By 芳姐 ( 30 9 月, 2018 at 10:12 下午)
· Filed under 不同類型體質
有些朋友為了減肥，經常吃沙律、魚生、瓜果等低卡路里但較為生冷寒涼食物，此種飲食方式會影響脾胃運化功能，因生冷食物易傷脾胃，濕氣會滯留在體內，濕濁阻遏氣機與清陽，不單造成胃口差、胃脹、胃痛，而且整個人總覺得疲倦精神不振，四肢沉重乏力，腰痠背痛，大便也黏稠不爽好像排不乾淨，其至令皮膚濕疹發作或搔癢加重。
體內濕重是健康的隱憂，一旦到了春天，遇到陰雨綿綿季節，症狀便會加重。所以要趁春天來臨前加快用健脾袪濕湯的湯水去作調理，當然同時要改善不良的飲食習慣，否則飲再多的袪濕湯水效果亦不顯。
用料是：雲茯苓4錢，白朮3錢、扁豆衣3錢，陳皮1個，蜜棗2粒。
做法：將材料浸洗，用4~5碗水煮半小時成2碗即可供服。
~ 小貼士：此湯是從保護脾胃着手，並不寒涼，老少可服，對痰多、舌苔厚膩、有口氣人士都有幫助。
Permalink
準備來月經/月經途中可以飲嗎？
因我來月經會痛全身很攰 +現在天氣很濕
如果不能的話有其他湯水介紹嗎？
訪客:
此湯來經都可以飲,連服3劑.
芳姐你好，五歲小朋友手掌凍但身體又冇凍，是什麼問題？可以飲什麼調理身體？謝謝
訪客:
有些小朋友對體温的調節能力較差,活動多時手掌會較身體凍,一般没有太大問題的,多作戶外活動,飲食營養均衡,多曬曬太陽就成.
芳姐，請問G6PD 的小朋友，可否飲白朮？
G6pd 可以飲雲苓白朮 網上有講邊啲藥材唔飲得嗰啲就唔可以飲
Yee Ting Tong:
G6PD可以飲雲苓白朮扁豆衣水的.你可在網頁右上角[搜尋]的空格內打(蠶豆症)三個字,然後在搜尋上按一下,即可找到蠶豆症人士不能碰的中藥及香精油等物質.
我自己都係G6PD 我都好有飲雲苓白朮 健脾嘅湯水
芳姐，想請問下平時產婦喺進補前就要飲去濕茶， 咁其實可以補身嗰陣，有冇話一個星期要有一次？定係話每次都係飲大補嘅湯，先飲一次去濕茶？
訪客:
如果飲補益湯之前身體無任何不適無需要一定飲袪濕湯,但如果曾經患過傷風,感冒等外感,好番後最好飲些健脾袪濕湯才進補較安全.
想問下如果順產的話第幾天可以食雞？ 有剪下陰傷口， 有些人說即日都可以寫有啲人又話唔可以食，好亂
訪客:
如果是哺乳媽媽,初產幾天由於乳腺未十分通暢,寶寶吸吮未理想,不宜用高蛋白質,高脂肪食物如肥雞,花膠等以免乳汁太濃稠乳腺阻塞,如寶寶已經食奶暢順,產婦胃口已恢復,可以食雞,但最好去雞皮及去肥膏較理想.
好的～謝謝
如果是食嘉美雞去皮，這樣ok嗎？
訪客:
用嘉美雞去皮可以的,無激素飼養,但都要去肥膏.
謝謝^_^
芳姐你好，請問有什麼健脾去濕又唔寒涼的湯水或甜湯適合小朋友飲？
訪客:
這款芸苓白朮扁豆衣水不寒涼的,對小朋友脾胃有濕,消化不好很有益,可以加些冰糖同煮.
芳姐，如果沒有扁豆衣可以用什麼？謝謝
訪客:
可以用炒扁豆1兩,豆衣連豆袪濕能力及健脾能力都好.
芳姐：
本人屬陽虛體質，最近舌變胖大厚，但脷苔很薄，舌厚苔薄屬濕重嗎？此湯適合嗎？需不需要加其他材料呢？
Ching:
舌胖可能是氣虛及濕重,可以在圖中這款茶加3錢北茋同煮,一星期3劑,服兩星期,看能否改善?
