By 芳姐 ( 29 11 月, 2019 at 10:07 下午)
· Filed under 外感/頭痛/呼吸道病, 小兒常見病
下週天氣轉冷，又正直流感爆發期，[預防勝於治療]，最好趁天冷煲些補益湯水以强壯體質，增强身體免疫力。不過小朋友不建議用人參、鹿茸、蜂皇漿一類中藥材，因為小朋友陰陽未平衡，如過量進補，容易傷脾胃，令他們體質變差或變胖，甚或影響小朋友的生理，導致性早熟或過遲發育。
最好盡量用天然食物，用不同種類的食材作調理，除了一般天然蔬果、肉類、堅果種子等材料，亦可加些少具健脾胃、潤肺補肺的中藥材，如淮山、杞子、蓮子、百合、茯苓、杏仁、大棗等性質平和又補益之品，以對抗流感。
「淮山杞子瑤柱鷓鴣湯」有健脾潤肺、止咳化痰、調補五臟功效。湯料中鷓鴣是治理脾虛久咳、痰多的食療佳品；淮山健脾益胃、助消化吸收；杞子養肝明目、增强免疫力；紅蘿蔔健脾除疳積；瑤柱能清除體內的有害毒素，有健脾，利尿，消腫功效。數物合而為湯，味道鮮美可口，對脾胃虛弱，食欲不振、肢倦乏力、容易咳嗽及痰多小朋友最為適合。
用料是：淮山1兩，杞子3錢，紅蘿蔔1個，瑤柱3粒，紅棗4粒，生薑3片，鷓鴣1隻。
做法：淮山、杞子、瑤柱分別浸洗；紅蘿蔔去皮切塊；紅棗去核；鷓鴣劏洗淨，出水；全部材料用8碗水煮個半鐘成4~5碗即可連湯料同食。
~ 小貼士：此湯脂肪含量低，蛋白質含量高，補而不燥，全家老少可服。對體質虛弱，虛不受補又容易感染傷風、感冒者大有裨益。
Permalink
淮山，蓮子，陳皮，粟米紅萝卜煲紅棗杞子鷓鴣可以嗎？
m:
可以,没問題.
你好芳姐
請問如果煲湯使用壓力煲可以嗎？要煲幾耐？一家四口的話要加幾多水？呢邊買到的鷓鴣好細隻，使唔使放兩隻或者加啲瘦肉呀？另外隔夜湯水可唔可以飲？
兩個小朋友黎到英國差唔多隔個禮拜就病，多數都係傷風感冒、咳、有痰同鼻水，夜晚都咳得犀利，平時可以煲的咩湯增強抵抗力令個肺同氣管好啲呀？
冬蟲草、川貝個的都有帶過嚟，但唔知煲的咩增強佢哋低抗力，小朋友一個5歲另一個3歲，麻煩分享多啲適合佢地湯水，非常感謝！
Cherry:
壓力煲可以用,但飲湯之前放爐火中再煲15分鐘湯水較出味好飲些.如鷓鴣細隻加些瘦肉同煮更佳.可以隔夜,但如果當中有雪耳,木耳一類菌類宜撈走較佳,以免產生亞硝酸鹽對身體不利.有空用紫蘇葉生薑紅糖水滾15分鐘供小朋友服,有助解表止咳.用冬蟲草2錢或蟲草花5錢,川貝3錢,南北杏1兩,無花果5粒煲瘦肉或雞肉湯服,有助提高免疫力,減少生病.
芳姐你好，請問平時煲湯應該幾耐大火，而然轉用中火定細火？再煲幾耐？謝謝
訪客:
一般先用大火煮至大滾後就可以改用中慢火,要看材料是否[索水],索水的如豆類,菌類要校慢火,否則水很易乾.一般中慢火後煮1~個半小時就成,材料質硬的要全程煲2小時才能全部出味.
