By 芳姐 ( 27 2 月, 2017 at 11:16 上午)
· Filed under 口腔病/便秘, 小兒常見病, 肝胆，腎，腸胃病
小朋友從小就要重視口腔衛生，早晚都要刷牙，可減少口臭發生。但如果飲食不節，偏食或挑食，喜甜食，肉食吃得太多，蔬果吃得少，飲水量不足等亦會造成口臭。尤其是一些年幼小兒，因飲食不節，長期食欲不振，面黃消瘦，最易出現口臭症狀。
小朋友不喜歡飲藥味重的湯水，今天推介一款有助健胃消積、通利二便、消除小兒口臭的湯水，清甜好味，幼兒都不會抗拒。
用料是：穀芽、炒麥芽各5錢，粟米連鬚2支，紅蘿蔔1個，馬蹄6粒，無花果4粒，冰糖少許。
做法：穀芽、炒麥芽浸洗；粟米去衣，切塊；紅蘿蔔、馬蹄去皮，洗淨切片；無花果沖洗；將全部材料用7碗水煮1小時，調入冰糖煮溶即成。
~ 小貼士：此湯老幼咸宜，對腸胃積滯、胃熱煩躁、口舌糜爛等都有幫助。
Permalink
女女2歲10個月 最近口氣臭，生了兩粒大飛滋，有兩天沒大便 請問此湯水合適嗎？ 感謝🙏🏻
kikko:
你囡囡可以飲此湯,另外冇大便可以刮些火龍果肉供食,很快通便.
多謝芳姐☺️🫶🙏🏻
請問4個月孕婦可飲用嗎？
經常便秘。謝謝
Emily:
此湯孕婦可以飲,要多吃些鮮無花果,有助潤腸通便.如懷孕後期打算餵母乳就不要飲,以免有回奶作用.初期飲没問題.
芳姐 细佬今年十岁 可能热气 口好臭 可以煲咩饮
訪客:
你可以煲這款穀芽麥芽粟米湯,或用雲苓,白朮,扁豆衣各3錢,陳皮1個,紅棗5粒,5碗水煮成2碗供服,連服3劑.平時要他注意口腔清潔,用李斯德林漱口水潄口,要爛牙則必須看牙醫治理.
芳姐：
我個女2歲大，之前流感入院已康復，最近大便好爛而帶有惡臭味，胃口OK，喜歡食肉魚，菜都會食但可能最近食得少，想問此湯適合她嗎？可否加竹蔗？
謝謝！
cherry:
你可以煲些雲苓,白朮,扁豆衣各3錢,陳皮1個,蜜棗2粒,4碗水煮成2碗供囡囡飲,連服3劑,有助改善大便爛臭情況.這款穀芽麥芽湯都可以飲,加竹蔗没問題.
你好芳姐，小朋友有口臭，她身體易手腳冰冷的，現在又冬天，請問以上湯水還可煲給她飲用嗎？
kayi:
你煲些雲苓,白朮,扁豆衣蜜棗水供服可去口臭,又不寒涼.
你好芳姐
我個仔7個半月大 出左2隻牙仔
最近加固食左一個月粥仔
唔太鐘意飲水 見佢屙便便屙得好辛苦
想問呢款湯岩唔岩佢飲？
Chan Wan Yan:
幼兒便秘可能是飲水太少及吃粗纖維食物少,可以給些大蕉, 火龍果,木瓜等通便的生果蓉給仔仔食.要飲水的,可以在水中加半片檸檬,有點清香味,維生素C又有少少,試供服.這款湯可以飲.
好！我試下！謝謝你
可唔可以加竹蓆 唔加無花果？
Chan Wun Yan:
可以加些竹蔗,代替無花果,有助清熱.
芳姐你好
請問懷孕初期適合飲用此湯水嘛？
孕媽媽常常便秘😳