By 芳姐 ( 6 1 月, 2016 at 4:47 下午)
· Filed under 不同類型體質, 婦科病／產前，產後／不孕
有研究指孕婦缺碘會造成胎兒發育不良、智能低下，所以孕婦要補充適當碘質。螺旋海藻不但含碘質，還含有孕婦必須的鈣和葉酸，令胎兒腦部發育良好，其所含的亞麻酸，更有助降低人體膽固醇，降低血壓，預防癌症。
「豆腐海藻魚頭湯」有益氣和中、健腦益智功效。適合孕婦、應付測驗考試的學童、年長者及熱性體質人士服用。
用料是：螺旋海藻1湯匙，豆腐2磚，生薑2片，大魚頭1個。
做法：魚頭劏洗淨，用少許油煎香；豆腐、螺旋海藻略為沖洗；將材料用7碗水煮1小時，即可連湯料同食。
~ 小貼士：本湯鮮甜美味，老少皆宜。常服能增强記憶，更有助預防心血管病。
Permalink
您好芳姐
本人早產，27、2週，嬰兒住深切治療部2個多月了，一直用呼吸機，肺部功能發展不太好，請問本人服食冬蟲夏草湯，透過母乳餵食可以有幫助嗎？如果可以，湯水配料如何？
感謝您芳姐
芳姐：海藻是否寒涼的？這海藻豆腐魚頭湯，孕婦一星期可飲多少次呢？
Daisy:
海藻偏涼,但配生薑,魚頭,豆腐性質較平和.孕婦宜涼潤,故合適的,一星期服1~2次.
芳姐你好！我懷孕25周，噚日食咗熱氣野加埋瞓唔好，今朝開始喉嚨癢，好似有痰但未咳，可以煲D咩舒緩下？唔該！
jiuli:
你試用枇杷葉5錢,桔餅1個,切碎,雪梨1個去核切塊,4碗水煮成2碗服,有助清肺熱止咳,連服2劑.
聽朝去買枇杷葉，係咪新鮮好D？屋企宜家有胖大海可唔可以焗來頂住先？
Jiuli:
新鮮枇杷葉要擦去葉背的幼毛才可以煲湯;乾品不用,當然鮮品好,用1兩.胖大海對喉痛有助,你現在喉癢咳作用不大.
芳姐，乾鮮我都買咗，今日煲咗新鮮嘅，但係我驚去唔曬D毛就用咗茶包袋裝，聽日都係用乾品煲稳震D。我今日朝早開始咳痰，係綠色，吞口水喉嚨痛，呢個湯水係咪可以繼續煲來飲？唔該！
Jiuli:
如有喉痛可加埋胖大海4,5粒一齊煲,有化痰利咽作用,可連服3劑.
芳姨
初孕6週可飲日本昆布或紫菜湯嗎？
karen:
可以,没問題.
芳姐，我懷孕11周，請問可用日本海帶代替海藻嗎？
Mandy:
可用日本海帶.
芳姐，魚頭可以用咩魚頭？同埋海藻係邊買到？
Ruby :
最好用大魚頭.海藻在吉之島,崇光,裕華等超巿有售.有些雜貨店亦有海藻賣.
請問可用其它肉代替魚嗎？
我很怕魚鯹味，又很怕煎完放入湯，啲湯會好油膩。
namnam:
可以用瘦肉.
Kelvin:
薑溶不用油炸,可用榨汁機榨薑汁.薑蓉用油浸過面就可以炒餸用.
芳姐多謝你的解答，我聽阿媽講話薑蓉要用油榨過，須要嗎？可以用榨汁機整薑蓉嗎？
Kelvin:
瓦煲只要用清水浸一晚,看煲底没有任何水漬,没任何水漬表示瓦煲没任何微細裂痕,可以煲薑醋了.
生薑用磨薑茸的刨將薑磨成蓉,可一次磨多些少,(如薑汁多可倒出,用來煲湯),薑茸用熟油浸住,隨時可取一些炒飯,煮餸.
芳姐，補充問一問：坐月炒薑飯的薑蓉要怎樣整呢？
芳姐你好，我太太下個月生產想整羗醋，我買咗個新瓦煲，店主話要煲完粥才可以用，而網上又話用清水浸泡一晚，請教吓你應該要怎樣好D呢？多謝晒你！
芳姐
你好 ，我初懷孕1個月患了感冒，有咳嗽同濃痰，睇中醫開了
止嗽散、蒼耳散、浙貝母、僵蠶、黃芩、 嗓白皮我食得嗎？
林太:
中醫開的方你可以服用的.要多休息和多飲水才能好得快些.咳及痰濃,可以用絲瓜1條,去皮洗淨切片,放碟中,隔水蒸20分鐘,用湯匙壓絲瓜汁服,很清甜,有助化痰.
芳姐
我想問下懷孕13週熱氣面上爆左好多瘡可以飲咩？
梁太:
畸胎瘤必須做手術切除才適合懷孕,四物湯對身體有益,但如果不進行手術,懷孕會困難.