芳姐您好
囡囡6歲半，胸部疑似發育，有性早熟跡象。
請問有咩食療可以幫助治療？
平時已經好注意飲食，實在不明所以。
希望可以等到您回復
十分感謝您🙏🏻🙏🏻
NC:
現在很多食物都會用激素催谷生長,例如快大家禽,塘魚,鰻魚,超大的生果等,故就算你較小心選擇食物,只要外出用膳仍會讓小朋友吸收過多激素引致性早熟,故外出用膳少選炸雞,乳鴿,鴨肉,鵝肉,塘魚一類食物.
可用花旗參,石斛,沙參,玉竹,杞子各3錢,淮山1兩,紅棗5粒,生薑2片煲響螺乾3~4隻,煲個半鐘供囡囡服,一星期3劑,連服1個月,有助改善,如全家飲可加些瘦肉同煮.
芳姐您好，
十分感謝您抽空回覆🙏🏻🙏🏻
想再請問以上湯水連服1個月後，仍需每星期持續服用嗎？
感謝您!
NC
NC:
服一個月後可以停服,不過之後不妨一個月1~2次作保健之用.
明白了，十分感謝您🙏🏻🙏🏻
芳姐您好
囡囡6歲半，胸部疑似發育，有性早熟跡象
請問有咩食療可以幫助治療？
平時已經好注意飲食，實在不明所以。
十分感謝您🙏🏻🙏🏻
芳姐:
請問可否用乳鴿代替鷓鴣? 因為city super依家無鷓鴣賣.
Karie Hung:
可以用乳鴿代替.
芳姐，
小兒流感高峰期比較容易感染例如感冒發燒喉嚨痛咳等，請問芳姐有什麼湯水可增強抵抗力？謝謝🙏🏻小兒有蠶豆症的謝謝🙏🏻
jims:
你可以去裕華或農本方買[玉屏風散]沖劑,一星期沖2次供仔仔服,此方為預防傷風感冒著名湯方,材料為北茋,防風,白朮3種中藥材,很平和的.如常喉痛,可加蜜糖,或用金羅漢果1角,捏碎同沖泡服.
十分謝謝你芳姐等我試試先🙏🏻
如果有感冒時可服用嗎？另外如果想自己煲湯水增強抵抗力有建議嗎？🙏🏻謝謝
Jims:
如果本身體質較虛,感冒都可以服.疫症流行期可用石斛,沙參,各3錢,生薏米1兩,麥冬5錢,甘草2錢,6碗水煮成3碗,全家可服.加瘦肉同煮亦佳.
芳姐您好
囡囡6歲半，胸部疑似發育，有性早熟跡象。
請問有咩食療可以幫助治療？
平時已經好注意飲食，實在不明所以。
十分感謝您🙏🏻🙏🏻
芳姐，
另外，如丈夫經常似感冒未清，可否服用此湯？謝謝
Yannis:
感冒没發燒都可以飲此湯,可用排骨或瘦肉代替鷓鴣.
芳姐，
請問可否用豬骨代替鵲鴣？謝謝
芳姐，另外，如丈夫經常似感冒未清，可否服用此湯？謝謝
芳姐，你好！
請問生蛇開始結焦，皮膚痕癢及痛，可飲此湯嗎？謝謝
Vonnie:
你可以去山草藥檔買鮮馬齒莧,用2兩,綠豆2兩,先用5碗水煮綠豆半小時,加入馬齒莧再煮20分鐘供服,對生蛇者很有幫助.連服3劑,能清熱毒.
芳姐，請問岩岩好返氣管炎，可唔可以飲呢個湯
芳姐，請問洋蔥蒜頭水可否加瘦肉？謝謝
Anna:
洋葱蒜頭加點瘦肉煮都可以.
想問懷孕初期可以飲呢個湯嗎？
Gigi:
懷孕初期可飲此湯.
芳姐,你好
阿仔一歲九月 食完西藥仲有少許 鼻水 同鼻塞？
鄭太:
你可用辛夷花5朵拍碎泡茶供服,可加少許蜜糖,連服3劑,有助收鼻水.
