,桔梗3錢,甘草1錢,4碗水煮成2碗供服,連服3劑,有助滋陰潤肺止咳.
Ms ng:
玉屏風散有點藥味,但不苦,可加蜜糖調服.糖尿病者不要加蜜糖.囡囡細個,飲半碗.來經或經後都可以服用.
女女一歲10個月可以飲嘛？如何令她容易入口
如果家人有糖尿病可以飲嘛？
淨係用8碗水煲就可以？吾洗加其他？
如果有經期過後幾天可以飲嘛？
好，唔該曬，你。所以睇左西醫，醫生開左抗生素，有痰，開左霧化
我仔仔3歲半拉，之前都睇過中醫前幾日睇左西醫，食左西藥就嚴重左，因為佢咳左好耐，加上鼻敏感。開左抗生素。
applewong:
仔仔3歲半,久咳不好,試用紅蘿蔔1個,去皮切薄片,麥冬3錢,辛夷花6朵,紅棗8粒,去核,5碗水煮成2碗供服,連服3劑,看能否改善咳和鼻敏感?如見效,停2天再服.
applewong:
玉屏風散裕華及上環皇后大道西一些中藥店有售.眼窩及咀邊發綠,是大腦供血不足及睡眠休息不足吧?建議看中醫調理.食療只能作輔助治療,又不知你仔仔多大年紀,所以都是先看中醫,再推介食療.
芳姐，玉屏風散係邊買到？我仔仔呢幾日眼窩，同嘴周邊發綠，係咪風重？
ZOE:
小朋友一上學,必定會感染上呼吸道疾病,要待囡囡身體[儲夠]抗體,加上注意個人衛生,勤洗手,飲食營養均衡,多飲水,很快可以減少患病.保嬰丹病好後可以服一,兩個星期,一星期2~3次就夠,無需日日食.平時可以煲淮山,蓮子,茯苓,芡實紅棗排骨湯,以健脾胃,助吸收,强體質.全家用每樣1兩,紅棗6~8粒.煲2小時,最好吃些湯料.
芳姐你好，我女女剛剛讀幼稚園後，常常病要吃西藥，奶奶買左余x生保嬰丹，話可以強健體魄，想問下你意見，小孩常常吃這些來加強抵抗力，話會少病痛D, 有用嗎？
食西藥食得多，有無湯水啱小孩飲，可以補反下？
謝謝你
waiwai:
你仔仔可以服玉屏風散一段時間.現時可以滾些芫荽葱生薑魚片水供服,有助發汗解表.用量隨意,要趁温熱飲,連服3劑.有鮮薄荷葉可以放一撮,有助通鼻.病好後可以一星期煲2~3次[四神排骨湯]服,在我網頁可找到.
你好，芳姐
想請問玉屏風散沖劑對抵抗力差，容易病3歲半小朋友服用嗎？我仔仔返學後好容易病，又瘦，最近腸病毒好返，返學3日又流鼻水，有咩湯水可以增強抵抗力或補身湯水？謝謝！
小妹:
你用bar頂,[聯絡芳姐處],按入去問,我會作私人回應,教你去買.因為我不會在網上替任何一家店作宣傳.只能作私人回應.
你好，請問係咪無舒服間中都可以服用玉屏風散？咩體質也可以嗎？
Yanice:
一般容易傷風感冒者没病時都可以服玉屏風散.如本身很健康無需服啦!
芳姐，
走匀咁多上環藥材店，都冇玉屏風散賣！店主話而家冇得賣，要中醫開藥方才能買到。去過裕華都冇。咁可以點呢？
小妹
訪客:
玉屏風散可以在裕華,華潤堂,萬寧買,有農本方及其他出品,都可靠.鮮魚湯我建議用細條的大眼雞,紅衫,馬頭,紅鱲魚,牛鰍魚等都非常有益.
芳姐，謝謝回覆。請問在哪裏買買玉屏風散冲劑或什麼品牌安全呢？鮮魚湯，什麼魚適合煲湯？
芳姐，謝謝回覆。請問在哪裏買買玉屏風散冲劑或什麼品牌安全呢？鮮魚湯，什麼魚適合煲湯？