By 芳姐 ( 17 12 月, 2018 at 2:47 下午)
· Filed under 外感/頭痛/呼吸道病, 小兒常見病
小朋友一上學，就容易感染上呼吸道疾病，而且往往傷風、感冒後咳過不停，而有點苦味的茶飲或湯品小朋友大都不喜歡飲用，令家長們很頭痛﹗
咳嗽期間太甜的生果都不宜吃，以免惹痰咳得更厲害，尤其是現時甜橙及皇帝桔當造，如果外感期間食用這類鮮果，會令咳嗽惡化。但柑桔類鮮果經炮製過後，却能化痰止咳，非常神奇﹗桔餅就是經炮製過的甜桔子，入藥可煮成甜湯，有健脾和胃、化痰止咳、理氣寛中的功效。除了治療咳嗽，對感冒後消化不良、胸腹脹悶等症都有幫助。
今天推介這款桔餅茶，對感冒後咳嗽不止的小朋友(及成年人)很適合，特別是早、晚咳，或久咳不癒者。
用料是：桔餅1個，陳皮1個，生薑3片，紅棗5粒。
做法：桔餅略為沖洗，切碎；陳皮浸軟；紅棗去核切片；全部材料用5碗水煮40分鐘成2碗，一天分服。
~ 小貼士：此茶為一人份量，成年人桔餅及陳皮可放多1個。桔餅色澤橙紅，不含人造色素，其表面白色的霜其實是製作過程中出現的「餅桔霜」，優質的不黏手，不易脫落；人工打粉的黏手、鬆散，容易脫落，購買時要多加注意。
Permalink
芳姐：
小朋友寒咳多痰，主要是很多痰，喝什麼茶飲好呢？謝謝
dada:
寒咳多痰可用蘇子,萊菔子各3錢(入茶包袋中),陳皮1個煲瘦肉粥供服.連服3~4劑.
芳姐：
請問9歲小朋友風寒咳嗽多痰，可以喝這款茶飲嗎？謝謝！
dada:
小朋友寒咳有痰可飲圖中這款茶.
你好，小女2歲半，久咳不癒，日間小咳，一到夜晚熟睡後就會不斷咳，咳到出痰，已經持續兩星期，請問呢款湯水岩佢嗎？
另外煮呢款湯水需要用煎藥煲定係普通煲湯煲都得？謝謝
Carrie:
你可以用這款食療供囡囡飲,因為無酸味食材,任何煲都可以用.
你好芳姐！我個仔11歲，有鼻敏感，成日鼻索索咁，呢半年又成日反覆咳痰，
但他說沒有喉嚨痕，只是想咳痰，咳一排白痰，有時又變黃痰，反反覆覆，
請問除咗呢款茶，仲有冇其實推介?謝謝！
Mat:
你可以用金羅漢果1/6個,陳皮1個,辛夷花8朵泡茶10分鐘供仔仔飲,有助袪痰收鼻水,一星期3~4劑,至症狀好為止.
謝謝芳姐解答🙏另外我先生剛剛感冒完還有乾咳和少鼻水，夜晚咳得較嚴重，間中會咳出微黃痰，但大部分都是乾咳，也可飲這個泡茶嗎？
Mat:
如晚上咳多,羅漢果性寒涼就暫時不要用,乾咳宜用玉竹3錢,雪耳2錢,蘋果1~2個,去核,南北杏1兩,無花果3枚煲瘦肉湯,煲1小時成4碗,全家可飲.另外用8朵辛夷花泡茶供服,以收鼻水.
這個瘦肉要多少？要連飲幾日嗎？謝謝芳姐！
Mat:
瘦肉主要是令湯鮮味些,隨便放半斤至12兩都得.
芳姐，請問我小朋友2歲大，早排流鼻水食左藥之後好返，依排又有咳同有少少鼻水，尤其訓教好咳同埋有痰咁，另外因為鼻塞好大鼻鼾，飲依個湯水岩佢嗎？西藥都有食，但止標唔止本咁，謝謝。
Chung:
你可以煲這款食療,鼻水多加6~8朵辛夷花同煮.
芳姐你好
仔仔四歲，感冒後，早上醒來會有幾聲咳，有痰聲。其餘時間都冇咳。可以飲依款桔餅茶改善嗎？
芳姐,
更正:
感冒好返後
喉嚨癢,有白色痰, 日間唔多咳,晚上一躺睡就咳不停.