芳姐，我女15個月，今日開始有感冒，流鼻水，仲有咳，請問可以煲咩湯水舒緩下？
Carol:
你可用洋葱1個,去衣切片,蒜頭4粒,生薑3片,4碗水煮半小時成碗半供一天服.
芳姐你好，我囡4歲半，由兩三歲開始扁桃線反覆發炎，一個月一次，請問有什麼湯水適合飲用調理。謝謝！
訪客:
扁桃腺發炎,可用金羅漢果1/4個,胖大海3錢,4碗水煮半小時成2碗供服,一星期2~3劑,有助減少發病.
如沒鷓鴣, 有甚麼可以代替?
Margaret:
可用鵪鶉或竹絲雞代替.
芳姐你好，我的手指麻痹一年了，看了中西医都没有好转，该怎么办呢？谢谢！
May:
你試去裕華或華潤堂買[複方丹參片],服兩瓶試試,有助活血通絡.
芳姐,你好
請問一歲九月大bb 痰多 喉嚨發炎 晚上有一兩聲咳 同鼻塞 有咩湯水可以飲
鄭太:
痰多,喉嚨發炎,試用金羅漢果1/6個,胖大海3粒,辛夷花5朵,4碗水煮成碗半供一天服,連服3劑.
芳姐你好，女兒八個半月大，近日咳嗽有痰，流鼻水，眼皮紅和乾，看了西醫但未見太大好卄。請問有甚麼食療推介嗎？另土銀花夏枯草水適合敷眼嗎？
Kiki:
土銀花夏枯草水可以敷眼皮.咳有痰可以用洋葱1個,去衣,切片放碗中,隔水大火蒸半小時,用湯匙壓洋葱汁供服,一日可以蒸2次.
芳姐你好，
請問剛做完割胆手術(58歲)
花膠煲甚麼湯水調理好
謝謝你的回覆
Chiu:
剛做完割胆手術,不宜用花膠這類難消化的食物,可以用北茋4~5錢煲瑤柱陳皮粥供食,有助加快康復.手術後幾個月內盡量少吃肥膩東西,否則很易肚瀉.花膠等出院一週後有胃口才配淮山,杞子,紅棗瘦肉燉.
芳姐,
常常飲健脾去濕湯水, 也有齒痕舌, 胃脘很容易有聲及滯脹, 大便溏. 我不吃生冷食物, 但一直如此, 年紀大情況更甚, 我又是很容易上火的体質, 請問要飲什麼湯水才有用呢? 謝
訪客:
你試去裕華或華潤堂買[香砂養胃丸/片],服食2瓶,有助改善情況.
芳姐你好呀！想問下你除左開奶茶外，有咩係適合7個月BB同3歲小朋友都岩嘅清熱氣飲！
唔該晒你呀！🙏🏻🙏🏻🙏🏻
Gigi:
你可以用茅根竹蔗紅蘿蔔馬蹄水作幼兒的清涼湯水,馬蹄不但能清熱化痰,尚能解少量鉛毒,所以可常用.
芳姐，
如果唔磨成粒煲得唔得？因為就算自己磨每次先用3錢好難控制到用幾多磨幾多。煲完可唔可以連湯料食？
Bobby:
原粒煮當然可以,只要煮好食埋就成.幼兒,小朋友未必肯食,所以才用川貝末.
芳姐妳好：
朋友送了一盒金线莲，請教一下，可以加什麼材料煲湯，唔該晒。
平平:
抱歉,我未用過金線蓮,所以没有食療推介!
芳姐您好，
請問請問一歳BB可以飮此湯嗎？
Annie
Annie:
1歲BB可飲半碗.
