幼兒飲食—薯仔紅蘿蔔鵪鶉湯
幼兒由2歲起應和家人一起用餐，每日三餐定時進食，而且家長最好注意日常飲食均衡，不偏食，才能幫助孩子建立良好的飲食習慣。
很多孩子不喜歡蔬菜只喜歡肉食，長期如此容易長胖，故自幼養成多吃纖維豐富的食物對孩子的健康成長才會有益，可以從湯水中加入適量的瓜果、蔬菜做起。
薯仔素有「地上蘋果」之稱，具很高營養價值，含有蛋白質、礦物質、各種維生素及碳水化合物等。小朋友常吃薯仔不僅不會發胖，還有利尿，及使肌肉强壯的功效，當然油炸的薯條及薯片熱能太高不適合幼兒多食。
紅蘿蔔是嬰幼兒最合適的食物，有健脾消食、潤腸通便、行氣化滯、明目等功效。
鵪鶉素有「動物人蔘」之稱，能滋補五臟又不肥膩，用來煲湯對小朋友生長發育甚為有益。
用料是：薯仔2個，紅蘿蔔1個，紅棗4粒，生薑2片，急凍鵪鶉2隻。
做法：薯仔、紅蘿蔔去皮，洗淨後切塊；紅棗去核；鵪鶉劏洗淨後出水；全部材料用8碗水煮個半鐘成4碗即可供服。
~ 小貼士：此湯清甜美味，老少可飲。對脾胃功能差，食慾不振、肌力不足人士亦大有裨益。
你好！芳姐，
請問小朋友分別4歲、2歲，痰多不識咳出嚟，鼻涕不識申出嚟，引致不停咳嗽，夜晚睡不好，有什麼湯水可化痰止咳？請問川貝鷓鴣湯可以飲？謝謝！
Jen:
你可以用蘇子,萊菔子,辛夷花各3錢入茶包袋中煮瘦肉湯供小朋友服,煮半小時就成,連服3劑,如有改善,停2天再服3劑.有助袪痰收鼻水.
請問小朋友有G6PD可以飲？ 另外請問這些材料可以在邊度買到？謝謝🙏🏻
Jen;
材料在中藥店有售,蠶豆症小朋友可以用.
芳姐，我個仔上星期中左Covid, 佢剛剛2歲，兒家已經好返。但係有什麼湯水可以比佢飲？佢好入之後食野無之前咁好，成日唔係好肯食野。
karen:
你可以煲圖中這款湯水供仔仔服,或用淮山,茯苓,蓮子,芡實各1兩,紅棗5粒,陳皮1個煲瘦肉或雞湯供服,有助健脾開胃,助消化吸收.全家可飲.
謝謝芳姐！我擔心佢因為食左太多西藥同埋毒素未清
，有什麼可以幫助清體內毒素？因為我哋全家人都中招。
karen:
你可用青仁黑豆3兩,甘草3錢,煲水1小時供全家服,有助清藥毒.歐芹能清腎毒,可以用6棵滾瘦肉湯,全家可飲,一星期3次,在大間超巿有歐芹賣.
請問小朋友有G6PD可以飲？ 另外請問這些材料可以在邊度買到？謝謝🙏🏻
我個孫仔四歲半上個月傷風和咳嗽之後就食慾不佳，食少少就說很飽，請問有什麼湯水可以增進食慾。
Annie:
你試用紅棗6粒去核煲小米粥供食,最好買些藕粉加入令粥黏稠好味,一星期3劑,連服2星期,有健脾胃,助吸收功效.
芳姐您好，
不好意思又想請教一下您🙏孩子4，5歲，前天晚上街上玩一身汗，冷親感冒病徵，流清白鼻水有痰聲，我煲鷓鴣，宜家好番，冇痰冇鼻水， 但晚上和日間都持續有乾咳（我估燥咳），手腳冰冷，口乾爱喝水，食菜生果會馬上咳，請問飲甚丶麽湯水或食療可止咳？龍利葉蘋果可以嗎？感謝萬分
Tina:
你試用紫蘇葉3錢,生薑4~5片,紅糖適量,3碗水滾15分鐘,趁温供服,連服2劑,有助散寒止咳.
芳姐： 請問2歲幼兒，可唔可以用沙參、玉竹、白朮丶太子參和麥冬煲湯？謝謝🙏🏻
fanny:
你用的材料只要都3錢以內,幼兒可服.
芳姐
小朋友而家2歲半，之前大便硬所以每次去廁所都好痛，慢慢就變成驚左去廁所，少少急會忍，每次都3-4日忍到好急先會去，所以每次都積左幾日好硬，惡性循環，食過益生菌同乳果糖都冇用，想問下可以飲D咩幫助佢，謝
Yuki:
有些小朋友腸蠕動較慢,可以每天給4~5粒西梅乾供食,然後飲大杯暖水,有助排便.另外兩餐之間可以幫小朋友搓揉肚仔,順時鐘方向搓揉,有助腸蠕動.
唔該晒芳姐，另外小朋友好易感冒，成日打乞次流鼻水，有D咩類似雪梨水咁可以煲完當水飲，增強下抵抗力(薏米檸檬水佢唔太鍾意飲)，感謝!
Yuki:
你試用百香果檸蜜水,有助增强扺抗力,百香果1個,鮮檸檬切片後放玻璃瓶內,倒入純蜜糖浸1晚,第二天取百香果1個刮肉汁入杯中,加入1~2片檸檬連蜜糖,調勻即可供服.百香果核可用咖啡隔將核篩走.好味的.
