By 芳姐 ( 17 3 月, 2018 at 5:37 下午)
· Filed under 外感/頭痛/呼吸道病
每年三、四月枇杷就上巿，枇杷大約可分為紅沙枇杷和白沙枇杷二種，一般巿面見到的都是紅沙枇杷，多年前曾經吃過一次白沙枇杷，圓圓的，皮色淺黃，却清甜到不得了，至今未吃過如此甜美的枇杷﹗
枇杷肉質細嫩，營養豐富，含多種維生素、礦物質，具潤肺止咳、幫助消化、保護視力、保護皮膚、促進兒童生長發育的功用，其所含維生素B17，更有防癌抗癌功效。
「枇杷沙參杏仁茶」有潤肺止咳、清熱養陰功效。對肺熱咳嗽、氣管敏感咽癢咳喇及老年咳喘都有幫助。
用料是：枇杷6~8粒，沙參5錢，南北杏1兩，冰糖少許。
做法：枇杷去皮，核拍碎，肉切塊；沙參浸洗；南北杏沖洗；全部材料用4碗半水煮30分鐘成2碗即可供服。
~ 小貼士：此茶清潤可口，老少皆宜。枇杷核能袪痰止咳，所以要連核一齊用。但脾虛泄瀉者不宜飲此茶。
Permalink
芳姐，
這個湯有黃痰不停濁住咳，尤是晚上可以飲的嗎？
身在外地沒有雪梨，只有啤梨可以代替雪梨燉南北杏川貝嗎？ 謝謝妳的幫忙！
芬女:
可以用啤梨,如果有雪梨乾更佳.川貝磨成末可吃下肚不會浪費,因為現時川貝售價頗貴.
芳姐你好呀，我c咳咗個半月醫生話我敏感咳，因為我逢親經過啲人食煙，煮飯啲油煙味，天拿水味或者其他好容易令到人咳嘅，我都好想咳，同埋個喉嚨成日都好痕，而且我已經成個甲狀腺切除，請問我可以煲咩飲咩？
Shirley:
你可用烏梅3粒,菊花1湯匙,甘草5,6片泡茶飲,可沖泡至淡,每日1劑,至症狀好為止.此茶對風咳,敏感咳有效,但要耐心服一段時間.
芳姐你好，
我呢個星期不停乾咳，而且晚上更咳到無得訓， 呼吸時喉嚨好似有嘢撩你咁不停咳 ，請問可以飲咩茶同湯水有幫助，因為咳到心口都開始痛了，唔該芳姐
Angel:
你試用五味子3錢,甘草2錢,桔餅1個,4碗水煮成2碗服,連服3劑,看能否改善?
小兒5歲，早上同訓前咳想問煲咩湯水飲，之前有過氣管炎
張靜文:
你可用百合1兩,雪梨1個,去核,生薑3片,5碗水煮成2碗供仔仔一天分服,有助潤肺止咳.
我想問下唔煲水，煲湯有咩湯可以？小朋友唔係好飲因為就咁煲水。
張靜文:
可用百合1兩,雪梨,蘋果各1個,去核,無花果4粒煲瘦肉湯,全家可飲.小朋友一天分服2碗.
想問下每日飲？
定一星期飲幾多次？
因為呢2日咳密左，早晚都咳嗽，同埋飲呢個可唔可以食西藥？
張靜文:
可以一星期3劑,有助潤肺止咳.飲湯和西藥不相沖的.
小朋友有氣管咳有痰，我應該燉咩湯水？
張靜文:
氣管咳有痰,可以簡單的用川貝末2錢燉雪梨水供服.如無發燒,可用虎乳靈芝4錢,南北杏1兩,淮山1兩,百合1兩,陳皮1個,紅棗5粒燉豬展或雞胸肉湯供服.
想問燉幾多日？早晚咳，中間時間就少啲
張靜文:
燉3劑,如症狀改善就停.
睇左中醫無乜起色。。想請教芳姐，可以煲/焗咩茶同埋煲咩湯可能改善，謝謝
芳姐，你好，我已咳嗽3個星期，起初是口嚨痛，之後口嚨無痛就咳， 少少痰，有睇過西醫，後來變到氣管敏感咳似的，間唔中就突然口嚨超痕，要大聲咳出來， 咳到眼水都流，想嘔咁， 乾咳咁，但好間唔中有少少痰聲，咳唔出， 又似係困住左裡面。。。想請教
Sylvia:
你試用烏梅2~3粒,甘草5片,菊花1湯匙,放入壼內,先用開水沖洗1次,再注入開水,焗10分鐘可飲,可沖泡至淡,連服4~5劑.
