陰虛胃熱—鮮石斛玉竹麥冬烏雞湯
在菜巿塲的山草藥檔買到一札鮮石斛，頗為粗壯及新鮮。據說鮮石斛榨汁飲或泡茶常服有助防癌，石斛無論鮮品或乾品都能益胃生津、滋陰清熱。用鮮石斛配合有養陰生津、潤肺清心，以及有養陰潤燥，除煩、止渴的玉竹同煮湯，對陰虛胃熱，口苦口乾、體質虛弱又虛不受補人士很有益。
「鮮石斛玉竹麥冬烏雞湯」是一味家常滋補湯水，補而不燥。適合糖尿病、心血管病、陰虛胃熱、心煩失眠及腸燥便秘者飲用。
用料是：鮮石斛1兩，玉竹5錢，麥冬5錢，紅棗4粒，烏雞半隻。
做法：鮮石斛、玉竹、麥冬分別浸洗，石斛切段；紅棗去核；烏雞斬大件後出水；全部材料用8碗水煑2小時成4碗即成。
~ 小貼士：此湯清潤可口，老少可服。對緩解冠心病心絞痛、胸悶不舒及熱病後津液不足、咽乾口渴者均具療効。但痰多濕熱者不宜。
，
芳姐
我最近又經常作喉嚨痛，食完西藥夜晚瞓覺會流汗， 之前以經飲過浮小麥南棗黑豆茶， 但個身體好容易病，睇中醫話我有虛火， 食少少煎炸嘢就會爆瘡， 同時每日中午後經常好口乾要飲好多水先得，請問有什麼湯水或食療啱我素食的,謝謝
ManMan:
你可以用花旗參,麥冬各1湯匙泡茶常服,對口乾者有幫助.可沖泡至淡.盜汗可以繼續飲浮小麥南棗黑豆茶,亦可加3錢五味子同煮,有歛汗作用.
芳姐:
如果平時煲湯有什麼湯水適合(素食)，可以增強抵抗能力同去虛火,謝謝
繼續飲浮小麥南棗黑豆茶飲幾多日？ 平時經常會有胃痛可加五味子嗎🙏
訪客:
胃痛不要加五味子了.
ManMan:
可以用栕松茸,杞子,雪耳,南棗各適量煲栗子或腰果或豆類的湯作調理,能增强免疫力.又不易上火.
唔該晒芳姐🙂
芳姐你好！
我常有胃氣脹痛，已經睇咗中醫幾次，飲左中藥後舌胎黃厚胃氣又唔識好，轉左睇西醫話我可能是十二指腸問題，俾左化胃氣藥及抑制胃酸藥食緊，舌胎黃厚有什麼可以食療改善，我平時手腳容易冰冷，平時有什麼湯水適合我呢！此款烏雞湯適合我嗎？麻煩芳姐回覆🙏
玲:
你可用砂仁2錢,香附3錢,黨參3錢,白朮3錢,茯苓4錢,甘草2錢,紅棗5粒,陳皮1個,5~6碗水煮1小時成2碗,一天分服,連服3劑,看能否改善?如有改善,一星期2劑.手脚冷加2錢桂枝同煮.烏雞湯可以飲.
多謝芳姐回覆！以上砂仁等茶紅棗改南棗可以嗎？我現時喉嚨有啲痛可能有點熱氣，是否要加點什麼呢！西藥是否照常食！麻煩晒芳姐🙏
玲:
喉嚨有點痛暫時不要飲補益湯,煲些金羅漢果胖大海茶,待喉痛好了才飲,紅棗可改南棗.
可否用亁石斛代替？
芳姐你好！
小朋友2歲多，朝早起身會有痰，舌頭有點白，大便有點粘粘，可以煲咩飲？
同埋要唔要戒口？
謝謝！
芳姐：
1.懷孕3個月，可否飲竹芋丶鯽魚丶瘦肉丶薑丶果皮湯。
2. 上述的湯，還需要加其他材料嗎？
謝謝你的回覆！
May
May:
懷孕3月可以飲竹竽鯽魚瘦肉陳皮湯.
芳姐, 你好!
女兒早前睇中醫, 醫師說她肝火重, 有什麼食療可幫助呢?
Susanna:
肝火盛可以煲些夏桑葉茶供服,坊間有茶包沖劑的.用雞骨草1兩,綿茵陳5錢,黃豆1兩,紅棗3粒煲瘦肉湯服亦有助清肝熱,要煲2小時,全家可飲.
芳姐，你好
最近開始耳鳴，睇過西醫檢查過，耳仔無事。
話我應該血液循環唔好導致。
請問有冇咩食療可以幫到我？
同埋有冇咩需要戒口？
謝謝賜教！
May:
你可用製首烏5錢,桑椹子3錢,黑豆1兩,南棗5粒煲瘦肉湯服,連服3劑,如有改善,一星期2劑.要戒生冷寒涼之品.
感謝萬分🙏
芳姐你好
請問在月子里沒有坐好月子入左風,依家生左小朋友己十年.但近排濕氣重令到條腰痛.想指教有冇方法可以調理可以去除內濕氣（己看中醫話說時間太長,己沒有濕氣這回事).聽說月子病難調昰否有方法可🈶️打救?感謝!
Jenny:
你可用巴戟,杜仲各5錢,川牛膝3錢,黑豆1兩,紅棗或南棗5粒煲豬尾骨湯服,連服3劑,如有改善,可一星期2劑,至症狀好為止.此湯全家可飲.
芳姐
小朋友爛咀，相信是食過多煎炸物引致，請問有甚麼食療可舒緩，同時亦適合一家大小食用。
謝謝!
Ann
Ann:
可以用大豆芽菜半斤,豆腐1~2磚,蠔豉5~6隻,生薑2片煲瘦肉湯,全家可飲,煲夠2小時,最好吃些湯料,有清胃火,改善痱滋,唇瘡及降虛火功效.