滋陰補腎—椰子粟米栗子湯
友人由於工作關係經常熬夜，面色萎黃較同齡人士看起來更顯老，但又虛不受補，一吃補品即易上火，故建議不妨多飲些素湯，以滋潤為主，當然營養要豐富易於吸收，今次推介這款「椰子粟米栗子湯」有滋陰補腎、清熱潤燥、養顏潤膚等功效。
細細個的印度椰子蛋白質含量高，同時富含維生素B，對改善心臟功能、中和胃酸、防尿道炎等均有功效。
用料是：印度椰子1個，粟米2支，栗子6~8粒，紅棗5粒。
做法：椰子洗淨後切片；粟米去衣後切段；栗子去衣；紅棗去核；全部材料用8碗水煮個半小時成4~5碗，即可連湯料同食。
~ 小貼士：印度椰子味道香濃，但較易霉變，故需要小心揀選。此湯清熱潤燥，對經常捱夜人士有幫助，可以加肉類同煮。
芳姐
你好，我仔仔5歲，重只有15Kg,高106咋，成年有高過肥過，這排都冇咩胃口，舌胎有白色，又瞓得唔好，一個星期已經煲2⃣️次4⃣️神湯飲，但冇咩改變，請問仲有咩湯水可以調理？唔該曬🙏☺️
Elsielam:
你可以去裕華超巿買藕粉,內裡是一包包獨立包裝的,每次用小米適量煲粥,可加仔仔喜歡的食材,煲好後加入一包藕粉,煮至粥稠即可供食,一星期3次,小米最健脾胃,藕粉除了令粥香滑,也健脾補血,服1個月,看能否改善?舌苔白可以煲些雲苓白朮扁豆衣蜜棗水飲,連服3劑.
你好，芳姐
我媽七十幾歲，上星期做手術切除部份腎，因生水泡，而且佢有三高，特別是糖尿，請問這款椰子粟米栗子湯係咪唔適合佢飲？
Miss Kan:
老人家有糖尿就不宜用椰子,可改用鮮淮山1條,紅棗用4粒就成,全家可飲.
您好！ 芳姐
我先生腸易激症常肚瀉， 印度椰子的椰油會易瀉嗎？ 謝謝您！
Ms wong:
肚瀉不宜過用椰子油,少量可以.腸易激症要保持心平氣和,少激動.可用白芍4錢,白朮4錢,防風3錢,陳皮2錢,甘草1錢,5碗水煮成2碗服,連服4~5劑,有助舒緩.
您好！ 芳姐
我先生腸易激症常肚瀉， 印度椰子的椰油會易瀉嗎？ 謝謝您！
NEvAdSCioOwcsz
芳姐你好，
昨天我開刀剝智慧齒，醫生開了抗生素手口消炎藥給我吃5天，但我今天開始有反胃感覺，不知是否西藥傷了脾胃？加上有傷口，食物和飲料都只可以放涼先吃，胃受不了！現階段可以有什麼湯水適合我！謝謝🙏🏻！
yumama:
抗生素易影響脾胃功能,只要停藥後多用淮山,蓮子,芡實,紅棗等健脾食材煲湯飲就成.加3,4片北茋同煮有助傷口加快痊癒.
芳姐你好……
請問牛蒡寒涼可否加薑先用獲炒兩炒後用嚟煲湯呢😅🙏🏼
Ship:
怕寒涼加多兩片薑煮就成.
芳姐你好
仔仔2歲半，昨晚打好多乞嗤，但又出汗，訓覺時都出汗，但今朝起身又不停咳，請問知道是熱咳定寒咳呢？龍脷葉蘋果南北杏湯適合嗎？謝謝
你好 芳姐
我依家坐緊月；肚皮起左好多紅疹;越抓越痕；密密麻麻；請問有咩方法？唔該你。
紅疹是一坨坨的 不是一粒粒的 腫腫的
貞:
你可能患風疹,多由於吃了或接觸過致敏物引起,故最好記錄一下發病當天吃過或接觸過的東西,逐樣試,試到了以後不吃就成.可試用黑豆1兩,黑芝麻5錢,黑棗6粒,5碗水煮成2碗服,最好吃些湯料,連服3劑.