熟睡後咳亦停下來,早上起床咳亦較多
以下那一湯水較合適:
1.)桔餅陳皮薑棗茶
2.)青欖桔餅杏仁茶
謝謝
Hon:
你試用桔餅陳皮薑棗茶,連服3劑,看能否改善?
芳姐,
感冒好返後
喉嚨癢,有白色痰, 日間唔多咳,晚上一躺睡就咳不停.
熟睡後又咳亦停下來,早上起床咳亦較多
以下那一湯水較合適:
1.)桔餅陳皮薑棗茶
2.)桔餅陳皮薑棗茶
謝謝
你好 芳姐
小朋友（3歲）經常不停流清涕 最近早上起床同晚上都有咳 偶有痰聲 曾睇西醫話氣管敏感 請問這款湯適合嗎？ 或有其他更合適食療嗎？ 謝謝你
Wing:
你可以煲這款湯給你小朋友飲.如痰多就暫時不要加紅棗,鼻水多加6朵辛夷花同煮.
芳姐，
你好，小朋友16個月，有咳，好多痰，有鼻水，夜晚咳得特別利害。睇左西醫，都係無咩改善。
請問可以煲咩湯水調理。謝謝。
芳姐，
你好，小朋友16個月，有咳，好多痰，有鼻水，夜晚咳得特別利害。睇左西醫，都係無咩改善。
請問可以煲咩湯水調理。謝謝
Eunice:
你可以用蘇子,萊菔子各3錢,辛夷花5朵入茶包袋煲瘦肉粥供小朋友服,連服3劑,有助袪痰止咳收鼻水.
謝謝。。
甘桔餅＋陳皮哩個適唔適合佢飲？
Eunice:
先服蘇子萊菔子辛夷花粥,服2劑才飲桔餅陳皮水.
芳姐，
我仔仔三歲，流鼻水，打噴嚏，鼻涕黃色，請問可以煲咩呢？謝謝！
訪客:
你可以用辛夷花6朵,葱白3,4棵,生薑3片,3碗水煮成1碗供服,連服3劑.
G6pd 可服嗎？謝謝芳姐
訪客:
G6pd可以服的.
芳姐，
我女女1歲， 暫時得流鼻水同打乞痴，請問可以煲咩？謝謝！
Ray:
你可以滾些糖薑茶供服,有助解表.生薑4,5片,紅糖適量,2碗水煮10分鐘即可供服.
芳姐，見佢流出嚟d鼻涕有少少綠綠地，係咪照煲呢個可以？謝謝！
Ray:
鼻涕有些綠色表示有炎症,試用洋葱半個,切片,蒜頭4,5粒,3碗水煮成1碗供服,有助殺菌.
芳姐你好:
小朋友三歲呢排成日流鼻水, 同埋咳, 咳既時候聽到有痰既, 但小朋友不懂吐痰, 此茶是否也合適?
陳皮是否一塊浸軟後去囊?
Ivy:
痰多不要加紅棗,陳皮不用刮囊的.
那如果沒有正宗陳皮的話, 用果皮又得唔得?
IVY:
一般柑橘皮會帶苦味,只有茶枝柑(即新會柑)曬成的陳皮才清香及具理氣化痰功效.
芳姐，你好，
我仔仔3歲，近排發燒，流鼻水同咳，現時就無發燒了，但仲有dd鼻水同埋咳，聽到佢咳有好多痰，請問可以煲d咩呢？謝謝！
Kit:
你可用蘇子,萊菔子,辛夷花各3錢滾瘦肉湯供仔仔服,滾20分鐘就成,有助化痰止咳收鼻水,可連服3劑.有中藥店有售.
如果食緊西藥，可相隔幾耐先飲？同埋有無話用幾多水煲？謝謝芳姐！
Kit:
服西藥隔2小時可以飲,你用電飯煲煲粥仔供仔仔食,大約煲成2~3碗,隨量食就成.
即係係咪滾瘦肉湯都可以？係咪可以用茶包入住去煲？謝謝！
kit:
是的,可以入茶包袋,或煲好後用咖啡隔篩走蘇子等亦可.
