By 芳姐 ( 13 1 月, 2018 at 3:07 下午)
· Filed under 婦科病／產前，產後／不孕, 小兒常見病
早前去職訓局屬下IVDC馬鞍山中心教陪月湯水班，教學生煮一味適合哺乳媽媽飲用的牛鰍魚湯，學生都覺得湯水非常鮮美可口，其實任何湯水，選料必須要新鮮，尤其是鮮魚湯，如果魚肉不夠新鮮，煲出來的湯就會很腥很難飲。
牛鰍魚肉質較粗糙，但營養價值很高，屬底脂高鈣食物，很適合作為哺乳媽媽及懷孕期婦女煲湯飲用，對兒童發育成長亦很有裨益。配鮮淮山、紅蘿蔔等同煮，能健脾益氣、暖胃、養顏，合這個寒冷季節飲用。
用料是：鮮淮山4兩，紅蘿蔔1個，生薑3片，紅棗6粒，牛鰍魚1條。
做法：牛鰍魚劏洗淨，斬開大塊後用少許油煎香；鮮淮山、紅蘿蔔去皮，洗淨後切塊；紅棗去核；全部材料用7碗水煮1小時成3~4碗即成。
~ 小貼士：現時海洋污染，孕婦、產婦和小童最好用新鮮小海魚煲湯以補充營養，但不適用吞拿魚、劍魚、大王馬鮫魚、鯛魚、鯊魚等捕蠟性魚類作調理食材，因為可能含水銀等重金屬過高，不利健康。
Permalink
芳姐，你好。
本人父親用胃喉
已經每天有煲湯給他喝。
因為希望爸爸可以有米氣，
但爸爸又食不到粥
請問牛秋魚湯可以加小米同煲嗎? 把小米先磨粉再同煲會否效果好些？
配准山茨實同煲，可以嗎?
謝謝你芳姐
Tak:
小米可以打成粉,牛鰍魚有益,煎湯後與小米粉同煮片刻可供服.淮山芡實裕華超巿及有機食品店都可能有售.
謝謝芳姐
芳姐
想請問牛鰍魚會唔會令到剖腹傷口生芽？
另外想請教下啲人成日講嘅生魚係指咩魚？？
謝謝教導！
Florence:
牛鰍魚不會令傷口長肉芽.生魚、山斑魚是塘魚一種,由於劏殺後一段時間牠的肌肉仍會跳動,其細胞活力太强,故表面傷口未埋口不建議用.
謝謝芳姐
芳姐，現懷孕近8個月，好鍾意媽媽煲嘅牛鰍魚湯，密密飲，但煲出來膠質好重，飲唔唒放雪櫃拎出來會好似花膠湯噤瓊左膏噤，點解會噤嘅？飲左會唔會好似花膠噤塞奶同影響順產呢？
另外，媽媽除左用蓮子茨實淮山煲牛鰍魚外，仲會落少少日月魚乾，請問適合嘛？
Grace:
牛鰍魚湯營養豐富,一星期3劑左右應没有問題.日月魚現在很多都是假貨冒充,故建議改用響螺乾或瑤柱一類滋陰海味代替.你飲的湯應該不會引致產後塞乳腺的.
明白，謝謝芳姐!
芳姐，現懷孕近8個月，好鍾意媽媽煲嘅牛鰍魚湯，密密飲，但煲出來膠質好重，飲唔唒放雪櫃拎出來會好似花膠湯噤瓊左膏噤，點解會噤嘅？飲左會唔會好似花膠噤塞奶同影響順產呢？
另外，媽媽除左用蓮子茨實淮山煲牛鰍魚外，仲會落少少日月魚乾，適合嘛？
芳姐：懷孕5個月，煲什麽湯上適合一家大小飲，謝謝
Angel:
番茄薯仔鮮魚湯;紫菜豆腐蛋花湯;鮮淮山,粟米,紅蘿蔔雞胸肉湯都全家及孕婦可飲.
多謝芳姐
你好芳姐，請問剛剛懷孕可以飲花膠湯嗎？或者適宜飲咩湯水？
Yan:
懷孕如果有胃口,可以適量食用花膠.可以煲些桑寄生蓮子雞蛋糖水飲,有助補肝腎,安胎,補充葉酸.
