By 芳姐 ( 21 9 月, 2016 at 8:44 上午)
· Filed under 小兒常見病, 皮膚病/暗瘡
在一間中藥店購物，見有兩位女士走來，問店主要一斤土銀花，我心想要這麼多份量?因為金銀花、土銀花都很輕秤的，兩位女士閒談間講及土銀花作外洗用途，對濕疹患兒真是好﹗我頗有興趣，待她們走後問女店主土銀花和金銀花的主要分別，女店主說土銀花是野生的一種銀花，較寒涼，但用作外洗劑則清熱解毒力較金銀花强，任何皮膚發炎、麻痘、濕疹等都可以用，很有療效。我見十分便宜，10元有5兩，秋天皮膚容易乾燥痕癢，買些回家看門口都好。
土銀花較一般的金銀花味更香，夏天小兒生熱痱，皮膚乾燥痕癢，或嬰兒長奶癬及紅疹，都可以用土銀花煎水作外洗劑。
我知道夏枯草能殺菌，配合土銀花同煎水，對抗菌能力弱的小兒及老人最為適合，故推介給大家。
用料是：夏枯草1兩，土銀花5錢。
做法：將材料洗淨，用2公升水煮20分鐘，待温即可用作外洗劑。可以供一天兩次用。
~ 小貼士：這款外洗劑對皮膚炎、麻痘、濕疹都有幫助，任何年紀都可應用。加些紅糖同煮，對秋冬季節皮膚乾燥痕癢者很有益，但G6PD人士不能用金銀花或土銀花，單用夏枯草煎水作洗劑就成。
小啓：近日工作較忙，網友問題未必能全部作回應，敬請原諒!
Permalink
你好，芳姐。本人女兒13歲。冬天時腳趾不定期紅腫，痕癢（晚上上床時更明顯），應該是凍瘡。請問有什麼方法？可根治嗎？謝謝。
Candice:
你可用紫皮蒜頭適量,去衣搗成泥替女兒敷患處,用紗布稍包,1小時後清洗,1日1次,連敷5天,可治凍瘡.如皮膚起疱就停用.
芳姐，谢谢你的回复，我囡兒已飲了土茯苓湯水及吃了医生的藥水和塗了藥膏，但仍未见有好轉，並且身体其他地方都出現红疹及粒粒，之後医生改用含有类固醇的藥膏也未见效。另我又用了白癣皮，侧柏葉和地膚子煲水擦身，有止痕但红疹未见有改善，想問下有没有其他方法呢？
Joyce:
建議看中醫治理.因為西醫類固醇藥如果不見效就不能再用,因為會令皮膚更薄更宜敏感.由於不了解你囡囡體質,要看中醫了解發病原因及體質因素才可治癒.白癬皮這款外洗劑可以多用幾次,無副作用的.
好的，谢谢芳姐。
芳姐，您好。我女兒现年3歲半最近手臂出現些红色的粒粒痕痒，看過醫生說是敏感引起，食藥和擦了藥未見好轉。用夏枯草洗了两天，止痒但不消疹。
未知可有方法舒缓一下。
Joyce:
你試用鮮土茯苓2兩,赤小豆,生薏米,綠豆各1兩,蜜棗2粒煲瘦肉湯,全家可飲,囡囡一天分服2碗,有助清熱解毒消疹.
芳姐你好，
最近小朋友（2歲半多）濕疹發作，半夜痕醒而大喊，打算買白癬皮，地膚子，側柏葉 煲水外敷，買時連土銀花一起買，但藥材舖竟然把4樣草藥一起放入袋中，回家後打開才知道……請問4樣可以一起煲，然後外敷嗎對小朋友有沒有影響？還是要分開？（很大工程，因已混合了）先謝謝妳！
Sandra:
四樣藥一齊煲20分鐘作外洗劑没問題,如量多可分2天煲煮,一天分3次作外洗劑.此外洗劑藥味不重,很平和,幼兒可用多天.
芳姐，感謝你的回覆！
唔知係咩疹，醫生話敏感，有G6PD, 可以用這款外洗劑,嗎?或用側柏葉,白癬皮,地膚子各5錢煲水作外洗劑亦佳,適合BB用.