芳姐你好，
我依家懷孕中期，突然爆發妊娠濕疹，請問冇無食療或外用方法可以有幫助？
謝謝🙏🏻
Emma:
濕疹要保持患處滋潤,外用劑試用白癬皮5錢,地膚子5錢,側柏葉5錢,7~8碗水煮半小時,可分3次用藥棉沾藥汁洗患處.食療試用黑豆1兩,防風3錢,炒麥芽5錢,海玉竹5錢,蟬蛻3錢,白朮3錢,紅棗5粒,5碗水煮1小時成2碗服,連服3劑.懷孕可飲.
你好芳姐，兒子一歲九個月，流鼻水咳嗽個多月，看醫生是支氣管炎，而家一堆西藥有抗生素。請問可以煲什麼湯水輔助下？
可樂媽:
你可以用洋葱1個去衣切片,蒜頭4~5粒拍碎4碗水煮半小時供仔仔服,連服3劑,對感冒支氣管炎有益.
謝謝芳姐，囡囡现時唔嘔吐啦!
囡囡感冒已有两星期，仲有D鼻水同咳，半夜都會咳幾聲，一直断唔到尾。想請問芳姐怎麼辦？
yueyyuefup:
你試用川貝末3錢,蘋果1個去皮,去核,陳皮1個,4碗水煮成2碗供囡囡服,連服3劑,有助化痰止咳.
請問小兒感冒痰多吐不出來
可飲邊款湯水？
Azu:
小朋友痰多可用蘇子,萊菔子入茶包袋滾瘦肉湯或煲粥供服,連服3劑.
芳姐，晚上好，想问一下如果用海马煲汤，请问小只海马需要浸泡，清除内脏和汆烫吗？请问有高血压和高胆固醇的老人家能喝海马汤吗？谢谢您😘♥️
scy:
海馬浸泡後出水就可以煲湯,不用清內臟.有高血壓,高膽固醇長者可以服.
芳姐，非常谢谢您的回答，请问要浸泡多久哦？谢谢您😘❤️
scy:
泡浸1小時.
芳姐，
請問鷓鴣邊樹有得買？有無外國入口定話有新鮮？大陸冰鮮怕有激素？
Bobby:
Foodwise超巿可能有外國進口的鷓鴣賣.
芳姐，
去過佢網站睇過，係有但咁多間嘅分店唔近，不過我都會去睇下。唔該哂。
再想請教，喉嚨成日有好似痰咁包主，有時會咳到出嚟，有時係黃色；有時係白色；有時咳唔到。有無乜食療湯水介紹？
Bobby:
你可用川貝末3錢,雪梨1個去核,陳皮1個剪碎,4碗水煮成2碗服,連服3劑.
芳姐，
川貝末係咪即係川貝？自己磨成粉？還是有現成“川貝末”買？兩者有無乜分別？點樣為之正貨？
Bobby:
由於川貝售價較貴,故買川貝後可以要求中藥店幫你將原粒川貝磨成末應用.但磨成粉的川貝最好一星期內同完較理想.自己磨就用幾多磨幾多.
無得就你所回答嘅繼續撳嗰「回覆」就係下面直接打，點知當在重新「查詢」，所以只好再係呢樹插入問題⋯⋯
芳姐，
如果唔磨成粒煲得唔得？因為就算自己磨每次先用3錢好難控制到用幾多磨幾多。煲完可唔可以連湯料食？
芳姐，
飲咗幾劑，喉嚨清咗，但有時又返返嚟。每次已經盡量吐出嚟但唔係每次都成功。除咗呢條方仲有無其他？咁我可以隔主嚟飲唔使咁悶☺️
Bobby:
你試用桔餅1個切碎,陳皮2個剪碎,4碗水煮成2碗服,有助袪痰止咳.
芳姐，
🥴晚飯後感覺喉嚨有少少「確」好似想作喉嚨痛咁，桔餅陳皮可唔可以治到呢？如果唔係咁理想，請問有無其他代替先，清左再搞反「些少痰」。😊
Bobby:
可以用金羅漢果1/4個,無花果3粒切開泡茶服.煲15分鐘飲更佳.