By 芳姐 ( 4 11 月, 2019 at 9:13 下午)
· Filed under 婦科病／產前，產後／不孕, 高血壓／冠心病/中風
早前買了一斤鮮山楂，一次用不完，今天配些紅糖及生薑煲水代茶服，暖胃又袪寒，更有消食健胃、行氣散瘀等功效。這種酸溜溜的小紅果可以說是「婦人藥」，除了治婦女月經不調，對婦女產後惡露不盡甚為有益，能加快子宮康復。
用料是：山楂4兩，生薑4~5片，紅糖適量。
做法：山楂洗淨拍碎；全部材料用4碗水煮20分鐘成2碗，加入紅糖煮溶即成。
~ 小貼士：此茶對血瘀型痛經最有效，同時能防治高血脂、高血壓、高膽固醇及瀉痢腹痛等症都有幫助。但孕婦忌服。
Permalink
芳姐：你好！
來經時有血塊，每月經期前3日正常，但第4日就會開始無，請問這種情況可以煲啲咩來飲？
呢款「山楂糖薑茶」來經時可以飲嗎？
謝謝🙏
月子:
可以煲些山楂榶薑茶服,亦可以多煲些黑木耳紅棗水.要連湯料一齊食.
芳姐你好，請問有聽過1種葉叫黑面將軍 據說可以治子宮肌瘤？謝謝🙏
Lee:
黑面將軍我未見過,產自馬來西亞,應該像近年傳聞產自沙巴一帶的憂頓草一樣屬抗癌草藥,我認識不太多,抱歉!
芳姐，
小女12歲 剛剛初潮， 開冷氣的時候手腳冰冷， 冬天也是 手腳 冰冷， 請問 月經後 可以有什麼湯水 或飲品可以 調理身體 ？謝謝你！
Florence:
你可用北茋3錢,白朮4錢,防風3錢,桂枝3錢,紅棗5粒,生薑3片,5碗水煮成2碗供囡囡服,一星期2劑,有助强壯體質.
謝謝芳姐
芳姐
是不是可以用不銹鋼煲湯煲來煲或是用煲中藥的瓦煲來煲？ 經期期間 肚痛是可以飲嗎？ 謝謝芳姐
訪客:
但凡味酸的中藥材最好不要用不銹鋼煲來煲,因為易釋出重金屬物質,除非煲的時間短,馬上倒出飲用還可以.煲的時間超過半小時最好用瓦煲或玻璃煲這類物質穩定的煲.經痛都可以飲.
謝謝芳姐
芳姐 請問卵巢囊腫要吃什麼？
viann:
可以用茯苓5錢,百合1兩煲水代茶服,對卵巢囊腫有幫助.亦不妨用鮮紅蘿蔔,蘋果,薯仔各適量榨汁服.
芳姐:
如果买不到新鲜山楂, 可不可以用干山楂? 分量多少?
小麥:
乾品山楂可用3~4錢.
谢谢芳姐的回复，祝您工作顺利 ！
芳姐請問面上暗瘡怎樣可去印
Lily:
你可以買些薏仁粉,用2茶匙,加些涼開水和蜜糖調成糊,用來塗面,然後輕輕按摩,每日或隔日1次,有助去暗瘡印.
芳姐：
您好，家人坐月剖腹產第16天，本身缺鈣貧血？有以下問題想問
1）飲了3天益母草白背黑木耳紅棗水，原先兩天啡，昨日又紅色返惡露流水，何解呢？可以點做？
2）成日險色倉白，唔夠氣，已叫食埋黨參，昨天湯水加北芪？還有什麼可做？
3）每天下午3-4點就很倦，我說你要多休息？有食療幫助嗎？
4）同埋她怕傷口埋得不好，說我咁快煮蛋她食，是否可吃得？
5）海鮮類何時食得，蝦/尤魚等？
謝芳姐
訪客:
益母草水主要能加快子宮康復,排清惡露,現在可能是將子宮內的殘餘物排清,有貧血要多煲些四紅湯,加北茋,黨參同煮更佳.四紅湯材料,紅豆,紅衣花生,紅棗,杞子.各用適量就成.由於產婦氣血差,故易疲勞,要少食多餐才成,可以燉些清雞汁供服.蛋可以食,魚没問題,章魚,墨魚乾皆補血,可配蓮藕,黑豆煲排骨湯服,蝦蟹少吃.
芳姐，
早晨! 囡囡3歲晚上睡覺時有鼻塞, 飲辛姨花茶是否要連續飲3天? 另外請問秋冬時有什麼簡單清熱湯水?
訪客:
辛夷花茶飲2劑,如症狀好了就無需飲.秋冬可以煲些茅根竹蔗紅蘿蔔水清熱.或用金羅漢果半個,雪梨2個,去核,無花果4粒,5碗水煮成3碗,全家可飲.
芳姐，
晚上好! 囡囡飲完辛姨花茶還是鼻塞, 請問還有什麼方法可改善? 另我今日買了3個金羅漢果, 回家才發現3個都有個小孔, 但入面又沒有蟲, 請問是否正常?
訪客:
你繼續飲多幾劑辛夷花茶才見效,可加金羅漢果.因為金羅漢果要開小孔作脫水工序,所以要獨立包裝,以防小蟲鑽入,有小孔是正常的.
芳姐，你好
我體質係陰虛，而家34週想清胎毒
藥材舖既人教煲白蓮鬚加蒲桃乾去清，係咪可以？
另外，開刀既話，炒米茶駛唔駛配d咩去飲？謝謝你抽空回答。
芳姐,今天公司有很多咳,擔心被傳染,可飲什麼食療可預防