訪客:
蠶豆症可以用白癬皮,地膚子,側柏葉作外洗劑的.BB可以用.
請問大約要煲幾耐先可以用?
會唔會仲有啲乜湯水煲嚟飲可以冇咁痕?
爺子媽:
外洗劑煲20分鐘可用.食療可試用冬瓜2~3兩,連皮,綠豆1兩,海帶1小撮,冰糖少許,4碗水煮成1~2碗供服.
唔該哂你呀！芳姐
芳姐，唔好意思！補充小小資料，女3歲多，有輕微蠶豆症，手指啦好痕，有紅色一細達一細達。
芳姐,你好,
本人爸爸, 長期卧床, 全身不能動,一直是家人每天幫抺身.
因為醫院半年來不准探病,現在才每星期一次.
現爸爸背部,腋窩,手臂全是汗疹. 我很心痛,
請問可以用土銀花+夏枯草抺身嗎?
另外, 有什麼湯水可以煲呢?
謝謝芳姐
心急人:
你可以用夏枯草,土銀花水作外洗劑,不要太熱,微温或室温就成.用薄毛巾涼藥液輕抺令尊患處,一日3次,可以用北茋3錢,浮小麥5錢,紅棗5粒,5碗水煮成2碗供服,有助增强體質,止汗.
謝謝芳姐
我還以為他現在濕，熱，不是嗎?
用薏米，赤小豆可以嗎
心急人:
薏米,赤小豆利尿,令尊不能動,飲赤小豆薏米湯會不停排尿.但不能止虛汗及流汗.醫院有冷氣,正常患者不應流太多汗出汗疹.
謝謝芳姐，
爸爸有表示覺得熱(但沒有發燒)
北芪，浮小麥，紅棗可改南棗嗎
心急人:
如患者感到熱,可加黑豆1兩,紅棗改南棗,試3劑,看能否改善出汗問題?
芳姐，
請教爸爸體質偏熱，北芪可改用五指毛桃嗎？另可否加黨參?
(爸爸是中風的的)
心急人:
可用五指毛桃.黨參都温熱的,暫時不用加.
謝謝芳姐，
即北芪/五指毛桃＋浮小麥＋南棗＋黑豆。不用加黨參
心急人:
是.暫時不加黨參.
你好芳姐！bb兩個月大！一日3次洗，但效果不大！
請問還可以用甚麼方法？
敏敏:
你BB有濕疹?試用白癬皮,地膚子,側柏葉各5錢煲水供一天作外洗劑,連用3天.
請問分量幾多？同埋煲幾耐？謝謝
敏敏:
用4碗水煮半小時成2碗,每次用藥棉沾藥汁在患處揩抹,一天可抹3~4次.
謝謝！我試下先
芳姐你好，想問下bb5個月，全身都有濕疹，但keep住保濕就會退左，想問下呢個方法岩用嗎？
Connie:
你可以用這款外洗劑.有助防濕疹.
芳姐、請問初生bb 一個月多可以沖涼和洗面嗎？
面部 和 腳 都有濕疹， 只用土銀花可以？
一天可以用多少次？需要敷住嗎？眼部可以抹？
Bb:
初生BB可以用土銀花水作外用劑,你可以用藥棉沾藥汁塗抹患處,一日3次,眼部都可以抺,不用敷.
只用土銀花，不需用夏枯草對嗎？謝謝
那只需抺 不用沖涼。
請賜教 謝謝
初生bb可加夏枯草沖涼嗎？
因腳部 ，面部好多小水泡特起，面部有時有出水 較嚴重
Bb:
初生BB可用夏枯草水沖涼.如濕疹嚴重,建議看醫生治理.
沒有土銀花可否用金銀花加夏枯草？謝謝。
Mom:
可以用金銀花,加夏枯草的.
請賜教 謝
芳姐:
BB 四個月大, 面部和頸部都有濕疹, 時常返發, 可以用夏枯草土銀花洗劑嗎?
李太:
4個月BB可以用夏枯草土銀花作外洗劑.
小朋友17個月，風疹可吾可以用呢個？
Yvonne:
風疹可以用這款外洗劑,或用側柏葉,白癬皮,地膚子各5錢煲水作外洗劑亦佳,適合BB用.