芳姐，小朋友已經病好了，想問下平時可以煲d咩/食d咩可以增強抵抗力？因為小朋友差唔強每個月都會病，每次都會發燒。謝謝！
Kit:
你可以用淮山,蓮子,茯苓,芡實各1兩,陳皮1個,紅棗6粒煲排骨或鷓鴣湯,8碗水煮成4碗,全家可飲,有助健脾益氣,袪濕,增强體質,一星期2劑.最好小朋友吃些淮山,蓮子,芡實,隨量吃就成.
芳姐，您好。 在外國没有桔餅可用橙代替？
Mimmy:
桔餅表面有層白霜,這層白霜主要治咳.你有没有陳皮,可加多個陳皮代替.
Hi 芳姐
你好! 我兒子10個月大準備出牙 無胃口同痾好水爛屎
請問有咩湯水或粥水可以煲俾bb飲
謝謝你!
Sella:
你可以用淮山,芡實各1湯匙煲肉碎粥,粥煲好後用迷你攪拌器攪成糊仔供食,有助健脾實便.淮山芡實要先浸水1小時才煮,容易煮腍.
非常感謝您的祝身體健康
芳姐，这道针对小儿咳嗽的桔饼陈皮姜枣茶需要服几服？
璇:
一般服3劑應可見效.
谢谢🙏
芳姐，你好！儿子皮肤好干，有些地方还能看到脱皮现象，请问有什么食疗法或者汤改善？！
儿子今年5岁半
芳姐，两膝盖都脱皮了
璇:
你可以用木瓜,雪耳,南杏,無花果各適量煲糖水供仔仔服,一星期2劑,要吃湯料,有助潤澤肌膚,全家可飲,煲1小時就成.
谢谢芳姐！南杏和无花果是不是在药材店买就好
璇:
南杏和無花果中藥店,或海味雜貨店有售.
芳姐，
你好，兒子4歲，之前病咗好番！依家開始又咳嗽，但主要都係早上起身咳，同晚上訓覺訓落床咳！請問有咩湯水或食療可治療？謝謝！
咳聲鬆散，無乜痰聲咁
Nicole:
你可用桔餅1個切碎,蘋果1個去核切塊,北杏3錢,4碗水煮20分鐘成2碗供服,連服2劑.
多謝芳姐意見，如果感覺似鼻水倒流，仲可以有咩湯水？謝謝！
Nicole:
鼻水倒流就加6朵辛夷花同煮.
芳姐，你好！
兒子飲了兩劑，感覺好似好啲！請問還有其他湯水嘛？看到其他食療，以下配方適合飲嘛？
抗鼻敏感配方
材料︰黃蓍、白朮、防風、百合、辛夷花、蒼耳子、枇杷葉及路路通
功效：保肺固表，宣通肺竅，抗敏。此方有助強化肺部機能，增強及補充肺氣，預防及加強抗鼻敏感的功效，特別適合體質虛弱、易感冒人仕飲用。經常飲用可強化體質，功效更為顯著。
材料﹕路路通、防風各3錢，紫蘇葉1錢半，辛夷花2錢，百合半両
療效﹕此食療主治鼻敏感引致的咳嗽，效果顯著。路路通可通鼻塞；防風主要是收鼻水、解表；紫蘇葉有溫化寒痰的作用；辛夷花同樣可收鼻水、通鼻竅；百合以清肺、潤肺、安神為主
製法﹕全部材料加1公升水煲滾，改文火煲20分鐘即成
Nicole:
路路通是楓樹的果實,我較少用.其它都有用過,兩劑藥方對鼻敏感都有幫助,第一劑服用一段時間可減少鼻敏感.第二劑對寒性患者兼有咳有幫助.
你好芳姐我個女今年六歲
上星期已開始放學返屋企又發燒38至39度
有時發燒會發冷
已經食咗五日抗生素再加多三日抗生素
仍然早上都係有38度燒
食咗啲西藥都係唔係好得
之前醫生只係話佢有喉嚨發炎
不過面色都係蒼白
冇乜胃口
因為我個女個肚裏便好難屙到屎
醫生要佢放屎
想睇下有咩食療可以幫到佢
Lucina:
燒不退你試用蘆根5錢,生薏米1兩,金羅漢果半個,無花果4粒,5碗水煮成2碗供服,有助退燒,消炎利咽,通便,連服3劑.