芳姐你好, 老公咳了一個月, 鼻水倒流咳, 食過抗生素, 類固醇, 打過針, 都依然咳, 照左肺無事
醫生話氣管敏感居多, 請問飲咩有幫助?
佢鼻水倒流令到有白痰, 喉嚨痕, 白天/晚上都咳, 訓時好少少, 一起身一定咳
謝謝
ying:
你試用桔餅1個切碎,陳皮2錢,辛夷花3錢,4碗水煮成2碗供你先生服,連服3劑.
芳姐你好，我老公64岁，去年做过肺微创手术，有糖尿病和高血压，一个礼拜前，不知是感冒戓打完感冒针引起，现在咳嗽，他吃紧10天的消炎药，也吃止咳水。痰没有颜色，且透明水稀稀的，不管怎样咳，痰就是死赖著不岀来，这种卡痰的情形，可以吃什么食物或饮什么化解呢？另外，他可以经常在早上饮羌水吗？谢谢！
Jenny:
你可用法夏,茯苓,白朮各3錢,陳皮2錢,生薑3片,甘草2錢,5碗水煮成2碗供服,有助袪痰止咳.服西藥後2小時飲.
芳姐你好，我老公感冒之後，宜家氣管敏感咳嗽， 以往經驗，佢要好耐先會好番，想請問宜家可以煲咩湯水/涼茶俾佢飲可舒緩？
另外，平時飲咩可預防氣管敏感既情況？
謝謝！！
Sylvia:
你可用川貝末3錢,蘋果1個,陳皮1個,4碗水煮成2碗服,一星期3~4劑,服兩星期試試.
謝謝你，我試一試~~~
芳姐，我感冒左幾日，宜家小左鼻水，不過鼻鳴鳴，坐車，夜晚訓教就會咳到死，心口，背都出好多汗
求指教
Wong:
你試用五味子3錢,甘草2錢,4碗水煮成2碗服,有助歛肺止咳止汗.
芳姐，你好！兒子3歲半，每天早上和午覺睡醒，都有咳和鼻萌聲！
有時訓覺會有一兩聲咳，咳聲聽上去有痰，有叫兒子吐出來，是透明加一小點黃痰！
跟住全日都無咳無鼻水，都維持了一個多月！試過甘草烏梅菊花水，紅蘿蔔紅棗水
請問還有什麼方法？謝謝！
Nicole:
你試用蘇子,萊菔子,辛夷花各3錢入茶包袋,煲瘦肉粥供食,有助收鼻水,化痰止咳.
芳姐 我個仔咳 ，口龍癢 ，有鼻水，早晚咳得好勁，食緊 抗生素，氣管敏感，食左6日西醫都難斷咳，停左又咳反，有煲過無花果 陳皮 南北杏水都五得， 枇杷葉之類，鱷魚肉都煲過，都五可以，鼻水多，咳死了。有些談聲！
Mandy:
你試用烏梅3粒,辛夷花3錢,甘草2錢,菊花1小撮,3碗水煮成1碗供仔仔服,連服3劑,有助袪風止咽癢,收鼻水.
同西藥隔幾耐，thank you
Mandy:
服西藥後2小時飲.
多謝芳姐 飲左3日可以改善了，中西合壁，不過，兒子間不時有咳 ，有痰聲，請問可以飲什麼呢？
Mandy:
可以用川貝末3錢,蘋果1個,去皮去核,陳皮1塊,4碗水煮成2碗供仔仔服,連服幾天應可見效.
hi 芳姐 我個仔咳 ，口龍癢 ，無鼻水，不過咳得好勁，早晚咳，氣管敏感，食左6日西醫都難斷咳，停左又咳反，有煲過無花果 陳皮 南北杏水都五得，求救！
Mandy:
你試用枇杷葉,龍脷葉各5錢,桔餅1個切碎,無花果4粒,陳皮1塊,5碗水煮成2碗供服,連服3劑.
