肩頸膊痛—粉葛老桑枝豬展湯
天氣忽冷忽熱，如果體質較差，很容易患上傷風感冒，感冒初期會有發熱頭痛，頸背强痛等不適，用粉葛煲湯服有助解肌退熱、生津止渴、通經活絡。
對一些經常食辣及吸煙、喝酒易上火的人，平時也可以多煲些粉葛湯作調理。由於粉葛有通經活絡、調理氣血的功效，故對一些肩頸膊痛或五十肩人士，可多用粉葛、桑枝等煲湯，有助舒緩肌肉疼痛不適。
老桑枝能袪風濕、利關節，治風寒濕痺、四肢拘攣等，配粉葛同煮，其利關節及鎮痛功效更顯。
用料是：粉葛1個，老桑枝3錢，紅腰豆1兩，蜜棗2~3粒，豬展一大隻。
做法：粉葛撕去外皮，洗淨切塊；老桑枝、紅腰豆分別浸洗；豬展切大塊後出水；全部材料用10碗水煮2小時成4~5碗即成。
~ 小貼士：此湯清香無甚藥味，老少可服。對感冒項背强痛、五十肩及中風、胸痺心痛者都有幫助。
芳姐你好
我家八十長者之前三月在馬路跌倒，當時膝頭下巴瘀黑，有睇跌打。
近里個月頭佢膊頭好痛，原來佢跌落地時左胸撞到地，同條氣有點喘同頂住脹住個胃唔舒服，唔知系咪食消炎藥多影響。
我早幾日同佢睇骨科照過，話佢有肩周炎同膊頭骨有小小退化，醫生無開藥佢食，只做物理治療同針灸。驚佢食得太多消炎藥唔系咁好。
但做完物理治療到第二日又痛，同個胃都唔舒服。見到佢咁心痛。
想請教芳姐有咩湯水食療可煲比佢飲。謝謝芳姐。
芳姐你好
我家八十長者之前三月在馬路跌倒，當時膝頭下巴瘀黑，有睇跌打，當時我請教芳姐教我煲田七3錢雞血滕5錢肉蓯容5錢紅棗4粒煲比佢湯，飲左好好多。
近里個月頭佢膊頭好痛，原來佢跌落地時左胸撞到地，同條氣有點喘同頂住脹住個胃唔舒服，唔知系咪食消炎藥多影響。
我早幾日同佢睇骨科照過，話佢有肩周炎同膊頭骨有小小退化，醫生無開藥佢食，只做物理治療同針灸。驚佢食得太多消炎藥唔系咁好。
但做完物理治療到第二日又痛，同個胃都唔舒服。見到佢咁心痛。
想請教芳姐有咩湯水食療可煲比佢飲。謝謝芳姐。
Ka:
圖中這款粉葛老桑枝湯你加2錢桂枝,可以連煲3劑給老人家飲用,桂枝能引藥上行,加快療效,全家飲加栗子3兩同煮更佳.
hi，芳姐，月經黎可以飲嗎？可以轉鲮鱼ma
h:
來經可以飲的,可加鯪魚同煮.
芳姐您好, 有痛風者可吃紅腰豆嗎? 謝謝回覆
訪客:
痛風患者可以食用的豆只有赤小豆,其他豆未必合適.
芳姐你好，我仔和兒媳兩個輪流感冒咳嗽，一個熱底一個寒底，有什麼食療能幫他們。謝謝！
儀妹:
可以滾些芫荽葱生薑鯇魚片水供服,如有喉痛加4條茶瓜或1隻皮蛋同10分鐘,無論寒熱底都有解表作用.服2劑,用量隨意.