如果食緊西藥有冇影響
Lucina:
服西藥後隔2小時飲就成.
芳姐，你好！
小兒15個月大，前幾天開始，每晚半夜或臨天光都有幾聲咳，可以煲些什麼給他飲下呢？開奶茶或保嬰丹會有效嗎？謝謝！
Fung:
保嬰丹可以服.或試用蘇子,萊菔子各3錢入茶包袋煲肉碎粥供仔仔食,連服2劑,看能否改善?
仔仔琴晚開始有幾聲咳 十個月大 可以飲滴咩止咳
Jacky_mm:
你可以用洋葱1個,去衣切片,放蒸碟中大火蒸20分鐘,用湯匙壓榨洋葱汁供仔仔服,一日可以蒸2個洋葱,有助止咳.
有沒有其他方法 洋蔥會辣辣地
Jacky_mm:
洋葱水清甜的.如有痰聲,可用蘇子,萊菔子各3錢入茶包袋煲瘦肉粥供食,對小兒痰咳有效.蘇子是紫蘇的種子;萊菔子是白蘿蔔的種子,都有化痰止咳功效.
好 唔該嗮
今日一直打哈丘同流鼻水 可以煲辛夷花水飲嗎
Jacky_mm:
可以泡些辛夷花茶供服.
芳姐，女兒咳了差不多一個月還未好， 他 一直都是黃痰， 而且很多， 整天好像 有很多痰在喉嚨 黏著， 很難出來， 睡覺也睡不好， 中醫說 他是熱咳， 吃了 差不多一個月的中藥 還是有很多痰， 請問可以喝洋蔥蒜頭水嗎？ 或是柿餅生薑茶？ 謝謝！
補充：女兒八歲
Yu:
你試用川貝末3錢,雪梨1個,去核,陳皮1個剪碎,4碗水煮成2碗供囡囡服,連服3~4劑,對痰咳屬熱咳有幫助.或者用鮮龍脷葉各1兩,石黃皮1兩,南北杏1兩,5碗水煮成2碗服對熱咳黃痰有幫助.
請問這兩款湯水要煮多久？ 洋蔥水 可以化痰嗎？
Yu:
洋葱水主要是對小兒感冒咳有幫助,化痰功效不算太好.川貝未雪梨水煲30分鐘,龍脷葉湯煲45分鐘至1小時.
芳姐，女兒咳了差不多一個月還未好， 他 一直都是黃痰， 而且很多， 整天好像 有很多痰在喉嚨 黏著， 很難出來， 睡覺也睡不好， 中醫說 他是熱咳， 吃了 差不多一個月的中藥 還是有很多痰， 請問可以喝洋蔥蒜頭水嗎？ 或是柿餅生薑茶？ 謝謝！
芳姐你好嗎
小朋友咳左成個月，睇左e生仲有咳可以煲此湯嗎？
Ella:
小朋友咳太久,試用紅蘿蔔1個切薄片,紅棗8粒,去核切片,4碗水煮成2碗服,連服3~4劑.桔餅湯都可以飲的.
芳姐,
我女兒5歲, 自從2個月前感冒, 痊癒後便咳, 咳到現在已兩個月, 看了十幾次中醫換了三個中醫也沒解決. ( 咳法: 感覺似被骨哽到要”用力”Kurk”出來的聲音, 日間咳, 睡前和睡醒後才咳, 奇怪睡覺的時候不會咳~ 沒什麼痰咳出來. 間中才有很少量的白色泡泡要吐) . 之前除了咳還有經常一邊鼻腔流鼻血和鼻塞和鼻水倒流, 醫師說他有慢性鼻炎, 讓她飲”五味石膏湯,麥門冬湯,保和丸,仙鶴草” 治好了不再流鼻血和鼻塞,說沒鼻炎了. 後來藥裡不再加仙鶴草加其他藥粉喝, 但是咳依然沒改善~
現在我已放棄看中醫. 芳姐, 請求有沒有其他解決方法? 感激不盡~!!!
Stella:
你試用這款桔餅陳皮薑棗茶,連服3~4劑,看能否改善?
