By 芳姐 ( 25 8 月, 2017 at 5:01 下午)
· Filed under 小兒常見病
秋天氣温仍然很高，但較為乾燥，體質不好的小朋友容易流鼻血，主要是身體缺水，鼻黏膜太乾燥引致，亦有可能小孩因鼻黏膜乾燥不適而挖鼻孔，引致鼻黏膜毛細血管破裂而流鼻血。
小孩流鼻血最重要讓孩子保持安靜，頭部保持豎直，將消毒棉扭緊塞進出血的鼻孔，但不要塞太深，同時用冷水輕拍小朋友的後頸位置，或用冰袋作冷敷亦能見效。
「鮮茅根藕節雪梨水」有清熱涼血作用，對小朋友經常流鼻血有良效。
用料是：鮮茅根1扎，蓮藕節2個，雪梨1個，冰糖少許。
做法：鮮茅根洗淨，切段；蓮藕節洗淨，切碎；雪梨洗淨去核，切塊；全部材料用4碗水煮半小時成2碗，加入冰糖煮溶即成，一天分服。
~ 小貼士：新鮮蓮藕可揀藕節多的來買，平時留起藕節曬乾備用亦佳。
Permalink
您好！芳姐，
小朋友5歲，由1歲開始流鼻血，最近兩個月，流鼻血頻密，每星期最少流一次。
已看耳鼻喉科，醫生表示鼻膜薄。又看了中醫，醫師表示小朋友肺熱、血熱。
本身虛寒體質，脾胃虛弱，變了血熱體質。
亦試過飲生蓮藕汁、竹蔗茅根馬蹄紅蘿蔔水、煲（石馬碲、竹蔗、黃精、麥冬）
請問日常食療還有什麼可以對流鼻血有幫助？
謝謝🙏🏻
Alison:
小朋友鼻膜薄,如果曾經撞親鼻子,鼻膜受損,很易流鼻血.雖然小朋友體質寒,如果他近日吃了煎炸烤焗食物又也造成血熱流鼻血,可以用圖中這款鮮茅根鮮藕節雪梨水作調理,飲2劑可止血熱流鼻血.茅根竹蔗馬蹄紅蘿蔔水可一星期1劑作保健用途,全家可飲.
十分多謝芳姐回覆🙇🏻♀️🙏🏻
芳姐，小女14歲，來經期已經一年，一直量多，會經常漏，經期往往會提早，大概23日週期，請問如果經期第2、3日可以喝這個湯嗎？可以令血量減少嗎？
Joyce:
你囡囡現在可以飲此湯.另外中醫認為[氣能攝血],故日常可以多用些北茋,黨參煲湯供服.
血熱，北茋湯適合飲嗎？
Joyce:
可以配些生地5錢同煮,生地涼血補血.
好的，芳姐，感激您！
請問流鼻血又有兩聲咳可否飲此湯，會唔會涼？
rain:
通常血熱才易流鼻血,故要用涼湯涼水,待鼻血止了才作調理不遲.
芳姐你好
我個小朋友21個月大，有G6PD,最近天氣乾燥，今個月流過2次鼻血，請問可以煲什麼湯水，可以防止流鼻血
唔用茅根可以嗎，驚太涼，只用蓮藕，雪梨
JJ:
茅根涼血止血,小朋友稚陽之軀受得涼的東西,流鼻血可能是熱象,止了血就停服.
JJ:
你可以用這款茅根藕節雪梨水供服,G6PD患兒服用没問題.
芳姐,
小兒3歳半,1個月總會流4次左右鼻血,請問這個蓮藕水可不可以當水開奶用？
訪客:
這款食療可作開奶茶用.你仔仔可能曾經撞親鼻子,因為小朋友鼻膜很薄,曾經撞裂過就很容易因血熱而再次流鼻血,要等仔仔大個些鼻膜長厚了才不會發病.
