By 芳姐 ( 26 4 月, 2020 at 3:22 下午)
· Filed under 小兒常見病
父母最開心的是見到小朋友快高長大，聰明伶俐，但有些小朋友開始吃固體食物後會忽然間不思飲食，或含住口飯餸久久不肯吞下，口氣又大，或出現脘腹脹滿，大便溏泄與及便秘等情況。
這種表現可能是腸胃積滯，亦可能與小朋友口水分泌有關，因為幼兒出牙仔多流口水，引致口水分泌減少，倘若小朋友吃飯未經充份咀嚼，或只喜歡吃油膩及偏甜的食物，也容易引致消化不良，甜食更會令體內濕氣積聚，令腸胃難以消化。
「馬蹄穀芽麥芽粟米湯」有健脾胃、消積滯、去濕氣等作用，對幼兒出現消化不良，泄瀉及便秘，小便黃，口氣大等都有幫助。
用料是：穀芽、麥芽5錢，粟米1支，馬蹄5~6粒，無花果3粒。
做法：粟米去衣，連鬚洗淨，切段；馬蹄去皮切片；穀芽、麥芽浸洗；無花果切片；全部材料用5碗水煮1小時成2碗，即可供幼兒一天分服。
~ 小貼士：馬蹄中含有粗蛋白及澱粉等物質，能促進小朋友腸的蠕動，對幼兒食積及大便秘結很有幫助。馬蹄又能解鉛毒，所以久不久煲這湯給小朋友飲對健康頗有裨益。
Permalink
谷芽，同穀芽 係同一樣嘢嗎？
Sherry:
谷芽即穀芽.谷芽是簡寫.
芳姐：
你好！
由於穀芽麥芽能健脾胃消積滯，所以我最近都會用湯袋包少少放湯裡一齊煮，例如羅漢果紅蘿蔔西洋菜湯、蕃茄薯仔湯、四神湯等，覺得他們其實是糧食的一種，所以放湯裡應無大礙吧。我想請教一下使用穀芽麥芽煮湯是否也有需要注意的地方呢，是否有些湯水是不太適合放呢？
謝謝
WING
Wing:
穀芽,麥芽加入湯料中没問題,只是哺乳媽媽不適合,有回奶作用.
我女6歲半，自從上次流感發燒過後，現在在冷氣的地方，總是說很冷，而且手腳冰涼，請問有什麼湯水可以幫她調理一下
kiwi:
你試用北茋3錢,杞子2錢,紅棗5粒,桂枝2錢,生薑3片,5碗水煮成2碗供服,連服3劑,看能否改善?
芳姐，我女6歲半，上次流感發燒過後，現在食小小野就打咯好似胃氣脹一樣，請問有什麼湯水可以調理下
kiwi:
打嗝可以用紫蘇葉2錢,生薑3~4片,紅糖少許,4碗水煮20分鐘成2碗,一天分服,一星期3劑,有助改善.打嗝時可以連飲8~9啖涼開水,要一口氣飲,可馬上停止打嗝.平時可以煲些白果胡椒粒豬肚湯,全家可飲,對脾胃虛弱引起的打嗝有幫助.
芳姐 您好。請問3個月大的嬰兒飲人奶一日沒有便便是便祕嗎？ 相當影響飲奶和睡覺。 除了給予BB肚仔順時鐘按摩，勞煩您賜教食療舒緩不適。 謝謝您。
蘇太:
BB3個月大不宜餵果汁等東西,但如果便秘是腸蠕動慢,輕輕搓揉肚仔是可行方法.超巿應該有BB食用的西梅醬,可以在4個月時間餵食,有助排便.暫時母親不宜吃太補益中藥,及煎炸辛辣食物,可以多用清潤的湯水,如木瓜杏仁無花果瘦肉湯,沙參玉竹蘋果雪梨湯等,令乳汁不會太燥熱.
芳姐：
你好！女兒今年11歲，上星期六開始感冒發燒，現時有鼻塞喉嚨痛，少許乾咳，鼻塞情況較嚴重，有影響睡眠，請問可以飲咩湯水可以舒緩？唔該晒🙏
Niki:
你可用辛夷花3錢,金銀花3錢,胖大海5粒,金羅漢果1/4個,4碗水煮15分鐘成2碗,供1天服,連服3劑,有助利咽通鼻塞.
芳姐你好！
細女9個月大，呢排出牙仔，胃口冇之前咁好，有口氣、條舌尖紅、便便硬、夜晚訓教個頭經常出汗，有時會無端端坐左起身，但訓返落去都可以繼續訓到！唔知係咪我呢排煲啲粥杰左所以消化不良而影響到佢呢排多數2日先去一次便便，開頭硬之後正常。煲粥放嘅蔬菜比例都比肉類多，都有食生果，有飲水！請問可以煲啲咩比佢飲？感謝芳姐！
Kayee:
你可以買些美國西梅乾,用3粒搗成蓉,加少許水調成西梅醬供囡囡食用,之後飲水,很快通便潤腸.舌火紅有點心胃火盛,可以用大豆芽菜半斤,豆腐2磚,無花果4粒煲瘦肉湯,全家可飲,有助清心胃火.