你好 我老婆啱啱14週 想煲呢個比佢飲 不過佢極唔鐘意腥味 想問下有冇方法可以完全令佢飲唔出腥味呢
Yin:
如果你買到很新鮮的牛鰍魚(游水的最佳)煎香後加多些瘦肉同煮,湯清甜可口,全無腥味.
但如果買唔到游水 可唔可以用其他方法辟腥味
係咪用多d薑
Yin:
其實最重要是條魚新鮮,每個街巿魚檔都有一兩檔魚賣得特別貴,但那些魚必定特別新鮮,(不是游水,是冰鮮的),買這些鮮魚來煲湯,好少會腥.薑,酒都可減少腥味.
芳姨，我妺妺剛做完子宮肌瘤手術 瘤12cm傷口好大, 請問煲咩湯等傷口快腹完
芳姐，首先恭喜發財，身體健康，龍馬精神。
請問此湯水剖腹後幾天後才可飲用?
謝謝
淇淇:
剖腹產後3天可以飲用.
仔仔(快5歲)經常咳
有時綠色痰( 無綠痰都經常有幾聲咳),鼻
多乾的分秘(有時申出很多鼻涕-微綠色)
長期都是如此, 請問有咩保健湯水合飲?(食極都不長肉!)
sophia:
你可用辛夷花6朵拍碎泡茶供仔仔飲可加蜜糖,隔日1杯.另外煲我今天介紹的玉屏風杞子小米粥,可常服.
芳姐,您好
囡囡1歲3個月,過去一星期前發燒, 現已退, 但氣管有噓噓聲(很多痰),唔識吐痰,鼻涕微綠, 請問有咩湯水合飲? 謝謝
sophia:
你試用川貝末2錢,雪梨1個,去核,羅漢果1/4個,辛夷花6朵,3碗水煮成碗半供一天服,連服3劑.
芳姐:
請問黃芪南棗可以一齊浸酒嗎?
蒸之前需要用水洗嗎？之後隔水蒸15分鐘，等攤凍之後就可以浸入酒中嗎？
用什麼酒最好? 黑糯米酒，廣東米酒還是雙蒸酒較好?
謝謝!
dada:
可以用北茋,南棗沖洗後瀝乾,隔水蒸15分鐘,後待冷浸酒,糯米酒,米酒都可以.
芳姐,
妳好! 如果月經來的頭1,2天不暢
順, 很少, 飲什麼 ?
訪客:
你可用山楂3錢,生薑4,5片,紅糖適量,4碗水煮成2碗服,連服3劑,有助活血調經.
芳姐, 你好
本人六十二歲, 好多時都有頭暈, 看過中醫, 話我濕重, 阻礙血液上頭, 如果係是否很容易中風? 如果飲薏米水有幫助嗎? 如何令薏米水不寒涼?
may may:
濕重可以用雲苓,白朮,扁豆衣,澤瀉各3錢,生薑3片,紅棗4粒,5碗水煮成2碗,連服3劑,如有改善,一星期2劑.
芳姐，你好。我媽80多歲，她說肚里常常有很多風，肚里很多聲音， 臭屁亦多，有没有什麼食療可介紹?或者可在煲湯加什麼材料?她脚力差，行得不好。謝謝您。
Anita:
令堂可能消化功能弱,所以肚有風,常放臭屁,試去裕華或華潤堂買[香砂養胃丸],服1~2瓶,應有改善.平時可以用淮山,蓮子,茯苓各5錢,扁豆衣3錢,陳皮1塊煲瘦肉湯供服,一星期2~3劑.
芳姐：
用小米煲粥，小米變白色。有人話在大陸買的小米，煲完還是黃色的，那一樣是正常?
謝謝!
訪客:
小米煲粥如煲得時間長,顏色會變淺,一般煲好都是淺黃色的居多.
芳姐,
本人因感冒已食了二十多天西藥,請教補健湯水清理西藥副作用。謝謝!
心心
心心:
你可以用粉葛半斤,赤小豆,薏米各1兩,蜜棗2粒煲瘦肉湯服,對感冒後調理有幫助.