芳姐試左都五得，一到夜晚就氣管敏感咳，訓左就ok .孩子4歲，可以煲什麼？ 川貝？鱷魚肉？，䖬蚧湯？
Mandy:
試用川貝末2錢,蘋果1個,去核,去皮切塊,冰糖少許,4碗水煮成2碗供一天服,連服3劑,有助止咳.川貝能減少氣管痙攣,研成末易吸收.
中醫話我兒子寒咳，可以用嗎
Mandy:
寒咳加一個陳皮同煮.
小兒六歲，上星期三因扁桃腺發炎開始發燒，此外影響了淋巴，令淋巴腫脹。服用了七天退燒藥和五天抗生素，於前天（星期三）才退燒。雖然燒已退，但醫生吩咐小兒還需要服用五天抗生素。
請問
1.在這時候煲什麼適合他喝？
Miffy:
服抗生素,可以用生薏米1兩,冰糖少許,5碗水煮成2碗,加入2片鮮檸檬片,焗5分鐘可供服,有助提升抗病能力,又好味.滾些豆腐鮮魚湯;紫菜豆腐肉碎湯都有益.病未好不要吃太補益的湯水.
芳姐早晨
️什麼可以給她喝？謝謝你
小女12歲 一日前有咳有綠黃色啖 飲了羅漢果菊花 現在咳少了 但喉嚨痕
Shell
Shell:
有黃綠色痰表示有炎症,可用鮮魚腥草2兩,杏仁5錢滾瘦肉湯供服,滾20分鐘成2碗,一天分服.連服3劑,至痰白色為止.
你好，芳姐，我由上星期四開始咳到今日，喉嚨痕、有時有痰，日咳同夜咳都有，之前醫生話我支氣管炎，可以煲咩湯飲？
Wenus:
你試用川貝3錢,蘋果1個,去皮去核切塊,陳皮1個,4碗水煮成2碗服,連服3~4劑,有助化痰止咳.
芳姐你好：
這道茶飲枇杷已有甜味，可否不加冰糖呢？謝謝
ocean0970:
可以不加糖,減少痰涎.
芳姐您好，
我老公之前感冒，宜家連續二星期夜咳，咳醒，有痰，請問可飲什麼湯水，感謝
Apple:
你試用法夏,茯苓,白朮各3錢,陳皮1個,甘草1錢,生薑3片,5碗水煮成2碗供服,連服3劑,有助袪痰止咳.
芳姐你好，我仔三歲每天早上訓醒都咳嗽同埋鼻塞，之後成日都冇咳同冇鼻塞，有一個月都是這樣，吃左氣管敏感藥唔得，還有點口臭，應該煲咩湯佢飲較好
lxm2311:
你試用辛夷花3錢拍碎泡茶供仔仔服,可加蜜糖,有助改善鼻敏感.
芳姐，更正以上是20-30ml
芳姐求救
媽咪生完第十日，因乳頭短小，不能埋身，只好泵奶，每次只有二至三ml，今日突然又泵不出，但又谷到痛，有什麼辦法，她每天都會飲魚湯，亦然不夠奶，仲可以煲什麼上奶湯
Jenny:
每次媽咪泵奶前可用熱毛巾作外敷,然後按摩乳房才泵奶,可減少谷奶又泵不出的情況.可用北茋5錢,通草2錢,王不留行3錢,無花果4粒煲豬展或鮮魚湯供服,有助行氣催奶.可能媽咪氣不夠.
謝謝芳姐！因為她有咳和鼻水，平常只煲南北杏和百合，北芪煲黑豆水可以嗎？
Jenny:
南北杏百合,北茋黑豆水可以,加些無花果,有助催奶,又補鈣.
謝謝芳姐解答！現在媽咪只有一邊有奶，另一邊泵不出，用手就有少許，她已想放棄餵人奶。
芳姐你好！
我媳婦臨生前兩日患傷風感冒，生完日間有咳有鼻水，少許痰，夜晚就好啲，請教一可以飲有什麼湯水？
芳姐，你好！
我媳婦臨生前兩日患感冒，生完日咳少許痰，夜晚就好啲，請教有什麼湯水可以煲？
Jenny:
你試用川貝末3錢,蘋果1個去皮,去核切塊,陳皮1個,4碗水煮成2碗供服,連服3劑.有助去痰止咳.
謝謝芳姐。
今天叫工人買川貝，店員寫回來是平貝，只是50元1両。我都照煲，想問川貝和平貝有什麼分別。
Jenny:
川貝化痰止咳,有潤肺之功;平貝偏於苦寒,都有化痰止咳功效,長於清火散結.
