健胃消脂潤腸—沙葛合掌瓜素菜湯
在夏天又濕又熱的日子，煲些素菜湯最適合養生保健，對一向肉多菜少的打工一族尤甚重要。
沙葛、合掌瓜、紅蘿蔔在菜巿塲一年四季皆有供應，煲出來的湯清甜可口，老少皆宜，而且有健胃、消脂、降壓、潤腸及去火等功效。
沙葛又稱涼薯，有清熱氣、消脂降壓、解酒、健胃消食等功效。它的味道清甜，肉質爽脆，可作沙律或涼拌菜食用，因含有豐富的纖維質，有利腸道暢通。用沙葛配合多種素菜煲湯，對清除臟腑熱氣及解酒頗有作用。
用料是：沙葛1個，合掌瓜1個，紅蘿蔔1個，無花果4粒，腰果1兩。
做法：沙葛撕去外皮，切塊；合掌瓜、紅蘿蔔去皮後切塊；無花果剖開對半；腰果浸洗；全部材料用7碗水煮1小時成4碗即可連湯料同食。
~ 小貼士：沙葛去皮最好用小刀在頂部壓住，一片片撕走外皮，較用刨刨走外皮更省力。加入腰果一類堅果，可讓不易溶於水的維生素A、D、E、K更易吸收。
芳姐：
你好，又係我呀，我細女今年3歲，每隔幾個月我便發覺佢就會痾屎好難痾。2星期前朝朝食飽早餐就話肚痛，但冇屎痾。上星期六痾到屎忽窿勁痛爆喊，開頭痾的係羊咩屎，後來見佢辛苦幫佢唧甘油條，。昨日痾時都爆喊，我睇佢屎忽窿，見到有2條打摺的脹起了，應該是痔瘡，我只能用凡士林令佢舒緩些。今日佢可能痛，明明要痾屎都唔痾。佢已經飲好多水，亦食好多蔬菜，佢唔飲益生菌，飲完又係好難痾屎。請問有咩更加好的湯水可幫1幫d屎冇咁硬，等佢唔好痾得咁辛苦咁痛。
Money:
你可以每日給她吃4粒美國西梅,然後飲杯暖水,很快通便,或去超巿買純西梅汁,每天供她飲半杯,兌半杯暖水調勻給他服,亦很快通便,服一星期試試.兩餐之間幫她按摩肚仔,順時鐘方向按,有助腸蠕動.霸王花甘筍瘦肉湯間中可以煲給她飲.
芳姐：
好，我試試，謝謝你！
芳姐:
請問決明子要炒過才用嗎？
訪客:
決明子如果泡茶就要先炒過,否則不易出味.如煲水飲就不用炒.
Ok, 謝謝芳姐~
芳姐，媽媽70多歲有3高及眼黃班水重，醫生説只有2-3成視力，眼注射了3針效果不理想，請問有食療？🙏🙏
Apple:
患黃斑病變如果屬濕性黃斑很難治好,乾性治療效果會好些,平時多吃南瓜,番茄,紅蘿蔔,杞子,藍莓這類補眼食物.
你之前介紹的護眼食療有用？
apple:
用金蟬花，杞子、蕤仁肉煲紅蘿蔔瘦肉湯都有幫助的.
多謝芳姐，趕緊比媽媽試下先🙏🙏
芳姐：
我便秘好嚴重, 極少有便意, 一星期先去一次大便
而且好難先去到, d便便好硬好細
請問可否介紹一些湯水给我
謝謝!
用隻手按肚會感覺到d好硬的便便，成日谷著谷著，仲攪到瞓得好差，每日2、3點都會醒，4、5點先瞓得返
May:
你可以早上煲些番薯粥食,可用霸王花,紅蘿蔔,杏仁,無花果煲豬肉湯服,有助軟便.
謝謝芳姐
另外想問下如果飲四神湯健脾胃，應該吃料嗎？聽聞淮山會加劇便秘
May:
四神湯中淮山,蓮子,芡實均有健脾實便作用,所以便秘者不要吃湯料.
May:
你要多飲水,多吃粗纖維食物,可以去超巿買純西梅汁,每天飲1杯,然後多飲暖水,有助排便.
芳姐，請問扁朓腺連續幾個月重覆發炎，開頭食咗兩期消炎藥，逐漸每個月好啲但未斷尾。哩幾日仲晚晚出淡汗。煲咩飲調理下？
訪客:
你可用金羅漢果1/4個,蒲公英根2湯匙泡茶常服,可沖泡至淡,連服數天可防扁桃腺發炎.盜汗可用黑豆1兩,浮小麥5錢,南棗5粒煲水代茶服,要煲45分鐘.配瘦肉煲湯亦可.
芳姐，您好！
兒子21歲，由英國返港，發現佢食量都幾大，但食完飯有好多胃氣。
佢有講過可能因為考試期間食不定時，壓力大而引致⋯
請問可以煲咩健胃湯水俾佢飲？平時可以多食邊類食物？
佢平時早餐會飲鮮奶是否有影響？
謝謝芳姐！
訪客:
你可以用香附2錢,砂仁2錢,陳皮1個切碎,蜜棗2粒煲水10分鐘供服,有助化胃氣.四神排骨湯能健脾胃,可以飲些供服.鮮奶易產生胃氣脹,但年輕人飲些無妨的.
