By 芳姐 ( 15 6 月, 2017 at 8:32 下午)
· Filed under 外感/頭痛/呼吸道病, 小兒常見病
小朋友一上學就很易感染上呼吸道疾病，而且容易引發氣管敏感咳嗽，但大多數小朋友不肯飲苦藥，所以最好煲些藥味不重的補肺湯水供日常飲用，以强壯肺氣，防氣管過敏。
虎乳靈芝能强肺氣，並素有「白靈芝」之稱，它其實是產自東南亞的一種茯苓菌，藥味不重，性質平和，很適合小朋友用。未切片前的虎乳靈芝像個灰色的乒乓球，切片後配雪耳、百合、杏仁煲湯是一款化痰止咳的補益湯水，老少可服。
用料是：虎乳靈芝3錢，雪耳3錢，百合1兩，南北杏1兩，瘦肉適量。
做法：瘦肉切片出水；其餘材料浸洗，雪耳去蒂；將全部材料用8碗水煮2小時即成。
~ 小貼士：小朋友如感冒咳嗽，最好先飲些清肺熱的枇杷葉、龍脷葉一類湯水，待感冒清後才飲這類補益湯水。
Permalink
芳姐，你好！
小兒咳了一個月，看了幾次中醫都還沒斷尾。
主要是 早上起床咳一陣，臨訓前咳幾下。或運動後幾聲咳，現在沒什麼痰聲了。其餘時間沒有咳。
請問可以再煲咩湯水？
Man:
這款虎乳靈芝湯可供小朋友飲3劑,有助强壯肺氣止咳.
芳姐，請問南北杏1兩，是合共1兩？還是各1兩？謝謝
Fanny:
南北杏合共1兩.
芳姐，請問虎乳靈芝改用 「虎乳靈芝粉」可以嗎？可以的話，分量用幾多？是否飲的時候才落？謝謝
Fanny:
虎乳靈芝粉可以每碗熱湯加2茶匙調勻服.
芳姐，改用虎乳靈芝粉，雪耳、百合、南北杏、瘦肉是否都要煲2小時？謝謝
fanny:
如用虎乳靈芝粉,煲1小時就成.
芳姐你好︰請問可否用這些材料一起煲︰虎乳靈芝，雪耳，淮山、百合，蓮子、麥冬 、紅蘿蔔、栗米、南北杏，瘦肉，無花果? 謝謝
Siuming:
你提的食材可以一齊煲湯.
如果用16碗水煲，以下份量適合嗎?
虎乳靈芝6錢，雪耳6錢，淮山2兩、百合2兩，蓮子2兩、麥冬1兩 、南北杏2兩，無花果6粒
Siuming:
你提的份量可以呀.
謝謝芳姐，不過問小朋友就話冇鼻塞，之前睇醫生就話佢鼻入面有啲腫。
芳姐你好，小朋友五歲，之前睇醫生話鼻敏感，佢成日要好大力抖氣，時好時壞，請問有咩湯水可以煲比佢飲，謝謝你
訪客:
你仔仔可能鼻塞才會大力抖氣,可以用辛夷花朵,剪開後泡茶供服,8朵可沖泡2次,加些蜜糖好味些,連服4劑,如見效,停2天再服.
你好芳姐
此湯可加淮山嗎？加淮生會更好嗎？可用無花果或圓肉代替紅棗嗎？如用無花果或圓肉的話各有什麼益處？
謝謝芳姐
陳小姐:
可以加淮山1兩,有助健脾益氣.無花果潤肺,圓肉,紅棗都補血,但較温燥,尤其是圓肉.紅棗可以加5粒,棗類有助抗過敏咳.
芳姐你好
懷山，虎乳靈芝，雪耳，百合，南北杏，瘦肉，紅蘿蔔1個,紅棗8粒，無花果3粒👈👈我這樣煲，可以嗎？會否落得太多種類？
謝謝芳姐解答
陳小姐:
你提的材料一家人飲可以的.