芳姐，請問6人分量，材料應該用幾多？
fanny:
6人量,雲苓1兩,白朮1兩,扁豆衣1兩,陳皮2個,蜜棗5粒.8碗水煮半小時成6碗即成.
芳姐：
小女6歲，佢經常性屙粒粒便及手生水泡，請問有咩湯水可以幫佢改善？謝謝
還有咩湯水岩佢平日保健飲用？
Elaine:
便硬宜多飲水,多吃粗纖維食物,如煲些番薯粥作早餐,經常吃些西梅乾,然後飲水.手生水泡如左右手皆有屬濕疹,要看醫生治理.可以多煲些瓜菜湯,霸王花紅蘿蔔排骨湯.
芳姐好呀！请問妳腎虛係寒底
嘅人，腸胃積熱这款湯啱吾啱飲呢
真是麻煩了芳姐
芳姐～要更正一吓
係腸胃積滯濕重
啱吾啱飲呢😅
Yan:
腎虛寒性體質,可飲此湯,加1兩芡實同煮更佳.
多谢芳姐回覆了
我早上起身時
攪得腰酸 感覺有啲
脹 ， 行兩行就覺得好啲
芳姐请問是什麽原因呢
芳姐又麻煩了
🙏🙏
芳姐请問妳
我有乙肝可以買蘭州
舒肝丸食嗎？麻煩了😅
訪客:
容易腰酸都要留意骨質疏鬆的問題,腎虛亦會有此情況,可以用巴戟,杜仲各5錢,川牛膝3錢,栗子或黑豆適量煲豬展湯服,一星期3劑,有助改善.乙肝如肝酵素正常可以服舒肝丸.
芳姐呀！我平時都常常
看芳姐湯水篇，煲芳姐D補腎湯飲嫁，多謝芳姐回覆
辛苦了芳姐啦🥰
如果分2次飲,另一碗係裝起第2日加熱飲??
你好芳姐
請問蜜棗可以用椰棗或無花果代替嗎？謝謝
水晶:
可以用無花果或椰棗代替.
芳姐你好，想請教一下，我煲了這個雲苓白术扁豆衣各1兩加1塊陳皮成2碗分服，都久不久煲下，已經煲了很多次，表面好見效例如面腫眼腫飲後第日已經面眼腫消失一大半，甚至連腸胃都腹脹，飲后當日狂放屁十幾個（好誇張下），其實越放越舒服因為個肚開始扁曬，頭三丶四個可能臭之後果d完全無味。想問下點解我飲後放屁放得咁緊要呢？是否代表我身邊那方面有問題嗎？謝謝解答🙏
王太:
常放屁可能吃下產氣的食物過多,如豆類,豆製品,花生等,也可能是腸胃積滯濕重,肝熱亦會引致屁多,雲苓白朮扁豆衣陳皮水有助健脾袪濕,故你飲了可能助你將脾胃濕氣袪走,放屁後人也舒服了.
芳姐，產氣食物我無乜食既，扁豆衣有沒有關係呢？ 多年黎我間中感冒通常都睇中醫，他們都說我肝鬱氣滯脾虛，是不是放屁同我肝鬱有關呢？步入更年期身體不是這里不舒服就是那里不舒服，之前睇過幾位中醫每個都睇兩三個月，浪費了很多錢，但情況吾覺有咩改善。這樣我就常常開始睇你寫的食療。請問我肝鬱氣滯脾虛有濕應該煲咩較好呢？可以推薦幾款給我好嗎？謝謝🙏
王太:
建議你去上環急庇利街[協德榮]中藥店買蘭州出的[舒肝丸],對肝鬱氣滯非常有效,服半瓶至1瓶左右應可改善,以前華潤堂及裕華都有這個牌子的中成藥賣,後來就不見有售,30元左右1瓶,不貴的.
芳姐，請問這個雲苓白朮扁豆衣水只是煲半小時可有效？我去藥材舖買她說要煲個幾兩個鐘先出味，另外加蜜棗甜野會否加重濕重？
Ada:
雲苓白朮扁豆衣用中火煲半小時已出味,如怕未出味可煮多15~20分鐘的.無需煮兩小時的.加蜜棗2粒味道好些,亦清潤些,不會令濕加重.
