By 芳姐 ( 25 5 月, 2019 at 3:04 下午)
· Filed under 小兒常見病
手足口病是一種夏季多發病， 它通過腸道病毒傳播， 通常患者都是5歲以下的兒童。手足口病主要透過接觸患者的鼻或喉嚨分泌物、唾液、穿破的水疱或糞便，或觸摸受污染的物件而傳播，患者在病發首星期最具傳染性。
由於尚未有疫苗可有效預防手足口病，要有效預防感染，保持個人及環境衞生最為重要。現時天氣炎熱，家長不妨煲些「綠豆薏米粥」供小朋友食用，有清熱解毒、消暑、健脾、袪濕作用，對防治手足口病會有幫助。
用料是：綠豆2兩，生薏米2兩，冰糖適量。
做法：綠豆、薏米浸洗，用7碗水煮1小時成3~4碗，調入冰糖煮溶即可供食。
~ 小貼士：此粥全家可食，如小朋友已受感染，由於患兒會發燒和口腔潰瘍引致痛楚，可以將綠豆薏米粥攤涼了才服食，或加魚膠粉製成果凍供食亦佳。
Permalink
你好，芳姐，女兒3.5歲，昨天高燒，食完退燒藥又起39.5度，口腔痛，出風疹，佢不中意食粥，可以煲什麼？嗎-？
屋企有老黄瓜，薏米，無花果，赤小豆，瘦肉thanks
man:
你囡囡燒不退表示病邪尚未趕走,可以用蘆根5錢,生薏米1兩,雪梨1個,去核,冰糖少許,4碗水煮半小時供服.湯品可用老黃瓜,赤小豆,薏米無花果瘦肉湯,有助清熱去濕,殺少量病毒.
唔好意思 想問下 14個月大bb宜家中左手足口病 佢可以飲綠豆薏米嗎
Connie:
14個月BB可以飲綠豆薏米水的.有清熱解毒作用.
謝謝芳姐 但 呢個綠豆薏米同綠豆薏米赤小豆有咩分別？
訪客:
加赤小豆,利水袪濕功效佳,而且減少寒涼之氣.
明白 唔該晒芳姐
謝謝芳姐 但 呢個綠豆薏米同綠豆薏米赤小豆有咩分別？
芳姐：
雖然已經踏入秋季，但手足口病依然多。我兒子的幼稚園班裡又有小朋友患上手足口病了。您介紹的防治湯水，夏季時我都会煮給兒子飲用。可否也介紹一些適合現時秋季防燥又可防治手足口病的湯水，謝謝。
WING
chanwengi:
這季天可以用合掌瓜1個,豆腐2磚滾鯇魚尾湯;或手茅根,竹蔗,紅蘿蔔,生薏米各適量煲糖水供服,有助預防手足口病.
謝謝芳姐
芳姐，我女已經發燒兩日，上唇生左幾粒飛滋，可以煲咩飲。已經有煲蘆根雪梨薏米一日飲左兩次。
Carrie:
你可以煲些鹹瘦肉皮蛋粥供食,對生痱滋有益.另外薏米蘆根雪梨水可以飲多2劑.有助退燒.
芳姐，您好
我女儿四岁半，前几天病毒感性感冒致连续高烧三天三夜，无发烧后整个人消瘦了，没什么精神，时有咳嗽，鼻塞，应该煲些什汤水粥的可以调理下的呢
谢谢，期待您的回复
Annie:
你可以用老黃瓜1個,赤小豆,綠豆,薏米各1兩,無花果3粒煲瘦肉湯供囡囡服,有助清餘熱,健脾袪濕.鼻塞另外用6朵辛夷花泡茶供服,連服3劑.
芳姐你好：
BB7個月大，有鼻塞乞次流鼻水，應煲咩嘢佢飲好呢？謝謝
Moon:
你可以用洋葱1個,蒜頭4,5粒拍碎,3碗水煮成1碗供BB服,服2劑,看能否改善?
芳姐你好，我仔4歲，上星期發燒好翻後一直放臭屁，可以煲咩湯水俾佢飲阿。同埋見佢個嘴唇經常無乜血色青青地，上次發燒又話頭暈，睇左醫生又話無事只是血糖低，又可以煲D咩湯俾佢飲調理下。謝謝你
Mandy:
可用太子參5錢,茯苓5錢,淮山1兩,紅棗6粒,圓肉5錢,陳皮1個煲鵪鶉或鷓鴣湯供服,8碗水煮成4碗,連服3劑,看能否改善?
