提升小朋友免疫力—檸檬薏米水
疫情仍然不穩，無論大人或小朋友都要做好防疫措施以防受感染，加上近日有多間幼稚園爆發上呼吸道感染個案，因此增强免疫功能甚為重要。
新鮮檸檬富含維生素C，能增强免疫系統功能，更有殺菌功效，加温熱水飲用，有助將喉嚨積聚的濃痰排出。
薏米除了能清熱袪濕，健脾胃、利小便、消水腫、寧心神外，尚能殺少量病毒。故今天推介這款好味有益的「檸檬薏米水」給大家，尤其適合剛上幼稚園的小朋友飲用。
用料是：鮮檸檬1個，生薏米2兩，冰糖適量。
做法：檸檬切薄片；薏米浸洗，用6~7碗水先煮45分鐘，加入冰糖煮溶成3~4碗後熄火，放入檸檬片，焗7~8分鐘可飲。
~ 小貼士：此味飲品味道清甜可口，老少皆宜。如不想用冰糖，可用2~3粒蜜棗代替。雖然檸檬所含有的維生素C受本身的檸檬酸所保護，但為免維生素C在加熱過程中損失過多，最好熄火後才放入。此飲品孕婦不宜。
芳姐 你好，今早買了一斤生薏米回家打算整檸檬薏米水，但一下子放了一半薏米浸泡，真的太多了。請問已經浸泡的薏米可以留一半放回雪櫃等明日再用，定還是一次過煲，煲好放雪櫃，明天加熱飲？如果家中有人咳，喉嚨乾，鼻痕又有少少鼻水，又可以加啲咩一起同煲？ 謝謝你
殷媽:
薏米放多了可以留一半放雪櫃,第二天再煮.另外一些可配竹蔗,紅蘿蔔,馬蹄煲水供服,有助清肺熱,利咽喉.
小朋友兩歲，有濕疹，平時煲什麼比佢飲較好？🙏🏼
Sally:
你可用綠豆,生薏米各1兩,海帶少許,冰糖適量煲水1小時供小朋友服,有助減少濕疹發作.全家可飲.
建議幾耐可飲一次？謝謝
Sally:
夏天可以一星期1~2次.
小朋友3歲半，一上幼稚園就經常感冒，一病就病好耐，最近鼻涕黃，咳嗽時好似有痰，舌苔白而厚，有啲口臭，小朋友可以飲咩？因住國外，材料吾多，家中川貝，生薏米，虎乳靈芝，靈芝，金銀花，胎菊/菊花,夏枯草等等，以上材料有無合適用？
日後可以係香港買到乜野，調理小朋友身體？
舌苔白/黃，係吾係因為濕氣重？謝謝
Ant C:
小朋友一上學容易感染上呼吸道疾病,要本身儲夠一定(抗體)才可減少患病.舌苔厚有口臭多屬脾虛有濕同時有點熱,可以用生薏米5錢,虎乳靈芝3錢,扁豆1兩(如買到扁豆衣,用3錢更佳),陳皮1個,加少許冰糖煮1小時服,連服3劑,看能否改善?如咳有痰可以蒸隻去衣及切片洋葱,蒸半小時,用湯匙壓大約3湯匙洋葱汁服,有助袪痰止咳.如在港可以買罐裝[四神粉],或[養生四寶粉],經常加些牛奶及蜜糖沖泡服,有助健脾袪濕,增强體質.你可以上網看何處有售,郵寄去都可以
Thankssss
如當小朋友流清嘅鼻水/發燒時，可以飲咩平和嘅湯水？太子參湯？
大人小朋友係冬天可以飲清補涼湯水嗎？
如果小朋友病好，可吾可以飲燉冬蟲夏草水？
四神湯（淮山次實蓮子茯苓，可否加埋太子參／虎乳靈芝）小朋友大人可否日日食？
再次感謝芳姐回覆😊😊
Ant C:
發燒時不宜用任何補益食材,以免病邪坐大很難趕走它.檸檬薏米水可以飲,有助消炎抗病毒.没發燒可以適量用太子參給小朋友服用.冬蟲草水有益,但售價貴,燉湯後的蟲草可撈出剁碎拌入肉碎中蒸餸供食,不會浪費.四神湯可加虎乳靈芝和太子參,没問題,但不宜天天服用,都要小朋友自己身體[工作]的,一星期3劑已足夠.