芳姐，
我仔仔兩歲半，昨晚流鼻血，最近嘴唇好紅⋯幫佢刷牙又扭計，好似牙肉唔舒服⋯唔知係熱氣。前日屋企人又俾佢食薯條、朱古力同燉雞汁俾佢飲，唔知係因為咁流鼻血。
但我昨天早上已煲咗開奶茶佢沖奶飲⋯
請問你以上介紹呢款湯適唔適合佢飲？
葉太:
你可以用鮮茅根1扎,鮮蓮藕節3個,雪梨1個,去核,5碗水煮成2碗供仔仔飲,連服2~3劑,能清熱涼血止鼻血.
謝謝你，芳姐
芳姐您好! 我係美國華人超市都買唔到乾品茅根.請問可以用乜嘢伐替? 謝謝!
siunam:
如没有茅根,可用金針1小撮代替,有涼血作用.
多謝芳姐解答! 你以前專欄介紹小朋友體質虛弱可以飲太子參扁豆薏米湯嚟調理. 美國呢邊夏天好熱但係好乾燥, 相對濕度先至得20%. 扁豆薏米有去濕作用, 會唔會令到流鼻血更加嚴重?
siunam:
扁豆,薏米有健脾,利水滲濕作用,如體內有濕才起作用袪除,如體內没濕就有健脾作用,不關天氣事的.你可觀表察家人,如舌頭淡胖,有白色苔,加上容易疲倦是體內濕重表現.如舌質瘦,偏紅可能是陰虛內熱,就不要用扁豆,薏米,用沙參,玉竹,雪耳,麥冬一類食材較佳.例如煲清補涼排骨湯就適合.流鼻血小朋友適合用金針,藕節,雪梨煲水代茶服.
芳姐你好，囡囡快4歳，發現她嘴唇比較容易乾燥脫皮，但不似發炎。體質方面，試過留鼻血，但也不是太頻繁，出世到現在三次已而(最近是第三次). 什麼都吃，但如果係知道我煲藥材茶就算是本身很甜的她也不願意飲。潤唇蜜搽完好一兩天之後又是乾。不知道是否內熱或是其他問題? 請問有什麼可以整俾佢飲呢？謝謝!
Ann:
你試用沙參,玉竹各3錢,雪梨1個,去核,雪耳2錢,無花果3粒煲瘦肉湯供服,飲湯吃些湯料,一星期3劑,有助改善.
你好 芳姐,
元宵節快樂.
本人的BB 12個月大, 但每晚都會醒幾次. 因全母乳,沒有喝奶粉.所以沒有煮開奶茶,不知會不會同熱氣有關.
另外她不愛喝水,涷水放檸檬都不喝. 所以常2,3日沒有大便. 請問可以煲些什麼湯水給她呢?
謝謝你.
greenhand:
你可用有芯蓮子1兩,百合1兩,燈芯草2錢,蜜棗2粒,5碗水煮成2碗,自己飲碗半後餵奶,BB飲2~3湯匙,有助清心火,安神.連服3劑.
芳姐
元宵節快樂！
女女2歲3個月，過年食熱氣零食（開心果少量，餅仔，提子乾、糖果）現在熱氣一兩聲咳，小便有少少黃，大便臭爛，想問此湯可以飲嗎？茅根對於2歲小朋友服用會唔會太涼？
忘記說，小女有挖鼻孔的行為，剛發現嘴角口入邊生了一粒小瘡仔
cherry:
你可以用桔餅1個切碎,雪梨1個去核,無花果2粒切碎,4碗水煮成2碗供服,有助改善.茅根性涼,小便黃可以用赤小豆薏米煲冬瓜瘦肉湯,全家可飲.