洗幾多次會好呢？
係浸洗嗎？
Yvonne:
用毛巾沾藥液揩抹患處就成,水温不宜太熱,攝氏38~40度就成.一日揩抹3次,連用3劑,看能否改善?
因為出疹既地方，好多時10分鐘內已經冇左，其實係咪外洗冇用要食療，因為小朋友每天都會出d疹係不同位置
Yvonne:
如紅疹好快消,可以全身揩抹都没問題.
早！ 芳姐,
此2天天氣十分乾燥(23-50%) , 小朋友濕疹發作, 手摺位及腳背摺位比較明顯紅及凸又痕又身體乾, 前晚拗痕,已擦CREAM 。 請問有冇湯水介紹。
另早前有人介紹用生地王加麥冬水來飲, 是否可以嗎?會不會涼？
濕疹是否不可食麥片嗎？
謝！
多多上
３０－１０－２０１８
多多:
小朋友濕疹發作要保持皮膚濕潤,例如用土銀花1兩煲水,用藥棉沾土銀花抹患處,一日3次,有助止癢.可以用鮮土茯苓2兩,綠豆,扁豆,赤小豆各1兩,陳皮1個,紅棗6粒煲排骨湯,10碗水煮2個半小時成4~5碗,全家可飲,小朋友一日服2碗,連服3劑.
1歲半手脚面有濕疹，可㷛什麼湯水？謝
訪客:
你可以用金銀花1兩煲水作外洗劑,一日3次,用濕手巾沾水外洗就成,有助消疹止癢.可以用粉葛1斤,赤小豆,綠豆,生薏米各1兩,蜜棗2粒煲瘦肉湯,全家可飲.患兒一天飲1碗,連服3劑,有助消濕疹.
10 歲女童手脚凍，可飲的湯水？謝
訪客:
手脚凍可用北茋,防風,白朮,桂枝各3錢,生薑3片,紅棗6粒,5碗水煮成2碗供囡囡服,連服3劑,如見改善,一星期2劑,至症狀好就停.
芳姐你好，我女兒4歲半，面部和眼皮長期有濕疹，紅紅地會甩皮！除咗用呢啲嚟沖涼之外還可以報啲咩湯水？問題係佢而家有啲咳和鼻水！其實全家都病緊，個個既症狀都唔同，真係唔知顧邊個好😩
Ling wong:
桔餅雪梨湯你囡囡可以飲,桔餅用夠1個,雪梨2個,去核,陳皮2個.辛夷花你單用泡茶供仔仔飲就成.濕疹要看醫生治理.平時可以煲些綠豆薏米水供服,以清熱去濕.
，
你好！我男朋友剛剛發現生蛇每晚訓覺都都痛同痕，可以煲呢款俾佢沖洗嗎？
milk:
可以用此外洗劑,有助舒緩.另外最好買到新鮮馬齒莧,用2兩,綠豆,生薏米各1兩,冰糖適量,5碗水煮成2碗供服,連服5劑能消痛.
芳姐，我個仔10個月大，兩邊面珠間中濕疹返法，之前用夏枯草土銀花洗面，有好轉。
近排聽朋友說香蕉寒涼唔好俾BB食，是不是嬰兒不可以食香蕉？香蕉會引起濕疹嗎？
葉太:
其實BB可適量吃些香蕉,不過一般大蕉較正氣,可食大蕉.香蕉表皮洗淨後,用白色那面摩擦患處,對BB濕疹有幫助.一日兩次.可用大蕉皮.但必須先洗乾淨表皮才剝皮用,因為怕有農藥.
多謝芳姐
BB1歲零7月有G6PD最近患左濕疹，晚晚都半夜醒發痕抓皮膚，想問有咩湯水幫他清身體裡的濕毒？
Mini:
你可以煲些綠豆薏米百合糖水供BB食,不用加太多糖,每樣用2兩煲,全家可食,有助清熱解毒,健脾袪濕.另外可以用芫荽一把煲水作外洗劑,有助消疹.