咁仲可以煲啲咩以作開奶茶用
kayee:
可以用蘆根3錢,麥冬3錢,無花果3粒切開煲水20分鐘作開奶茶,有助清熱滋陰潤腸燥.
明白！咁要飲用幾耐？同埋個湯水一星期可飲用幾次？感謝芳姐！
可否將你介紹嘅湯作開奶茶？感謝你！
kayee:
開奶茶4碗水煮20分鐘成2碗.大豆芽菜湯因為有肉不宜作開奶茶,作開奶茶不要放肉,煲1小時成4碗,用1碗作開奶茶都可以.
萬分感激芳姐！今日已出去買齊料煲比女女飲！
小朋友兩歲十個月大 眼生左粒眼瘡 口又生左粒飛滋
有便秘 請問可以煲咩解決以上問題 唔該曬芳姐
Ding:
你試用霸王花2兩,紅蘿蔔1個,南北杏1兩,無花果4粒煲豬肉湯,煲個半小時,全家可飲.小朋友一天分服2碗,有清熱潤腸功效,花有清熱明目作用.眼瘡要保持清潔,可以去藥房買洗眼水,用藥棉沾藥水洗眼部周圍防發炎.
芳姐你好
請問穀芽、麥芽是用生的還是炒的?
mandy:
不用炒過的.
芳姐：
新年快樂！細仔2歲哩排口氣好臭！食左保嬰丹都唔得！請問飲咩湯水好？謝謝！
菲菲:
你可以用白果15粒,去芯,生薏米1兩,馬蹄6粒,鮮腐皮半張,冰糖適量煲糖水供服,全家可飲,有助清熱氣,又不太寒涼.
我兒子一歲半，吃飯很少，冇胃口，近半年體重沒有上升，請問有什麼辦法可以解決？
Bonnie:
你試試文章這款湯,連服3劑,看能否改善?另外可以用白蘿蔔1個,雞內火2錢,陳鴨腎2個煲湯,全家可飲,仔仔飲1碗,對肉食積滯小兒有益.
你好芳姐、
我囡囡二歳多有口氣、便便亁硬（已每天食美國西梅助排便、有幫助仍難排、應該是她消化不良引致)！請問那款湯水或食材能改善或調整脾胃功能
萬分感謝🙏
Janet:
有些小朋友腸蠕動較慢,易便秘,要多飲水,多吃大蕉,木瓜,鮮無花果,西梅乾這類食物.飲水很重要,可以在兩餐之間幫囡囡順時鐘方向搓揉肚仔,有助腸蠕動.霸王花紅蘿蔔無花果陳鴨腎瘦肉湯適合囡囡飲,全家都可以飲用,能清理腸胃.
感謝🙏您的回覆⋯好的👌會努力用這食材幫她。另外、如常食淮山、小米、薏仁也適合嗎？🙏🙏
Janet:
淮山雖然健脾,但有實便功效,故便秘小兒暫時不宜用,小米,薏米可以用的.
明白、唔該曬芳姐🙏
小朋友2半歲，吾太肯食蔬菜，胃口也比以前差，近排便便吾太好，本來一日一次，衣家間中三日一次，可以飲這個嗎？幾耐飲一次？
Yvonne:
你試煲些羅宋湯,加一罐番茄膏同煮,小朋友多數喜歡飲用,椰菜,番茄,紅蘿蔔等要切得細碎些,小朋友才會食用到.粗纖維不夠一定便秘,所以一定要改善這種飲食習慣.可以去超巿買美國西梅,每次給小朋友吃4粒,然後飲杯水,很快排便.
芳姐你好，
小兒六歲，常常溏便，他一出外吃餐（就算清湯麵），或吃少少雜食（幾粒糖），也會這樣。像最近，夏天天氣熱，飲些西瓜汁，或椰青水，也會這樣。 已經盡量要他吃暖或熱的東西，常常只飲暖水，不凖吃雜食了。但始終是小朋友，什麼也不能吃，天氣又那麼熱，是難耐的。請教如何令他的腸胃強壯D？煲什麼給他吃喝？
謝謝你🙏🏼🙏🏼
樂:
你可以買些淮山粉,芡實粉,煲任何仔仔喜歡的粥品時加1~2湯匙淮山粉,芡實粉拌勻供服,有助健脾實便.我見[點點綠]和[裕華]超巿都有這類粉賣.
小兒一歲 嘴唇生飛滋 可以食啲咩幫助一下? 唔知點解佢會生飛滋 如果我用煲仔煲粥會唔會有影響?
穀芽麥芽各五錢 還是夾埋五錢?
Ching:
是穀芽5錢,麥芽5錢.
ching:
生痱滋可能有點虛火,或吃了燥熱食物,你可用大豆芽菜半斤,老豆腐2磚,雪耳3錢,瘦肉適量,8碗水煮個半鐘供服,全家可飲,連服3劑,有助清熱降火.
