By 芳姐 ( 24 11 月, 2016 at 9:20 下午)
· Filed under 婦科病/產前,產後/不孕

懷孕後期可以多飲用一些增强脾胃吸收功能的湯水,打算日後哺乳的準媽媽不妨多用花生、無花果這類有助催乳的食材煲湯。「蓮藕花生花果排骨湯」既能補血,健脾胃,又能催乳,且不寒不燥,最適合孕晚期作保健湯水飲用。
用料是:蓮藕1斤,花生2兩,無花果4粒,排骨12兩。
做法:蓮藕洗淨,去皮,切塊;花生浸洗;紅棗去核;排骨出水;將全部材料放入瓦煲內,用8碗水煮2小時即成。飲湯吃湯料。
~ 小貼士:此湯清香而不油膩,又能補血補鈣,老少可服,產婦無論產前產後亦可常服。但蓮藕味澀,要用瓦煲或康寧煲來煲煮,否則湯水易變成灰黑色,也影響食療功效。
Permalink
38周
這湯水適合嗎?
我是寒底的
jc:
這款湯合懷孕者服用.
芳姐早晨,請問有痰火核飲什麽湯水好?謝謝!
陳太:
痰火核可用夏枯草5錢,金羅漢果半個,淅貝母3錢,5碗水煮成2碗服,連服3劑,看能否改善?
謝謝芳姐!
芳姐你好!請問産後首数天最好飲什麽湯水及有什麽補益的食療坐月期間食?謝謝芳姐
陳太:
產後首幾天主要加快子宮康復,飲食宜清淡些.例如豆腐海帶肉碎湯;節瓜黃豆瘦肉湯等;第二週開始可以煲些金針木耳雞胸肉湯;蟲草花淮山杞子排骨湯等;第三週惡露差不多清了才進補.可以黨參北茋杞子燉雞湯等.可以去大眾書局買我本《坐月天書》作參考.
我依家陀緊8個多月
肚皮出左好多紅點入面濃同好癢
(謝)左變左黑色
請問可不可以食 東瓜薏米湯
你好,芳姐,我看了你很多教煲白蓮鬚茶,見到有用一両又有5錢,所以有點混淆。
應該用一両還是5錢,只知要兩粒蜜棗。
另外想問用幾多水,煲幾耐?謝謝你
水晶:
如果本身熱底的,可用1兩,但我試過用1兩味較苦,所以多數教人用5錢就夠.4碗水煮半小時成2碗就成.
謝謝你芳姐。另外想問現在27週了,有什麼方法方便可去水腫?謝謝
水晶:
你可用茯苓,白朮各4錢,赤小豆1兩,冬瓜1斤,蜜棗2粒煲水代茶服,很快利尿消腫.
謝謝你,芳姐
芳姐,你好! 我現在懷孕7個多月,未開始水腫。上胎8個月起水腫嚴重。所以,可否現在起每星期飲紅豆水,預防水腫? 謝謝。
Mandy:
紅豆水有利水消腫作用.可以隔天飲1杯防水腫.現時天氣熱,可以用赤小豆,扁豆煲冬瓜水飲都有益.不要用薏米!
芳姐你好,請問除了白蓮鬚,還有什麼食療可以清胎毒?謝謝
Jessica:
可以吃些無糖黑芝麻糊,有助清胎熱,又養顏潤膚.
芳姐你好
想請問一下有關食材放置的問題,請問可否將紅棗和南棗浸洗去核剪碎後丶以及蓮子浸洗去芯後分別放置在冰格內保存呢?(要用的時候解凍便可)這樣做會否影響食材的療效呢?因為坐月期間不方便濕水,所以想提前一次過處理好以上食材以上食材~
謝謝芳姐
kiki:
紅棗和經常買回來將核剪去,切片放雪櫃存放,隨時可用.不用浸洗,因為容易發霉變質,用時放有柄筲箕中沖洗一下可用,雙手不用沾水.南棗一般不用去核,沖洗可以用.其它蓮子你買開邊蓮子就不用去芯,用時浸半小時可用.全部放雪櫃,不用放冰格.
芳姐你好,請問這湯可用電子壓力煲煲嗎?如不能,蓮藕可用其他代替?我懷孕八個月。
Namnam:
蓮藕湯可以用壓力煲煲煮.
補充:本人是乙型肝型帶菌者
您好芳姐,本人現時懷孕8個月,但個人唔想郁,好累,好似無咩力氣,又訓得好差,請問可以整咩湯水飲?謝謝!另外還想你介紹下清胎毒食療,謝謝
妮:
清胎毒應在懷孕6~8個月去清,用白蓮鬚茶.現在想清唯有吃無糖的黑芝麻糊.平時可用淮山,茯苓,蓮子,芡實,百合各5錢煲瘦肉湯服,飲湯吃湯料,一星期3劑,有助健脾袪濕,改善神疲乏力及失眠.
點解8個月後,只可靠芝麻糊清胎毒? 即係飲白蓮鬚茶唔係咁適合?
Ching:
白蓮鬚茶較適合懷孕6~8個月飲,能有效清胎毒.懷孕後期食黑芝麻糊一來潤腸通便,二來清胎熱及令懷孕媽媽皮膚更美,有補益作用.
芳姐,你好,請問素食者可否唔落排骨?
Annie:
素食者可以用紅棗8粒代替肉類.
芳姐,請教下應該幾時胎毒好,同怎樣清我現時懷孕6個月,因為好怕BB會有濕疹。謝謝!
訪客:
清胎毒最好懷孕6個月開始,用白蓮鬚5錢煲蜜棗水飲,煲半小時,一星期2劑,連服2個月,胎毒可清除.
陳太:
你女兒常感口乾可能陰虛,可以用花旗參,麥冬,無花果(切片)各1湯匙開水焗茶供飲,有助生津潤燥.
芳姐你好。女兒6月中預產期。但近日感覺好口渴。係咪因為太濕。可以煲乜野比佢飲呢?
芳姐:
請問懷孕9個月有什么湯水可煲呢?
芬:
你可以用淮山1兩,杞子3錢,粟米連鬚2支煲瘦肉湯服,有助健脾,降血糖.南瓜番茄紅蘿蔔瘦肉湯亦佳.
芳姐,你好
本人懷孕36週,可否建議一些湯水適合孕晚期飲用?本人有妊娠糖尿(現打針,已控制),没有水腫。
望回覆,萬分感谢!
Kelly:
你可以去華潤堂或萬寧買[超濃縮]的紅豆水沖劑,能消水腫,每日沖泡2劑,不用自己日日煮.買一盒試試.
芳姐..你好,我現在懷孕剛30週, 經常感覺到人很重很濕很腫..
腳也很水腫~ 我聽說焗紅豆水可以去水腫,有人又說用赤小豆才對的。
想請問芳姐其實如果紅豆+赤小豆一齊整會唔會較好效果?
或飲什麼會較適合我去水腫? Thank you so much