芳姐
你好！小兒4歳。體弱，經常生病。醫生說扁桃泉過大，雖做手術。請問有甚麼湯水，食療適合手術後小孩？謝謝！
Hazel 媽媽
Hazel媽媽:
你仔仔手術後可以煲些蘿蔔陳皮水供飲,小口小口飲,有助加快排走麻醉藥,之後可以用北茋3錢煲瑤柱陳皮稀粥供食,能加快傷口癒合,連服2~3天.放瘦肉或雞胸肉都可以,但只食粥,肉類用來提鮮.
芳姐你好。最近發現我個女成日好大汗開住冷氣訓教都訓到成頭汗,d頭髮有d己經濕左。日頭唔開冷氣一陣已經好似岩岩洗完頭咁。個身又唔覺有出汗只係個頭同d頭髮濕晒。最近岩岩出左玫瑰疹之前又發左幾日燒。有流鼻水同咳喉嚨重有痰。最近成日都發現佢手腳冰冷但訓教或是一唔開冷氣一陣佢就會成頭汗。請問有咩湯水茶可以介紹俾我。我女歲半。玫瑰疹已經好返。
個女食野便便精神都正常。只係耐唔耐有鼻水透明既好濃咳同有痰
Fion:
你可用北茋3錢,浮小麥5錢,茯苓4錢,白朮4錢,紅棗4粒,5碗水煮40分鐘成2碗供服,連服3劑,看能否改善?
芳姐你好，請問一下，無論煲咩湯最好要落片薑先好嗎？
Tracy:
煲湯如用了鮮魚或家禽最好放薑;如放了豆類,堅果類最好放陳皮.一般煲湯放少許薑没問題的.
芳姐你好，小朋友2歲,平時熱氣可以用甘草煲瘦肉嗎？定只可以係喉龍發炎先可以飲呢？
Tracy:
小朋友熱氣可以煲些茅根竹蔗紅蘿蔔水供服,或薏米檸檬水亦佳.甘草煲瘦肉,由於甘草有强心作用,小朋友不是生病無需常用.
芳姐你好，小兒1歲半，發燒3日
睇左西醫，做左流感測試唔係流感，請問有冇咩食譜可以幫助退燒？
謝謝
Ting:
你可以用蘆根5錢,生薏米1兩,淡竹葉2錢,雪梨1個,去核,5碗水煮成碗半供小朋友一天服,連服2~3劑,有助退燒.服西藥後2小時飲就没問題.
芳姐我的女兒正在處於手足口病期間，但已經康復得不錯，我見她吃了好多西藥，好疏散。應該煲些什麼湯水給她喝喝
Jo的爸爸:
你可以用淮山,茯苓,蓮子,芡實各1兩,陳皮1個,紅棗6粒煲瘦肉湯供囡囡服,有助健脾袪濕,强體質,此湯全家可飲,8碗水煮成4碗即成,連服2劑.
靑少年睡眠不好成日郁嚟郁去瞓覺時，有時發開口夢。令到第二朝冇精神上堂又經常覺得好冇精神，有什麼食療可以改善？
Carrie:
你可用小麥米1兩,茯神5錢,炙甘草2錢,百合1兩,紅棗6粒去核,6碗水煮1小時成2~3碗,一天分服,連服3~4劑,看能否改善.
芳姐，早晨！小朋友2歲6個月最近食熱氣嘢多，昨日幾聲咳，今早起身咳多了有痰聲和低燒，想問可以煲咩食，綠豆薏米可以飲嗎？謝謝
cherry:
小朋友有低燒要留意,可以用蘆根5錢,生薏米1兩,雪梨1個,去核煲水供服,有助清臟腑熱,退燒.5碗水煮1小時成2碗供服,連服2劑.
芳姐,你好！請問哺乳媽媽也可飲用此粥嗎？
Connie:
哺乳媽媽可以服此粥.
芳姐你好
女兒7歲最近發燒咳嗽已經五曰
今天再看醫生，經測試后，確實鏈球菌性咽炎
開了10天antibiotics.她咳嗽不停，吃和睡也有很大映響
可以有什麼食療可以減少咳嗽
謝謝
Boo 媽:
你試用蘆根1兩,鹹橄欖4粒,5碗水煮成2碗供囡囡服,對細菌性咽炎有幫助,連服3劑試試.如痰多晚上咳,可以用蘇子,萊菔子各3錢入茶包袋煲瘦肉粥供食,連服3天.兩款食療可以一天分服,吃西藥後隔2小時食没問題.
謝謝芳姐，我會試試！
芳姐，我想問吓我下體每晚冲凉後，早上起床就非常痕癢，我下體没有其他分泌同異味，醫生話我係更年期收經後下體乾造成。請問有咩食療可以幫到我？
Julie:
更年期容易出現陰部乾癢症狀,可以沖涼後用些没刺激性的娥羅納英軟膏作外塗,應可止癢.另外可以用沙參,玉竹,雪耳燉些花膠或海參食用,一星期2劑,有助改善症狀.