芳姐，早！
之前有請教孩子脾虛用牛肉泡水，但忘了份量與具體怎麼煮，再次請教芳姐。因當時存的資料找不到，給您添麻煩了。
Emily:
用3~4兩牛肉絞碎,用1大碗水浸一晚,第2天牛肉碎連浸的水隔水蒸半小時,調味即可供小朋友飲,連服3~4劑.那些牛肉渣可以加番茄,薯仔及水等翻煲,用這些湯作淥粉麵湯底供小朋友食,就不會造成浪費.
請問小朋友從小眼袋大有黑眼圈，有便秘。肚子一直唔收肚，四肢偏瘦，生長速度慢，胃口一般。可以有咩湯改善水
crystal:
你可以一星期煲這款馬蹄穀芽麥芽粟米湯2次供小朋友服;另外用淮山,蓮子,芡實,茯苓各1兩,紅棗6粒,陳皮1個煲排骨湯,煲夠個半小時,全家可飲,小朋友一星期飲2~3劑,有助健脾補腎,改善體質,但由於有便秘,故不宜吃湯料,可以去超巿買西梅汁供飲,或買美國西梅乾,每天吃4~6粒,然後飲大大杯水,有助通便.
萬分感謝
請問四臣湯（加鵪鶉）可否加牛奶比1歲半幼童飲用？謝謝!
Vanessa:
四神湯加鵪鶉歳半幼兒可飲半碗,但無需加牛奶.
芳姐：
你好！小兒四歲，最近一星期經常噯氣，有時噯氣會連續噯七、八次，肚子也較脹，請問有什麼方法改善？謝謝！
katie:
你仔仔是否飲了汽水或有氣的飲品,或過食甜食及肥膩東西,令脾胃功能失調.試用香附,砂仁各3錢,陳皮2個,4碗水煮20分鐘供服,有助化胃氣,連服2~3劑.
間中有吃糖果及維他命糖，請問是毎天服一次嗎？謝謝
katie:
糖盡量少食為宜.每天分服2碗.連服3天.
謝謝芳姐指導🙏
你好呀芳姐
我女兒一歲一個月
她最近長牙仔，而且又打完一歲防疫針
每晚半夜都喊醒兩三次，每次都要喝奶先肯訓醒
但喝奶時間相隔只差兩三個鐘
我已參考你之前的「 燈芯花 蓮子 麥冬 」連續煲了三天給給當開奶茶
請問還有其他建議嗎？謝謝
還有 我三歲的女兒也是每晚睡不好 經常半夜發惡夢 喊
但連續飲了三天「蓮子 燈芯花 麥冬」 情況好轉很多❤️❤️
但她有鼻敏感 經常打乞嗤同眼睛痕
請問有什麼湯水可建議？謝謝
毛毛:
燈芯花蓮子麥冬可加百合1兩作開奶茶及供大女服.
鼻敏感,眼敏感可以去裕華或農本方買[玉屏風散]沖劑.每次沖服時加1湯匙菊花及6朵辛夷花同沖焗5分鐘飲用,連服3劑,如見效,一星期3次,至症狀好為止.
好的 謝謝
請問百合是鮮白合定乾百合呀？
毛毛:
乾百合較佳.
芳姐,我今年二十多歲,不知是否太亱睡,最近有耳鳴,今天去看醫生,全部正常,醫生話血氣循環不好,開了些西藥,一向知道芳姐對食療很有心得,希望芳姐介紹給我.希望自己可以固本培元.不靠藥物.謝謝.
Sandy:
已回覆了Amy.可用制首烏,黑豆,杞子,南棗煲竹絲雞或瘦肉湯,煲夠個半小時,吃些湯料,連服3劑.
芳姐：請問以上湯水合適二個月幼兒用嗎？謝謝！
Karen:
2個月BB如果有胃口不佳情況,可以作開奶水供服.
芳姐你好，我囡1歲3個月大，已經咳左幾個月都未好，多數都係訓醒咳，有時食有喘咳，聽到有痰但咳唔到出來，已試過燉川貝陳皮雪梨/蘋果都未有改善，請問仲有無其他野可以嘗試？謝謝。
eva:
你可用蘇子,萊菔子各3錢入茶包袋煲瘦肉稀粥供囡囡食,連服3劑,對小兒痰咳有益.
請問係每一餐粥放三錢嗎？我囡每天食兩餐粥
eva:
這款蘇子,萊菔子瘦肉粥一天分服2次,你囡囡如果一天食兩餐粥,可以在粥料放你囡囡喜歡食的粥料.就不要另外煲粥供服.
好丫唔該晒芳姐，我試試😊
芳姐你好，請問如果連服三劑都仍有痰和喘咳可以繼續服用嗎？
eva:
如果連服3劑,有好轉,但未完全好,可以再服3劑,很平和的,不會有損健康.
好的，唔該晒你芳姐
芳姐唔好意思，忘記咗問萊服子用炒咗定係未炒過的較好？
eva:
用普通未炒的萊菔子就可以.
好的，謝謝🙏🏻🙏🏻