芳姐，唔該曬！
芳姐你好：
我兒子今年三十五歲，最近咳左一個多月，日間少許咳，夜晚咳得不能睡，他只是乾咳，有試過薑煲黑糖，好似好啲，前兩天看醫生，醫生話可能是哮喘敏感咳，咁可以有什麼湯或茶舒緩，但他在墨爾本住，不能買到要買的東西，希望可以提供意見，謝謝！
你好芳姐，我女兒兩歲三個月，佢細個每次去睇醫生都係話氣管敏感引起咳睇，加上又有鼻敏感，自從過年時氣管敏感睇醫生，到依家差不多一個月咳好了，但係還未到一個禮拜，又開始咳，開始係的咳無痰無鼻水，過兩日就開始有痰有鼻水，請問有什麼湯水適合佢飲還有什麼湯水可以改善氣管敏感？感謝回覆！
Luna:
川貝能減少氣管痙攣咳嗽,可用川貝末3錢,蘋果1個,去皮,去核,4碗水煮成2碗供服,冇痰可加少許冰糖.一星期服2~3劑,至症狀改善停止.
你好，芳姐，我女兒每次咳睇醫生都係因為氣管敏感而引起，有沒有專門針對氣管敏感不是感冒咳的湯水？
Kate:
你可用川貝末3錢,蘋果1個,去皮,去核,4碗水煮成2碗供1天服,一星期2~3劑,有助改善氣管敏感.川貝能減少氣管痙攣,蘋果有益正氣,如痰不多,可加少許冰糖,好味些.
請問要煲幾耐?
Silvia:
煲半小時.
芳姐你好！女兒1歲，一開始日間流透明鼻水，夜晚有少少咳但冇痰。第二天日間流鼻涕是黃色，夜晚多咳有痰、訓教呼吸不順。請問可以煲什麼湯水給女兒飲？感謝芳姐
訪客:
你試用辛夷花5朵,蘇子,萊菔子各3錢,入茶包袋煲瘦肉粥供食,有助化痰止咳,收鼻水,連服3劑.隨量食就成.
芳姐妳好！我個仔今年5歲！醫生話他有氣管敏感！喉嚨咳起來話會痕癢！頸位周不時都會出汗！請問可以飲此湯水嗎？唔該晒你
訪客:
你仔仔氣管敏感,試用橙1個,連皮洗擦乾淨,切開頂部,放少許鹽,用筷子插幾下,放碗中,大火蒸20分鐘,用湯匙壓榨橙汁供服.蒸的鹽橙對敏感咳有幫助.但鮮橙不宜食,會惹痰.
芳姐，
囡囡1歲9個月，經常好容易喉嚨發炎及傷風，亦好容易受到屋企人傳染。
最近初起早上咳嗽，後來外遊後變清稀鼻水，有俾羅漢果.枇杷葉.川貝.南北杏佢飲。
第二日咳嗽開始連晚上也有咳嗽，同埋好多痰音。
第三日少咗鼻水，但是晚上都有咳嗽，痰音更加多。
芳姐請問有咩湯水可以適合囡囡飲，感謝。
Vinbe:
你可用蘇子,萊菔子各3錢入茶包袋煲瘦肉粥供囡囡食,連服3劑,有助袪痰止咳.
芳姐,
有子宮腺肌瘤問題, 每月來經到第4, 5日將完就會開始肚谷脹劇痛, 排便好辛苦.
西醫指子宮腺肌瘤的位置十分貼近腸, 來經內膜異位下壓到腸, 想問可有方法可減痛.
中西醫(包括港大中大的中醫)都睇了好多, 還不見效. 西醫說只有等收經或打荷爾蒙收經針, 針的副作用也多. 真很煩既又好辛苦!!
心:
你試暖飲暖食,不要吃生冷寒涼及冰凍冷食,多吃暖宮食物,如用益母草3錢,艾葉3錢,生薑3片,紅糖適量,4碗水煮成2碗服,一星期2劑,來經停服,服一個月,看能否改善?來經腹痛時用暖水袋作外敷,有助舒緩.
芳姐,
謝謝每次詳細又愛心的回覆!
戒生冷凍食凍飲已廿幾年, 因為十幾歲就有經痛之苦; 試過暖敷, 越敷越痛,
真要煩又苦的呢, 醫生有指應該仲有三兩年才收經, 每個月都痛得要命.