唔該哂芳姐
BB只有9個月大，有濕疹，可以煲綠豆薏米百合水（不加糖）給BB喝嗎？謝謝！
Michelle:
綠豆薏米百合水9個月大BB可以適量飲,不要加糖.一星期2~3次,症狀好就停.
多謝芳姐!
芳姐你好，我先生不幸被細囝傳染了手足口病，病徴比細囝好像更嚴重，口腔內生滿紅點非常痛，另手腳生的紅點亦非常痕癢，可以煲些甚麼舒緩痛楚及痕癢？
Kathy:
你可用綠豆,生薏米,赤小豆各1兩,冰糖適量煲糖水供服,要冷食,否則吃時遇熱也會疼痛.將煲好的糖水加大菜糕或魚膠粉製成果凍食更佳,可連服3劑.
芳姐，我屋企三歲小朋友好似尋麻疹甘一大片大片好痕，可以用苦參水洗嗎？同埋可以飲d咩湯水呢？多謝。
aLam:
小朋友出疹,如無發燒,可以煲些金銀花水作外洗劑,但如果有燒必定要看醫生,了解是什麼原因引起?可以煲些綠豆薏米海帶糖水供食,用量隨意.
芳姐，原因我都唔太清楚，小朋友平日比較惹蚊，昨晚出街回家就不停話痕，先發現屁股一大片，後來半夜佢又話痕，我用BB無比膏同佢搽，今朝起身又有新出嘅，舊嘅已經損晒出晒血😢多謝芳姐，我會煲D金銀花水幫佢洗
芳姐你好！我朋友生風癩，有時天入黑起，或半夜起，
平均兩年就會出一次勁既，一出就兩三個月！有咩可以幫到佢！謝謝芳姐
Queenie:
你朋友試用黑豆1兩,黑芝麻5公,黑棗6粒,5碗水煮成2碗服,一星期2~3劑,有助減少出風癩.
黑芝麻是不是5錢！每次飲2碗嗎？定係當水飲？謝謝你芳姐！
Queenie:
黑芝麻是5錢,手快打錯了!2碗一天分服,當水飲,如果能吃些湯料更好.
芬姐，你好，請問你有冇醫治香港腳方法？？謝
karen:
試用蒜醋浸脚.蒜子3大顆(通常一小袋有3大顆),分別去衣,用米醋2支浸1晚可用,倒在膠盆中浸雙脚15分鐘,不用清洗,用乾布或紙巾抺乾就成,蒜醋可連續浸3晚.第四天再浸蒜醋,隔天再浸脚,也是連浸3天,直至脚癬細菌消失為止.
懷孕可以浸嗎???
Karen:
蒜醋浸脚懷孕都可以浸.
芳姐，請問可否告知在哪裡買？我在天水圍買土銀花要8元一兩呢。
Wan:
一兩8元差不多,你去港島區買,車費都貴啦!
謝謝芳姐的指點，萬分感謝！
訪客:
你試去買些土銀花,用1兩煲水作外洗劑,煲15分鐘可用.另外用鮮土茯苓2兩,赤小豆,扁豆,薏米各1兩煲排骨湯,8碗水煮成4碗,可分2天飲,連服2劑,有助清熱解毒.
芳姐不好意思 winnie 的前面訪客也是同一個人。
芳姐你好，我家的先生長期開車，抽煙肯定少不了，這個月開始他的背部的脊髓骨位置一條下來到臀部都很癢，特別晚上沖涼完，腰部會比較多些，像蚊子咬的一樣有一粒粒的腫起來，請問這樣情況要怎麼辦啊？麻煩芳姐指點。
芳姐你好，我家的先生長期開車，抽煙肯定少不了，這個月開始他的背部的脊髓骨位置一條下來到臀部都很癢，特別晚上沖涼完，腰部會比較多些，像蚊子咬的一樣有一粒粒的腫起來，請問這樣情況要怎麼辦啊？麻煩芳姐指點。
Sandy:
紅糖即片糖,有解毒作用,可加入一齊煮作外洗劑.全身可用.
芳姐~請問可用片糖代替紅糖嗎?
芳姐你好,
加紅糖煮是否作洗劑於乾燥皮膚位置即可?全身都可用?謝謝!