芳姐，早晨，尋日煲左雪梨無花果桔餅，但今日女女嘴生緋茲可以加乜嘢入去一齊煲，又或者有無針對緋茲噶湯水，因為我老公都有緋茲，十分感激！謝謝芳姐
cherry:
生痱滋可能心胃火盛,或陰虛內熱,可以早上煲些皮蛋鹹瘦肉粥供他們食用,另外用大豆芽菜1斤,雪耳2錢,無花果3粒,蠔豉2兩,瘦肉6兩,8碗水煮個半鐘,全家可飲,最好吃些湯料,有助清心胃火及滋陰降火.
你好芳姐,
早晨, 我個囡6歲, 最近這一年差不多每隔2-3個月都會流鼻血, 每次流鼻血我都會煲蓮藕節雪梨水, 想問就算止血後, 係唔係都要 keep 住煲來飲？ 要唔要煲些補血湯調理？ 謝謝
Chin Family:
小朋友鼻膜較薄,故如果細個曾傷及鼻膜很易流鼻血,要到12歲左右鼻膜長厚了才會好轉.蓮藕節雪梨水能止血,加鮮茅根效果更佳,可一星期1劑作調理.一般小朋友多數血熱才流鼻血,故不用補.
唔該哂
芳姐：
您好！最近兒子（4歲10個月）鼻腔很乾，鼻屎經常卡在裡面不容易清理出來（平時打噴嚏就能打出來，或者自己輕輕挖就能清理，但是現在兩種情況都不行）。以致兒子鼻塞，感覺不舒服要經常挖鼻子。以前曾經流過鼻血。請問這款“鮮茅根藕節雪梨水”能幫助兒子改善情況嗎？如果有傷風感冒，可以喝嗎？
謝謝
Wing
chanwengi:
可以用温暖的淡鹽水幫仔仔通鼻,用棉紙巾剪成條狀,沾淡鹽水後扭緊通鼻,又滋潤鼻腔.不要用棉花棒以免弄傷鼻膜!鮮茅根藕節雪梨水可以飲,傷風感冒都可以.
您好 芳姐
我老公這個月間中流鼻血，本打算煲鮮茅根，蓮藕節，雪梨。但附近街市只得一檔有蓮藕賣加上我見這些蓮藕好白淨我擔心漂白，所以沒有買，請問如果買不到蓮藕節可用什麼煲？ 謝謝。
Amy
你好，
大人最近流鼻血係咪啱飲？
應該用咩火去煲？
同埋茅根係邊到可以買到？
Thank you
Rita:
大人,小朋友流鼻血都適合飲用.鮮茅根在菜檔有售,每個街巿都一定有,一般賣馬蹄,竹蔗的檔多數有賣茅根.
可唔可以加馬蹄，粟米，紅蘿蔔一齊煲？
Rita:
都可以加埋你提的食材一齊煲湯.
請問買唔到鮮茅根可用什麼代替
SaiKathy:
可用乾茅根5錢,中藥店有售.
芳姐你好~我細女(16個月)patpat上方10月初時紅了一大片兼有少許凸起，最嚴重試過有少許膿，看了兒科醫生説是尿疹發炎，搽了藥膏雖然好了很多但直至現在一個多月了，依然很反覆未完全痊癒，有時差不多好了但第二天又起紅粒~聽說紫雲膏對濕疹，尿疹&其他皮膚問題都有不錯的療效，請問我BB這情況可以用紫雲膏嗎？她16個月可以用了嗎？謝謝
Zoe:
你囡囡可以用紫雲膏,但最重要是保持患處乾爽清潔,不能讓濕尿片長時間貼着患處,否則很易發炎及復發.16個月大,日間可以不用尿片,教她有尿意時上厠所,但晚上就要多作檢查,勤些換尿片.