芳姐：
謝謝妳百忙抽空回覆。 1）我女兒不肯喝果皮水，去了白色也嫌苦。怎辦？ 2）我不太確定她還有沒有鼻水倒流，所以才造成所謂少量泡泡的咳？妳覺得呢？假設尚有鼻水倒流應怎解決好？
謝謝！
Stella:
尚有鼻水倒流用辛夷花6朵泡茶,可加蜜糖.如都不肯飲,唯有看西醫吃藥啦!
囡囡咳左好耐 睇中醫話佢係濕熱咳 飲左幾日葯未見好轉 佢係時好時壞 可以1日內無咳 但第2日又咳 一咳就好多痰 但無鼻水無鼻塞 我可以煲咩俾佢飲？謝謝你！
Grace:
你試用枇杷葉,龍脷葉各5錢,桔餅1個切碎,南北杏1兩,陳皮1個煲瘦肉湯,6碗水煮成4碗,可分2天服,連服3劑,有助清熱止咳.
芳姐小兒13個月，時常睡醒咳及半夜咳，可以飲這個湯水嗎？謝謝
Yan:
你仔仔可以飲此茶,每次飲半碗,一日飲1碗就夠.
你好，芳姐，小兒一歲半，初初感冒好番後餘咳了兩星期，餘咳未好，去看西醫，診斷為氣管敏感，咳未好，這兩天又再次感冒，食慾精神還可，但咳音很重，睡覺也會，流透明鼻水。還在吃西藥中，未見好轉，情況下，我可帶他看中醫嗎？我住港島區，請問芳姐有中醫能介紹給我嗎？謝謝細閱！
你好，芳姐，小兒歲半，
感冒時，已蒸洋蔥蘋果蒜頭水供服多，已好了七成。現在他仍間中有少少鼻水，早午間很少咳，但到夜晚睡著後，凌晨時份會鼻塞，無間斷地痰咳或乾咳一小時左右，是否身體入風所致？？？請問以上茶療適合那飲用嗎？謝謝細閱
Kayi:
你用6朵辛夷花拍碎泡茶供飲,可加蜜糖,有助收鼻水,改善鼻塞.
但半夜咳可以加什麼與辛夷花同服？
Kayi:
半夜咳可以用桔餅1個切碎,生薑2片,有鼻塞加6朵辛夷花同煮15分鐘供服,有助散寒止咳.
請問半夜咳，有痰或無痰的咳也可用以上茶療？
謝謝解答！
Kayi:
桔餅,生薑均能散寒,桔餅能止咳,所以晚上咳,或日間寒咳都適合飲,有痰加個陳皮同煮.
小兒半夜咳嗽近兩星期了，煲以上湯療未見好轉，今天帶他看西醫，請問芳姐還有其他湯療提供嗎？醫生說他氣管敏感，如鱷魚豬肉海底椰川貝母南北杏啱飲嗎？
Kayi:
川貝能減少氣管敏感,可用川貝末3錢,蘋果1個,去皮,去核,4碗水煮成1碗供服,連服3劑.
方姐您好：
小朋友5歲，有鼻過敏
近日感冒會嘔吐，鼻涕倒流夜咳很嚴重
咳嗽有痰聲
另已經5歲了每晚幾乎都會尿床
請問有什麼湯水可以改善，謝謝方姐解答
小光:
小朋友5歲仍尿床必須看政府的泌尿科,因為如果7歲前都尿床,長大都會尿床,會嚴重影響他的成長,會自卑的!可以由家庭醫生作轉介.日常可用白果10粒,去芯,芡實1兩,覆盆子,金櫻子各3錢,紅棗6粒煲豬小肚瘦肉湯服,一星期2劑,有助補腎止尿,但食療只能作輔助治療.必須看醫生.鼻敏感可用辛夷花6朵拍碎泡茶供服,每日1劑,可加蜜糖,飲至好為止.
謝謝芳姐
芳姐，小朋友1歲，因突然咳得太厲害，睇左醫生，話上呼吸道感染，食咩可以舒緩病情
Yvonne:
你可用川貝末2錢,蘋果1個,去皮,去核,冰糖少許,4碗水煮成碗半供一天服,連服3劑,有助舒緩咳嗽.
之前試過川貝燉瘦肉，反而嚴重左，可能川貝吾適合我小朋友仲有冇其他可以試
Yvonne:
你試用蒜子5,6粒,洋葱1個,去衣切片,冰糖少許,4碗水煮成2碗供小朋友服,能殺菌抗病毒,止咳.
