By 芳姐 ( 14 1 月, 2020 at 9:52 上午)
· Filed under 未分類
龍脷葉是止咳化痰的良藥，最適用於肺熱咳嗽和痰火咳。因其性平味甘淡，故如果家中寶寶感冒後咳，又不知其是寒咳或熱咳，都可用龍脷葉作食療。
如果晚上痰多咳嗽，可配蘋果、陳皮、桔餅等材料；日間咳多或看到喉嚨有些少紅腫，可配雪梨、石黃皮等材料同煮。龍脷葉對肺燥咳嗽、咽痛失音和便秘都有功效。
「龍脷葉蘋果桔餅湯」有潤肺化痰、止咳、潤腸的功效。對小朋友感冒後久咳不好、便秘等具一定療效。
用料是：鮮龍脷葉2兩，蘋果1個，桔餅1個，南北杏5錢。
做法：鮮龍脷葉洗淨；蘋果投入開水中浸去果蠟，用鹽洗擦乾淨後切片，去核；桔餅沖洗後切塊；全部材料用4碗水煮20分鐘成碗半至2碗即可供一天分服。
~ 小貼士：此湯甘甘甜甜，容易入口，小朋友都不會抗拒。桔餅表面的白霜有化痰作用，無需清洗掉。蘋果果皮亦很有益，只需用開水浸片刻，用鹽再擦洗就可洗去果蠟及農藥，安全食用。
Permalink
芳姐，請問鮮龍脷葉2兩，可否改用乾龍脷葉？分量多少？是否都係煲20分鐘，就可以？謝謝
fanny:
乾龍脷葉用5錢.煲20~30分鐘可飲.
芳姐，你好
有事情想請教你，其實咩時候煲湯先要放姜？宜家呢d蘋果桔餅水要五要放？
我今日煲先1L水左右，放左小小有d 辣，係未放一兩片就得？我宜家搞唔明白究竟放唔放姜，我女咳飲呢個水又話辣，五放姜d水會寒涼嗎？
Apple:
一般體質偏寒人士如要煲些清熱湯水可以在湯料中放少許薑以減少寒涼之性,如果材料性平就不一定加薑,例如圖中這款湯.但一般煲魚湯,家禽湯都適合加些生薑才較佳.
芳姐，謝謝你回復
我女距六歲，剛開始五舒服既時候，好似是喉嚨唔舒服有鼻水然後開始咳，距日夜都有咳，夜晚一訓低咳多d ,五知距是寒咳定熱咳其實是點分？
如果蘋果桔餅水加左姜，會辣，會五會飲影響距咳多左？
聽到距咳好似是有痰咳唔出甘樣，飲左好三次蘋果桔餅陳皮水
Apple:
小朋友痰咳可以用蘇子,萊菔子各3錢,入茶包袋,加個陳皮煲水或煲粥供服,連服3劑,能袪痰止咳.蘇子是紫蘇的種子,萊菔子是白蘿蔔的種子,都有袪痰止咳功效,對晚上咳多更佳.一般咽喉痛或不適不宜用薑.網頁的右上方[搜尋]空格內打[小兒咳嗽],按一下,可找到各種証型咳嗽那篇文章.
請問芳姐，如果幼兒岩岩滿一歲，有鼻水同咳飲唔飲得依款湯圓？（食左好多少西藥）
Capybara:
這款湯很平和,幼兒可以服用.
請問一下
2歲小朋友發燒過後， 開始流清鼻涕， 晚上痰咳， 可以煲呢個或川貝，
蘋果嗎？
感謝
Lam:
小朋友感冒後可以飲此茶,如鼻水多,可加8朵辛夷花同煮.