芳姐你好！想請教一下，本身我寒底d，我煲了個湯當中有兩款材料未用過，但吾知邊樣令我呵孄大便，新鮮鐵棍淮山和一舊舊玉竹頭。謝謝你
訪客:
淮山健脾實便,暫不要用玉竹頭.
芳姐,您好! 家人有手腳痛風, 唔用扁豆衣,此湯還保留差唔多功效?或配合別的用料? 謝謝回覆
黃女士:
可用赤小豆1兩代替.赤小豆少含嘌呤,且能抑制尿酸.
芳姐，之前因爲感冒看中醫，他說我脾胃虛弱有濕，胃寒又陰虛，我說有煲雲苓白术扁豆衣飲，他説扁豆衣偏寒涼，那我應該煲甚麼適合？真的好煩惱！謝謝你先！
王小姐:
扁豆性平,扁豆衣也是性平的,有健脾和中,袪濕功效.可以用.
芳姐你好，大前天我煲了這款湯，第日食完早餐自然急，去得通暢雖然是爛便，咁昨天我又煲過但加了5錢黨參，今日無自然急，自己去呵下，都呵到但好少同爛好像呵未清咁，請教點解會咁呢？
Lee:
你可能有點濕滯,可以煲多兩劑飲,不放黨參.
芳姐你好，吾好意思濕滯點解呢？我都覺得吾夠氣，同埋我成日噯氣，其實當我腹脹時我又呵吾清又放吾到屁，咁我噯氣會多D，咁哩d係咪叫氣滯呢？咁濕滯同氣滯要食咩先好轉？同避免食咩？先謝謝你🙏 還有我大前日飲這個湯係有放屁個肚舒服d，加了黨參就無放屁谷住咁。
Lee:
你加3錢北茋同煮,有助補氣,但不太燥.其它材料有健脾袪濕及化氣功效,適合你飲.
芳姐你好，我又做錯了！我今次煲左哩個湯無左加黨參，但心諗吾好食咁多糖份所以減左蜜棗，喝了兩碗，跟住第日口干到不得了，剛手頭上有無花果用三粒煲20分鐘飲左之後好左少少，第日諗住煲返d清潤湯水，適逢兒子哩兩晚通頂考試，見佢咀又紅又干加出左幾粒暗倉，所以今日煲了霸王花合掌瓜粟米蠔豉湯，煲二小時，我喝了一碗沒什麼，3小時后再喝1碗之後個肚慢慢又脹返好吾舒服覺得肛門好聚想大便咁，咁去廁所坐了一陣谷吾出就起身，之後發現肛門流曬血呀，我起碼二年內痔倉無出過血，通常我站立後他不會再出血，請問我煲這個湯應該是清熱滋潤下火，為什麼我覺得d火好似聚在落庤倉到好吾舒服，肚又賬住？ 真的感謝🙏
Lee:
霸王花很潤腸通便,如痔瘡出血,可以去中藥店買槐花,用1湯匙泡茶服,連服3劑能止血.
芳姐你好，這個湯1個陳皮煲成兩碗水咁咪好苦囉？
Lee:
是有些少陳皮苦味,但陳皮理氣化痰有益,加了蜜棗味道都易入口.
請問芳姐，
龍眼肉或無花果可取代蜜棗嗎？
蘇兒:
可用圓肉或無花果代蜜棗.
你好，芳姐:
本人血虛寒底，近排容易頭暈及有D肚痛，21天到就來經.昨天飲了八珍湯，就肚瀉。請問有什麽湯水可以調理呀！還有我和仔仔經常條脷都比較白，我們適合此湯嗎？
多多指教
Eva:
你和家人可以一星期飲2劑雲苓白朮扁豆衣水以袪濕,改善舌苔白膩;另外一星期2劑四神排骨湯],如虛寒可加些生薑同煮.四神是指淮山,蓮子,茯苓,芡實,各用1兩,紅棗6~8粒,陳皮1個,排骨適量.
謝謝芳姐
芳姐，
啱啱用完白術，請問有乜可以暫代？白芍？有心伏神？豬苓？燈芯草？澤瀉？分量幾多？
Bobby:
豬苓,澤瀉皆有袪濕功效,可各用3錢.
