下火袪濕—茅根竹蔗紅蘿蔔馬蹄薏米水
茅根竹蔗水是香港常用的涼茶，有清熱氣、下火及袪濕的功效。對小兒金尿尤其有效，味道又好，小朋友也不會抗拒飲用。
如果想防尿道炎，甚至防打防疫針後出現敏感出疹或生蛇，可以加些馬蹄、紅蘿蔔及生薏米同煮。
茅根涼血止血、利尿抗菌；竹蔗健脾、生津、利尿、解酒；紅蘿蔔健脾化滯、解毒、透疹；馬蹄清熱化痰、利尿降壓；薏米健脾補肺、清熱去濕。數物合用，清熱氣、下火及利尿功效甚佳。
用料是：茅根1扎，竹蔗2條，紅蘿蔔1個，馬蹄8粒，生薏米1兩。
做法：茅根切段；竹蔗破開切段；紅蘿蔔、馬蹄去皮，切塊；薏米浸洗；全部材料用7~8碗水煮1小時成4碗即可連湯料同食。
~ 小貼士：茅根和薏米均有抗菌，並有殺少量病毒功效，故這款湯對預防水痘、麻疹都有幫助。
芳姐，
忘记讲，除左半夜咳，现家上半身有很多好似湿疹既野，会痕，一粒粒凸起。
芳姐，你好。
我女女差唔多4岁，自从上个月流感之后一直咳到现家，吃左好多中药都只唔到咳。半夜醒就会k咳，有痰。成日断唔到尾，请问现家可以煲咩？
訪客:
你試用紫蘇葉3錢,生薑3片,甘草2錢,3碗水煮15分鐘,供囡囡1天分服,連服2~3劑,看能否改善?如果身上出疹,要留意是否藥物敏感,如有吃西藥的要告訴醫生較妥當.
你好，
我囡之前食過2次抗生素，咳一直都吾好，啲痰總係去吾到，燉過川貝雪梨水，鱷魚肉湯都吾見效，帶佢去睇中醫，又吾肯食中藥，話佢吾夠氣，你覺得我可以去煲啲咩俾佢飲？謝
Anthea:
你可用蘇子,萊菔子各3錢入茶包袋煲瘦肉粥供囡囡食,能袪痰止咳.如無發燒,可用虎乳靈芝3錢,雪耳2錢,南北杏1兩,無花果3粒煲瘦肉湯,全家可飲,有助强肺氣,潤肺燥.
可吾可以用蘇子萊菔子煲水飲？謝謝
Anthea:
蘇子,萊菔子可加陳皮煲水飲.
請問小朋友食飯正常，但有d瘦想肥啲，有無湯水介紹，謝謝
小美:
可以多用淮山,蓮子,茯苓,芡實,紅棗煲瘦肉或雞湯供服,有助健脾胃,助吸收.不加肉煲糖水都得,最好吃些湯料才有效.
芳姐你好，
呢排小朋友成日好肉緊咁咬人，用手指搣人吉人，老人家話小朋友肉緊成日發忟憎，有無啲湯水岩佢飲（小朋友有G6PD)，唔該芳姐
Bo Chan:
小朋友可能有些心胃火盛,可以用有芯蓮子1兩,百合1兩,燈芯草6~8扎煲糖水供服,有助清心安神,減少煩躁.有G6PD可以飲.但如果小朋友剛入學,可能由於不適應新生活而出現焦慮,忟憎,可以多和小朋友傾談,多作鼓勵和安慰,了解他受困擾原因,透過傾談令小朋友放鬆.
芳姐 小朋友兩歲多 近排平均一星期流一次鼻血。有咩湯或食物材料可以幫助？🙏🏻
媽媽tam:
你可用鮮茅根1扎,鮮蓮藕節3個,雪梨1個去核煲水半小時供服,連服3劑,有功涼血止血.
芳姐，請問22個月BB可以飲嗎？
訪客:
此湯幼兒可飲.
芳姐你好，
請問四神粉係咪可以自己整？如果屋企有齊晒四種中藥，可以自己做成粉嗎？粉狀好似方便啲，唔洗下下自己煲
訪客:
我見佐敦裕華有四神粉賣,我剛買了一罐,未食用.自己磨粉當然可以,可以洗淨後曬乾,放攪拌器磨成粉,如果用白鑊炒過更耐儲存.不過一次不要磨太多,以免變質.
ok，謝謝芳姐！
我自己將四神磨成粉，但係唔可以好似奶粉咁開，加咗熱水攪咗好耐都唔得，唔溶，飲落去仲係一粒粒。請問點解會咁？同埋可以點做？
訪客:
因為磨得不夠幼細,可以加些淡奶,粟粉水同煮成糊狀就易入口.
好的，謝謝芳姐！我會試吓
芳姐你好，想請教你淮山粉和紫淮山粉功效分別大嗎？小朋友5歲平時飲食吸收唔好想每日食小小淮山粉有幫助嗎？謝謝你
芳姐，
食了油膩食物後食橙再食雪糕，跟住就肚痾，
到今日第3日仍有點痾便爛，可以吃甚麼止痾，謝謝妳!
田:
你可以用炒扁豆1兩,芡實1兩,陳皮1個煲粥食,有助健脾實便.
Wing:
紫淮山粉含花青素,有助延緩衰老,明目.小朋友可以適量食用.
芳姐：請問沒有冬瓜，煲魚翅瓜可以有同樣功效嗎?先謝芳姐！
好好敬上
好好:
魚翅瓜是南瓜一種,有降血糖作用,又補中益氣.但如果用魚翅瓜,不妨加支粟米同煮,有助利尿消腫.
芳姐：請問有什麼湯水可以去腳腫?（係化療藥物引致的副作用）。
如果用姜水或香茅可以去腫嗎？還是會有反效果？先謝芳姐！
好好敬上
好好:
你可以用赤小豆,薏米各1兩煲冬瓜湯服,或再加茯苓5錢同煮,能有效消水腫,藥物引起的一樣可消腫.
早晨，芳姐，請問南豆和扁豆有分別嗎？因價錢相差幾遠吓，謝謝解答。
Wing:
扁豆又稱南扁豆,南豆.應該是同一種豆類.不過坊間有炒過的扁豆,和未炒製過的,大概價錢有點分別.