芳姐：
你好！我仔19個月，剛剛病毒感染引起感冒，食完西藥後久唔久有兩聲咳，帶去睇中醫話佢陰虛、唔夠氣。我有keep住燉虎乳芝同鱷魚肉湯，一星期兩次，但又有說法指幼兒不應飲用太多中藥材；試過陳皮川貝蛇膽液連服三日，有點起色但未治癒。咳左成半個月，請指教可以有什麼湯水，而小朋友又係咪真係唔可以食太多藥材？（多數煲沙參玉竹）
謝謝！
Ying:
一些常用的中藥材其實已經納入食物類別,小朋友一星期2次應該没問題的.可以用紅棗10粒,去核,紅蘿蔔1個煲粥仔供幼兒服,連服3~4劑,對小兒久咳有療效.這些不是藥材,可放心用.
芳姐：
你好！我仔剛2歲半，鼻塞無流鼻水，食過西藥，之後每次瞓醒都有痰咳，一直都係瞓醒咳，其他時間完全唔咳，飲過蘇子、萊菔子、辛夷花湯，燉川貝陳皮蘋果湯，唔見有效。可否食蛇膽川貝陳皮沖劑？還是有咩其他湯可以飲？
Kei:
可以試用川貝末2錢燉蘋果陳皮水供服,連服3劑.蘋果要去核,陳皮用半個剪碎.飲時可少許蜜糖,好味些,但不要太多,以免惹痰.
芳姐：
已試過連續三天燉川貝陳皮蘋果畀我仔飲，唔見效。可否食蛇膽川貝陳皮沖劑？還是有咩其他湯可以飲？
Kei:
可以服食蛇膽川貝陳皮沖劑,服3天,看能否改善?其間不要吃太多甜食,少吃生冷寒涼之品,煎炸食物亦不宜,飲食宜清淡.
芳姐
您好
兒子13個月，但夜晚訓覺經想咳有痰有嘔，但早上較少咳
請問此湯水適合他飲嗎
Denise:
13個月大幼兒可以飲,一劑分2天服就成.
芳姐你好，
想請問一下，我屋企燉盅是大約2碗半水-3碗水容量。如果跟以上食療，材料是否減半？本身小朋友3歲因半夜無冚被，早晨起身就流鼻涕（透明色）加咳（無痰）。
謝謝。
Charmaine:
一般用川貝末這類價錢貴的東西才用燉的方法,這款湯用煲的方法就成,煲20分鐘,小朋友鮮龍脷葉1兩,蘋果1個,桔餅半個,南北杏5錢.
想請教芳姐，我朋友自從流感好返都咳不斷。
佢說話多及夜晚就會咳、有痰白色、沒有便秘、本身氣管敏感。
煲過此湯/烏梅菊花甘草茶冇明顯改善。
想問有冇其他湯水/茶推介？謝謝！
JK:
痰多可用法夏,茯苓,白朮各3錢,陳皮2錢,甘草1錢,5碗水煮成2碗服,有助化痰改善氣管敏感.
芳姐請問此湯適合四歲小孩飲用嗎？謝謝
YY:
4歲小朋友可飲圖中這款湯.
痰多可用法夏,茯苓,白朮各3錢,陳皮2錢,甘草1錢,5碗水煮成2碗服,有助化痰改善氣管敏感.
請教芳姐，此湯適合四歲小孩飲嗎？
Yy:
法夏茯苓茶4歳小朋友可服.份量減少些,法夏,茯苓,白朮各2錢就夠.
你好，芳姐。屋企人確診痊癒後仍然會咳，特別是訓覺會咳更加犀利，想問是否煲龍脷葉蘋果桔餅湯還是龍脷葉蘋果湯？感謝回覆
Sharon:
你可用龍脷葉蘋果桔餅湯.
芳姐你好，想問下小朋友2歲半打乞次，鼻水倒水導致咳可以煲啲咩?謝謝
Yuki:
你可用辛夷花6朵,葱白4棵,生薑4片少許冰糖滾湯供服,滾10分鐘.連服3劑.有助解表收鼻水.