唔該哂芳姐！^^
芳姐您好，小兒五歲差不多一個月病一次，通常係咳流鼻水，請問有咩食療可以改善佢的抵抗力免疫力？謝謝您
惠:
小朋友剛上學容易感染上呼吸道疾病,平時要學習勤洗手,尤其是拿食物進口一定要先洗手,多飲水,可以用生薏米1兩煲水,5碗煮成2碗,加兩冰鮮檸檬片及糖,讓他一天飲,有助增强抗病能力.一星期3次.平日可以用淮山,茯苓,蓮子,芡實各1兩,陳皮1個,紅棗6粒煲排骨湯,全家可飲,有健脾益胃,增强體力功效.煲2小時,要吃些湯料最好.
芳姐你好: 請問bb有黃疸 現時餵人奶 請問有啲咩方法可以令佢退得快啲。 多謝！
訪客:
BB有黃疸,通常食人奶的BB黃疸會退得慢些少的,媽咪可以用新鮮粟米鬚1兩,生薏米1兩,蘆筍2兩煲瘦肉湯服,煲1小時大,飲湯吃薏米,蘆筍.連服3劑.期間少吃温熱的圓肉,雞肉,羊肉,牛肉.鵝肉更不要吃.
芳姐想問下如果買唔到粟米鬚可唔可以用粟米代替？
訪客:
可以用兩支粟米連鬚一齊煮.
芳姐你好呀早前已經問過你黃疸我已經照你方法連飲3劑了， 現時bb多一個月啦都係仲係有黃疸180 已經去過醫院醫血㗎啦， 請問仲有啲咩方法可以令佢退得快啲？ 仲有佢 面和頭都生咗好多 一粒一粒 紅點中間有啲白點， 醫生話係油脂粒 但係佢好似好痕 成面都係呀 請問芳姐有冇方法可以幫下我 。 非常感謝！
訪客:
你試用綿茵陳1兩,蜆肉2兩,生薑3片,5碗水煮成2碗服,連服3~5劑,有助BB退黃疸.另外你可以用絲瓜一小段,去皮,剖開用軟軟的絲瓜替BB按摩患處,有助消炎止癢.按摩後不用清洗,没有味道的.一日可用絲瓜肉按摩3次.記得必須將皮削走才可用.
早！ 芳姐,
已第3次流鼻血, 有煲鮮茅根+蓮藕節+雪梨湯水, 今天身熱又生飛知,舌頭尖有點紅,可能熱氣,煲什麼湯水好。 (有吹風扇)
謝！
多多上
24-10-2017
多多:
生痱滋可以用大豆芽菜1斤,老豆腐2磚,雪耳2錢,蠔豉2兩,瘦肉適量,8碗水煮2小時成4碗,飲湯吃湯料,連服2~3劑,有助清熱氣,消痱滋.全家可飲.
您好！請問如果小朋友每次流鼻血前也感到身熱 (但不是發燒)，請問是何問題引致？謝謝！
PL:
小朋友可能有點熱氣,可以用這款鮮茅根湯清臟腑熱氣.
謝謝！
芳姐:
猴棗散,猴棗末,對於現在咳,那一個對比較好?
謝謝
YIN:
猴棗末小朋友較易服用.一日一次.魚腥草水用3碗半水煮20分鐘成2碗,一天分服.
芳姐您好:
請問魚腥草2兩,加蜜棗2粒.水要加多少碗? 猴棗散一日可服多少次?
謝芳姐.
芳姐，想請問我BB而家就快六個月，近排有流鼻水但而家好返，家下有咳..
請問有無咩可以煲比BB飲架？？唔該哂
Kelly:
你可以用洋葱1個,去衣切塊,放碗中,隔水大火蒸20分鐘,用湯匙壓榨洋葱汁供BB飲,大約2~3湯匙汁,有助止咳,可番蒸多1次,1日服2次洋葱汁.