芳姐，突然又半夜不斷咳，可以點？
Yvonne:
半夜咳,你可用紫蘇葉2錢,生薑2片,甘草1錢,3碗水煮成碗半供1天服,連服2劑,看能否改善?
芳姐你好！(用猴頭菇2~3朵,淮山1兩,鮮石斛1兩,陳皮1個煲瘦肉湯服,有助健脾益氣) 請問這個鮮石斛可以用乾的嗎？用量是多少？ 是一人量的嗎？ 感冒尾 略有鼻塞可服用嗎？ 謝謝！
Cola:
乾石斛用3錢就夠.感冒快好可以飲.
小朋友1歲最近成日發出d氣聲，好似氣官吾太好，可以食咩？
Yvonne:
你可以用川貝末2錢,蘋果1個去皮,去核,冰糖少許,3碗水煮成1碗供服,連服3劑.川貝能減少氣管痙攣咳喘.
川貝末係咪要係藥材舖買
Yvonne:
你去中藥店買原粒川貝,然後叫店員代你搗成末就成,不要買早已磨成粉那種,因為川貝售價貴,要小心點好!
芳姐，你另外一個post話係用川貝燉蘋果，甘我應該燉定煲，已經1歲可以用蜜糖嗎？
Yvonne:
川貝燉蘋果或煲蘋果都可以,煲就出味些.歲半幼兒才適合用蜜糖,可改用少許冰糖.
芳姐已經飲左兩次，不過間中仲有咳，同埋突然鼻文文甘，可以點？繼續飲多次？鼻文文又可以食咩？
Yvonne:
如有改善,可以飲多兩劑,假如有點鼻塞,可加5朵辛夷花一齊燉或煮,有助改善鼻塞情況.
芳姐，因為咳突然嚴重左，夜晚訓覺咳住訓，唯有食西藥，衣家好左小小，可以繼續食咩令到冇咳
Yvonne:
晚上咳多,試用蒜子4,5粒,洋葱半個,去衣切片,冰糖少許,3碗水煮成1碗供小朋友,連服2劑,有助散寒止咳.
蒜子係咪即係蒜頭？
Yvonne:
蒜子即蒜頭.今晚尚可飲一些蒜子洋葱水.
即係每日一次？今日已經試過洋蔥萍果水，今日仲可吾可以飮蒜子洋蔥？
芳姐多謝你🙇🏼♀️琴晚比左洋蔥蒜頭水，訓覺半夜只咳了一下，吾同前晚成晚咳住訓….雖然今朝都有一下咳，不過好左好多….一陣會比多次小朋友飲，請問臨訓之前需吾需要再比多次，之後應該再食咩令到冇咳，好返？
Yvonne:
洋葱蒜子水可以多服3劑,有助消滅體內細菌,病毒.
請問桔餅在哪裡可以買到？
我囝囝是蠶豆仔,可以飲d咩湯水,可以止咳化痰?? 囝囝差不多五歲!!最近睇左兩次西醫都未好返!!又煲過兩次川貝鱷魚肉湯,但都未好返!!
還有什麼湯水可以代替開水??當水俾佢飲?? 佢早上及晚上咳的厲害,又成日鼻塞!! 聽到佢咳時候d痰好浮!!!
平時我會滾d陳皮水俾佢當水飲料!!
謝謝你!!!
Christine:
桔餅任何中藥店均有售.痰多可以用陳皮金羅漢果水供服,陳皮半個,金羅漢果1/6個,可沖泡一大壼供一天飲.
小朋友岩1歲，間中有打乞痴有咳，有鼻水，一喊超級多鼻水，有乜野可止鼻水？
麻煩你了！
Yvonne:
你可以滾些芫荽葱生薑魚片水供小朋友飲,芫荽,葱各3棵,生薑3片,鯇魚片半條,滾10分鐘,趁温暖供飲,有助解表.如鼻水太多,加6朵辛夷花同滾.
芳姐，你好！我最近因感冒吃了很多藥，但還是沒有好！喉嚨發炎，有黃色痰，咳嗽，鼻塞。請問我可以煲什麼湯水飲呢？謝謝
Candy:
你可用辛夷花3錢,麥冬3錢,胖大海3錢,金銀花3錢,4碗水煮成2碗服,有助消炎,收鼻水止咳.