唔該晒芳姐
芳姐，您好！我女儿八岁了，很怕冷，手脚冰凉，皮肤偏黄请问要怎么调理？
璇:
你可以用北茋,防風,白朮,桂枝各3錢,紅棗6粒,生薑3片,5碗水煮成2碗供服,一星期3劑,至症狀改善為止.
好的，谢谢芳姐！
你好！女兒一星期前有鼻水，但這兩天打乞嗤有鼻涕，黃綠色的，今日開始有兩聲咳，應該煲什麼湯水？謝謝🙏🏻
Fong Jessie:
你試用文章中這款食療,加6朵辛夷花同煮,連服3劑,有助改善.
芬姐，請問大囡夜晚瞓覺有兩聲咳，起身話喉嚨痛，可以飲？
芳姐，買不到新鮮龍脷葉，可以用乾品代替嗎？份量多少？另外我餵母乳中，適合飲嗎？
Yy:
乾龍脷葉可用5錢,哺乳可飲.
謝謝芳姐
芳姐您好！小兒快6歲，之前咳嗽有痰看西醫吃了抗生素，痰好像沒有了，但早晚乾咳，試過川貝雪梨，也試了桔餅紅棗薑茶都沒有明顯效果，请問可以吃什麼？ 謝謝！
皮亞:
如仔仔乾咳無痰,你試用木瓜,雪耳,百合,無花果各適量煲糖水供服,全家可飲,仔仔飲湯吃些湯料,連服2劑,看能否改善?
芳姐，
你好，請問孕婦可以飲這個糖水嗎
Samantha:
此糖水孕婦可以飲的.
謝謝芳姐！
芳姐你好，請問蘇子,萊菔子，辛荑花，能加入這款湯一齊煲嗎？小朋友都係病後清唔到咳，多數半夜咳及早上起床咳，帶痰
這個湯本身已飲了2天。
謝謝
Reika:
如果小朋友没有鼻塞及鼻水,無需加辛夷花,用蘇子,萊菔子各3錢入茶包袋,可加個陳皮同煮瘦肉粥供食,連服3劑,有助袪痰止咳.蘇子是紫蘇葉的種子,萊菔子是白蘿蔔的種子,很平和的,不怕用.
你好，我仔剛2歲，鼻塞無流鼻水，食過西藥，之後就開始乾咳到痰咳，飲過中藥制感冒茶蛇膽川貝都未好。格左幾日又開始鼻塞，一直都咳，飲保嬰單及喉棗散都無幫助。可飲蘇子、萊菔子、辛夷花湯？有飲過鱷魚湯及龍利葉湯
Joyce:
你試用蘇子,萊菔子辛夷花湯,連服3劑,看能否改善?
好的～謝謝🙏🏻
芳姐，係咪煲20分鐘就得啦？
joyce:
煲20分鐘就成.
芳姐你好
中醫話仔仔鼻敏感咳，鼻水倒流，食左7.8劑中藥，依家每次訓醒就咳幾分鐘先停，有痰聲，日頭就隔中一兩聲咳，請問有咩湯水推介，係咪會好難斷尾？
Karen:
你試用桔餅1個切開,陳皮2個,辛夷花6~8朵,4碗水煮成2碗供服,連服3劑.小朋友日常飲食營養均衡,多做運動强壯體質,可以斷尾.
謝謝你芳姐
芳姐您好：
我奶奶舌癌擴散頸淋巴，已切除及化療電療，長期標杷，現不能進食，只能胃管餵飼奶，時間越長，痰越多，請問有哪些湯療可緩和，多謝您！
chan:
試用蘇子,萊菔子各3錢煲水供服,蘇子是紫蘇葉的種子,萊菔子是白蘿蔔的種子,都較平和.其他中藥未必合用,怕會相沖.