你好，囡囡差不多6 yr，確診後久咳未好，中，西醫都睇過，時好時壞，醫生話氣管敏感，轉天氣同埋夜晚嘅時候會咳得比較犀利，應該可以煲咩湯俾佢飲呢？
Agnes:
你可以用圖中這款湯,全家飲加紅蘿蔔1個,紅棗8粒同煮.紅棗含有一些抗過敏物質,可以用紅蘿蔔煲紅棗水供囡囡服,對百日咳小朋友很有幫助.就算不是百日咳亦能減少身體過敏咳反應.
小朋友5歲持續咳了一斷時間，有比之前好，但晚上訓覺衣家間中一、兩聲，早上起身之後會持續咳好似有啲乾咳又好似有痰咁嘅聲，鼻涕好似又有啲，都唔知可以點？已經斷斷續續咳左一段時間，有咩可以改善
訪客:
小朋友咳不停可以飲這款虎乳靈芝湯,加些紅蘿蔔,粟米全家可飲.
芳姐，你好
我女都是感冒完，之後咳很久了還沒有好，夜晚一訓低就咳，其實係未氣管敏感，可以加紅蘿蔔嗎？驚小朋友五肯飲
請問這款湯可用燉的形式煲嗎？
kathy:
這款湯用燉的方法也可以,燉2小時.
芳姐你好， 小朋友9個半月由初初傷風咳好番到目前為止，訓醒起身又或者半夜都會不時咳，聽到有痰聲，已經差不多2個月了⋯⋯之前有帶佢睇過2/3次醫生，醫生回覆都話係鼻水倒流，肺係清嘅，不過最近幾日發現BB除咗咳還有少少氣促，我也有試過煲鱷魚肉海底椰湯連飲2天，但情況都係一樣😔
訪客:
BB患病會好得快,但也可能傳變得快,如痰多可以在兩餐之間幫BB輕輕拍背,如拍到BB咳表示該處積痰,要多拍幾下,然後餵BB飲暖水,可加快將痰排走,一日2次.同時可以用蘇子,萊菔子各3錢入茶包袋煲瘦肉稀粥供食,對痰咳有益.連服3劑.
小朋友兩歲，早晚咳，半夜咳，可以食咩快d好
Yvonne:
可以用桔餅1個切碎,陳皮1個剪碎,蘋果1個去皮,去核,4碗水煮半小時供服,連服3劑.
吾知係咪果皮太苦，小朋友吾肯飲，只飲左幾啖，今晚又訓訓下咳，已經咳醒左幾次，仲有咩可以飲？
Yvonne:
如痰不多可不加陳皮.
芳姐，已經飲左三日，第一日飲有小小好轉，但琴晚又訓訓下不斷咳，差不多咳左1小時，仲有咩其他方法？謝謝
Yvonne:
你試蒸隻鹽橙供食,鹽放少些,以免太鹹小朋友不肯食.
囡囡3歲半 剛中副流感引發氣管炎 ，入了醫院聞氣食抗生素兩天 今天可以出院了 ，氣管還有少少雜音 聲音沙沙地 有少少清鼻水 有幾聲咳 ， 如果還有吃西藥， 可以煲這湯水？需要隔多久飲？
另外如果之後沒吃西藥。有什麼湯水可以飲？ 強肺氣 氣管敏感 湯？
沒有發燒了
Ho:
没有發燒過兩天可以煲這款虎乳靈芝湯供服.現在聲沙可以用桔餅1個切碎,雪梨1個去核,4碗水煮成2碗供服,吃西藥隔2小時飲.
謝謝
如果妹妹6個多月都俾家姐感染了副流感，有些氣管炎，抖氣時有少少吼吼聲，有幾聲咳，咳時很大聲有些痰聲似的， 抗生素吃多一天完成了，還有其他感冒西藥在吃，那bb可以飲用那些湯水？沒有發燒了。需要隔2小時飲？
Ho:
没有發燒,如有些氣管炎可以飲虎乳靈芝湯,BB一天分服1碗就成.
芳姐，我現在懷孕8個月，剛感冒了2個星期，有喘咳和許多痰咳不出來，幸得你指教，飲了海底椰虎乳靈芝水3次後痰好像沒有那麼多。可是我氣管仍很敏感，仍有喘咳
請問適合飲以上湯水再調理嗎?謝謝
yy:
可以再飲多一兩個星期,每星期3劑,對强壯肺氣有益.