寶寶熱痱、濕疹—野生金銀花水
天氣炎熱，寶寶由於新陳代謝旺盛，易出汗，假如毛孔讓汗水堵塞住就會容易出現紅疹，寶寶出疹的地方有時是面仔，有時是身上皮膚摺合位置，如頸項、手彎位，大髀罅位以及背脊等，紅色丘疹一粒粒，皮膚發紅，痕癢，有時做父母的都不知道寶寶生的是濕疹還是熱痱，應該搽什麼好呢﹖
金銀花有解毒、消炎、殺菌、利尿、止癢等作用，新鮮的金銀花頗清香，可以泡茶飲，對病毒、細菌均有抑制作用。如果是野生的金銀花，殺菌消炎功效更佳，所以今天推介用野生金銀花煲水作外洗劑，對消除幼兒熱痱和濕疹均有效。
用料是：野生金銀花﹙或一般金銀花﹚5錢。
做法：金銀花沖洗後，用5碗水煮15分鐘成4碗，將渣隔走，用藥棉沾藥汁塗患處即成，洗後無需過清水。一日3次。
~ 小貼士：圖中是野生金銀花，其特點是花葉都有，開了花及没開花的混合曬乾而成。野生的香味濃、家種的味較清淡。此外用方成年人都可以用，但蠶豆症患者不能用金銀花，會出現溶血症狀的。
芳姐有一隻叫土銀花是否比金銀花更佳？是否加埋夏枯草一齊煲水用來塗患處效果更好？
小朋友成日身痕又容易比蚊咬
文:
土銀花是野生的金銀花,清熱解毒功效較强,但亦較寒涼,故適合作外洗劑.小朋友服用可以用普通金銀花,配夏枯草也可以.
芳姐,用土銀花和夏枯草同煲用來作外洗劑是否功比只用土銀花/金銀花更顯著?
芳姐,不好意思, 我看到你的: 小兒濕疹—夏枯草土銀花洗劑文章了, 謝謝
芳姐：想問女女2歲半，腋下至肚位置生幾粒小水泡，會癢！睇過西醫，醫生話唔緊要，備咗止癢藥膏搽佐一個禮拜，好返少少，但水泡無消仲繼續會有小水泡出現，請問係埋身體太濕毒？可以點處理？
請芳姐賜教，謝謝
訪客:
你試用綠豆,生薏米各1兩煲粥仔供囡囡食,食量隨意,有清熱解毒袪濕功效,可連食3天.另外可用些金銀花或土銀花水作外洗劑.
芳姐 請問BB出世幾日出黃疸 有咩方法
請問bb如果敷金銀花水敷幾耐？ 一天敷幾多次？ 敷完是否要可以搽番啲潤膚霜保濕？
訪客:
金銀花水敷10分鐘就成,1日3次.敷完塗BB用的潤膚膏.
芳姐你好，我囡今個月就兩歲。前幾日發現佢好似生咗痔瘡，少少紅腫凸起一粒，但我囡又冇便秘，唔知咩引起。想問下芳姐有冇好嘅建議。另：金銀花可以洗PP消腫嗎？
Jiuli:
小朋友都可能生痔瘡,應該看西醫治理.萬寧有[安那蘇痔瘡膏]賣,如有紅腫每日外塗2次,塗一段時間應可改善.
你好！小兒三歲，近日晚上睡覺時常常發夢，間中發夢時有喊聲。今天他告訴我他自己的口有點痛，檢查後發現他的牙肉有一粒痱滋，影響了他的飲食，吃少了很多。請問怎好？謝謝！
Miffy:
你仔仔可能有些心火盛或胃口盛才會生痱滋及睡不穩,可以用大豆芽菜半斤,豆腐2磚,雪耳3錢煲瘦肉湯,煲1小時,全家可飲,仔仔一天分服2碗,連服2~3劑,有助清心,胃火.