芳姐，
由於買左「豬苓」一段時間，想清理埋費時一陣又生蟲或發毛，可唔可以加埋一齊煲呢個文章提及嘅茶？分量係米又係用3錢？😊
如果日後想增強功效，加埋「豬苓」又得唔得？同分量係米都係用3錢就夠？🤔
Bobby:
可以加豬苓3錢,能利水滲濕,但多服怕損腎臟.
芳姐，
明白了，多謝指教。我就用哂呢包好了，之後再按照你所寫嘅分量同品種煲好啦。😃
謝謝你
請問如果一家四口飲份量是否加1倍？
Rr:
4人量雲苓用1兩,白朮6錢,扁豆衣5錢,陳皮1個,蜜棗2粒.6碗水煮半小時成4碗.
芳姐，請問懷孕初期可以飲嗎?
yy:
懷孕初期可以飲.
多謝芳姐
蜜棗可以用椰棗代替?
YY:
用椰棗更理想.
多謝芳姐解答!
請問經期來時可飲此湯嗎?
harriett:
此湯來經可飲.
芳姐,請問有感冒或氣管炎未清晒，可以飲此去濕茶嗎？
Lam:
感冒未清都可以飲去濕茶.
芳姐你好，請問身體缺氧應該吸收那些食物好，可以有什麼湯水介紹？謝謝
Ching:
身體缺氧要找出原因,例如減少壓力,改善飲食習慣及改善室內空氣質素及高血壓,高血脂,高膽固醇毛病等.可以多吃含維生素C食物及鐵質.例如菠菜豬肝湯;番茄紅菜頭牛肉湯等都有益.虎尾蘭已研究出其放氧量為其他植物30倍之多,不妨在室內種些矮脚虎尾蘭,它24小時皆放氧,故睡房都可以放.
早晨，芳姐，如果食飯後有胃氣出，是否可以飲用此湯
Maggie:
胃氣多可以用砂仁2錢,陳皮1個切碎泡茶服.可沖泡至淡,連服2劑.
芳姐，陳皮要不要去囊？
Maggie:
陳皮無需去囊,因為囊有些物質對軟化血管有益.
收到，謝謝您
芳姐, 你好.請問這個湯水…幼兒一歲半可飲用嗎?
陳太:
此湯幼兒可飲.
我個人容易熱氣，但又想來月經之後利用食療補下血氣想皮膚好一些，覺得現正皮膚現正開始哀老了，請問有什麼食療適合咧？謝謝
Jenny:
你可用紅豆1兩,紅衣花生1兩,紅棗6粒,杞子3錢,紅糖適量,5~6碗水煮成2碗服,有助養顏潤膚,延緩衰老.
需要連服多少天？或者一星期幾次？謝謝
Jenny:
一星期2劑,來經都可以服.
如果有暗瘡適合飲嗎？
jenny:
有暗瘡都應該不受影響.
請問胃寒適合服用這款茶嗎？
另外一星期可以飲用多少天？
Yanice:
此茶胃寒人士也可以飲,一星期3劑,症狀改善就停.
請問秋天天氣乾燥，飲此款去濕湯水都適合嗎
請問秋天乾燥飲此款湯水都適合嗎
candy:
此湯四季可飲,秋天可加4粒無花果同煮.
芳姐：
你好！這2-3次來經前爆飛滋和牙肉腫！中醫話我抵抗力底！早排話痰濕有時濕火！有虛不受補！所以我不知道可飲什麼！可有食療幫助下？謝謝！
小敏:
你可用大豆芽菜半斤,雪耳3錢,蠔豉4,5隻,瘦肉適量,8碗水煮個半鐘,全家可飲,有助滋陰降火,不寒涼不燥火的,一星期2劑.
這個可每天喝嗎？
Jocelyn:
一星期飲3~4劑就夠.
芳姐：您好！儿子刚刚去HK旅游回程在飞机上流鼻血，现在已经两天还时流的，请教一下有什么食疗可以帮助呢？
夏瑩:
你可用鮮茅根1扎,鮮蓮藕節3個,雪梨1個去核,5碗水煮成2碗供你仔仔飲,連服3劑可見效.
芳姐，請問雲茯苓與茯苓有分別的嗎？ thanks!
林小姐:
雲茯苓即茯苓,又稱雲苓.