明白🙏🙏🙏thanks
芳姐，你好！請問八歲囡囡呢排成日下午和半夜時間話肚痛，但又無需去廁所大便，應該煲些什麼醫治或調理？謝謝！
Zoezhu:
你囡囡無故肚痛最好看醫生作檢查.因為痛是一個警號並非疾病,要了解什麼原因引起才能推介食療.忌吃生冷及凍飲,少吃太肥膩及煎炸食物.
好的，謝謝
芳姐好，小囡3歲斷斷續續病咗個半月，宜家日頭間中咳，聽得出有痰，鼻涕仲係有D杰，有少少緑。前幾日有煲桔餅陳皮水佢飲，但昨日開始屙爛屎，冇再煲俾佢飲。今日上晝屙咗一次爛屎，我蒸咗個蘋果俾佢食。請問有冇適合湯水改善下。謝謝！
Jiuli:
你試用紫蘇葉2錢,生薑3片,葱白4棵,辛夷花6朵滾瘦肉湯供服,連服2劑,看能否改善鼻涕及咳的問題.可以再蒸蘋果給囡囡作下午茶餐,有助止便溏.另外放一個去了衣,切了頂的洋葱在囡囡床邊,有助殺菌抗病毒,第二天再切去頂部一些,一個大洋葱可以放3天.
芳姐你好，小囡已經冇鼻水，但間中有咳一兩聲，好似仲有D痰，家中有雪梨，請問可以同咩煲對佢有幫助？謝謝！
jiuli:
可用川貝2錢燉雪梨水供服,有助袪痰.
芳姨，
2歲幾小朋友一轉天氣就感冒，可以飲啲咩湯水補補? 同埋佢而加有咳日夜都咳，同有少少，可以煲咩湯水舒緩快啲好? 已經睇左西醫
唔該
LingMa:
可以用蟲草花4錢,虎乳靈芝3錢,雪耳2錢,南北杏1兩，紅棗5粒,陳皮1個煲鵪鶉或鷓鴣湯供服,有助補益肺腎,改善體質.一星期2~3劑,至症狀好為止.
你好 芳姐，
最近，我囡 2歲 傷風了， 鼻水倒流令到不斷咳，也有咳不出的痰。
請問有食療什麼可以幫助？ 謝謝！！
grana:
你囡囡可能鼻水倒流引致咳嗽,可以用辛夷花6朵,剪開，陳皮1個剪碎泡茶供服,可加少許蜜糖,連服3劑,有助收鼻水,化痰.
芳姐
你好，小朋友2歲，最近睇左4次西醫，食得西藥多，請問煲d咩湯水可以清下佢？謝謝！
Tsz Yan:
你可以用百香果半個,將肉刮在杯內,加1片檸檬,加蜜糖沖温水供服,有助排走西藥毒.連服3天.
您好！芳姐！
我女儿今年十岁，最近一直感冒反复，早上起床有时连打喷嚏，有时声音都变了，喝了999感冒冲剂一直反复，请问应该怎么调理？
璇:
你可去裕華或農本方買[玉屏風散]顆粒沖劑,配6朵剪開的辛夷花同沖服,一星期3~4劑,有助増强體質,改善鼻敏感.
好的，芳姐！十分感谢🙏
芳姐，您好！辛夷花是不是要用水煮一下再加玉屏风散一同服用
璇:
辛夷花用1杯水煮滾片刻,加入玉屏風散沖劑調勻可服.