芳姐，我家儿子13岁和我老公40岁，他们两个每天晚上洗完澡，背都会出很多汗，但平时又不会出很多汗的，这是什么体质？应该注意什么呢？
hrzly:
會否沖涼的水過熱有關?出汗多可以用炒香的浮小麥泡茶供服,加紅棗煲水飲亦佳.用3湯匙,煲15分鐘飲.
芳姐
你好，我小朋友今年4歲半，佢平時吃嘢都吃得唔錯的，极少會吃零食，就係唔長肉同高，依d情况係唔係脾虛，請問有冇咩湯水可以調理？由細到大氣管都唔係咁好的，仲有依排舌頭白白地，聽講太子参 雞內金 淮山 獨腳金 無花果 瘦肉一齊煲，可以健脾消食，
唔識曬🙏🙏
Elsie:
你可以一星期煮2次[四神排骨湯]供小朋友及家人服,能健脾益氣袪濕.太子參雞內金這款湯一星期1次都有益,能消積滯,健脾胃.
芳姐你好，小兒今年8歲，剛剛昨天發現他上眼皮生了一粒眼瘡，請問有什麼方法或食療，去治療不適呢？🙏🏻萬分感謝！
Waii:
你可用菊花,金銀花各1湯匙入茶包袋泡茶供服,泡完茶的茶包袋趁微微温熱敷眼,有助消炎.一日2次.
芳姐，請問可以待涼後加少許蜂蜜飲用嗎？謝謝你
Waii:
可以將茶包取出後加蜂蜜的.
芳姐：
你好，請問蠶豆兒如有熱痱/濕疹，可以有什麽合適的外用洗劑或搽藥？10歲
謝謝
訪客:
蠶豆症患兒可用蒲公英,野菊花各5錢煲水作外洗劑,煲7~8分鐘,1日分3次洗.
請問如果是蠶豆症初生嬰兒也適用嗎？
訪客:
蠶豆症患兒可以用蒲公英,野菊花水作外洗劑.金銀花會引致溶血,絕對不能用.
芳姐:
妳好!感謝妳一直以來為我解答问題,去年媳婦誕下一对龍鳳胎現已經13个月,孫女皮膚沒有問題但孫仔出世則皮膚差,醫生曾配药膏外用但沒有好轉,現13个月皮膚仍有粗糙表皮(頭頂亦有),請問是何原因?是否用以上金銀花外洗也可以?平時可飲小兒”七星茶”嗎? 謝謝妳宝貴時間回覆.
King King
king king:
你孫仔的皮膚毛病可能與濕疹有關,可以用金銀花水作外洗劑,但水一定不要過熱,40度以下就成.試用施巴的嬰兒潤膚乳液作外塗,不算太貴,對BB乾燥皮膚有益.七星茶主要治療寶寶上火的,不是個個BB適合,如體質較弱就不宜常用.
小朋友兩歲半，近排右眼上皮會突然紅腫，之前以為比蚊咬揸左蚊膏退左，但間中又再繼續紅腫，有時係小小紅，好似想腫甘，有時係腫左一粒甘（好似蚊懶），不過一段時間又冇左，用金銀花抹眼有冇用或者可以點做🙇🏼♀️
Yvonne:
可以用金銀花,菊花泡茶供服,然後趁温暖用紗布包住敷眼皮,有助消炎.
芳姐，已經敷左幾日，有好轉，但吾敷就會突然又腫起一舊好似蚊癩甘，短時間會消失，不過感覺好似想腫想腫甘，仲有咩辦法可以消除🙇🏼♀️
Yvonne:
如效果不太好,建議要看醫生作檢查,因為單一隻眼紅腫應該了解眼底有没有毛病.
芳姐，請問新鮮的金銀花如何泡茶飲？花摘下來，洗一洗直接泡熱水嗎？謝謝您的回答
joyce:
鮮金銀花清洗淨,即可以取一撮放入杯內,加入開水焗5分鐘可飲.