芳姐，謝謝您咁快回覆！
芳姐
妳好:
本人47左腳踝有水腫，有甚麼湯水或者茶可以減少這個程況？
每天下午時間就開始腫脹，不痛的。
Miss Mak:
你可以用赤小豆,扁豆各1兩,茯苓5錢,冬瓜皮1兩,蜜棗2粒煲水1小時代茶服,連服3劑.用新鮮冬瓜連皮煮亦可.
三劑意思係一日三杯？
用多少碗水煲？
訪客:
是一天分服2碗,連服3天.
多謝您
芳姐你好
請問本人有子宮肌瘤 平時可否燉肉汁飲當補身體呢？謝謝
ling060625:
有子宮肌瘤可以燉肉汁飲,少吃燕窩,雪蛤膏,快大家禽這類激素含量高的食物.亦要少吃生冷及太寒涼東西,戒冰凍冷飲.
不好意思 芳姐 如果白花膠湯岩有子宮肌瘤人飲嗎？
ling:
有子宮肌瘤可以吃白花膠的.
芳姐,請問做完切乳房再重建手術要煲咩湯飲？因為傷口很大
ling:
你可以用北茋5錢,黨參3錢,紅棗5粒,陳皮或生薑適量煲石崇魚湯服,連服3~4劑.
是否做完手術兩天飲陳皮白蘿白水，第三就煲幾日呢款湯水，飲3-4日，請問之後可以再煲咩湯水飲，謝謝🙏🏻
訪客:
你可以在網頁左方的分類按[手術後調理]即可找到有關湯水.亦可以去三聯或商務印書局找我的著作《養護好體質—手術前後飲食自療》一書作參考.
芳姐我今年二十五歳最近患上玫瑰痤瘡此病是否不會斷尾,芳姐請問可否介紹一些湯水给我謝謝,我不明為何有此病😩😰
Ada:
玫瑰座瘡好發於25~40的女性,越早治理越好,可以治好的.但要保持樂觀情緒,少吃辛辣煎炸食物.可以煲些綠豆薏米海帶糖水常服.用山楂泡茶飲亦佳.
芳姐如在打針前可否飲清熱涼茶請可否介紹
Any:
打針前可以煲些茅根竹蔗馬蹄紅蘿蔔水,或用薏米,蘆根雪梨水清清熱氣.
芳姐
請問粉葛、扁豆、赤小豆、蜜棗，可否加桑枝同煲。或可加甚麼同煲。
謝謝!
Anna
訪客:
粉葛赤扁豆湯有健脾袪濕解表等功效.如有筋骨酸痛才加桑枝,否則不用加.
請問我老公是做裝修 佢半月板痛要做手術 請問手術後煲甚麽湯
因手停就口停
請芳姐姐介紹一些湯水
多謝！
明:
手術後可以用北茋5錢煲瑤柱陳皮粥食,有助加快康復.用北茋,黨參各3錢,紅棗5粒,生薑2片煲石崇魚或海鱸魚能加快傷口癒合.
芳姐：請問黨參5錢，紅豆1兩，杞子3錢，紅棗5粒，瘦肉。應該幾多水煲幾多時間，煲成幾多碗水?化療期間都可以食黨参同杞子?需要跟藥物分隔多少時間才可以服用？先謝芳姐！
好好敬上
好好:
黨參,紅豆杞子湯可以煲1小時,6碗水煮成2碗,一天分服,服西藥後2小時飲,最好吃些湯料.
芳姐：
我個女十五歲，食好多嘢但便秘都幾嚴重，令到個肚凸凸，成日谷著谷著。唔知係唔係因為咁，個盆骨有啲歪，有無方法改善？
訪客:
你女兒可以試去超巿買純西梅汁,每天1~2杯,並要多飲水及多吃新鮮蔬菜水果,否則粗纖維物質不夠,水飲得不夠都會腸燥便秘的.可以買些松子仁作零食,有助滑腸.
Ok 謝謝芳姐~
你好 請問芬姐
BB一歲6個月 今日起身探溫 發燒38.6
前日開始流清鼻水 想問小朋友發燒應該飲咩湯水？thank
Dolores:
你可以用薏米5錢,蘆根5錢,淡竹葉1扎,生石膏4錢,5碗水煮成3碗,取汁煲粥供服,有助退燒.如燒不退要看醫生.
請問芬姐 煲粥可否加豬肉和蕃茄？ 謝謝
取汁煲粥 是否唔應該加豬肉和蕃茄？
Dolores:
取藥汁煲粥,一般加豬肉,加些紅蘿蔔都可以,很少配番茄,好像味道不太夾.
芳姐：請問打完針後可否用淡竹葉加雪梨煲水？會太涼嗎?g6pd可以用嗎？謝謝你！
Karen:
可以用淡竹葉雪梨煲水,如怕寒涼,可加無花果及陳皮同煮.g6pd患者可服.