芳姐你好:
我妹妹個囝囝(2歲)星期一開始發高燒燒至39-41度,燒左4日,之後入院,檢查到有這個病.*呼吸道合胞病毒感染*要燒7至14日,沒有藥突效藥可以治好,只可以食退燒藥.慢慢轉好.想請問芳姐可以煲些什麼湯水幫助BB.我妹妹到現在還未介人奶.所以囝囝平時都唔肯吃正餐,不喜歡吃其他東西.所以好煩惱.昨天開始醫生給他吊鹽水.又日日喊,聲音沙.BB 除了日夜吃人奶,就是吊鹽水.妹妹心情差.BB 又不停語無倫次.,不知道點解.本身BB 講野已經好叻,乜都識講,今次發燒,燒到不停亂說話,同醫講.醫生說,環境,情緒影響.但未到醫院已經有這個情況出現.我妹妹怕他腦炎.現在希望在飲食及飲用方面,望芳姐幫忙,教我煲湯水.給bb飲,等BB 快些好.
謝芳姐.
YIN:
你妺妺可用蘆根5錢,生薏米1兩,淡竹葉2錢,雪梨1個,去核,5碗水煮成2碗供服.生薏米能殺少量病毒,又安全.其它材料主要清熱退燒,可加少許冰糖同煮,稍甜仔仔可能肯飲.連服3~5劑,至燒退為止.有時大人太緊張都會令小孩不知所措,所以大人要保持鎮靜,多輕言細語和仔仔傾談並多作鼓勵才可加快康復.
芳姐您好:
多謝你幫忙.因為BB現在水都唔肯飲.我妹妹飲可以的嗎? 因為BB 所有食物都不肯吃,只吃人奶,我妹妹是否飲多些滋補湯水? 或者清熱湯水? 花膠.魚湯可以吃嗎? BB吃退燒藥,兩小時後可以吃猴祖散.這類中藥嗎?
謝謝.
YIN:
小朋友已經兩歲,不能只飲人奶,必須學習吃其他東西及飲水才成,否則日後上唱遊班必定會感染上呼吸道疾病,如不肯飲水,患病後痰涎積聚在肺部很易肺炎.暫時小朋友病也不要迫他,試去西藥房買支灌小朋友飲藥的針筒,將蘆根薏米水煎成半碗水,吸滿1支餵他,先試試這樣做吧.你妹妹飲清熱湯對BB作用不是太大.滋補湯水你妹妹可以飲.猴棗散仔仔可適量吃些.
芳姐您好:
我妹妹和她的囝囝已出院.燒都已經回落37-38度左右.今次醫院驗出囝囝有兩個病毒1,(呼吸道合胞病毒感染)2,(腺病毒).雖然已出院.但囝囝就咳不停.好辛苦.兩種病毒都會有咳情況.醫生說:等他自己慢慢咳清.不用吃藥.所以我想問芳姐有沒有好的湯水,能幫囝囝盡快止咳,不用辛苦.
謝芳姐幫忙.
Yin:
新鮮魚腥草能止咳,清熱解毒,可用2兩,加蜜棗2粒煲水供服,只怕小朋友不肯飲.煲20分鐘可飲,連服3劑.鮮魚腥草在山草藥檔或有機菜檔常有售.猴棗散可服.
芳姐,
請問這湯水大人飲用有效嗎？
謝謝 !
Fran:
成年人可飲,藕節加多1~2個.
你好！我女女歲半，這個星期流了兩次鼻血，並且這幾天發燒，脷偏紅，請問飲什麼湯水好，請指教，謝謝
恩:
你囡囡可以飲這款鮮茅根藕節雪梨水,連服3劑,有助涼血止血,清熱.
鮮茅根藕節雪梨水
小兒本身有D氣管敏感, 請問可以飲嗎?
雪梨會否太涼??
近日經常留鼻血,咀唇好紅, 應該是熱氣, 請問煲呢個湯OK嗎?
iriskiukiu:
你仔仔流鼻血及咀唇紅都屬熱症,可以用這款湯,雪梨清熱潤肺,没問題的.