芳姐：
你好！我咳了差不多一個月都還未好，特別是夜晚咳得好厲害，是有痰咳的，而且好難咳出來，喉嚨也痕同乾.同時，我女兒3歲，也咳了大半個月未好， 她好多痰，而且黃色的.請問有什麼湯水適合？因為我懷孕了，又不想食西藥。
謝謝
Winnie
Winnie:
你試用桔餅1個,切碎,陳皮2個,萊菔子,蘇子各3錢,甘草1錢,6碗水煮半小時成3~4碗,供你們一天分服,連服3劑,看能否改善?
芳姐：
好的， 謝謝你！
Winnie
芳姐：
你好！我同女兒飲了以上食療湯水有改善，現在沒有黃痰了，但是依然還咳，有白色痰，也是好難咳出來，請問還是繼續煲此湯水飲嗎？
另外， 我想問問孕婦可以燉川貝雪梨水飲嗎？
謝謝你
Winnie
Winnie:
你試用川貝末4錢,蘋果2個,去皮,去核,陳皮1塊,5碗水煮半小時成3碗,你和囡囡分服,有助袪痰,蘋果有益正氣.
芳姐你好，我仔感冒咳嗽有个星期了，一直都唔好得，睇西醫食藥幾日好少少，唔食又咳翻！啲藥食咗又眼訓，所以想請教下可以煲咩湯俾佢飲，佢係起床時候咳嗽厲害，激動和運動是咳嗽，甚至行樓梯都咳嗽，如果坐定定就唔咳，晚上睡覺醒咗都咳得犀利，流清鼻水和鼻塞。
Mandy:
你試這款桔餅湯,連服3~4劑,應有助改善.
你好芳姐
想請教一下 因為我個女有咳 開始有痰 但食西藥後化左少少痰 但我發覺佢早上咳得比較多 無痰 同埋咳時氣管好似扯住甘 我擔心可能有少少氣管敏感 佢一歲有咩湯水可以調理下 多謝
Bowie:
你試用洋葱1個,去衣切片,隔水大火蒸20分鐘,用湯匙壓洋葱汁供囡囡飲,一天可蒸2次供服,有助止咳.
芳姐您好，我前幾天照了有胃炎，經常漲氣，作痛，在吃醫生開的化胃氣胃酸藥，請問有什麼食療或者中藥幫助調理，謝謝🙏
平平:
猴頭菇,青木瓜,椰菜等都對胃炎患者有益,可常用.例如用猴頭菇2~3朵,淮山1兩,鮮石斛1兩,陳皮1個煲瘦肉湯服,有助健脾益氣.用青木瓜,無花果,陳皮煲鯇魚尾湯服亦有益.椰菜,西蘭花等十字科菜日常可多食.
芳姐,
妳好! 氣管敏感咳了個多月, 現在咳似停了; 但常有白痰在喉嚨位唔上唔落,
發出陣陣似打嗝的喉嚨聲, 有時痰會突然湧進舌頭可吐, 有時又唔得.
西醫已食了10天抗生素, 平時一睇西醫服藥氣管敏感就會好, 可是今次還不見好.
於是試用焗陳皮水, 飲後咳明顯好了, 但痰像卡住喉嚨就開始.
請多多賜教, 勞煩哂!
PP:
你可用法夏,茯苓,白朮各3錢,陳皮2錢,甘草2錢,5碗水煮成2碗服,連服3劑,有助清痰.
我仔每日睡醒就咳嗽幾聲和鼻塞，其餘時間都沒咳，可以煲這款湯飲嗎？
請問桔餅在哪裡可以買到？
芳姐，
我仔仔8歲，最初喉嚨痛好番，之後就有鼻水，現無鼻水但又有咳，但咳時冇痰，喉嚨好痕。這情況是否可煲桔餅水？
Nat:
桔餅在中藥店有售,你仔仔可以飲此湯,連服3劑,看能否改善?
芳姐，請問成日放屁是什麼原因？有冇食療可以幫助減少這情況？謝謝。
Sally:
你可能多吃了豆類,薯類,碳酸飲料或吃東西太急引致放屁過多,可以少食這類產氣食材飲品,多飲暖水,多做運動可改善.