好的，谢谢芳姐！
芳姐
兒子 2歲4個月大, 幾個月後上幼稚園, 想幫助他預防感冒提升免疫力
1. 想請問 薏米水 一星期可飲多少次? 因為我平時也有用紅米薏米等煲水開奶給他的
2. 另外想請問 兒子一轉涼時 就容易大病 感染 咳嗽 氣管敏感等, 曾經2次支氣管炎, 他也是不太長肉的, 生長線keep 住最低一條
現在天氣有沒有什麼湯水可給他 預備下 打好底子呢
感激
Phoebe:
你可以去裕華或農本方買[玉屏風散]顆粒沖劑.這款中藥方劑能增强體質,減少傷風感冒,你仔仔細個,按包裝紙指示用量減半就成.薏米水一星期可用2次.
你好！ 芳姐！
小兒8 歳， 最近這星期每天晚上約八時 會大便一次。 但是大便稀爛 濕， 有臭味， 會有抹大便不乾淨， 大便粘着廁所的情況。 胃口稍稍減小， 請問可以煲什麼湯水？ ＊小兒有g6pd .＊
謝謝芳姐！
Ca to:
你的仔仔可能脾胃有濕,可以用雲苓,白朮,扁豆衣各3錢,赤小豆,生薏米各5錢,蜜棗2粒,5碗水煮1小時成2碗供服,連服3劑.
謝謝你芳姐
芳姐，你好！
我女十個月大，由於她一向都不太飲奶，一日三餐奶，只肯飲3-4安士奶。
加固後，生長線跌咗落嚟。
請問有什麼湯水會令呀女健脾開胃，可以飲到多啲奶和食多啲粥，會吸收啲？
ps: 晚上一睡覺，就算開著冷氣，會滿頭大汗
芒果媽:
你可用浮小麥5錢,青仁黑豆1兩,南棗3~4粒煲水供囡囡飲,有助止盜汗,可連服3劑.脾胃不好可以用煲些肉碎小米粥供食,如果加些少糯米同煮會黏稠好味些,連服1週,看能否改善?除了肉碎,亦可以加囡囡喜歡的食材,如去骨魚肉,牛肉碎,菠菜蓉等.
十分感謝！我試下先
芳姐你好！謝謝你上次解答我的問題。現在又有些問題想請教你，口腔內特別是早上有點酸酸味的感覺，有時吃食物的時候也會帶點酸味，也有幾粒痱滋…是胃酸倒流還是脾臟虛弱呢？可以有什麼湯水或苦茶調理，遲些會找醫生檢查的，謝謝你。
Esther:
你可能肝有熱,試用綠豆2兩,百合1兩,陳皮1塊,冰糖少許煲綠豆湯服,連服3劑,看能否改善?
芳姐，你好！奶奶喉嚨生息肉，聲音沙啞，請飲有什麼食療可以改善舒緩？謝謝！
kylie:
喉嚨生瘜肉可能需要做手術切除.平時可用麥冬1湯匙，金羅漢果1/4個，無花果3粒切片,4碗水煮成2碗供服,一星期3~4次,有助利咽開聲,消腫散結.
是的，奶奶已看過醫生，但害怕做手術。試試你的食療看看能否改善，感謝芳姐！
芳姐，如果胃寒可以用熟薏米嗎
Yanice:
胃寒可以用熟薏米.
你好, 芳姐
小女現時快9歲(3年班), 身型細少, 好多時被人以為佢讀緊 K3. 我知佢聽到有D唔開心. 有安慰佢.
她食量不差, 總係唔吸收咁. 請問有沒有什麼食療可以改善吸收. 謝謝
瑪莉:
你試用淮山,芡實,黑豆,花生各1兩,南棗或紅棗6粒,生薑2片煲鵪鶉湯供服,煲2小時,全家可飲.一星期2劑,有助長高.
謝謝芳姐.