子宮腺肌瘤真好可怕….
心:
你試每天按壓小腿內側[三陰交]的穴位,左右脚都按,每隻脚按壓5分鐘左右,可以買支按穴位的牛骨或[砭石]小捧按壓,對任何婦科病都有幫助.反正容易處理,試試看.[三陰交]穴位在小腿內側足踝那個圓骨正中對上四隻打橫手指位.你上網查看就知道.
芳姐你好！女兒2歲半已經咳左2個月，睇左幾次醫生都唔好，醫生話佢係氣管敏感咳，仲有好多痰，夜晚瞓覺聽到佢氣管有好多痰聲，所以瞓得唔好會好炆憎，請問可以煲什麼湯水飲呢？感謝！
曦瞳媽媽:
你可用川貝末3錢,蘋果1個,陳皮1塊,4碗水煮成2碗供一天服,連服3~4劑,對氣管敏感咳有效.
川貝末會唔會好苦？青欖桔餅湯又得唔得呢？
曦瞳媽媽:
川貝末有些少苦.青欖桔餅湯,由於桔餅糖製過,如痰多就放半個至1個.
好的..多謝芳姐解答
芳姐
你好, 最近經常都口乾口苦, 請問有什麼食療可以幫助改善, 另外女兒經常要加班工作至深夜, 有什麼湯水可以給她服用? 謝謝。
meimei:
你可以用花旗參,石斛各3錢,雪耳3錢,無花果3粒煲瘦肉或竹絲雞湯服,對改善陰虛火旺,口苦口乾有良效.煲個半鐘,花旗參片後下,焗5分鐘就成.連服3劑.
芳姐
請問應該用鐵皮石斛還是霍山石斛，兩者有分別嗎？因從未用過這藥材，煩請指教，謝謝。
meimei:
用一般的藿山石斛就成.如買到新鮮的鐵皮石斛更佳,用6錢.在皇后大道西一帶多間中藥店有售,20元1兩,不太貴.乾品則非常貴.
小兒一歲五個月，氣管敏感咳咗兩個多月，現在都仲食緊西藥，有啲咩湯水或者茶可以舒緩到！
Alex:
如果仔仔日間咳多,可以用桔餅1個,枇杷葉5錢,龍脷葉5錢,雪梨1個,去核,4碗水煮成碗半供一天服,連服3劑.如晚上咳多,有痰,可用蘇子,萊菔子,紫蘇葉各3錢,生薑2片滾瘦肉湯供飲.
日夜都咳
Alex:
你用桔餅這款湯,雪梨改蘋果,會有益正氣些.
請問是桔餅還是柿餅？
Alex:
是桔餅,不是杮餅.
芳姐：
你好，小女16歲自小手腳都非常多汗，近日腳板會甩皮同有大陣臭味，請問可㷛咩湯水改善？或有冇藥可浸腳除臭？謝謝解答
謝謝芳姐解答。
芳姐，你好，請問冬瓜皮和鮮冬瓜功效是否一樣呢？因我看你食療書都有介紹冬瓜皮，但想問鮮冬瓜能否代替冬瓜皮，謝謝你。
珍:
冬瓜皮最利尿消腫,對小便不利者最適合.冬瓜籽清熱化痰.如你用新鮮冬瓜,可以連皮,肉及連籽一齊用,用半斤.
芳姐你好～我係孕婦已家5個月，氣管敏感一直咳左2星期睇左幾次西醫都唔好，夜晚咳得好嚴重，有時咳到有血絲，完全訓唔到，d痰係黃色的，請問可以煲咩湯水？謝謝！
Miu:
你試用紫蘇葉,麥冬,桔梗各3錢,甘草1錢,3碗水煮成2碗服,睡前2小時服1碗,有助止咳,安胎.紫蘇葉有安胎作用的.服3劑,看能否改善?
芳姐你好！女兒4歲，感冒後咳到現在有一個多星期睇了醫生也不見好，鼻涕黃色有痰，喉嚨痛小便也痛，請問可以煲點什麼湯水飲？感謝
May:
你試用冬瓜皮1兩,蜂蜜少許,先將冬瓜皮用3碗水煮成2碗,飲時加蜜糖調味就成,有助清肺熱,利尿,利咽喉.如小便繼續痛,要看醫生治理.