芳姐：
您好，小兒兩歲感冒後仍有咳嗽、重痰聲和聲沙，伴着濃烈口氣，不知熱咳還是寒咳。已煲三日辛荑花、蘇子丶萊菔子及 食了西藥一星期仍未見有轉好。請問可以煲此湯嗎？還是有更好的食療？謝謝
ysandiks:
你可以煲這款湯供仔仔飲,如痰多加個陳皮同煮,口氣重可能肺熱,蘋果可改雪梨,但要去核.連服3劑.
芳姐你好，bb15個月大，傷風咳流鼻水，已看醫生吃了2天藥仍未好轉，晚上痰咳嚴重睡不好，2晚咳到嘔，日間咳較少，很多痰聲，不知bb是熱咳還是寒咳，請問此食療是否過適合？食了西藥隔多久可飲用？還是有其他食療更好？已燉了3天洋蔥蘋果蒜頭水，謝謝！
kylie:
你試用蘇子,萊菔子各3錢入茶包袋中,煲瘦肉粥供食,連服3劑,有助袪痰止咳.
芳姐，bb服了2劑蘇子萊菔子瘦肉粥後，咳嗽真的少了，晚上睡覺也變好，現時還有痰咳，請問服完3劑後還有什麼食療可調理？謝謝！
Kylie:
蘇子萊菔子粥可以服多兩三劑,至痰咳好為止.病好後可以煲些四神瘦肉湯供服,以健脾開胃.四神是淮山,茯苓,蓮子,芡實.
感謝芳姐！
芳姐你好，請問蘇子,萊菔子，辛荑花，能加入這款湯一齊煲嗎？小朋友都係病後清唔到咳，多數半夜咳及早上起床咳，帶痰
這個湯本身已飲了2天。
謝謝
張老師你好,最近不知是否工作壓力大,月經很多,但已來有五天,又感覺到胃下面大腸有點痛,不知是什麼原因,請可否敎導飲什麼食療
Graxe:
你可能精神緊張引致經痛,並非大腸痛,是子宮影響的痛楚.試用益母草5錢,金針4錢,生薑2片,紅棗4粒,4碗水煮20分鐘成2碗服,連服3劑.
對不起芳姐,請問如患上彈弓手病怎辩
Tina:
彈弓手食療作用不大,建議看針灸才成.
早晨芳姐，我仔30歲，身體背脊經常生蒼，是否他體內毒素多，有什麼食療能幫他。謝謝!
儀妺:
你仔仔可能有些熱毒未清,可以用鮮土茯苓2兩,綠豆,生薏米各1兩,陳皮1個,蜜棗2粒煲排骨湯供服,此湯全家可飲,一星期2劑.
芳姐,請問如有彈曲生可怎辦
芳姐：
你好, 我老公中左甲流後, 已經好返, 但一直咳不好, 咳了半個月了, 食完藥好D但過了又咳, 日頭咳, 夜晚無咳, 無痰, 喉嚨癢, 講野同食野就喉嚨癢, 不停咳, 請問可以煲咩湯水呢. 謝謝
mandy:
川貝能減少氣管痙攣咳嗽,可用川貝3錢,蘋果1個,桔餅1個切碎,4碗水煮成2碗供服,連服3劑.
你好!小兒剛氣管炎病好,請問現在有什麼湯水適合他?謝謝!
miffy:
你可以用淮山,茯苓,蓮子,芡實,百合各1兩,紅棗6粒,陳皮1個煲排骨湯,全家可飲,有助健脾胃,助吸收,增强體質.
芳姐：
你好！剛經期第三天！昨晚洗澡後腰腹痛！可以怎樣舒緩？前排中醫話濕熱.早上起來口好乾！我本身有虛不受補！可以怎樣補充？謝謝！
Ming:
你可以用四神瘦肉湯作調理,對濕熱腹痛有幫助.用料是淮山,蓮子,茯苓,芡實各1兩,口乾加玉竹,麥冬各3錢煲瘦肉湯服,全家可飲,連服3劑,不寒不燥的.