芳姐你好，我仔1歲2個月，啱啱發完幾日燒呢兩日出玫瑰疹，無乜胃口，請問有冇咩湯水啱佢飲？感謝🙏🏻🙏🏻🙏🏻
Alison:
小朋友患玫瑰疹可以用蘆根5錢,綠豆5錢,金銀花3錢,白菜3棵煲水1小時供服,連服3劑.
謝謝你的回覆，請問是否新鮮白菜就可以了？
Alison:
新鮮白菜就成,最好長身大棵一點的.
芳姐你好 小兒2.5歲有 g6pd 抗拒飲湯 平時水都飲得少 又瘦又細粒 見到菜又吾中意食
請問可以煮咩比佢食？
Joyce:
小朋友一定要養成吃蔬菜的習慣,否則身體偏酸性就多毛病了.可以煲些羅宋湯供服,即用紅菜頭,椰菜,番茄,紅蘿蔔,洋葱,薯仔各適量,加牛肉粒同煮,各種材料切細碎,加罐茄膏味道更佳,煑2小時等蔬菜很腍,飲湯時就會吃到蔬菜了.
芳姐您好，我仔5歲半，通常夜晚訓左之後就會成個頭出晒汗，平時如果去公園玩一熱都係頭先出汗，好似洗完頭甘濕晒，是否身體虛?請問有冇湯水可調理下？謝謝您！
Ling:
天氣熱加上小朋友好動,流汗多不出奇,如晚上流汗屬陰虛,可用黑豆1兩,浮小麥5錢,南棗4粒煲水代茶服,連服3劑.
知道，謝謝您！
芳姐你好，蕃茄是否寒涼，蕃茄牛肉湯。能否補血，謝謝
嘉嘉
嘉嘉:
番茄性平,配牛肉煲湯能補血健胃,生津.對食慾不振有益.
芳姐你好
傷風感冒咳煲什麼好？
Ella:
可以用粉葛1斤,南北杏1兩,無花果3粒煲豬展湯.對傷風感冒有益.
芳姐你好
咳有痰煲什麼好
Ella:
可以用鮮龍脷葉1兩,金羅漢果1個,紅蘿蔔1個,南北杏1兩煲瘦肉湯,全家可飲,能化痰止咳.
謝謝
乾龍利葉可以嗎
Ella:
可用乾龍脷葉5錢.
芳姐你好
小朋友寒咳煲什麼好
Ella:
寒咳可以用紫蘇葉3錢,生薑3片,紅糖少許,3碗水煮成2碗,一天分服.鹽蒸橙亦會有幫助.
芳姐你好！
請問花旗參十石斛，九歲小朋友合適飲用嗎？
分量多少？
有何好處？
謝謝！🙏
訪客:
花旗參,石斛主要益氣養陰生津,小朋友都可適量服用,9歲小朋友每樣2錢就夠.
多謝芳姐既回覆！🙏
芳姐你好
我個女差唔多十六歲，想長高，有無咩湯水適合？但係佢又唔算瘦，四肢瘦但肚很大
Guest:
可以多煲些四神排骨湯,另外加3錢田七片同煮,有助增高.
好的，謝謝芳姐
一個月飲幾多次？要飲幾耐？
Guest:
一個月可以每星期1~2次.服2個月試試.
謝謝芳姐~
另外，田七片可用田七粉代替嗎？
訪客:
可以用田七粉代替.
芳姐，謝謝你
芳姐：
不好意思，請問此方水量多少？是可以下肉類，還是屬於涼茶？先謝芳姐🙏🏼
好好敬上
芳姐您好：
求賜教！
夏桑菊，可以加入羅漢果一起煲嗎？
謝謝！
Ckl:
夏桑菊可加羅漢果同煮.
芳姐你好，請問胃酸過多可唔可以飲花茶?
Mina:
胃酸多可適量飲花茶的,加少許陳皮絲更佳.太酸的山楂,洛神花就少用.
芳姐，您好！
我兒子由英國回港，不適應香港天氣，成日都出好多汗，見佢隻腳跟都有小小腫脹；
有咩湯水可以煲俾佢飲？
謝謝您！
Aster:
你可用北茋5錢,小麥米1兩,赤小豆,薏米各1兩,蜜棗2粒,冬瓜1斤煲瘦肉湯,全家可飲,有助止虛汗,消水腫.
芳姐，謝謝您！
另外，請問，佢都有水土不服，有啲肚屙屙爛屎，呢個湯是否合飲？
感謝！
Aster:
如水土不服可在湯料中加1兩芡實同煮,薏米改為扁豆就更理想.
芳姐，
知道，感謝您！
芳姐：
很困擾，想請教，兩個多月來，我不知道是熱氣還是濕熱，我本身常夜睡不寧，故此早上常非常口乾和口苦。有時口水酸，脷苔白，不厚，但常感覺脷好鞋。
我已經隔天煲及再重複不同湯水：有沙参玉竹麥冬湯。有時轉加石斛。有紅青羅白湯，有時加金羅漢萍果雪梨湯。有西洋菜湯，冬瓜去濕湯包煲湯。有霸王花湯。雞骨草，夏枯草，魚腥草涼茶都煲過，但都無法改善上述情況 🙁
請問芳姐，我可以煲邊D湯水或涼茶好呢？先謝芳姐🙏🏼
好好敬上
好好:
你可能有些內熱及濕重,可以用蘆根5錢,麥冬5錢,茯苓5錢,百合1兩,陳皮1個,蜜棗2粒煲湯服,連服3劑,看能否改善?此湯性質平和,全家可飲,有益氣生津,健脾去濕及清心安神作用.
好好:
蘆根這款湯可用5碗水煮成2碗服.性質微涼,任何體質皆可服.