芳姐你好請問開腦手術後飲咩湯水好
文:
開腦手術後由於要一段時間卧床休息,故腸道處於麻痺狀態,要好幾天才漸漸恢復蠕動.一般手術後可進食只宜流質,半流質飲食,可煲些蘿蔔陳皮水,加快麻醉藥排走;半流質飲食可以煲些紅棗小米粥供食,以促進胃腸蠕動.忌食高脂肪食物,辛辣刺激食品頗長一段時間不要吃,冷飲亦不宜,4~5天後可以用北茋5錢煲海鱸魚湯供服,有助加快傷口癒合.依照醫護吩咐,可以吃正餐時煮些營養豐富又易消化的湯水,餸菜;如海藻蛋花瘦肉湯;合掌瓜黃豆雞胸肉湯等.不宜過早進補.
唔該芳姐，我想再問下會唔會有頭風問題呢，佢好唔聽話，出院後常常坐唔肯訓，同埋我住的附近難買新鮮雞，如煲豬肉可嗎？蛋可以食嗎？其實洗唔洗介口？
文:
可以用豬肉,蛋可適量食.不要吃高脂肪食物如肥雞,肥豬肉,榴槤,芝士,牛油等.如怕有頭風,可以用天麻3錢,鈎藤3錢,菊花3錢煲水代茶服,4碗水煮成2碗,一星期2劑.
謝謝芳姐，現在已拆線，請問應該煲咩湯呢，淮山果類？日日飲可以嗎？他是腦水不流通開腦，不是腦瘤，還有他有高膽固醇
文:
可煲些紅蘿蔔粟米節瓜瘦肉湯;合掌瓜豆腐鮮魚湯以增加營養.北茋海鱸魚湯亦可飲.
芳姐請問蘿蔔陳皮水是白蘿蔔定紅蘿白呢
man:
是白蘿蔔.
芳姐，你好！
請問我這款補腎虛的湯水（材料：鹿尾巴、鹿茸、石斛、𣏌子、圓肉、麥冬），可以加川貝一起煲嗎？因為身邊同事有咳嗽，我怕被傳染喔。
Birdy:
你這款補益湯水一般不會加川貝的.而且現時天氣仍非常之熱,都不適合如此大補的湯水.你身邊有同事咳,你可以買瓶”Super Vitamin C”,返工前服1粒,夠1天的防衛.當然同事咳時你避開幾呎,並要勤洗手就成.
好的，感謝您芳姐！（＾∇＾）
芳姐,
小囡兩歲半, 發燒2天, 已看醫生說可能出玫瑰疹, 她不喜飲水或竹蔗馬蹄水等, 但獨愛羅漢果煲水, 可以當水飲嗎? 會否太寒涼?
我試過煲你教的北茋黨參杞子湯, 但她不喝, 應該煲甚麼湯水可以待她復完後飲, 作日常保健增強抵抗力呢? 畢竟剛進幼稚園很容易生病哩!
自懷孕起, 坐月時也是以你的食譜作食療, 感恩有你陪伴我女兒成長! 祝安康!
Icy:
羅漢果水利咽,潤腸,化痰止咳,性寒涼,但只要加些陳皮同煮可減少寒涼之性.囡囡可以一星期飲2次.出玫瑰疹可以煲些綠豆薏米糖水供飲,有助清熱解毒.病好後可用淮山,蓮子,茯苓,芡實各1兩,陳皮1塊,紅棗6粒煲排骨湯,全家可飲,有助健脾袪濕,增强體質.一星期2劑.
茯苓會有很重的藥材味嗎？
煲豬可以嗎？
ICY:
茯苓味淡,藥味不重,小兒合飲,可用瘦肉,豬展.
你好 芳姐
想向你請教大人患上手足口病 燒已退 但有喉嚨痛 手腳都有紅疹 觸摸會疼痛
可以煲什麼湯水 （以蔬果為主）
謝謝
trista:
你可以用綠豆,赤小豆,薏米各1兩加冰糖煮糖水,待涼飲用,連服3~4劑,有助清熱袪濕,舒緩不適.